EUR-Lex Access to European Union law
This document is an excerpt from the EUR-Lex website
Document 32004R0602
Council Regulation (EC) No 602/2004 of 22 March 2004 amending Regulation (EC) No 850/98 as regards the protection of deepwater coral reefs from the effects of trawling in an area north west of Scotland
Ir-Regolament tal-Kunsill (KE) n 602/2004 tat-22 ta' Marzu 2004 li jemenda r-Regolament (KE) Nru 850/98 dwar il-protezzjoni ta' sikek tal-qroll fl-ilma fond mill-effetti ta' sajd bit-tartarun f'żona fuq in-naħa tal-majjistral ta' l-Iskozja
Ir-Regolament tal-Kunsill (KE) n 602/2004 tat-22 ta' Marzu 2004 li jemenda r-Regolament (KE) Nru 850/98 dwar il-protezzjoni ta' sikek tal-qroll fl-ilma fond mill-effetti ta' sajd bit-tartarun f'żona fuq in-naħa tal-majjistral ta' l-Iskozja
ĠU L 97, 1.4.2004, p. 30–31
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
No longer in force, Date of end of validity: 13/08/2019; Impliċitament imħassar minn 32019R1241
Official Journal L 097 , 01/04/2004 P. 0030 - 0031
Ir-Regolament tal-Kunsill (KE) n 602/2004 tat-22 ta' Marzu 2004 li jemenda r-Regolament (KE) Nru 850/98 dwar il-protezzjoni ta' sikek tal-qroll fl-ilma fond mill-effetti ta' sajd bit-tartarun f'żona fuq in-naħa tal-majjistral ta' l-Iskozja Il-Kunsill ta' l-Unjoni Ewropea, Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 37 tiegħu, Wara li kkunsidra l-proposta tal-Kummissjoni, Wara li kkunsidra l-opinjoni tal-Parlament Ewropew [1], Billi: (1) L-Artikolu 2 tar-Regolament tal-Kunsill (KE) Nru 2371/2002 ta' l-20 ta' Diċembru 2002 fuq il-konservazzjoni u l-utilizzazzjoni sostenibbli ta'riżorsi tas-sajd fil-politika komuni tas-sajd [2] jipprovdi li l-politika komuni tas-sajd trid tapplika strateġija ta' prekawzjoni fil-miżuri li tieħu biex timminimizza l-impatt ta' attivitajiet tas-sajd fuq is-sistemi ekoloġiċi tal-baħar. (2) Ir-Regolament tal-Kunsill (KE) Nru 850/98 tat-30 ta' Marzu 1998 għall-konservazzjoni ta' riżorsi tas-sajd permezz ta' miżuri ta' natura teknika għall-protezzjoni ta' organiżmi marini immatur [3] jistabbilixxi restrizzjonijiet fuq l-użu ta' tagħmir li jiġi mkaxkar mal-qiegħ. (3) Skond rapporti xjentifiċi reċenti, u b'mod partikolari r-rapporti tal-Kunsill Internazzjonali għall-Esplorazzjoni tal-Baħar, aggregazzjonijiet ta' qroll ta' l-ilma fond (Lophelia pertusa) instabu u saru mapep dettaljati tagħhom f'żona fuq in-naħa tal-majjistral ta' l-Iskozja li tinsab taħt il-ġurisdizzjoni tar-Renju Unit. Dawn l-aggregazzjonijiet, magħrufa bħala d-"Darwin Mounds", jidhru li huma fi stat tajjeb ta' konservazzjoni iżda hemm sinjali ta' ħsara kkawżata minn sajd fil-qiegħ bit-tartarun. (4) Rapporti xjentifiċi juru li dawn it-tipi ta' aggregazzjonijiet jikkostitwixxu ambjenti naturali li jħaddnu komunitajiet bijoloġiċi importanti u ta' diversità kbira. Dawn l-ambjenti naturali huma kkunsidrati b'ħafna fora li jeħtieġu protezzjoni prijoritarja. B'mod partikolari, il-Konvenzjoni għall-Protezzjoni ta' l-Ambjent Marin fl-Atlantiku tal-Grigal (il-Konvenzjoni OSPAR) dan l-aħħar inkludiet sikek tal-qroll ta' l-ilma fond f'lista ta' ambjenti naturali li jinsabu fil-periklu. (5) Id-Direttiva tal-Kunsill 92/43/KEE tal-21 ta' Mejju 1992 dwar il-konservazzjoni ta' ambjenti naturali u ta' fawna u flora selvaġġi tinkludi s-sikek ma' l-ambjenti naturali ta' interess Komunitarju li l-konservazzjoni tagħhom teħtieġ in-nominazzjoni ta' żoni speċjali ta' konservazzjoni [4]. Ir-Renju Unit esprima b'mod formali l-intenzjoni tiegħu li jinnomina d-Darwin Mounds żona speċjali ta' konservazzjoni biex jipproteġi dan it-tip ta' ambjent naturali biex iwettaq l-obbligi tiegħu provduti fid-Direttiva msemmija. (6) Skond provi xjentifiċi, l-irkuprar minn ħsara lill-qroll mit-tartaruni mkarkra mal-qiegħ huwa impossibli jew diffiċli ħafna u bil-mod. Għalhekk jixraq li jiġi pprojbit l-użu ta' tartaruni tal-qiegħ u tagħmir simili fl-inħawi tad-Darwin Mounds. (7) Ir-Regolament (KE) Nru 850/98 għandu għaldaqstant jiġi emendat, ADOTTAT DAN IR-REGOLAMENT: Artikolu 1 Fl-Artikolu 30 tar-Regolament (KE) Nru 850/98, fil-paragrafu 4 li ġej għandu jiżdied: "4. Bastimenti għandhom jiġu pprojbiti milli jużaw kull tartarun tal-qiegħ jew xbiek imkarkra simili li jmissu ma' qiegħ il-baħar fiż-żona li qiegħda fil-limiti ta' linja li tgħaqqad il-koordinati li ġejjin: Latitudni 59o54 T | Longitudni 6o55 P | Latitudni 59o47 T | Longitudni 6o47P | Latitudni 59o37 T | Longitudni 6o47 P | Latitudni 59o37 T | Longitudni 7o39 P | Latitudni 59o45 T | Longitudni 7o39 P | Latitudni 59o54 T | Longitudni 7o25 P." | Artikolu 2 Dan ir-Regolament għandu jidħol fis-seħħ fit-23 ta' Awissu 2004. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fit-22 ta' Marzu 2004. F'isem il-Kunsill Il-President J. Walsh [1] L-Opinjoni ta' l-10 ta' Frar 2004 (li għadha ma ġietx ippubblikata fil-Ġurnal Uffiċjali). [2] ĠU L 358, tal-31.12.02, p. 59. [3] ĠU L 125, tas-27.04.98, p. 1. Ir-Regolament kif l-aħħar emendat mir-Regolament (KE) Nru 973/2001 (ĠU L 137, tad-19.05.01, p. 1). [4] ĠU L 206, tat-22.7.1992, p. 7. Id-Direttiva kif l-aħħar emendata bir-Regolament (KE) Nru 1882/2003 tal-Parlament Ewropew u tal-Kunsill (ĠU L 284, tal-31.10.2003, p. 1). --------------------------------------------------