This document is an excerpt from the EUR-Lex website
Document 32004D0689
2004/689/: Council Decision of 4 October 2004 establishing a Social Protection Committee and repealing Decision 2000/436/EC
Id-Deċiżjoni tal-Kunsill ta' l- 4 ta' Ottubru 2004 li tistabbilixi Kumitat ta' Protezzjoni Soċjali u li tħassar id-Deċiżjoni 2000/436/KE
Id-Deċiżjoni tal-Kunsill ta' l- 4 ta' Ottubru 2004 li tistabbilixi Kumitat ta' Protezzjoni Soċjali u li tħassar id-Deċiżjoni 2000/436/KE
ĠU L 314, 13.10.2004, p. 8–10
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 142M, 30.5.2006, p. 424–426
(MT)
In force
30.5.2006 |
MT |
Il-Ġurnal Uffiċjali ta’ l-Unjoni Ewropea |
424 |
ID-DEĊIŻJONI TAL-KUNSILL
ta' l-4 ta' Ottubru 2004
li tistabbilixi Kumitat ta' Protezzjoni Soċjali u li tħassar id-Deċiżjoni 2000/436/KE
(2004/689/KE)
IL-KUNSILL TA' L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 144 tiegħu,
Wara li kkunsidra l-proposta mill-Kummissjoni,
Wara li kkunsidra l-Opinjoni tal-Parlament Ewropew (1),
Billi:
(1) |
Fil-Komunikazzjoni tagħha “Strateġija Konċertata għall-immodernizzar tal-protezzjoni soċjali” ta' l-14 ta' Lulju 1999, il-Kummissjoni għamlet suġġerimenti għat-tisħiħ tal-kooperazzjoni fil-qasam tal-protezzjoni soċjali permezz ta', fost affarjiet oħra, l-istabbiliment ta' grupp ta' uffiċjali ta' livell għoli. |
(2) |
Fir-Riżoluzzjoni tiegħu tas-16 ta' Frar 2000, il-Parlament Ewropew laqa' l-komunikazzjoni tal-Kummissjoni u l-ħolqien ta' tali grupp. |
(3) |
Fil-Konklużjonijiet tiegħu tas-17 ta' Diċembru 1999 dwar it-tisħiħ tal-kooperazzjoni għall-immodernizzar u t-titjib tal-protezzjoni soċjali (2), il-Kunsill appoġġa l-proposta tal-Kummissjoni għall-istabbiliment ta' mekkaniżmu għal koperazzjoni msaħħa, maħluqa bix-xogħol tal-grupp ta' uffiċjali ta' livell għoli, għall-implimentazzjoni ta' din l-azzjoni. Il-Kunsill saħaq li din it-tip ta' koperazzjoni għandha tkopri kull forma ta' protezzjoni soċjali u, fejn ikun meħtieġ, tgħin lill-Istati Membri biex itejbu u jsaħħu s-sistemi ta' protezzjoni soċjali tagħhom skond il-prijoritajiet nazzjonali tagħhom. Fakkar ukoll il-kompetenza ta' l-Istati Membri għall-organizzazzjoni u l-finanzjament tal-protezzjoni soċjali, u approva l-erba' objettivi wiesgħa, li huma parti mill-isfida ġenerali ta' l-immodernizzar tas-sistemi ta' protezzjoni soċjali, kif identifikati mill-Kummissjoni: jiġifieri, li jagħmlu x-xogħol irendi u jipprovdi dħul assigurat; li jassiguraw il-pensjonijiet u jagħmlu s-sistemi ta' pensjoni sostenibbli; li jippromovu l-inklużjoni soċjali; u li jiżguraw li l-kura tas-saħħa tkun ta' kwalità għolja u sostenibbli; il-Kunsill saħaq ukoll li l-ugwaljanza bejn in-nisa u l-irġiel trid tiġi integrata fl-attivitajiet kollha li jimmiraw għat-twettiq ta' dawn l-erba' objettivi. Fl-aħħar, il-Kunsill irrikonoxxa li l-aspetti li għandhom x'jaqsmu mal-finanzi huma komuni għall-objettivi kollha. |
(4) |
Il-Konklużjonijiet tal-Kunsill Ewropew ta' Lisbona tat-23 u l-24 ta' Marzu 2000 għarfu l-importanza tal-protezzjoni soċjali għal aktar żvilupp u modernizzar ta' stat assistenzjali attiv u dinamiku fl-Ewropa, u sejjħu lill-Kunsill biex isaħħaħ il-koperazzjoni bejn l-Istati Membri permezz ta' l-iskambju ta' esperjenzi u l-aħjar prattiki abbażi ta' rettikolati ta' informazzjoni mtejba. |
(5) |
F'Nizza u fil-laqgħat sussegwenti tiegħu, il-Kunsill Ewropew approva regolarment ix-xogħol li sar mill-Kumitat ta' Protezzjoni Soċjali fil-promozzjoni tal-politika Komunitarja ta' skambju ta' esperjenzi dwar il-protezzjoni soċjali. |
(6) |
Il-Kumitat ta' Protezzjoni Soċjali stabbilit bid-Deċiżjoni tal-Kunsill 2000/436/KE tad-29 ta' Ġunju 2000 (3) wera biċ-ċar l-utilità tiegħu bħala korp konsultattiv, kemm għall-Kunsill kif ukoll għall-Kummissjoni, u kontribwixxa b'mod attiv għall-iżvilupp tal-Metodu Miftuħ ta' Koordinazzjoni, kif stabbilit mill-Kunsill Ewropew ta' Lisbona. |
(7) |
Wara d-dħul fis-seħħ tat-Trattat ta' Nizza fl-1 ta' Frar 2003, Kumitat ta' Protezzjoni Soċjali b'kompiti adizzjonali għandu jieħu post il-Kumitat eżistenti li għandu l-istess isem, sabiex ix-xogħol li diġà sar minn dan ta' l-aħħar ikun jista' jitkompla. Għalhekk, id-Deċiżjoni 2000/436/KE għandha tiġi mħassra mid-data li fiha l-Kumitat ta' Protezzjoni Soċjali l-ġdid jassumi l-funzjonijiet tiegħu, |
IDDEĊIEDA KIF ĠEJ:
Artikolu 1
1. Kumitat ta' Protezzjoni Soċjali (minn issa 'l quddiem imsejjaħ “il-Kumitat”), bi status konsultattiv, huwa hawnhekk stabbilit biex jippromovi l-koperazzjoni f'politika ta' protezzjoni soċjali bejn l-Istati Membri u mal-Kummissjoni, f'konformità sħiħa mat-Trattat u b'konsiderazzjoni xierqa għas-setgħat ta' l-istituzzjonijiet u l-organi tal-Komunità.
2. Il-kompiti tal-Kumitat għandhom ikunu:
(a) |
li jimmonitorja s-sitwazzjoni soċjali u l-iżvilupp ta' politika ta' protezzjoni soċjali fl-Istati Membri u fil-Komunità; |
(b) |
li jippromwovi skambji ta' informazzjoni, esperjenzi u prattiki tajbin bejn l-Istati Membri u mal-Kummissjoni; |
(ċ) |
mingħajr preġudizzju għall-Artikolu 207 tat-Trattat, li jipprepara rapporti, jifformula opinjonijiet jew jidħol għal xogħol ieħor fl-oqsma tal-kompetenza tiegħu, fuq it-talba tal-Kunsill jew tal-Kummissjoni, jew fuq l-inizjattiva tiegħu stess. |
3. Il-Kumitat għandu jaħdem, kif xieraq, f'kooperazzjoni ma' korpi oħra rilevanti u kumitati li jittrattaw materji ta' politika soċjali u politika ekonomika, bħal ma hu l-Kumitat ta' l-Impjieg u l-Kumitat tal-Politika Ekonomika.
4. Fit-twettieq tal-mandat tiegħu, il-Kumitat għandu jistabbilixxi kuntatti xierqa mas-sħab soċjali u ma' organizzazzjonijiet soċjali non-governattivi, b'kont meħud tar-rwoli u r-responsabbiltajiet rispettivi tagħhom fil-qasam tal-protezzjoni soċjali. Il-Parlament Ewropew ikun infurmat ukoll dwar l-attivitajiet tal-Kumitat.
Artikolu 2
1. Il-Kumitat għandu jkun kompost minn żewġ rappreżentanti maħtura minn kull Stat Membru u żewġ rappreżentanti tal-Kummissjoni. Ir-rappreżentanti jistgħu jiġu mgħejuna minn żewġ sostituti.
L-Istati Membri u l-Kummissjoni għandhom jagħmlu ħilithom kollha biex jiksbu bilanċ bejn is-sessi fil-kompożizzjoni tad-delegazzjonijiet.
2. Il-Kumitat jista' juża esperti esterni fejn l-aġenda tiegħu hekk teħtieġ.
3. Il-Kumitat għandu jistabbilixxi kuntatti ma' rappreżentanti tal-pajjiżi kandidati.
Artikolu 3
1. Il-Kumitat għandu jeleġġi il-president tiegħu minn fost ir-rappreżentanti ta' l-Istati Membri għal mandat ta' sentejn li ma jistax jiġi mġedded.
Il-president għandu jkun mgħejun minn erba' viċi presidenti li tnejn minnhom għandhom jiġu eletti mill-Kumitat minn fost il-membri tiegħu għal mandat ta' sentejn. It-tielet wieħed għandu jkun rappreżentant mill-Istat Membru li jkollu l-Presidenza tal-Kunsill u r-raba' għandu jkun rappreżentant mill-Istat Membru li ser ikollu l-Presidenza li jmiss.
2. Il-laqgħat tal-Kumitat għandom jissejħu mill-President, fuq l-inizjattiva tiegħu jew fuq it-talba ta' mill-inqas nofs il-membri tal-Kumitat.
3. Il-Kumitat għandu jistabbilixxi r-regoli ta' proċedura tiegħu stess. L-ispejjeż għandhom jiġu rimborsati skond ir-regoli amministrattivi fis-seħħ.
4. Il-Kummissjoni għandha tforni s-sostenn analitiku u organizzattiv lill-Kumitat. Għandha taħtar membru tal-persunal tagħha bħala Segretarju, li għandu jaġixxi fuq l-istruzzjonijiet mogħtija mill-Kumitat meta' jkun qed jgħin lill-Kumitat fit-twettiq tad-dmirijiet tiegħu.
Il-Kummissjoni għandha tikkoopera mas-Segretarjat Ġenerali tal-Kunsill fir-rigward ta' l-organizzazzjoni ta' laqgħat.
Artikolu 4
Il-Kumitat jista' jafda l-istudju ta' kwistjonijiet speċifiċi lill-membri sostituti tiegħu jew jista' jistabbilixxi gruppi ta' ħidma għal dan il-għan. F'tali każijiet, il-post tal-president għandu jieħdu membru jew membru sostitut tal-Kumitat jew uffiċjal tal-Kummissjoni, maħtur mill-Kumitat.
Il-gruppi ta' ħidma jistgħu jitolbu għajnuna minn esperti.
Artikolu 5
Id-Deċiżjoni 2000/436/KE għandha tiġi mħassra mid-data li fiha tinżamm l-ewwel laqgħa tal-Kumitat. L-ewwel laqgħa tal-Kumitat għandha tinżamm mhux aktar tard minn erba' xhur wara d-data ta' l-adozzjoni ta' din id-Deċiżjoni.
Magħmula fil Lussemburgu, nhar il-4 ta' Ottubru 2004.
Għall-Kunsill
Il-President
A. J. DE GEUS
(1) ĠU C
(2) ĠU C 8, tat-12.1.2000, p. 7.
(3) ĠU L 172, tat-12.7.2000, p. 26.