32001R1564

Ir-Regolament tal-Kummissjoni (KE) Nru 1564/2001

tal-31 ta’ Lulju 2001

li jemenda r-Regolament (KE) Nru 562/2000 rigward l-ippakkjar bil-vakwu ta’ ċerti qatgħat tal-laħam taċ-ċanga ta’ l-intervent u li jikkorreġi r-Regolament (KE) Nru 1209/2001

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KEE) Nru 1254/1999 tas-17 ta’ Mejju 1999 dwar l-organizzazzjoni komuni tas-suq fil-laħam taċ-ċanga u l-vitella [1], kif l-aħħar emendat bir-Regolament (KE) Nru 1512/2001 [2] u b’mod partikolari l-Artikolu 47(8) tiegħu,

Billi:

(1) Ir-Regolament tal-Kummissjoni (KE) Nru 562/2000 tal-15 ta’ Marzu 2000 jistabbilixxi regoli ddettaljati sabiex jiġi applikat ir-Regolament tal-Kunsill (KE) Nru 1254/1999 rigward ix-xiri għall-ħażna tal-laħam taċ-ċanga [3], kif l-aħħar emendat bir-Regolament (KE) Nru 1082/2001 [4], jistabbilixxi regolari partikolari dwar l-ippakkjar minnufih tal-qatgħat wara li jitneħħielhom il-għadam mill-laħam u l-ħtiġiet speċifiċi għat-tneħħija tal-għadam għall-intervent.

(2) Fuq il-bażi ta’ l-esperjenza, huwa meħtieġ li tiġi ċċarata s-sitwazzjoni rigward il-possibbiltà tal-ippakkjar bil-vakwu ta’ ċerti qatgħat individwali tal-laħam taċ-ċanga ta’ l-intervent. Ir-Regolament (KE) Nru 562/2000 għandu għalhekk jiġi emendat kif jixraq.

(3) L-Artikolu 1(2)(b) tal-verżjoni bl-Ingliż tar-Regolament tal-Kummissjoni (KE) Nru 1209/2001 tal-20 ta’ Ġunju 2001 li jidderoga mir-Regolament (KE) Nru 562/2000 li jistabbilixxi regoli ddettaljati sabiex jiġi applikat ir-Regolament tal-Kunsill (KE) Nru 1254/1999 rigward ix-xiri għall-ħażna tal-laħam taċ-ċanga [5], kif l-aħħar emendat bir-Regolament (KE) Nru 1496/2001 [6], fih żball. Għalhekk, dan ir-Regolament għandu jiġi kkoreġut.

(4) Il-miżuri pprovvduti f’dan ir-Regolament huma skond l-opinjoni tal-Kumitat Maniġerjali tal-Laħam taċ-Ċanga u tal-Vitella,

ADDOTTAT DAN IR-REGOLAMENT:

L- Artikolu 1

Fl-Anness V mar-Regolament (KE) Nru 562/2000, jiżdied il-punt 3 li ġej:

"3. L-IPPAKKJAR BIL-VAKWU TA’ ĊERTI QATGĦAT INDIVIDWALI

L-Istati Membri jistgħu jiddeċiedu li jippermettu l-ippakkjar bil-vakwu minflok it-tgeżwir individwali kif ipprovvdut fil-punt 1 għall-qatgħat tal-kodiċi INT bin-numri 12, 13, 14, 15, 16, 17 u 19."

L- Artikolu 2

L-Artikolu 1(2)(b) tal-verżjoni bl-Ingliż tar-Regolament (KE) Nru 1209/2001 għandu jinqara kif ġej:

"(b) dan li ġej jista’ jinxtara għall-intervent: kwarti ta’ quddiem b’ħames kustilji miksuba bl-użu ta’ qatgħa dritta mill-karkassi jew min-nofs karkassi riferiti fl-Artikolu 4(2) tar-Regolament (KE) Nru 562/2000; il-prezz tal-kwarti ta’ quddiem għandu jiġi kkalkolat billi jiġi applikat il-koeffiċjent ta’ 0,80 għall-prezz tal-karkassi."

L- Artikolu 3

Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jkun jorbot fl-intier tiegħu u japplika direttament fl-Istati Membri kollha.

Magħmul fi Brussel, fil-31 ta’ Lulju 2001.

Għall-Kummissjoni

Frederik Bolkestein

Membru tal-Kummissjoni

[1] ĠU L 160, tas-26.06.1999, p. 21.

[2] ĠU L 201, tas-26.07.2001, p. 1.

[3] ĠU L 68, tas-16.03.2000, p. 22.

[4] ĠU L 149, tat-2.6.2001, p. 19.

[5] ĠU L 165, tal-21.6.2001, p. 15.

[6] ĠU L 197, tal-21.7.2001, p. 3.

--------------------------------------------------