31995R0786

Ir-Regolament tal-Kummissjoni (KE) Nru 786/95

tas-6 ta’ April 1995

li jemenda r-Regolament (KEE) Nru 1274/91 li jintroduċi regoli dettaljati sabiex jiġi implimentat ir-Regolament tal-Kunsill (KEE) Nru 1907/90 dwar ċerti standards tal-marketing tal-bajd.

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KEE) Nru 1907/90 tas-26 ta’ Ġunju 1990 dwar ċerti standards tal-marketing tal-bajd [1], kif l-aħħar emendat bir-Regolament (KEE) Nru 3117/94 [2]

, u b’mod partikolari Artikolu 20 tiegħu, Billi r-Regolament tal-Kummissjoni (KEE) Nru 1274/91 [3], kif l-aħħar emendat bir-Regolament (KE) Nru 3239/94 [4], jistabbilixxi d-dispożizzjonijiet meħtieġa sabiex jiġu implimentati l-i standards tal-marketing;

Billi d-dispożizzjonijiet li għandhom x’jaqsmu ma’ l-indikazzjonijiet fuq il-pakketti li jkun fihom il-kliem "extra" jew "extra frisk" iridu jiġu emendati sabiex iqisu tal-aħħar emenda tar-Regolament (KEE) Nru 1907/90;

Billi l-miżuri pprovvduti f’dan ir-Regolament huma skond l-opinjoni tal-Kumitat ta’ Ġestjoni tal-Laħam tat-Tjur u tal-Bajd,

ADOTTAT DAN IR-REGOLAMENT:

Artikolu 1

"1. L-istrixxa jew it-tikketta riferiti f’Artikolu 12 tar-Regolament (KEE) Nru 1907/90 irid jkunu stampata jew imwaħħla hekk illi l-ebda tagħrif fuq il-pakkett ma jiġi moħbi bil-pożizzjoni ta’ l-istrixxa jew tat-tikketta. Il-kelma "extra" għandha tkun stampata fuq l-istrixxa jew it-tikketta b’ittri korsivi għoljin 1ċm segwita bil-kelma "sa" u ż-żewġ settijiet ta’ ċifri riferiti fit-tieni subparagrafu ta’ Artikolu 14(1) li jindikaw is-seba’ jum wara l-pakkjar jew id-disa’ jum wara d-data ta’ meta tbied. Fejn id-data tal-pakkjar tkun indikata fuq il-pakketti, l-indikazzjoni riferita hawn fuq tista’ tinbidel bl-indikazzjoni li ġejja:"extra sas-seba’ jum wara l-pakkettjar"

Fejn il-jum meta jkun inbied tiġi indikata fuq il-pakketti, l-indikazzjoni riferita hawn fuq tista’ tinbidel bl-indikazzjoni li ġejja:"extra sad-disa’ jum wara li tbied"

Il-kelma "extra" tista’ tiġi segwita bil-kelma "frisk"

2. Fejn l-istrixxa jew it-tikketta riferiti fil-paragrafu 1 ma jkunux jistgħu jitneħħew mill-pakkett, il-pakkett għandu jitneħħa miż-żona tal-bejgħ mhux iktar tard mis-seba’ jum wara l-pakkettjar jew id-disa’ jum wara l-għemil tal-bajd u l-bajd irid jiġi ppakkjat mill-ġdid."

Artikolu 2

Dan ir-Regolament għandu jidħol fis-seħħ fis-seba’ jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fis-6 ta’ April 1995.

Għall-Kummissjoni

Franz Fischler

Membru tal-Kummissjoni

[1] ĠU Nr L 173, tas-6.7.1990, p. 5.

[2] ĠU Nr L 330, tal-21.12.1994, p. 4.

[3] ĠU Nr L 121, tas-16.5.1991, p. 11.

[4] ĠU Nr L 338, tat-28.12.1994, p. 48.

--------------------------------------------------