EUR-Lex Access to European Union law
This document is an excerpt from the EUR-Lex website
Document 31997D0269
97/269/EC: Council Decision of 13 March 1997 concerning the conclusion of the Agreement on customs cooperation in the form of an Exchange of Letters between the European Community and the Kingdom of Norway
Id-Deċiżjoni tal-Kunsill tat-13 ta' Marzu rigward il-konklużjoni tal-Ftehim dwar il-koperazzjoni doganali fil-forma ta' bdil ta' ittri bejn il-Komunità Ewropea u r-Renju tan-Norveġja
Id-Deċiżjoni tal-Kunsill tat-13 ta' Marzu rigward il-konklużjoni tal-Ftehim dwar il-koperazzjoni doganali fil-forma ta' bdil ta' ittri bejn il-Komunità Ewropea u r-Renju tan-Norveġja
ĠU L 105, 23.4.1997, p. 13–14
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
ELI: http://data.europa.eu/eli/dec/1997/269/oj
Official Journal L 105 , 23/04/1997 P. 0013 - 0014
Id-Deċiżjoni tal-Kunsill tat-13 ta' Marzu rigward il-konklużjoni tal-Ftehim dwar il-koperazzjoni doganali fil-forma ta' bdil ta' ittri bejn il-Komunità Ewropea u r-Renju tan-Norveġja (97/269/EC) IL-KUNSILL TA' L-UNJONI EWROPEA, Wara li kkunsidra t-Trattat li jwaqqaf il-Komunità Ewropea, u b'mod partikolati l-Artikolu 113 tiegħu, flimkien ma' l-ewwel sentenza ta' l-Artikolu 228(2) u l-ewwel subparagrafu ta' l-Artikolu 228(3), Wara li kkunsidra l-proposta mill-Kummissjoni, Billi l-arranġamenti nazzjonali dwar il-koperazzjoni doganali konklużi bejn ir-Renju tan-Norveġja u r-Repubblika tal-Finlandja, min-naħa l-waħda, u bejn ir-Renju tan-Norveġja u r-Renju ta' l-Isvezja, min-naħa l-oħra, għandhom, dwar il-kwistjonijiet li jaqgħu fil-ġurisdizzjoni tal-Komunità, jiġu mibdula b'sistema Komunitarja; Billi l-ftehim ta' koperazzjoni fil-fruntiera jgħin biex jiġu ffaċilitati n-negozju u l-allokazzjoni effiċjenti ta'riżorsi matul numru limitat ta' postijiet fil-fruntiera li jinsabu fir-reġjuni l-aktar 'il barra, b'mod partikolari għar-Repubblika tal-Finlandja u Renju ta' l-Isvezja; billi dawk ir-reġjuni għandhom numru ta' partikolaritajiet relatati mal-ġeografija tagħhom (kondizzjonijiet ta' klima mill-aktar ħarxa, fruntieri mill-aktar twal, distanzi interni twal, diffikultà kbira biex wieħed ikollu l-aċċess għal ċerti żoni) u għad-densità baxxa ħafna ta' popolazzjoni u ta' traffiku li għandhom u dawn il-partikolaritajiet huma ġodda fil-kuntest Komunitarju u jeħtieġu attenzjoni speċjali biex ir-reġjuni u l-operaturi ekonomiċi konċernati ma jiġux penalizzati; Billi fil-25 ta' Ottubru 1996 il-Kunsill awtorizza lill-Kummissjoni biex tinnegozja, għan-nom tal-Komunità, ftehim dwar il-koperazzjoni doganali fil-forma ta' Bdil ta' Ittri bejn il-Komunità Ewropea u r-Renju tan-Norveġja; Billi r-Repubblika tal-Finlandja u Renju ta' l-Isvezja għandhom jassumu responsabbiltà sħiħa, inkluża l-obbligazzjoni finanzjarja, lejn il-Komunità għall-atti kollha mwettqa jew li għandhom jitwettqu għan-nom ta' l-awtoritajiet doganali Norveġiżi; Billi l-awtoritajiet doganali Finlandiżi u Svediżi rispettivament għandhom jikkonkludu ma' l-awtoritajiet doganali Norveġiżi arranġament amministrattiv għall-implimentazzjoni tal-Ftehim; billi dawk l-arranġamenti għandhom jiġu notifikati lill-Kummissjoni; billi l-awtoritajiet doganali Finlandiżi u Svediżi għandhom ikunu obbligati jagħtu kont lill-Kummissjoni ta' l-implimentazzjoni ta' dan il-Ftehim; Billi l-Ftehim dwar il-koperazzjoni doganali fil-forma ta' Bdil ta' Ittri negozjat bejn il-Komunità Ewropea u r-Renju tan-Norveġja għandu jiġi approvat, ADOTTAT DAN IR-REGOLAMENT: Artikolu 1 Il-Ftehim dwar il-koperazzjoni doganali fil-forma ta' Bdil ta' Ittri negozjat bejn il-Komunità Ewropea u r-Renju tan-Norveġja qiegħed b'hekk jiġi approvat għan-nom tal-Komunità. It-test tal-Ftehim huwa mehmuż ma' din id-Deċiżjoni Artikolu 2 Billi r-Repubblika tal-Finlandja u Renju ta' l-Isvezja għandhom jassumu responsabbiltà sħiħa, inkluża l-obbligazzjoni finanzjarja, lejn il-Komunità għall-atti kollha mwettqa jew li għandhom jitwettqu għan-nom ta' l-awtoritajiet doganali Norveġiżi; Artikolu 3 1. L-awtoritajiet doganali Finlandiżi u Svediżi rispettivament għandhom jikkonkludu ma' l-awtoritajiet doganali Norveġiżi arranġament amministrattiv għall-implimentazzjoni ta' dan il-Ftehim. Dawn l-arranġamenti għandhom jiġu notifikati lill-Kummissjoni tal-Komunitajiet Ewropej. 2. L-awtoritajiet doganali Finlandiżi u Svediżi rispettivament għandhom jiġu obbligati jagħtu kont lill-Kummissjoni ta' l-implimentazzjoni ta' dan il-Ftehim. Għal dan il-għan, huma għandhom jippreżentaw rapport ta' kull sena lill-Kummissjoni, sakemm ċirkostanzi speċjali ma jkunux jeħtieġu rapporti addizzjonali. Artikolu 4 Il-Komunità għandha tkun rappreżentata fuq il-Kumitat Konġunt imwaqqaf taħt l-Artikolu 7 tal-Ftehim mill-Kummissjoni megħjuna mir-rappreżentanti ta' l-Istati Membri. Artikolu 5 Il-President tal-Kunsill qiegħed b'hekk jiġi awtorizzat li jinnomina l-persuna li għandha s-setgħa li tiffirma l-Ftehim biex torbot lill-Komunità u biex tagħti n-notifika prevista mill-Artikolu 11 tal-Ftehim [1]. Artikolu 6 Din id-Deċiżjoni għandha tiġi ppubblikata fil-Ġurnal Uffiċjali tal-Komunitajiet Ewropej. Magħmula fi Brussel, fit-13 ta' Marzu 1997. Għall-Kunsill Il-President M. Patijn [1] Id-data tad-dħul fis-seħħ tal-Ftehim għandha tiġi ppublikata fil-Ġurnal Uffiċjali tal-Komunitajiet Ewropej mis-Segretarju Ġenerali tal-Kunsill --------------------------------------------------