32004D0120

Id-Deċiżjoni tal-Kummissjoni

tad-29 ta’ Jannar 2004

li temenda d-Deċiżjoni tal-Kunsill 97/788/KE fir-rigward ta’ verifiki mwettqa mis-Serbja u l-Montenegro li jikkonċernaw il-manutenzjoni ta’ varjetajiet ta’ għalf, pitravi, żejt u pjanti

(notifikata bid-dokument numru K(2004) 147)

(Test b’relevanza għaż-ŻEE)

(2004/120/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Deċżijoni tal-Kunsill 97/788 tas-17 ta’ Novembru 1997 dwar l-ekwivalenza ta’ verifiċi fuq prattiċi għall-manutenzjoni ta’ varjetajiet imwettqa f’pajjiżi terzi [1], u b’mod partikolari l-Artikolu 2 tagħha,

Billi:

(1) D-Deċiżjoni 97/788/KE stabbilit li l-verifiki uffiċjali fuq prattiċi għall-manutenzjoni ta’ varjetajiet imwettqa fuq f’pajjiżi terzi għal ċerti speċi joffru l-istess garanziji bħal dawk imwettqa mill-Istati Membri, skond id-Direttiva tal-Kunsill 2002/53/KE tat-13 ta’ Ġunju 2002 dwar il-katalogu komuni ta’ varjetajiet ta’ speċi ta’ pjanti agrikoli [2].

(2) D-Deċiżjoni 97/788 tgħodd għar-Repubblika Federali tal-Jugoslavja (issa magħrufa bħala s-Serbia u l-Montenegro) biss fir-rigward ta’ varjetajiet ta’ ċerti speċi.

(3) Eżami tar-regoli tas-Serbia u l-Montenegro u l-mod li bih huma applikati fir-rigward ta’ l-ispeċi elenkati fid-Direttiva tal-Kunsill 66/401/KEE ta’ l-14 Ġunju 1966 dwar il-marketing ta’ għalf miż-żerriegħa tal-pjani [3], firDirettiva tal-Kunsill 2002/54/KE tat-13 ta’ Ġunju 2002 dwar il-marketing ta’ żerriegħa tal-pitravi [4] u fid-Direttiva tal-Kunsill 2002/57/KE tat-13 ta’ Ġunju 2002 dwar il-marketing ta’ żerriegħa taż-żejt u pjanti tal-fibri [5] wera li l-verifiki fuq prattiċi għall-manutanzjoni tal-varjetajiet toffri l-istess garanziji bħal dawk imwettqa mill-Istati Membri.

(4) L-ekwivalenza mogħtija lis-Serbia u l-Montenegro għandha tiġi estiża għal dawn l-ispeċi addizzjonali.

(5) Id-Deċiżjoni 97/788/KE għandha għalhekk tiġi hekk emendata.

(6) Il-miżuri li għalihom tipprovdi din id-Deċiżjoni huma skond l-opinjoni tal-Kumitat Permanenti dwar Żerriegħa u Materjal ta’ Propagazzjoni għall-Agrikoltura, Ortikoltura u Forestrija,

ADOTTAT DIN ID-DEĊIŻJONI:

Artikolu 1

L-Anness li jinsab mad-Deċiżjoni 97/788/KE huwa emendat kif ġej.

Fid-daħla biżwit il-kodiċi "YU" li tirrelata mar-Repubblika Federali tal-Jugoslavja, "66/402" hija sostitwita bi "66/401, 66/402, 2002/54 u 2002/57".

Artikolu 2

Din id-Deċiżjoni hija ndirizzata lill-Istati Membri.

Magħmul fi Brussel, fid-29 ta’ Jannar 2004.

Għall-Kummissjoni

David Byrne

Membru tal-Kummissjoni

[1] ĠU L 322, tal-25.11.1997, p. 39. Deċiżjoni kif emendata bid-Deċiżjoni 2002/580/KE (ĠU L 184, tat-13.7.2002, p. 26).

[2] ĠU L 193, ta’ l-20.7.2002, p. 1. Direttiva kif l-aħħar emendata bir-Regolament (KE) Nru 1829/2003 tal-Parlament Ewropew u tal-Kunsill (ĠU L 268, tat-18.10.2003, p. 1).

[3] ĠU L 125, tal-11.7.1966, p. 2298/66. Direttiva kif l-aħħar emendata bid-Direttiva 2003/61/KE (ĠU L 165, tat-3.7.2003, p. 23).

[4] ĠU L 193, ta’ l-20.7.2002, p. 12. Direttiva kif l-aħħar emendata bid-Direttiva 2003/61/KE.

[5] ĠU L 193, ta’ l-20.7.2002, p. 60. Direttiva kif emendata bid-Direttiva 2003/61/KE.

--------------------------------------------------