This document is an excerpt from the EUR-Lex website
Document 31997R1093
Commission Regulation (EC) No 1093/97 of 16 June 1997 laying down marketing standards applicable to melons and watermelons
Ir-Regolament tal-Kummissjoni (KE) Nru. 1093/97 tas-16 ta’ Ġunju 1997 li jistabbilixxi livelli fissi ta’ marketing applikabbli għall-bettieħ u d-dulliegħ
Ir-Regolament tal-Kummissjoni (KE) Nru. 1093/97 tas-16 ta’ Ġunju 1997 li jistabbilixxi livelli fissi ta’ marketing applikabbli għall-bettieħ u d-dulliegħ
ĠU L 158, 17.6.1997, p. 21–27
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL)
No longer in force, Date of end of validity: 31/12/2004; Imħassar b' 32004R1862
Official Journal L 158 , 17/06/1997 P. 0021 - 0027
IR-REGOLAMENT TAL-KUMMISSJONI (KE) NRU. 1093/97 tas-16 ta' Ġunju 1997 li jistabbilixxi livelli fissi ta' marketing applikabbli għall-bettieħ u d-dulliegħ IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunitajiet Ewropej, Wara li kkunsidrat ir-Regolament tal-Kunsill (KE) Nru. 2200/96 tat-28 ta' Ottubru 1996 dwar l-organizzazzjoni komuni tas-suq tal-frott u ħxejjex ([1]), u b'mod partikolari l-Artikolu 2(2) tiegħu, Billi Regolament (KE) Nru. 2200/96, fl-Anness, isemmi l-prodotti li għalihom iridu jiġu adottati normi; billi, mill-prodotti msemmijin f'dak l-Anness, l-ebda normi Komunitarji ma ġew stipulati għall-bettieħ u d-dulliegħ; billi huwa għaldaqstant neċessarju li jiġu stabbiliti normi ta' bejgħ għal dawk il-prodotti; billi, għall dan l-iskop, f'ġieħ it-trasparenza fis-suq globali, irid jittieħed kont tan-normi rakkomandati għal dawk il-prodotti mill-Kummissjoni Ekonomika tan-Nazzjonijiet Uniti għall-Ewropa; Billi l-applikazzjoni ta' dawk il-miżuri jrid ikollha l-effett li tbiegħed prodotti ta' kwalità mhux sodisfaċenti mis-suq, tidderiġi l-produzzjoni sabiex jintlaħqu l-bżonnijiet tal-konsumatur u li tiffaċilita negozju skond kondizzjonijiet kompettitivi u imparzjali, biex b'hekk jgħinu biex itejbu l-profitti tal-produzzjoni; Billi dawk in-normi japplikaw fl-istadji kollha tal-bejgħ; billi trasport għal distanzi twal, ħażna għal iktar minn ċertu perijodu ta' żmien u l-ammont ta' ġarr li għalihom ikunu sottoposti l-prodotti jistgħu jirriżultaw f'ċertu grad ta' deterjorament minħabba żviluppi bioloġiċi tal-prodott jew in-natura tiegħu li titħassar; billi għandu jittieħed kont ta' dan id-deterjorament fl-applikazzjoni tan-normi fl-istadji ta' marketing wara l-kunsinja; Billi l-miżuri msemmijin f'dan ir-Regolament huma skond l-opinjoni tal-Kumitat ta' Ġestjoni tal-Frott Frisk u tal-Ħxejjex, ADOTTAT DAN IR-REGOLAMENT: Artikolu 1 1. In-normi ta' marketing li japplikaw għall-: - bettieħ li huma riferuti fil-Kodiċi CN 0807 19 00, - dulliegħ li huma riferuti fil-Kodiċi CN 0807 11 00, ser ikunu kif hemm fl-Anness I u II rispettivament. 2. In-normi ser japplikaw għall kull stadju ta' marketing bil-kondizzjonijiet msemmijin fir-Regolament (KE) Nru. 2200/96. Madankollu, fl-istadji li jiġu wara l-kunsinja t-tolleranzi li ġejjin ikunu permessi: (a) telfa żgħira fil-freskezza u fin-nefħa; (b) għall-prodotti oħrajn barra tal-klassi Extra', deterjorament ħafif li jiġi mill-iżvilupp bioloġiku u t-tħassir. Artikolu 2 Dan ir-Regolament ser jidħol fis-seħħ fl-1 ta' Lulju 1997. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul Brussel, fis-16 ta' Ġunju 1997. Għall-Kummissjoni Franz FISCHLER Membru tal-Kummissjoni ANNESS 1 NORMI GĦALL-BETTIEĦ I. DEFINIZZJONI TA' PRODOTT Din in-norma tapplika għall-bettieħ ta' varjetajiet (cultivars) imkabbrin minn Cucumis meloL. li jridu jingħataw friski lill-konsumatur, bettieħ għall-ipproċessar industrjali hu eskluż. II. DISPOSIZZJONIJIET DWAR IL-KWALITÀ L-iskop tan-norma huwa biex jiġu defniti r-rekwiżiti tal-kwalità tal-bettieħ, wara l-preparazzjoni u l-ippakjar. A. Rekwiżiti minimi Fil-klassijiet kollha, konformi mad-disposizzjonijiet speċjali għal kull klassi u t-tolleranzi permessi, il-bettieħ irid ikun: - intatt ([2]), - b'saħħtu; prodott imħassar jew deterjorat li jirrendih mhux addatt għall-konsum hu eskluż, - nadif, prattikament mingħajr sustanzi barranin, - jidher frisk, - prattikament mingħajr dud, - prattikament mingħajr ħsara kkaġunata minn dud, - magħqud, - mingħajr tixrib li mhuwiex normali u li jkun fuq barra, - mingħajr riħa li tkun fuq barra u/jew togħma. Il-bettieħ irid ikun żviluppa biżejjed u jrid juri sajran suffiċjenti([3]). L-iżvilupp u l-kondizzjonijiet tal-bettieħ iridu jkunu tali illi jgħinhom: - jifilħu għat-trasport u l-ġarr, u - li jaslu f'kondizzjoni sodisfaċenti fil-post ta' destinazzjoni. B. Klassifikazzjoni Il-Bettieħ huwa kklassifikati fiż-żewġ klassijiet hawn taħt imsemmija: (i) Klassi I Bettieħ f'din il-klassi jridu jkunu ta' kwalità tajba. Iridu jkunu karatteristiċi tal-varjetà jew tip kummerċjali. Id-difetti ħfief li ġejjin, madankollu, jistgħu jiġu permessi sakemm dawn ma jaffetwawx id-dehra ġenerali tal-prodott, iż-żamma ta' kwalità u l-preżentazzjoni fil-pakketti: - difett ħafif fil-forma, - difett ħafif fil-kulur (kulur pallidu tal-qoxra fil-post fejn il-frotta kienet tmiss ma' l-art meta kienet qed tikber ma jitqiesx bħala difett), - tebgħat ħfief fil-qoxra kkawżati minn ħakk jew ġarr, - xquq ħfief li jkunu ġew imfejqa madwar iz-zokk tal-werqa ta' inqas minn 2 ċm fit-tul u li ma jmissux il-polpa. It-tul taz-zokk tal-werqa, fil-każ ta' frott tal-varjetajiet li ma jisseparawx fil-ħin tas-sajran, ma jistax jaqbeż iż-2 ċm għall-varjetajiet ta' tip ta' bettieħ Charentais, Ogen u Galia u l-5 ċm għal bettieħ ieħor, imma jridu f'kull każ ikunu preżenti u ntatti. (ii) II Klassi Din il-klassi tinkorpora bettieħ li ma jikkwalifikax għal taħt Klassi I imma li jissodisfa r-rekwiżiti minimi msemmijin hawn fuq. Id-difetti li ġejjin ser jitħallew sakemm il-bettieħ iżommu l-karatteristiċi essenzjali tagħhom rigward kwalità, iż-żamma tal-kwalità u l-preżentazzjoni - difetti fil-forma, - difetti fil-kulur (kulur pallidu tal-qoxra fil-post fejn il-frotta kienet tmiss ma' l-art meta kienet qed tikber ma jitqiesx bħala difett), - tbenġil ħafif, - xquq ħfief jew girfiet fondi li ma jaffettwawx il-polpa tal-frotta u huma xotti, - tebgħat fil-qoxra kkawżati minn ħakk jew ġarr. III. DISPOSIZZJONIJIET DWAR ID-DAQS Id-daqs jiġi stabbilit bl-użin ta' prodott wieħed jew bid-djametru tal-parti tan-nofs. Id-daqsijiet minimi huma kif ġejjin: Tagħti daqs bl-użin: - tipi ta' bettieħ Charenais, Ogen u Galia 250 g. - bettieħ ieħor 300 g. Daqs skond id-dijametru: - tipi ta' bettieħ Charentais, Ogen u Galia 7,5 cm, - bettieħ iehor 8 cm. Meta d-daqs jingħata skond l-użin, l-ikbar bettieħa f'kull pakkett ma tistax tiżen iktar minn 50 % mill-iżgħar waħda. Meta d-daqs jingħata skond id-dijametru, id-dijametru ta' l-ikbar bettieħa ma tistax iktar minn 20 % mid-dijametru ta' l-iżgħar waħda. Id-daqs irid jingħata bil-fors għaż-żewġ klassijiet. IV. DISPOSIZZJONIJIET DWAR IT-TOLLERANZI Tolleranzi rigward il-kwalità u d-daqs ser jitħallew f'kull pakkett għall-prodotti li ma jissodisfawx ir-rekwiżiti tal-klassi ndikata. A. Tolleranzi tal-kwalità (i) Klassi I 10 % bin-numru jew bl-użin tal-bettieħ li ma jissodisfawx ir-rekwiżiti tal-klassi, imma li jilħqu dawk ta' Klassi II jew, eċċezzjonalment, li huma fit-tolleranzi ta' dik il-klassi. (ii) Klassi II 10 % bin-numru jew bl-użin ta' bettieħ li la jissodisfaw ir-rekwiżiti tal-klassi, u lanqas ir-rekwiżiti minimi, bl-eċċezzjoni tal-prodott li hu affettwat minn tħassir jew xi tip ta' deterjorament ieħor li jirrendih mhux tajjeb għall-konsum. B. Tolleranzi ta' daqs Għall-klassijiet kollha: 10 % bin-numru jew bl-użin tal-bettieħ li ma jissodisfawx id-daqs li jiġi eżatt taħt jew fuq dak indikat fuq il-pakett. V. DISPOSIZZJONIJIET LI GĦANDHOM X'JAQSMU MAL-PREŻENTAZZJONI A. Uniformità Il-kontenut ta' kull pakkett irid ikun l-istess u jrid jikkonsisti f'bettieħ ta' l-istess oriġini biss, varjetà jew tip kummerċjali, kwalità u daqs, u li huma stmati li laħqu l-istess grad ta' żvilupp u sajran u jistgħu jiġu stmati li huma ta' l-istess kulur. Il-parti li tidher tal-kontenut trid tkun rappreżentattiva tal-kontenut kollu. B. L-ippakkjar Bettieħ irid ikun ippakjat b'tali mod li jiġi protett il-prodott sewwa. Il-materjal li jintuża fin-naħa ta' ġewwa tal-pakkett irid ikun ġdid, nadif u ta' kwalità sabiex jiġi evitat ħsara minn barra jew minn ġewwa lill-prodott. Jista' jsir użu ta' materjal, partikolarment ta' karti jew timbri li jkollhom speċifikazzjonijiet, sakemm l-istampar jew l-ittikkettjar isiru b'inka jew kolla li mhijiex tossika. Il-pakketti ma jistgħux ikollhom affarijiet barranin. VI. DISPOSIZZJONIJIET DWAR L-IMMARKAR Kull pakkett irid ikollu l-partikolarijiet li ġejjin b'ittri miġburin fuq l-istess naħa, li jistgħu jinqraw u mmarkati b'mod li ma jitħassrux, u li jistgħu jidhru minn barra: A. Identifikazzjoni Min ippakkja u/jew min għamel id-dispaċċ: l-isem u l-indirizz jew il-marka tal-kodiċi li nħarġet uffiċjalment jew li hi uffiċjalment aċċettata. Madankollu, f'każ fejn marka tal-kodiċi tintuża, ir-riferenza ta' min jippakkja' u/jew min jagħmel id-dispaċċ' (jew kliem fil-qosor ekwivalenti) iridu jintwerew viċin il-marka tal-kodiċi. B. Natura tal-prodott - Bettieħ' jekk il-kontenut ma jidhirx minn barra, - l-isem tal-varjetà jew it-tip kummerċjali (per eżempju Charentais). C. Oriġini tal-prodott - pajjiż ta' oriġini u, jekk iridu, l-isem tal-post nazzjonali, reġjonali jew lokali. D. Speċifikazzjonijiet kummerċjali - klassi, - daqs mogħti f'użin minimu jew massimu jew dijametru minimu jew massimu, - numru ta' prodotti (fakultattiva). E. Marka ta' kontroll uffiċjali (fakultattiva) ANNESS II NORMI GĦAD-DULLIEGĦ I. DEFINIZZJONI TA' PRODOTT Din in-norma tapplika għal dulliegħ ta' varjetajiet (cultivars) imkabbrin minn Citrullus lanatus (Thunb.) Matsum. et Nakai iridu jingħataw friski lill-konsumatur, dulliegħ għall-ipproċessar industrijali huma esklużi. II. DISPOSIZZJONIJIET DWAR IL-KWALITÀ L-iskop tan-norma huwa li jiġu defniti r-rekwiżiti tal-kwalità tad-dulliegħ, wara l-preparazzjoni u l-ippakjar. A. Rekwiżiti minimi Fil-klassijiet kollha, konformi mad-disposizzjonijiet speċjali għal kull klassi u t-tolleranzi permessi, id-dulliegħ irid ikun: - intatt, - b'saħħtu; prodott imħassar jew iddeterjorat li jirrendih mhux addatt għall-konsum hu eskluż, - nadif, prattikament mingħajr sustanzi barranin, - prattikament mingħajr dud, - prattikament mingħajr ħsara kkaġunata minn dud, - sod, u msajjar biżejjed; il-kulur u t-togħma ta' ġewwa jridu jkunu konformi ma' stat ta' sajran suffiċjenti, - mhux maqsum, - mingħajr tixrib li mhuwiex normali u li jkun fuq barra, - mingħajr riħa li tkun fuq barra u/jew togħma. L-iżvilupp u l-kondizzjonijiet tad-dulliegħ iridu jkunu tali illi jgħinhom: - jifilħu għat-trasport u l-ġarr, u - li jaslu f'kondizzjoni sodisfaċenti fil-post ta' destinazzjoni. B. Klassifikazzjoni Id-dulliegħ huma klassifikati fiż-żewġ klassijiet hawn taħt imsemmija: (i) Klassi I Dulliegħ f'din il-klassi jridu jkunu ta' kwalità tajba. Iridu jkunu: - iffurmati sewwa, bil-karatteristiċi tal-varjetà, - mingħajr xquq u tbenġil; xquq superfiċjali u ħfief ma jitiqiesux bħala difetti. Difett ħafif fil-kulur jitħalla għall-parti l-iktar ċara tad-dulliegħa li kienet tmiss ma' l-art meta kienet qiegħda tikber. Iz-zokk tad-dulliegħa ma jistax ikollu daqs ta' aktar minn 5 ċm. (ii) Klassi II Din il-klassi tinkorpora fiha dulliegħ li ma jikkwalifikax għall-Klassi I imma li jissodisfa r-rekwiżiti minimi msemmijin hawn fuq. Id-difetti li ġejjin jistgħu jibqgħu sakemm id-dulliegħ iżommu l-karratteristiċi essenzjali tagħhom rigward kwalità, iż-żamma tal-kwalità u l-preżentazzjoni - difett ħafif fil-forma, - difett ħafif fil-kulur tal-qoxra, - tbenġil ħafif jew difetti superfiċjali li jirriżultaw partikolarment mill-impatt mekkaniku jew minn ħsara minn parassiti jew minn mard. III. DISPOSIZZJONIJIET DWAR ID-DAQS Id-daqs jiġi stabbilit bl-użin ta' kull prodott. L-użin minimu hu ta' 1,5 kilogramma. Meta d-dulliegħ ikunu ppreżentati f'pakketti, id-differenza fl-użin bejn l-eħfef u l-itqal waħda fl-istess pakkett ma tistax taqbeż 2 kg, jew 3,5 kg jekk l-eħfef waħda taqbeż is-6 kg. Din l-uniformità relattiva ta' użin mhijiex obbligatorja għad-dulliegħ ippreżentat bħala massa. IV. DISPOSIZZJONIJIET DWAR IT-TOLLERANZI Tolleranzi rigward il-kwalità u d-daqs jistgħu jitħallew f'kull pakkett, jew għal kull kunsinja ta' prodotti ppreżentati bħala massa, għall-prodotti li ma jissodisfawx ir-rekwiżiti tal-klassi indikata. A. Tolleranzi tal-kwalità (i) Klassi I 10 % bin-numru jew bl-użin tad-dulliegħ li ma jissodisfawx ir-rekwiżiti tal-klassi, imma li jilħqu dawk ta' Klassi II jew, eċċezzjonalment, li jkunu fit-tolleranzi ta' dik il-klassi. (ii) Klassi II 10 % bin-numru jew bl-użin ta' dulliegħ li la jissodisfaw ir-rekwiżiti tal-klassi, u lanqas ir-rekwiżiti minimi, bl-eċċezzjoni tal-prodott li hu affettwat minn tħassir jew xi tip ta' deterjorament ieħor li jirrendih mhux tajjeb għall-konsum. B. Tolleranzi ta' daqs Għall-klassijiet kollha: 10 % bin-numru jew bl-użin tad-dulliegħ li ma jikkonformawx mad-daqs indikat, imma mhux iktar minn 1 kg iktar jew inqas mid-daqs imsemmi. It-tolleranza ma tapplikax għall-frott li jiżen inqas minn kilogramma. V. DISPOSIZZJONIJIET LI GĦANDHOM X'JAQSMU MAL-PREŻENTAZZJONI A. Uniformità Il-kontenut ta' kull pakkett, jew lott ta' prodotti li jkunu bil-massa, iridu jkunu uniformi u jkollhom biss dulliegħ ta' l-istess oriġini, varjetà u kwalità. Il-parti li tidher tal-kontenut, jew lott ta' prodotti, ppreżentata bħala massa, trid tkun rappreżentattiva tal-kontenut kollu. Barra minn hekk, fi Klassi I, il-forma u l-kulur tal-qoxra tad-dulliegħa jridu jkunu l-istess. B. L-ippakkjar Id-dulliegħ iridu jkunu ppakjati b'tali mod li jiġi protett il-prodott sewwa. Il-materjal li jintuża fin-naħa ta' ġewwa tal-pakkett, irid ikun ġdid, nadif u ta' kwalità sabiex tiġi evitata ħsara minn barra jew minn ġewwa lill-prodott. Jista' jsir użu ta' materjal partikolarment karti jew timbri li jkollhom speċifikazzjonijiet ta' negozju, sakemm l-istampar jew l-ittikkettjar isiru b'inka jew kolla li mhijiex tossika. Pakketti, jew lott ta' prodotti bil-massa, iridu jkunu ħielsa minn affarijiet barranin. Dulliegħ ittrasportat bħala massa jrid ikun separat mill-art u mill-ħitan ta' l-inġenji tal-ġarr b'materjal prottettiv addattat, li jrid ikun ġdid u nadif u li ma jkunx jista' jagħti togħma jew riħa lill-frotta li mhijiex normali. C. Preżentazzjoni Id-dulliegħ jista' jiġi ppreżentat: - f'pakketti, - bħala massa. VI. DISPOSIZZJONIJIET DWAR L-IMMARKAR Kull pakkett irid ikollu l-partikolarijiet li ġejjin miktuba b'ittri miġburin fuq l-istess naħa, li jistgħu jinqraw u li ma jitħassrux, u li jistgħu jidhru minn barra: Għal dawk id-dulliegħ ittrasportati bil-massa (ġarr dirett fl-inġenji tat-trasport) dawn il-partikolarijiet iridu jidhru fuq dokument li jkun mal-prodotti, u mwaħħal f'pożizzjoni li tidher fl-inġenji tat-trasport. Għal dan it-tip ta' preżentazzjoni l-indikazzjoni tad-daqs, l-użin nett jew in-numru tal-prodotti mhumiex obbligatorji. A. Identifikazzjoni Min ippakkja u/jew min għamel id-dispaċċ: l-isem u l-indirizz jew il-marka tal-kodiċi li nħarġet uffiċjalment jew li hi uffiċjalment aċċettata. Madankollu, f'każ fejn marka tal-kodiċi tintuża, ir-riferenza min jippakkja' u/jew min jagħmel id-dispaċċ' (jew kliem fil-qosor ekwivalenti) iridu jintwerew qrib il-marka tal-kodiċi. B. Natura tal-prodott - Dulliegħ' jekk il-kontenut ma jidhirx minn barra. C. Oriġini tal-prodott - pajjiż ta' oriġini u, jekk iridu, l-isem tal-post tad-distrett jew nazzjonali, reġjonali jew lokali fejn ġew imkabbrin. D. Speċifikazzjonijiet kummerċjali - klassi, - daqs (jekk ikunu ġew imwiżnin) mogħti bl-użin minimu u massimu, - użin nett u numru ta' prodotti. E. Marka ta' kontroll uffiċjali (fakultattiva) [1] ĠU L 297, tal-21.11.1996, p. 1. [2] Madankollu, marka żgħira li tkun fieqet li tkun ġiet ikkawżata bil-kejl awtomatiku refrattometriku ta' l-indiċi ma jitqiesx bħala difett. [3] L-indiċi refrattometriku tal-polpa jrid ikun ta' l-inqas 8 % ikkalkulat fil-punt tan-nofs tal-qoxra friska fil-parti tan-nofs.