EUR-Lex Access to European Union law
This document is an excerpt from the EUR-Lex website
Document 32004D0294
2004/294/EC: Council Decision of 8 March 2004 authorising the Member States which are Contracting Parties to the Paris Convention of 29 July 1960 on Third Party Liability in the Field of Nuclear Energy to ratify, in the interest of the European Community, the Protocol amending that Convention, or to accede to it
Id-Deċiżjoni tal-Kunsill tat-8 ta' Marzu 2004 li tawtorizza l-Istati Membri li huma partijiet kontraenti tal-Konvenzjoni ta' Pariġi tat-29 ta' Lulju 1960 dwar ir-Responsabbiltà ta' Terzi Persuni fil-Qasam ta' l-Enerġija Nukleari biex jirratifikaw, fl-interess tal-Komunità Ewropea, il-Protokoll li jemenda dik il-Konvenzjoni, jew biex jaderixxu miegħu
Id-Deċiżjoni tal-Kunsill tat-8 ta' Marzu 2004 li tawtorizza l-Istati Membri li huma partijiet kontraenti tal-Konvenzjoni ta' Pariġi tat-29 ta' Lulju 1960 dwar ir-Responsabbiltà ta' Terzi Persuni fil-Qasam ta' l-Enerġija Nukleari biex jirratifikaw, fl-interess tal-Komunità Ewropea, il-Protokoll li jemenda dik il-Konvenzjoni, jew biex jaderixxu miegħu
ĠU L 97, 1.4.2004, p. 53–54
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
ELI: http://data.europa.eu/eli/dec/2004/294/oj
Official Journal L 097 , 08/03/2004 P. 0053 - 0054
Id-Deċiżjoni tal-Kunsill tat-8 ta' Marzu 2004 li tawtorizza l-Istati Membri li huma partijiet kontraenti tal-Konvenzjoni ta' Pariġi tat-29 ta' Lulju 1960 dwar ir-Responsabbiltà ta' Terzi Persuni fil-Qasam ta' l-Enerġija Nukleari biex jirratifikaw, fl-interess tal-Komunità Ewropea, il-Protokoll li jemenda dik il-Konvenzjoni, jew biex jaderixxu miegħu (2004/294/KE) IL-KUNSILL TA' L-UNJONI EWROPEA, Wara li kkunsidra t-Trattat li jistabbilixxi il-Komunità Ewropea, u partikolarment l-Artikolu 61(ċ), l-Artikolu 67, flimkien ma' l-ewwel subparagrafu ta' l-Artikolu 300(2) u t-tieni subparagrafu ta' l-Artikolu 300(3) tiegħu, Wara li kkunsidra il-proposta tal-Kummissjoni, Wara li kkunsidra l-kunsens tal-Parlament Ewropew [1], Billi: (1) Il-Protokoll li jemenda l-Konvenzjoni tad- 29 ta' Lulju 1960 dwar ir-Responsabbiltá ta' Terzi Persuni fil-Qasam ta' l-Enerġija Nukleari, kif emendata bil-Protokoll Addizzjonali tat-28 ta' Jannar 1964 u bil-Protokoll tas-16 ta' Novembru 1982 (hawnhekk iżjed ‘il quddiem msejħa il-Konvenzjoni ta' Pariġi) kien negozjat bil-għan li jittejjeb il-kumpens għall-vittmi ta' danni kkawżati minn inċidenti nukleari. Huwa jipprovdi għal żieda fl-ammonti ta' responsabbiltà u għall-estensjoni tas-sistema tar-responsabbiltá ta' terzi persuni fil-qasam nukleari għad-danni ambjentali. (2) Skond id-direttivi ta' negozjati tal-Kunsill tat-13 ta' Settembru 2002, il-Kummissjoni nnegozjat il-Protokoll ta' l-emenda tal-Konvenzjoni ta' Pariġi għal kwistjonijiet li jaqgħu ġewwa l-ġurisdizzjoni tal-Komunità Ewropea. Madankollu, id-direttivi ta' negozjati tal-Kunsill ma kienux jipprovdu għal klawżola li tippermetti l-adeżjoni tal-Komunità għall-Protokoll. (3) Il-Protokoll kien addottat finalment mill-partijiet kontraenti tal-Konvenzjoni ta' Pariġi. It-test tal-Protokoll iħares id-direttivi ta' negozjati tal-Kunsill. (4) Il-Komunità għandha ġurisdizjoni esklussiva b'rigward għall-emenda ta' l-Artikolu 13 tal-Konvenzjoni ta' Pariġi meta dik l-emenda taffettwa r-regoli stabbiliti fir-Regolament tal-Kunsill (KE) Nru 44/2001 tat-22 ta' Diċembru 2000 dwar il-ġurisdizzjoni u l-għarfien u l-infurzar tas-sentenzi tal-qorti f'materji ċivili u kummerċjali [2]. l-Istati Membri jżommu l-ġurisdizzjoni tagħhom fl-oqsma koperti mill-Protokoll li ma jaffettwawx il-liġi tal-Komunità. Fid-dawl tas-suġġett u ta' l-għan tal-Protokoll ta' l-emenda, l-aċċettazzjoni tad- disposizzjonijiet tal-Protokoll li jaqgħu ġewwa l-ġurisdizzjoni tal-Komunità ma jistgħux ikunu ddissoċjati mid-disposizzjonijiet li huma ġewwa l-ġurisdizzjoni ta' l-Istati Membri. (5) Il-Protokoll ta' l-emenda tal-Konvenzjoni ta' Pariġi huwa partikolarment importanti, fid-dawl ta' l-interessi tal-Komunità u ta' l -Istati Membri tagħha, għax itejjeb il-kumpens għad- danni kkawżati minn inċidenti nukleari. (6) Il-Protokoll kien iffirmat mill-Istati Membri li huma partijiet kontraenti tal-Konvenzjoni ta' Pariġi, f'isem il-Komunità Ewropea, fit-12 ta' Frar 2004, bla ħsara għall-possibiltà tal-konklużjoni tiegħu f'data iktar 'il-quddiem, skond id-Deċiżjoni tal-Kunsill 2003/882/KE [3]. (7) Il-Konvenzjoni ta' Pariġi u l-Protokoll ta' l-emenda tagħha mhumhiex miftuħin għall-parteċipazzjoni ta' organizzazzjonijiet reġjonali. Bħala riżultat ta' dan, il-Komunità mhix f'posizzjoni li tiffirma jew tirratifika il-Protokoll, jew li taderixxi miegħu. Taħt dawn iċ-ċirkustanzi, huwa ġustifikat, fuq bażi eċċezzjonali ħafna, li l-Istati Membri jirratifikaw jew jaderixxu mal-Protokoll fl-interess tal-Komunità. (8) Madankollu, tlieta mill-Istati Membri, jiġifieri l-Awstrija, l-Irlanda u l-Lussemburgu, mhumhiex Partijiet għall-Konvenzjoni ta' Pariġi. Fid-dawl tal-fatt li l-Protokoll jemenda l-Konvenzjoni ta' Pariġi, li r-Regolament (KE) Nru 44/2001 jawtoriżża lill -Istati Membri marbuta b'dik il-Konvenzjoni biex ikomplu japplikaw ir-regoli tal-ġurisdizzjoni previsti fih u li l-Protokoll ma jemendax b'mod sostanzjali r-regoli dwar il-ġurisdizzjoni tal-Konvenzjoni, huwa oġġettivament ġustifikat li din id-Deċiżjoni għandha tkun indirizzata biss lil dawk l-Istati Membri li huma Partijiet għall-Konvenzjoni ta' Pariġi. Għalhekk, l-Awstrija, l-Irlanda u l-Lussemburgu ser ikomplu jibbażaw ruħhom fuq ir-regoli tal-Komunità li jinsabu fir-Regolament (KE) Nru 44/2001 u japplikawhom fil-qasam kopert mill-Konvenzjoni ta' Pariġi u bil-Protokoll li jemenda l-Konvenzjoni. (9) L-Istati Membri li huma Partijiet Kontraenti tal-Konvenzjoni ta' Pariġi, għandhom għalhekk jirratifikaw il-Protokoll li jemenda l-Konvenzjoni ta' Pariġi, jew jaderixxu miegħu, fl-interess tal-Komunità Ewropea, bla ħsara għall-kondizzjonijiet stabbiliti f'din id-Deċiżjoni. Dik ir-ratifika jew adeżjoni hija mingħajr preġudizzju għall-posizzjoni ta' l-Awstrija, l-Irlanda u l-Lussemburgu. (10) Bħala konsegwenza, id- disposizzjonijiet tal-Protokoll, b'rigward għall-Komunità Ewropea, se jkunu applikati biss minn dawk l-Istati Membri li huma fil-preżent Partijiet Kontraenti tal-Konvenzjoni ta' Pariġi u huwa mingħajr preġudizzju għall-posizzjoni ta' l-Awstrija, l-Irlanda u l-Lussemburgu. (11) Ir-Renju Unit u l-Irlanda huma marbuta bir-Regolament tal-Kunsill (KE) Nru 44/2001 u għalhekk qegħdin jieħdu sehem fl-addozzjoni ta' din id-Deċiżjoni. (12) Skond l-Artikoli 1 u 2 tal-Protokoll dwar il-posizzjoni tad-Danimarka anness mat-Trattat ta' l-Unjoni Ewropea u mat-Trattat li jistabilixxi il-Komunità Ewropea, id-Danimarka ma tieħux sehem fl-addozzjoni ta' din id-DeċIżjoni, u mhix marbuta biha jew suġġetta għall-applikazzjoni tagħha, ADDOTTA DIN ID-DEĊIŻJONI: Artikolu 1 1. Mingħajr preġudizzju għall-poteri tal-Komunità, l-Istati Membri li huma fil-preżent Partijiet Kontraenti tal-Konvenzjoni ta' Pariġi għandhom jirratifikaw il-Protokoll li jemenda l-Konvenzjoni ta' Pariġi, jew jaderixxu miegħu, fl-interess tal-Komunitá Ewropea. Din ir-ratifika jew l-adeżjoni għandha tkun mingħajr preġudizzju għall-posizzjoni ta' l-Awstrija, l-Irlanda u l-Lussemburgu. 2. It-test tal-Protokoll li jemenda l-Konvenzjoni ta' Pariġi huwa mehmuż ma' din id-Deċiżjoni. 3. Għall-għanijiet ta' din id-Deċiżjoni, it-terminu "Stat Membru" għandu jfisser l-Istati Membri kollha bl-eċċezzjoni ta' l-Awstrija, id-Danimarka, l-Irlanda u l-Lussemburgu. Artikolu 2 1. L-Istati Membri li huma Partijiet Kontraenti tal-Konvenzjoni ta' Pariġi għandhom jieħdu il-passi meħtieġa biex jiddepożitaw fl-istess ħin l-istrumenti tagħhom tar-ratifika tal-Protokoll, jew l-adeżjoni miegħu, mas-Segretarju Ġenerali ta' l-Organizzazzjoni għal Koperazzjoni u Żvilupp Ekonomiku fi żmien raġonevoli u, jekk huwa possibbli, qabel il-31 ta' Diċembru 2006. 2. L-Istati Membri li huma Partijiet Kontraenti tal-Konvenzjoni ta' Pariġi għandhom jiskambjaw informazzjoni mal-Kummissjoni ġewwa il-Kunsill qabel l-1 ta' Lulju 2006 fid-data li fiha jippretendu li jkunu lesti l-proċeduri parlamentari tagħhom meħtieġa għar-ratifika jew l-adeżjoni. Id-data u l-arranġamenti għad-depożitu fl-istess ħin għandu jkun determinat fuq dik il-bażi. Artikolu 3 Meta jkunu qegħdin jirratifikaw jew jaderixxu mal-Protokoll li jemenda l-Konvenzjoni ta' Pariġi, l-Istati Membri għandhom jinformaw lis-Segretarju Ġenerali ta' l-Organizzazzjoni għal Koperazzjoni u Żvilupp Ekonomiku bil-miktub li r-ratifika jew l-adeżjoni saret skond din id-Deċiżjoni. Artikolu 4 Din id-Deċiżjoni hija indirizzata lill-Istati Membri skond it-Trattat li jistabbilixxi l-Komunitá Ewropea. Magħmul fi Brussel, fit-8 ta' Marzu 2004. F'isem il-Kunsill Il-President D. Ahern [1] Kunsens tas-26 ta' Frar 2004 (għadu mhux ippubblikat fil-Ġurnal Uffiċjali). [2] ĠU L 12, 16.01.01, p. 1. [3] ĠU C 338, 23.12.03, p. 32. --------------------------------------------------