31999D0767

Id-Deċiżjoni tal-Kummissjoni

tas-17 ta’ Novembru 1999

li tħassar id-Deċiżjoni 98/407/KE li tikkonċerna ċerti miżuri protettivi dwar molluski bivalvi u prodotti tas-sajd li jkunu ġejjin jew jipproċedu mit-Turkija u li temenda d-Deċiżjonijiet 94/777/KE u 94/778/KE

(notifikata taħt id-dokument numru C(1999) 3761)

(Test b’relevanza għaż-ŻEE)

(1999/767/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 97/78/KE tat-18 ta’ Diċembru 1997 li tistabbilixxi l-prinċipji li jirregolaw l-organizzazzjoni ta’ verifiki veterinarji fuq il-prodotti li jidħlu fil-Komunità minn pajjiżi terzi [1], u b’mod partikolari l-Artikolu 22(6) miġjub fiha,

Billi:

(1) wara r-riżultati ta’ żjara ta’ spezzjoni veterinarja fit-Turkija, il-Kumissjoni adottat id-Deċiżjoni 98/407/KE dwar ċerti miżuri protettivi dwar molluski bivalvi u prodotti oħra tas-sajd li joriġinaw jew jipproċedu mit-Turkija [2].

(2) wara l-miżuri protettivi u l-garanziji tas-saħħa provduti mill-awtoritajiet Torok il-Kummissjoni adottat id-Deċiżjoni 1999/2/KE [3] li tibdel id-Deċiżjoni 98/407/KE biex tkun tista’ tippermetti li tibda mill-ġdid l-importazzjoni ta’ prodotti tas-sajd mit-Turkija.

(3) ir-riżultati ta’ żjara ta’ spezzjoni ġdida u l-garanziji tas-saħħa provduti mill-awtoritajiet Torok huma suffiċjenti biex issa jippermettu l-bidu mill-ġdid ta’ l-importazzjoni ta’ molluski bilvavli, ekinodermi, tunikati u gastropodi tal-baħar, fl-għamliet kollha li joriġinaw jew jipproċedu mit-Turkija.

(4) wara r-riżultati taż-żjara ta’ spezzjoni huwa meħtieġ li tkun modifikata l-lista taż-żoni ta’ produzzjoni u taċ-ċentri ta’ dispaċċ magħżula, rispettivament bl-Anness B u l-Anness Ċ li jinsabu mad-Deċiżjoni tal-Kummissjoni 94/777/KE [4], kif l-aħħar emendata bid-Deċiżjoni 96/31/KE [5]. Huwa wkoll meħtieġ li tkun modifikata l-lista ta’ stabbilimenti magħżula bl-Anness B li jinsab mad-Deċiżjoni tal-Kummissjoni 94/778/KE [6], kif l-aħħar emendata bid-Deċiżjoni 96/31/KE;

(5) il-miżuri pprovduti f’din id-Deċiżjoni huma skond l-opinjoni tal-Kumitat Veterinarju Permanenti,

ADOTTAT DIN ID-DEĊIŻJONI:

Artikolu 1

Id-Deċiżjoni 98/407/KE hija mħassra.

Artikolu 2

L-Anness A li jinsab mad-Deċiżjoni preżenti jossotitwixxi l-Anness B li jinsab mad-Deċiżjoni 94/777/KE.

Artikolu 3

L-Anness B li jinsab mad-Deċiżjoni preżenti jissostitwixxi l-Anness Ċ li jinsab mad-Deċiżjoni 94/777/KE.

Artikolu 4

L-Anness Ċ li jinsab mad-Deċiżjoni preżenti jissostitwixxi l-Anness B li jinsab mad-Deċiżjoni 94/778/KE.

Artikolu 5

Din id-Deċiżjoni hija indirizzata lill-Istati Membri.

Magħmula fi Brussel, fis-17 ta’ Novembru 1999.

Għall-Kummissjoni

David Byrne

Membru tal-Kummissjoni

[1] ĠU L 24, tat-30.1.1998, p. 9.

[2] ĠU L 180, ta’ l-24.6.1998, p. 15.

[3] ĠU L 1, tal-5.1.1999, p. 5.

[4] ĠU L 312, tas-6.12.1994, p. 35.

[5] ĠU L 9, tat-12.1.1996, p. 6.

[6] ĠU L 312, tas-6.12.1994, p. 40.

--------------------------------------------------

ANNESS A

ANNESS B

ŻONI TA' PRODUZZJONI LI JIKKONFORMAW MAL-ĦTIĠIET PRESKRITTI FIL-KAPITOLU I (1)(a) TA' L-ANNESS LI JINSAB MAD-DIRETTIVA 91/492/KEE

Numru | Isem |

I | AYVALIK |

II | ÇANAKKALE |

ŻONI TA' PRODUZZJONI LI TIKKONFORMA MAL-ĦTIĠIET PRESKRITTI FIL-KAPITOLU I (1)(b) TA' L-ANNESS LI JINSAB MAD-DIRETTIVA 91/492/KEE

Numru | Isem |

IV | Il-Punent tal-Baħar l-Iswed |

V | Iċentru tal-Baħar l-Iswed |

--------------------------------------------------

ANNESS B

ANNESS Ċ

LISTA TA’ STABBILIMENTI APPROVATI GĦALL-ESPORTAZZJONI TA’ MOLLUSKI BILVALVI ĦAJJIN LILL-KOMUNITÀ EWROPEA

Numru | Isem | Indirizz |

TR 10 60 205 | ARTUR BALIKCILIK LTD STI SU URUNLERI DEZENFEKTE VE ARITMA TESISLERI | AYVALIK-BALIKESIR |

TR 17 60 183 | YAVUZ MILDON DENIZ UR SAN. VE TIC. LTD STI | GELIBOLU-CANAKKALE |

TR 10 60 318 | ADA DIS TIC. LTD STI | AYVALIK-BALIKESIR |

TR 34 60 140 | ALTINEL/MIN - TUR PAZ. TIC. LTD STI | SARIYER ISTANBUL |

--------------------------------------------------

ANNESS Ċ

ANNESS B

LISTA TA’ STABBILIMENTI APPROVATI GĦALL-ESPORTAZZJONI TA’ MOLLUSKI BIVALVI PROĊESSATI JEW IFFRIŻATI LILL-KOMUNITÀ EWROPEA

Numru | Isem | Indirizz | Kategorija |

TR 10 70 205 | ARTUR BALIKÇILIK LTD STI SU ÜRÜNLERI DEZENFEKTE VE ARITMA TESISLERI | AYVALIK-BALIKESIR | PP |

TR 16 70 301 | KERVITAS-MERSU-ANCOKER SU ÜRL. SAN. TIC.A.S. | AKÇALAR-BURSA | PP |

TR 17 70 181 | DARDANEL-ÖNENTAS GIDA SAN. A.S. | ÇANNAKALE | PP |

TR 17 70 110 | MARSAN-MARMARA GIDA MAD. IMAL. SAN. VE TIC. A.S. | ECCABAT-ÇANNAKALE | PP |

TR 17 70 129 | ULUBAY SOGUK DEPO ISI. VE TIC. LTD/STI | LAPSEKI-ÇANNAKALE | PP |

TR 47 70 370 | VAROLLAR GIDA SAN. TIC. A.S. | SILE-ISTANBUL | PP |

TR 47 70 430 | MAZLUMOGLU DIS TIC. TUR. YUK. NAK. PAZ. A.S. | SILIVRI-ISTANBUL | PP |

TR 35 70 429 | CESURLAR BALIK MARKET | TORBALI-IZMIR | PP |

TR 52 70 157 | ASPRA SU URL. TIC VE SAN. LTD. STI | FATSA-ORDU | PP |

TR 55 70 376 | IPEK SU ÜRÜNLERI VE GIDA MAD. SAN. LTD STI | YAKAKENT-SAMSUN | PP |

TR 34 70 140 | ALTINEL/NIM - TUR PAZ TIC LTD STI | SARIYER-ISTANBUL | PP |

TR 34 70 (90) 398 | AQUA DEN. PET. NAC. TIS. DIS TIC. A.S. | KADIKÖY-ISTANBUL | FV |

--------------------------------------------------