Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32004R1813

1813/2004/KE: Regolament tal-Kummissjoni (KE) Nru 1813/2004 tad- 19 ta' Ottubru 2004 li jemenda r-Regolament (KE) Nru 1433/2003 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 2200/96 dwar il-fondi operattivi, programmi operazzjonali u għajnuna finanzjarja

ĠU L 319, 20.10.2004, p. 5–6 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 330M, 9.12.2008, p. 38–39 (MT)

⏵Dan id-dokument ġie ppubblikat f’edizzjoni(jiet) speċjali (BG, RO)

Legal status of the document No longer in force, Date of end of validity: 31/12/2007; Impliċitament imħassar minn 32007R1580

ELI: http://data.europa.eu/eli/reg/2004/1813/oj

9.12.2008   

MT

Il-Ġurnal Uffiċjali ta’ l-Unjoni Ewropea

38

REGOLAMENT TAL-KUMMISSJONI (KE) Nru 1813/2004

tad-19 ta' Ottubru 2004

li jemenda r-Regolament (KE) Nru 1433/2003 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 2200/96 dwar il-fondi operattivi, programmi operazzjonali u għajnuna finanzjarja

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament (KE) Nru 2200/96 tal-Kunsill tat-28 ta' Ottubru 1996 dwar l-organizzazzjoni komuni tas-suq fil-frott u l-ħxejjex (1), u b'mod partikolari l-Artikolu 48 tiegħu,

Billi:

(1)

Ir-Regolament (KE) Nru 1433/2003 tal-Kummissjoni (2) jipprevedi fl-Artikolu 17 tiegħu li l-Istati Membri, wara l-approvazzjoni tal-programmi operattivi ppreżentati mill-organizzazzjonijiet tal-produtturi, jistipulaw l-ammont approvat tal-għajnuna mhux aktar tard mill-15 ta' Diċembru tas-sena li tippreċedi l-implimentazzjoni ta' dawn il-programmi. Bl-għan li tittejjeb il-ġestjoni baġitarja tal-organizzazzjoni komuni tas-suq, jaqbel li l-Istati Membri jinformaw lill-Kummissjoni bl-ammont globali approvat tal-għajnuna għall-programmi operattivi kollha.

(2)

Ir-Regolament (KE) Nru 1433/2003 jipprevedi fl-Artikolu 26 tiegħu li d-dejta fir-rigward tal-organizzazzjonijiet tal-produtturi u tal-fondi u programmi operattivi għandha tkun is-suġġett tar-rapporti tal-Istati Membri, li jiġu kkomunikati lill-Kummissjoni kull sena fl-1 ta' Ġunju skont l-Anness III tar-Regolament imsemmi. Iċ-ċifri biss li jirrigwardaw il-ħlasijiet tal-għajnuna finali li fil-fatt saru li għandhom jiġu ppreżentati mhux aktar tard mill-15 ta' Novembru. Fid-dawl tal-esperjenza miksuba matul dawn l-aħħar snin, l-iskadenza doppja għall-komunikazzjonijiet taf tkun sors bla bżonn ta' kumplikazzjoni amministrattiva. Jaqbel li tiġi simplifikata, billi jiġi previst li r-rapporti tal-Istati Membri jintbagħtu kull sena mhux aktar tard mill-15 ta' Novembru, u jinkludu d-dejta definittiva dwar il-ħlasijiet tal-għajnuna finali.

(3)

Ir-Regolament (KE) Nru 1433/2033 jipprevedi, fl-Anness I tiegħu, lista eżawrjenti ta' azzjonijiet u ta' nefqiet li jistgħu jiġu koperti mill-programmi operattivi. Fost dawn in-nefqiet, jidhru fil-punt 2 tal-Anness imsemmi, l-ispejjeż speċifiċi tal-miżuri tat-titjib tal-kwalità li huma magħmula, fost oħrajn, mix-xiri ta' żrieragħ ċertifikati. L-esperjenza wriet li jeħtieġ li ssir kjarifika fir-rigward tat-terminu “żrieragħ ċertifikati”, permezz ta' referenza espliċita għad-Direttiva 2002/55/KE tal-Kunsill tat-13 ta' Ġunju 2002 dwar il-marketing taż-żrieragħ tal-ħxejjex (3), li tikkorrispondi għall-għan ta' titjib u ta' sostenn tal-kwalità msemmija fir-Regolament ta' hawn fuq.

(4)

Għalhekk ir-Regolament (KE) Nru 1433/2033 għandu jiġi emendat skont dan.

(5)

Il-miżuri previsti f'dan ir-Regolament huma skont l-opinjoni tal-Kumitat ta' Ġestjoni għall-Frott u l-Ħxejjex Friski,

ADOTTAT DAN IR-REGOLAMENT:

Artikolu 1

Ir-Regolament (KE) Nru 1433/2033 huwa emendat kif ġej:

1)

Fl-Artikolu 17, jiżdied il-paragrafu li ġej:

“L-Istati Membri għandhom jikkomunikaw lill-Kummissjoni, fit-30 jum wara din id-data, it-total globali tal-għajnuna approvata għall-programmi operattivi kollha f'daqqa.”

2)

Fl-Artikolu 26(1), id-data 1 ta' Ġunju tinbidel bid-data 15 ta' Novembru.

3)

Fl-Anness I, il-punt 2(d) jinbidel bit-test li ġej:

“(d)

miżuri ta' titjib tal-kwalità, inklużi l-miċelju u l-pajnti ċertifikati u ż-żrieragħ tal-kategoriji ‘żrieragħ ta' bażi’ u ‘żrieragħ ċertifikati’, hekk kif definiti mid-Direttiva 2002/55/KE tal-Kunsill (*).

(*)  ĠU L 193, 20.7.2002, p. 33.”"

4)

Fl-Anness III, il-parti 3, jitħassar il-punt 3.

Artikolu 2

Dan ir-Regolament jidħol fis-seħħ fit-tielet jum wara dak tal-pubblikazzjoni tiegħu f'Il-Ġurnal Uffiċjali ta' l-Unjoni Ewropea.

Minkejja dan, l-Artikolu 1(3), ma japplikax għall-programmi operattivi diġà approvati mill-Istati Membri.

Dan ir-Regolament għandu jorbot fl-intier tiegħu u huwa applikabbli direttament fl-Istati Membri kollha.

Magħmul fi Brussell, 19 ta' Ottubru 2004

Għall-Kummissjoni

Franz FISCHLER

Membru tal-Kummissjoni

(1)  ĠU L 297, 21.11.1996, p. 1. Ir-Regolament kif emendat l-aħħar bir-Regolament (KE) Nru 47/2003 tal-Kummissjoni (ĠU L 7, 11.1.2003, p. 64).

(2)  ĠU L 203, 12.8.2003, p. 25.

(3)  ĠU L 193, 20.7.2002, p. 33. Id-Direttiva kif emendata l-aħħar permezz tar-Regolament (KE) Nru 1829/2003 tal-Parlament Ewropew u tal-Kunsill (ĠU L 268, 18.10.2003, p. 1).

Top