31996R2010

Ir-Regolament tal-Kummissjoni (KE) Nru 2010/96

tal-21 ta’ Ottubru 1996

li jemenda l-Anness II tar-Regolament tal-Kunsill (KEE) Nru 2377/90 li jistabilixxi proċedura tal-Komunità biex jiġu stabbiliti limiti massimi ta’ residwi ta’ prodotti mediċinali Veterinarji fi prodotti ta’ l-ikel li ġejjin mill-annimali

IL-KUMMISSJONI TAL-KOMUNITAJIET EWROPEJ

Wara li kkunsidrat it-Trattat li jwaqqaf il-Komunità Ewropea,

Wara i kkunsidrat ir-Regolament tal-Kummissjoni (KEE) Nru 2377/90 tas-26 ta’ Ġunju 1990 li jistabilixxi proċedura tal-Komunità biex jiġu stabbiliti limiti massimi ta’ residwi ta’ prodotti mediċinali veterenarji fi prodotti ta’ l-ikel li ġejjin mill-annimali [1], kif emendat l-aħħar bir-Regolament tal-Kummissjoni (KE) Nru 1798/96 [2], u b’mod partikolari l-Artikoli 6, 7 u 8 dwar dan,

Billi, b’mod konformi mar-Regolament (KEE) Nru 2377/90, limiti massimi ta’ residwi iridu jiġu stabiliti progressivament għal kull sostanza farmakoloġikament attiva li hi wżata fil-Komunità fi prodotti mediċinali veterenarji maħsuba biex jingħataw lill-annimali li jipproduċu l-ikel;

Billi limiti massimi ta’ residwi għandhom jiġu stabiliti biss wara li ssir eżaminazzjoni fi ħdan il-Kumitat għal-Prodotti Mediċinali Veterenarji ta’ l-informazzjoni relevanti kollha dwar is-sigurtà ta’ residwi tas-sostanza konċernata għall-konsumatur ta’ prodotti ta’ l-ikel li ġejjin mill-annimali u l-impatt ta’ residwi fuq l-iproċessar industrijali ta’ prodotti ta’ l-ikel;

Billi, waqt li jkunu qegħdin jiġu stabiliti l-limiti massimi ta’ residwu ta’ prodotti veterenarji mediċinali fi prodotti ta’ l-ikel li jorġinaw mill-annimali, huwa meħtieġ li jiġu speċifikati l-ispeċji ta’ annimali li fihom jistgħu jkunu presenti kull residwu, il-livelli li jistgħu jkunu presenti f’kull waħda mit-tessuti tal-laħam relevanti miksuba mill-annimal trattat (tessut bersal) u n-natura tar-residwu li huwa relevanti għall-monitoraġġ tar-residwi (residwu markatur)

Billi għall-kontroll tar-residwi, kif hemm ipprovdut għaliħ fil-leġislazzjoni xierqa tal-Komunità, limiti massimi ta’ residwi għandhom normalment jiġu stabiliti għat-tessuti bersalji ta’ fwied jew ta’kliewi; billi, madanakollu, il-fwied u l-kliewi huma spiss imneħħija mill-karkassi li jkunu qegħdin jispustaw fil-kummerċ internazzjonali, u l-limiti massimi ta’ residwi, għandhom għalhekk dejjem jiġu stabiliti fir-rigward ta’ tessuti ta’ muskolu jew ta’ grass;

Billi, fil-kas ta’ prodotti veterinarji mediċinali maħsuba biex jintużaw fuq għasafar li jbidu, annimali li jagħtu l-ħalib jew naħal ta’ l-għasel, iridu jiġu stabiliti limiti massimi ta residwi għall-bajd, ħalib u għasel;

Billi d-dembrexine, diklazuril u l-etamiphylline camsylate għandhom jiddaħħlu fl-Anness II tar-Regolament (KEE) Nru 2377/90;

Billi għandu jitħalla perjodu ta’ 60 jum qabel id-dħul fis-seħħ ta’ dan ir-Regolament sabiex l-Istati Membri jkunu jistgħu jagħmlu kull aġġustament li jista’ jkun meħtieġa għall-awtorizzazzjonijiet li ngħataw b’ mod konformi mad-Direttiva tal-Kunsill 81/851/KEE [3], kif emendat l-aħħar mid-Direttiva 93/40/KEE [4], sabiex jiġu kunsidrati d-dispożizzjonijiet ta’ dan ir-Regolament biex jitpoġġew il-prodotti veterinarji mediċinali konċernati fis-suq;

Billi l-miżuri mniżżla f’dan ir-Regolament huma skond il-fehma tal-Kumitat Permanenti dwar Prodotti Veterinarji Mediċinali,

ADDOTTA DAN IR-REGOLAMENT:

L- Artikolu 1

L-Anness II tar-Regolament (KEE) Nru 2377/90 huwa b’dan emendat skond l-Anness ta’ dan ir-Regolament.

L- Artikolu 2

Dan ir-Regolament għandu jidħol fis-seħħ fis-60 jum ta’ wara il pubblikazzjoni fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fil-kumplessità tiegħu u japplika b’mod dirett lil kull Stat Membru.

Magħmul fi Brussel, fil-21 ta’ Ottubru 1996.

Għall-Kummissjoni

Martin Bangemann

Membru tal-Kummissjoni

[1] ĠU L 224, tat-18.8.1990, p. 1.

[2] ĠU L 236, tat-18.9.1996, p. 23.

[3] ĠU L 317, tas-6.11.1981, p. 1.

[4] ĠU L 214, ta’ l-24.8.1993, p. 31.

--------------------------------------------------

L-ANNESS

L-Anness II tar-Regolament (KE) Nru 2377/90 huwa emendat kif ġej:

2. Komposti organiċi

"Sustanza(/i) farmakoloġikament attiva(/i) | Speċi ta' annimal | Dispożizzjonijiet oħra |

2.65.Dembrexine | Zwiemel | |

2.66.Diclazuril | Ovin | Għal użu mill-ħalq għall-ħrief biss |

2.67.Etamiphylline camsylate | L-ispeċi kollha li jipproduċu l-ikel" | |

--------------------------------------------------