32001D0405

Id-Deċiżjoni tal-Kummissjoni

ta' l-4 ta' Mejju 2001

li tistabbilixxi l-kriterji ekoloġiċi għall-għoti ta' l-eko-tikketta Komunitarja għall-prodotti tal-karta fina

(notifikata taħt id-dokument numru C(2001) 1175)

(2001/405/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament (KE) Nru 1980/2000 tal-Parlament Ewropew u tal-Kunsill tas-17 ta' Lulju 2000 [1] dwar skema riveduta ta' għoti ta' l-eko-tikketta Komunitarja, u partikolarment l-Artikoli 3, 4 u 6 tagħha,

Billi:

(1) l-Artikolu 3 tar-Regolament (KE) Nru 1980/2000 jipprovdi li l-eko-tikketta tista' tkun ippremjata għal prodott li jippossjedi karatteristiċi li jippermettu li ssir kontribuzzjoni sinifikattiva għall-iżviluppi relatati ma' l-aspetti ambjentali ewlenija.

(2) l-Artikolu 4 tar-Regolament (KE) Nru 1980/2000 jipprovdi li l-kriterji għall-ittikkettjar ekoloġiku speċifiku għandhom ikunu stabbiliti skond il-gruppi ta' prodott.

(3) l-Artikolu 4 tar-Regolament (KE) Nru 1980/2000 jipprovdi li r-reviżjoni tal-kriterji għall-ittikkettjar ekoloġiku kif ukoll dik tal-istima u t-talbiet ta' verifikazzjoni relatati mal-kriterji għandhom isiru fil-ħin qabel it-tmiem tal-perjodu ta' validità tal-kriterji speċifikati għal kull grupp ta' prodott u għandha tirriżulta fi proposta għall-estensjoni, irtirar jew reviżjoni.

(4) Bid-Deċiżjoni 98/94/KE [2], il-Kummissjoni stabbiliet kriterji ekoloġiċi għall-għoti ta' l-eko-tikketta Komunitarja għall-prodotti tal-karti fini, li, bi qbil ma' l-Artikolu 3 tagħha, kif modifikat mid-Deċiżjoni 2000/413/KE [3], tintemm fil-31 ta' Diċembru 2001.

(5) Huwa xieraq li tiġi eżaminata d-definizzjoni tal-grupp ta' prodott u l-kriterji ekoloġiċi li kienu stabbiliti mid-Deċiżjoni 98/94/KE sabiex jiġu kkunsidrati l-iżviluppi fis-suq.

(6) Huwa xieraq li tiġi adottata Deċiżjoni tal-Kummissjoni ġdida li tistabbilixxi l-kriterji ekoloġiċi speċifikati għal dan il-grupp ta' prodott, li għandha tibqa' valida għal perjodu ta' ħames snin.

(7) Huwa xieraq li, għal perjodu limitat ta' mhux iktar minn 12-il xahar, kemm il-kriterji ġodda stabbiliti b'din id-Deċiżjoni u l-kriterji diġà stabbiliti bid-Deċiżjoni 98/94/KE jibqgħu validi fl-istess ħin bil-ħsieb li jippermettu li jingħata żmien suffiċjenti għal kumpaniji li kienu ppremjati t-tiketta ekoloġika għall-prodotti tagħhom qabel l-adozzjoni ta' din id-Deċiżjoni ġdida, jadattaw dawn il-prodotti tagħhom in konformità mal-kriterji l-ġodda.

(8) Dawn il-miżuri stabbiliti f'din id-Deċiżjoni ġew żviluppati u adottati taħt il-proċeduri għat-twaqqif tal-kriterji għall-ittikkettjar ekoloġiku mneżżlin fl-Artikolu 6 tar-Regolament (KE) Nru 1980/2000.

(9) Il-miżuri mwaqqfa f'din id-Deċiżjoni huma bi qbil ma' l-opinjoni tal-kumitat stabbilit taħt l-Artikolu 17 tar-regolament (KE) Nru 1980/2000,

ADOTTAT DIN ID-DEĊIŻJONI:

Artikolu 1

Il-grupp ta' prodott "prodotti ta' karti fina" (minn hawn "il quddiem imsejjaħ bħala" il-grupp ta' prodott') għandha tfisser:

Folji u rollijiet tal-karti fini għall-użu ta' l-iġjene personali, assorbazzjoni ta' likwidi u/jew tindif ta' wċuħ mill-ħmieġ. Il-prodott tal-karta fina normalment jikkonsisti minn karta creped jew karta abbozzata f'barma waħda jew aktar. Il-kontenut tal-fibri tal-prodott għandu jkun ta' l-inqas 90 %. Prodotti tal-karta laminati mqassma fi strati u karti li bihom timsaħ u tixxota huma esklużi mill-grupp ta' prodott.

Artikolu 2

Il-ħidma ambjentali tal-grupp ta' prodotti kif imfisser fl-Artikolu 1 għandha tkun stmata b'referenza għall-kriterji speċifiċi ekoloġiċi stabbiliti fl-Anness.

Artikolu 3

It-tifsira ta' grupp ta' prodotti u l-kriterji għall-grupp ta' prodotti għandha tkun valida għal ħames snin mid-data li fiha din id-Deċiżjoni tidħol fis-seħħ.

Il-perjodu ta' validità tad-definizzjoni ta' grupp ta' prodotti u l-kriterji stabbiliti bid-Deċiżjoni 98/94/KE, kif modifikat bid-Deċiżjoni 2000/413/KE, għandu jitwal sabiex jintemm 12-il xahar wara d-data li fiha din id-Deċiżjoni tkun daħlet fis-seħħ.

Artikolu 4

Għal għanijiet amministrattivi n-numru ta' kodiċi assenjat għall-grupp ta' prodotti għandu jkun "004".

Artikolu 5

Din id-Deċiżjoni hija indirizzata lill-Istati Membri.

Magħmula fi Brussel, fl-4 ta' Mejju 2001.

Għall-Kummissjoni

Margot Wallström

Membru tal-Kummissjoni

[1] ĠU L 237, tal-21.9.2000, p. 1.

[2] ĠU L 19, ta' l-24.1.1998, p. 77.

[3] ĠU L 155, tat-28.6.2000, p. 63.

--------------------------------------------------

L-ANNESS

QAFAS

Sabiex prodott kif imfisser fl-Artikolu 1 jikkwalifika għat-tiketta ekoloġika, għandu jikkonforma mal-kriterji ta' dan l-Anness, billi jsiru t-testijiet fuq l-applikazzjoni kif indikati fil-kriterji u l-appendiċi tekniċi. Fejn xieraq, metodi oħra ta' test jistgħu jintużaw jekk l-ekwivalenza tagħhom hija aċċettata mill-Korp Kompetenti li jassessja l-applikazzjoni (per eżempju jekk l-ekwivalenza hija stabbilità b'kurva tal-kalibrazzjoni b'sinjifikat ta' 95 %). Fejn l-ebda testijiet ma huma msemmija, jew huma msemmija għall-għan li ser ikunu għall-użu ta' verifikazzjoni jew għal kontroll, Korpi Kompetenti għandhom jafdaw kif xieraq fuq id-dikjarazzjonijiet u d-dokumentazzjoni provduti mill-applikant u/jew fuq verifikazzjonijiet indipendenti.

Il-Korpi Kompetenti huma rrakkommandati sabiex jikkunsidraw l-implimentazzjoni ta' skemi ta' tmexxija ambjentali rikonoxxuti, bħall-iskema ta' mmaniġġjar u verifika ta' l-ambjent (EMAS) jew ISO 14001, meta jagħmlu stima ta' l-applikazzjonijiet u jikkontrollaw l-konformità mall-kriterji f'dan l-Anness (Nota: mhux mitlub illi jiġu implimentati dawn l-iskemi ta' tmexxija.)

Dawn il-kriterji jimmiraw partikolarment illi jippromwovu:

- t-tnaqqis ta' skargar ta' sustanzi perikolużi jew inkella sustanzi ta' tniġġis fl-ilmijiet,

- t-tnaqqis ta' ħsara jew riskji ambjentali relatati mal-konverżjoni u l-użu ta' enerġija (sħana globali, aċidifikazzjoni, il-qerda ta' riżorsi li ma jerġgħux jiġġeddu) billi jitnaqqas l-konsum ta' l-enerġija u emmissjonijiet ta' l-arja relatati,

- l-impenn għall-bżonn sabiex japplikaw prinċipji ta' tmexxija tajba bil-ħsieb li jiġu mħarsa l-foresti,

- n-nuqqas ta' riskji għas-saħħa umana, ħsara jew riskji ambjentali relatati ma' l-użu ta' kimiċi perikolużi,

- n-nuqqas u l-użu effiċjenti ta' l-iskart.

Il-kriterji huma stabbiliti fl-livelli li jippromwovu l-ittikkettjar ta' karta fina li tiġi prodotta b'impatt ambjentali baxx.

KRITERJI EKOLOĠIĊI

1. EMMISSJONIJIET GĦALL-ILMA U L-ARJA

(i) Il-ħidma li tinteressa l-parametri COD, AOX, CO2, fossili u SO2 għandhom ikunu espressi f'forma ta' punti, li tindika valur ta' referenza (msemmija bħala "ko effiċjenti" għal kull parametru).

L-emmissjonijiet totali għall-ilma u l-arja li jirrelataw mal-prodott tal-karta għandhom ikunu kkalkulati bħala s-somma ta' l-emmissjonijiet mill-polpa u l-istadji tal-produzzjoni tal-karta fina.

Tabella 1

Ko effiċjenti u ostakoli għall-parametri ta' emmissjoni

| Ko efficjenti, (C), kg/ADT karta fina | Ostakoli, (H), kg/ADT karta fina |

1. Organici ta' l-ilma, COD | C1 = 15 | H1 = 40 |

2. Organici klorinati, AOX | C2 = 0,2 | H2 = 0,5 |

3. Dijossidu tal-karbonju, CO2 fossili | C3 = 1500 | H3 = 3750 |

4. Ossidi ta' kubrit, bħala S | C4 = 1,0 | H4 = 2,5 |

(ii) Il-punti L, huma kkalkulati kif jidher fil-formola 1. Għal kull parametru l-valur attwali ta' l-emissjonijiet għandu jkun diviż bejn il-ko effiċjenti li jikkorrispondu għal dan il-parametru.

Li = (emmissjoni ta' parametru i)/Ci (formola 1)

(iii) Is-"somma totali tal-punti", P, hija kkalkulata skond l-ekwazzjoni 2 biż-żieda tal-punti għal kull parametru.

P = L1 + L2 + L3 + L4 (formola 2)

(iv) Jekk kull emmissjoni tal-parametri COD, AOX, CO2, fossili u SO2 għal prodott taqbeż il-valuri deskritti bħala "ostakoli" f'tabella 1, il-prodott m'għandux jikkwalifika għall-ittikkettjar ekoloġiku.

(v) Sabiex tottjeni l-eko-tikketta, is-somma ta' punti totali (P) għall-prodott m'għandhiex taqbeż erba' punti.

L-ammont ta' AOX (bħala Cl) skarigati minn kull post ta' manifattura tal-polpa m'għandux jaqbeż 0,50 kg għal kull tunnellata ta' polpa li tixxotta bl-arja.

Meta tiżjin huwa inkorporat fil-prodott finali, l-emmissjonijiet relatati għall-produzzjoni tagħhom, kemm fuq il-post jew 'il barra mill-post, għandhom ikunu inklużi fil-kalkolazzjoni tal-punti.

Data fuq l-użu ta' ilma kull tunnellata ta' polpa u karta prodotti fil-proċess ta' produzzjoni ta' polpa u karta fina għandha tkun reġistrata (Nota: id-data hija neċessarja sabiex tevalwa l-kalkulazzjonijiet taċ-ċirkolazzjoni tal-ħmieġ u konċentrazzjonijiet).

Komposti ta' kubrit: L-emmissjonijiet relatati mal-produzzjoni ta' elettriċità m'għandhomx bżonn ikunu stmati.

Dijossidu tal-karbonju: li jiġu minn sorsi ta' enerġija tal-fossili u mill-produzzjoni ta' elettriċità (kemm fuq il-post jew 'il barra mill-post), kull tunnellata ta' karta prodotta.

2. L-UŻU TA' ENERĠIJA

Il-konsum totali ta' elettriċità li tirrelata mal-prodott tal-karta fina għandu jiġi kkalkulat bħala s-somma ta' l-elettriċità użata fil-polpa u l-istadji ta' produzzjoni tal-karta fina u m'għandux jaqbeż:

- 11 G joule (3000 kWh) elettriċità kull tunnellata ta' karta prodotta.

L-applikant għandu jikkalkula l-ammont kollu ta' elettriċità użata matul il-produzzjoni tal-polpa u l-karta fina, inkluża l-elettriċità użata fit-tneħħija tal-linka ta' karti qodma għar-rimi li jintużaw għall-produzzjoni tal-karta reċiklata.

Elettriċità tfisser l-elettriċità kollha impurtata li tiġi mill-konnessjonijiet tad-distribuzzjoni u elettriċità ġenerata internament u li hi meqjusa bħala enerġija elettrika. Elettriċità użata għal trattament ta' skart ta' l-ilma u t-tindif ta' l-arja m'għandux bżonn jiġi inkluż.

3. FIBRI -TMEXXIJA SOSTENIBBLI TAL-FORESTA

Il-fibri jistgħu jkunu fibri ta' l-injam, fibri reċiklati [2] jew fibri mhux ta' l-injam.

Fil-każ ta' fibri ta' l-injam verġni mill-foresti, l-operaturi responsabbli mill-immaniġġjar tas-sorsi li minnhom joriġinaw il-fibri għandhom jimplimentaw prinċipji u miżuri bl-għan li jiżguraw tmexxija sostenibbli tal-foresta. Dikjarazzjoni, dokument, kodiċi ta' kondotta, ċertifikat jew stqarrija għal dan l-effett minn dawn l-operaturi u/jew mill-imtieħen tal-polpa għandhom ikunu preżentati.

Fl-Ewropa, il-prinċipji u l-miżuri msemmija hawn fuq għandhom jikkorrespondu mal-linji ta' gwida ta' livelli operazzjonali Pan-Ewropej għall-immaniġġjar sostenibbli tal-Foresti, hekk kif iffirmati fil-Konferenza Ministerjali ta' Lisbona dwar il-Protezzjoni tal-Foresti fl-Ewropa (2 sa 4 Ġunju 1998). 'Il barra mill-Ewropa huma għandhom jikkorrispondu mall-Prinċipji Forestali tal-Konferenza għall-Iżvilupp Ambjentali tan-Nazzjonijiet Uniti (UNCED) (Rio de Janeiro, Ġunju 1992) u, fejn xieraq, mal-kriterji jew linji ta' gwida għall-immaniġġjar sostenibbli tal-foresta hekk kif ġew adottati taħt l-inizjattivi rispettivi internazzjonali u reġjonali (ITTO, Proċess ta' Montreal, Proċess ta' Tarapoto, UNEP/FAO Inizjattiva Afrikana ta' Żona Xotta).

4. SUSTANZI KIMIĊI PERIKOLUŻI

Ibbliċjar: Gass tal-klorin m'għandux ikun użat bħala aġent ta' l-ibbliċjar. Din it-talba ma tapplikax għall-gass tal-klorin relatat mall-produzzjoni u l-użu ta' dijossidu ta' klorin. (Nota: waqt li din it-talba tapplika wkoll għall-ibbliċjar ta' fibri reċiklati, huwa aċċettat li dawn il-fibri kienu bbliċjati bil-gass tal-klorin waqt iċ-ċiklu tal-ħajja ta' qabel tagħhom.)

It-tneħħija tal-linka: Alkylphenolethoxylates (APEOs) jew derivati oħra mill-akyphenol m'għandhomx ikunu miżjuda f'kimiċi tat-tneħħija tal-linka. Derivati minn alkylphenol huma definiti bħala sustanzi li huma degradati għal alkylphenols.

Għajnuna sabiex tiżdied ir-reżistenza kontra l-umdità: Għajnuna sabiex tiżdied ir-reżistenza kontra l-umdità m'għandux ikollha iktar minn 1,0 ta' sustanzi kloro-organiċi, meta tiġi applikata mal-kontenut niexef, illi setgħet ġiet assenjata jew tista' tkun assenjata xi frażijiet ta' riskju R45 (li jista' jikkawża l-kankru), R46 (li jista' jikkawża ħsara ġenetika li tintiret), R5O/53 (li hi tossika ħafna għal organiżmi akwatiċi, u tista' tikkawża effetti ħżiena fit-tul fl-ambjent akwatiku), R60 (li tista' taffetwa l-fertilità) jew R61 (li tista' tikkawża ħsara lit-tarbija li għadha trid titwieled) kif mfisser fid-Direttiva tal-Kunsill 67/548/KEE [3], hekk kif ġiet emendata mid-Direttiva tal-Kummissjoni 2000/33/KE [4]. Eżempji ta' ċerti sustanzi kloro-organiċi huma epichlorohydrin (ECH). 1,3-dichloro-2-propanol (DCP) u 3 monochloro-1,2-propanediol (MCPD).

5. MANIĠĠJAR TA' L-ISKART

Il-produtturi kollha tal-polpa, tal-karta u tal-prodotti ta' karta fina ikkonvertita għandhom ikollhom sistema għall-imaniġġjar ta' l-iskart [5] u għall-prodotti li jifdal li jiġu mill-impjanti ta' produzzjoni. Is-sistema għandha tkun dokumentata jew spjegata fl-applikazzjoni u għandha tinkludi ta' l-inqas il-punti li ġejjin:

- proċeduri għas-separazzjoni u l-użu ta' materjali li jiġu reċiklati mil-linja ta' l-iskart,

- proċeduri għall-ġbir ta' materjali għal użi oħra, bħal inċinerazzjoni sabiex jiżdied il-proċess ta' l-istim, jew għal użu agrikolu,

- proċeduri għall-immaniġġjar ta' skart perikoluż [6].

6. SIGURTÀ TAL-PRODOTT

Prodotti magħmula minn fibri reċiklati jew minn fibri reċiklati u fibri verġni mħalltin flimkien għandhom jissodisfaw il-ħtiġiet dwar l-iġjene kif ġej:

Il-karta fina m'għandux ikun fiha iktar minn:

Formaldehyde: | 1 mg/dm2 skond il-metodu tat-test EPA 8315A |

Glyoxal: | 1, 5 mg/dm2 skond il-metodu tat-test EPA 8315A |

PCB: | 2 mg/kg skond il-metodu tat-test EPA 8270 |

Il-prodotti kollha tal-karta fina għandhom jissodisfaw il-ħtiġiet li ġejjin:

Slimicides u sustanzi antimikrobiċi: | L-ebda dewmien fit-tkabbir ta' mikro-organiżmi skond il-metodu tat-test EN 1104 |

Żebgħa u elementi ottiċi li jdawlu: | L-ebda dmija skond il-metodu tat-test EN 646/648 (livell 4 huwa meħtieġ) |

Żebgħa u linka: | Żebgħa u linka użati fil-produzzjoni ta' karta fina m'għandux ikun fihom sustanzi-azo li jistgħu jintrabtu ma' kull amina mniżżla fl-appendiċi tekniku, tabella 3 |

TAJJEB GĦALL-UŻU

Il-prodott għandu jkun tajjeb għall-użu.

INFORMAZZJONI GĦALL-KONSUMATUR

Kaxxa 2 ta' l-eko-tikketta għandha tinkludi t-test li ġej:

- tniġġis baxx ta' l-ilma

- tniġġis baxx ta' l-arja

- emmissjonijiet tal-gass ta' green house u użu tad-dawl baxxi.

B'żieda ma' dan, maġenb l-eko-tikketta l-manifattur jista' wkoll jipprovdi tagħrif li jindika l-persentaġġ minimu ta' fibri reċiklati.

Appendiċi tekniku: definizzjonijiet, ħtiġiet għal eżaminar u dokumentazzjoni

Il-parametri ta' emmissjoni kollha

Il-perjodu għall-miżuri jew bilanċi ta' massa għandhom ikunu bbażati fuq il-produzzjoni matul 12-il xahar. Fil-każ ta' impjant ta' produzzjoni ġdida jew mibnija mill-ġdid, il-miżuri għandhom ikunu bbażat fuq ta' l-inqas 45-il jum sossegwenti l-ħidma stabbli ta' l-impjant. Il-miżuri għandhom ikunu rappreżentattivi taż-żmien li fih ikunu ttieħdu.

Jekk xi prodott huwa magħmul minn kwalitajiet differenti ta' polpa, il-valuri ta' emmissjoni mill-produzzjoni ta' polpa għandhom ikunu ikkalkulati bħall-medja mwieżna tal-polpi kollha użati. L-emmissjonijiet totali għandhom ikunu kkalkulati billi jingħaddu wkoll l-emmissjonijiet mill-produzzjoni ta' polpa flimkien ma' l-emmissjonijiet mill-produzzjoni tal-karta fina.

Laboratorji akkreditati jew istituti ta' l-eżami indipendenti li jsegwu l-istandard EN 45001 għandhom jieħdu l-miżuri.

Il-laboratorju tal-polpa jew il-manifattur tal-karta jistgħu, madankollu, jkunu approvati sabiex janalizzaw l-iskargar jekk waħda mill-kundizzjonijiet li ġejjin tiġi mwettqa:

- l-awtoritajiet regolatorji rilevanti jaċċettaw l-għażla ta' kampjuni rilevanti u miżuri magħmula f'dak il-laboratorju, jew

- il-manifattur għandu sistema ta' kwalità li tinkludi s-sorveljanza ta' kampjuni u ta' l-analiżi u liema sistema hija ċertifikat skond ISO 9001 jew ISO 9002, jew

- huwa laboratorju illi jirrispetta l-prattika t-tajba u jkun gie approvat uffiċjalment.

Miżuri ta' emissjonijiet ta' l-ilma għandhom jittieħdu fuq kampjuni li mhumiex filtrati u mhumiex issetiljati wara li jsir trattament fil-mitħna jew fuq l-iskargar li jintefa' fid-dranaġġ pubbliku qabel isir it-trattament f'impjant ta' trattament pubbliku. F'dan il-każ ta' l-aħħar il-valur meqjus qabel l-impjant ta' trattament pubbliku għandu jkun imnaqqas b'fattur li jikkorrespondi għat-tnaqqis medju mill-impjant ta' trattament. Il-livelli mkejla fl-ilma li jidħol fil-mitħna jista' jkun imnaqqas mill-emmissjonijiet ġenerati fil-proċess u li jkunu preżenti fl-ilma waqt li jkun ħiereġ mill-mitħna.

COD għandha titkejjel bi qbil ma' OIS 6060 tieni edizzjoni 1989.

AOX għandha titkejjel bi qbil ma' OIS 9562.

Metodi tat-test oħra jistgħu jkunu aċċettati jekk l-ekwivalenza tagħhom hija aċċettata mill-Korp Komponenti li jassessja l-applikazzjoni (per eżempju jekk l-ekwivalenza hija stabbilita b'kurva ta' kalibrazzjoni f'sinifikat ta' 95 %).

AOX għandha titkejjel fi proċessar fejn komposti ta' klorin huma użati għall-ibbliċjar tal-polpa. Dan ifisser li AOX m'hemmx bżonn titkejjel:

- fil-ħmieġ li joħroġ mill-produzzjoni tal-karta li mhix integrata, jew

- fil-ħmieġ li joħroġ mill-produzzjoni ta' polpa mingħajr ibbliċjar, jew

- meta l-ibbliċjar jitwettaq b'sustanzi mingħajr klorin.

Ossidi ta' kubrit

L-applikant għandu jipprovdi bilanċ dwar l-emmissjonijiet ta' l-arja ta' komposti ta' kubrit. Dan il-bilanċ għandu jinkludi l-emmissjonijiet kollha, li jsiru matul il-produzzjoni tal-polpa, u tal-karta, barra minn dawk relatati mal-produzzjoni ta' l-elettriċità. Il-miżuri għandhom jinkludu kaldaruni li jiġbru s-sħana, fran ta' ġir, kaldaruni tal-fwar u fran għall-inċinerazzjoni ta' gassijiet ta' riħa qawwija, jekk disponibbli. Emmissjonijiet ta' diffużjoni għandhom ikunu meqjusa wkoll.

Dijossidu tal-karbonju

L-applikant għandu jipprovdi bilanċ dwar l-emissjonijiet ta' l-arja ta' dijossidu tal-karbonju. Dan il-bilanċ għandu jinkludi s-sorsi kollha ta' karburanti li ma jiġġeddux matul il-produzzjoni ta' polpa u karta, li jinkludu l-emmissjonijiet mill-produzzjoni ta' elettriċità tal-grilja. Il-fatturi ta' l-emmissjoni minn tabella 2 għandha tintuża fil-kalkulazzjoni tal-CO2, emmissjonijiet fossili mill-karburanti.

Tabella 2

Ekwivalenti ta' CO2, fossili minn karburanti li ma jiġġeddux

Karburant | CO2, fossil emission | Unità |

Coal | 95 | g CO2 fossili/M |

Żejt krud | 73 | g CO2 fossili/M |

Żejt ta' karburant 1 | 74 | g CO2 fossili/M |

Żejt ta' karburant 2-5 | 77 | g CO2 fossili/M |

Gasolina | 69 | g CO2 fossili/M |

Gass naturali | 56 | g CO2 fossili/M |

Elettriċità ta' grilja emissjoni | 400 | g CO2 fossili/M |

Għal elettriċità ta' grilja, il-valur kwotat fit-tabella għandu jintuża għall-postijiet kollha ġewwa l-Unjoni Ewropea. Għal postijiet barra mill-Unjoni Ewropea, l-applikant jista' jippreżenta dokumentazzjoni li tistabbilixxi l-valur medju għal min jipprovdi l-elettriċità tagħhom, u juża dan il-valur medju minflok il-valur kwotat fit-tabella.

Maniġġjar ta' foresta Ara kriterju 3.

Komposti ta' kimiċi perikolużi

L-applikant għandu jippreżenta dikjarazzjoni mingħand kull min jipprovdi l-polpa li l-gass tal-klorin ma ġiex użat għall-ibbliċjar tal-polpi.

L-applikant għandu jippreżenta dikjarazzjoni mingħand kull min jipprovdi l-polpa li alkylphenol jew derivati oħra minn alkyphenol illi dawn ma ġewx użati għall-proċess tat-tneħħija tal-linka.

L-applikant għandu jippreżenta lista tal-prodotti użati fil-produzzjoni tal-karta sabiex isaħħu r-reżistenza kontra l-umdità fuq il-prodott finali. Il-lista għandha tinkludi l-isem tal-marka tal-prodott, iż-żona ta' l-użu u l-isem, l-indirizz u n-numru tat-telefon ta' min jipprovdi l-prodott. B'żieda ma' din il-lista, l-applikant għandu jippreżenta dikjarazzjoni tal-kontenut ta' sustanzi kloro-organiċi, bħal (ECH), 1,3- -2-propanol (DCP) u 3- -1,2-propanediol (MCPD), li huma kklassifikati bħala perikolużi għall-ambjent jew għas-saħħa skond id-Direttiva tal-Kunsill 67/548/KEE.

Maniġġjar ta' skart Ara kriterju 5

Sigurtà tal-prodott

Il-produttur tal-karta fina għandu jipprovdi dokument tar-riżultati ta' l-eżami tal-karta fina lesta li għandhom x'jaqsmu mas-sustanzi li ġejjin: formaldehyde, glyoxal, PCB, slimicides, sustanzi antimicrobial, żebgħa u elementi ottiċi li jdawlu.

Tabella 3

Amini msemmija fi kriterju 6

Amini | CAS-No |

4-aminoażobenżin | 60-09-3 |

o-anisidine | 90-04-0 |

4-aminodiphenyl | 92-67-1 |

Benżidin | 92-87-5 |

4-chloro-o-toluidine | 95-69-2 |

2-naphthylamine | 91-59-8 |

o-amino-azotoluene | 97-56-3 |

2-amino-4-nitrotoluene | 99-55-8 |

p-kloroanilina | 106-47-8 |

2,4-diaminoanisol | 615-05-4 |

4,4'-diaminodiphenylmethane | 101-77-9 |

3,3' -diklorobenżidin | 91-94-1 |

3,3'-dimethoxybenzidine | 119-90-4 |

3,3'-dimethylbenzidine | 119-93-7 |

3,3'-dimethyl-4,4'-diaminodiphenylmethane | 838-88-0 |

p-cresidine | 120-71-8 |

4,4'-methylene-bis-(2-kloranilin) | 101-14-4 |

4,4'-oxydianiline | 101-80-4 |

4,4'-thiodianiline | 139-65-1 |

o-toliudine | 95-53-4 |

2,4-diaminotoluene | 95-80-7 |

2,4,5-trimethylaniline | 137-17-7 |

2,4-xylidine | 95-68-1 |

4,6-xylidine | 87-62-7 |

Tajjeb għall-użu

L-applikant għandu jipprovdi xhieda sabiex juri li l-prodott huwa tajjeb għall-użu. Din ix-xhieda tista' tinkludi data minn metodi ta' ttestjar xierqa ISO jew CEN, imma tista' tinkludi proċeduri nazzjonali jew interni wkoll. Dettalji tal-proċeduri tat-test għandhom ikunu pprovvduti ma' l-applikazzjoni.

[2] Fibri reċiklati huma mfissra bħala fibri miġbura minn prodotti tal-karta wara l-konsum jew mill-iskart tal-karta mill-istadji ta' konverżjoni skond il-gradi definiti fil-lista Ewropea ta' gradi ta' standard ta' karta u bord irkuprati, (CEPI, Frar 1999). L-iskart tal-produzzjoni mill-imtieħen tal-karta mhux mfissra bħala fibri reċiklati.

[3] ĠU L 196, tas-16.8.1967, p. 1.

[4] ĠU L 136, tat-8.6.2000, p. 90.

[5] Hekk kif imfissra mill-awtoritajiet regolatorji rilevanti tal-polpa u postijiet ta' produzzjoni tal-karta fil-kwistjoni.

[6] Hekk kif imfissra mill-awtoritajiet regolatorji rilevanti tal-polpa u postijiet ta' produzzjoni tal-karta fil-kwistjoni.

--------------------------------------------------