31994R3315

Ir-Regolament tal-Kunsill (KE) Nru 3315/94

tat-22 ta' Diċembru 1994

li jemenda r-Regolament (KEE) Nru 3118/93 li jistabbilixxi l-kundizzjonijiet li permezz tagħhom burdnara mhux residenti jistgħu joperaw servizzi tat-trasport bit-triq fi ħdan Stat Membru

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea,

Wara li kkunsidra l-Att ta' Adeżjoni ta' l-1994, u b'mod partikolari l-Artikolu 169 tiegħu,

Wara li kkunsidra l-proposta mill-Kummissjoni,

Billi permezz ta' l-Adeżjoni ta' l-Awstrija, tal-Finlandja u ta' l-Isvezja, ir-Regolament (KEE) Nru 3118/93 [1] tal-25 ta' Ottubru 1993 għandu jkun emendat sabiex ikun allokat in-numru xieraq ta' awtorizzazzjonijiet ta' kabotaġġ tal-Komunità lejn l-Awstrija, l-Finlandja u l-Isvezja;

Billi bis-saħħa ta' l-Artikolu 13 tal-Protokoll Nru 9 dwar it-trasport tat-triq, tal-ferrrovija u trasport ikkombinat fl-Awstrija kif anness ma' l-Att ta' Adeżjoni ta' l-1994, ir-Regolament (KEE) Nru 3118/93 għandu japplika biss mill-1 ta' Jannar 1997 lejn il-: (a) burndara b'awtorizzazzjoni tal-Komunità maħruġa mill-awtoritajiet kompetenti fl-Awstrija għall-ħidma tas-servizzi nazzjonali tat-trasport bit-triq fi Stati Membri oħrajn, u (b) burdnara b'awtorizzazzjoni tal-Komunità maħruġa mill-awtoritajiet kompetenti fi Stat Membru ieħor għall-ħidma tas-servizzi nazzjonali tat-trasport bit-triq fl-Awstrija;

Billi t-tkabbir tal-Komunità se jirriżulta f'żieda fis-suq tat-trasport bit-triq; billi numru addizzjonali ta' l-awtorizzazzjonijiet tal-kabotaġġ tal-Komunità għandhom għalhekk ikunu stabbiliti għat-tnax-il Stat Membru preżenti;

Billi, minħabba fl-adeżjoni, numru ta' aġġustamenti tekniċi għandhom isiru ukoll ghar-Regolament (KEE) Nru 3118/93;

Billi huwa meħtieġ li jitkomplew, temporanjament, arranġamenti mfasslin fl-istruttura tal-Ftehim dwar iż-Żona Ekonomika Ewropea (ŻEE), sabiex l-awtorizzazzjonijiet tal-kabotaġġ għall-bidu ta' l-1995 jistgħu jkunu ttimbrati fil-waqt xieraq;

Billi bis-saħħa ta' l-Artikolu 2(3) tat-Trattat ta' Adeżjoni ta' l-1994, l-istituzzjonijiet tal-Komunitajiet jistgħu jadottaw, qabel l-adeżjoni, il-miżuri bis-saħħa ta' l-Artikolu 169 ta' l-Att ta' l-1994, tali miżuri li jidħlu fis-seħħ soġġetti għal, u fid-data tad-dħul fis-seħħ ta' l-imsemmi Trattat,

ADOTTA DAN IR-REGOLAMENT:

L-Artikolu 1

Ir-Regolament (KEE) Nru 3118/83 qiegħed jiġi emendat kif ġej:

1. Fl-Artikolu 2(1), it-tielet subparagrafu għandu jkun mibdul b'dan li ġej:

Sena | Numru ta' awtorizzazzjonijiet |

1994 | 30000 |

1995 | 46296 |

1996 | 60191 |

1997 | 83206 |

1 ta' Jannar sat-30 ta' Ġunju 1998 | 54091." |

2. It-tabella fl-Artikolu 2(3) għandha tkun mibdula b'dan li ġej:

| "1995 | 1996 | 1997 | 1 ta' Jannar sat-30 ta' Ġunju 1998 |

il-Belġju | 3647 | 4742 | 6223 | 4045 |

id-Danimarka | 3538 | 4600 | 6037 | 3925 |

il-Ġermanja | 5980 | 7774 | 10203 | 6632 |

il-Greċja | 1612 | 2096 | 2751 | 1789 |

Spanja | 3781 | 4916 | 6452 | 4194 |

Franza | 4944 | 6428 | 8436 | 5484 |

l-Irlanda | 1645 | 2139 | 2808 | 1826 |

l-Italja | 4950 | 6435 | 8445 | 5490 |

il-Lussemburgu | 1699 | 2209 | 2899 | 1885 |

l-Olanda | 5150 | 6695 | 8786 | 5711 |

l-Awstrija | 0 | 0 | 4208 | 2736 |

il-Portugall | 2145 | 2789 | 3661 | 2380 |

il-Finlandja | 1774 | 2307 | 3029 | 1969 |

l-Iżvezja | 2328 | 3027 | 3973 | 2583 |

ir-Renju Unit | 3103 | 4034 | 5295 | 3442" |

3. It-testi 'l fuq nett tal-paġni (a) u (b) ta' l-Annessi I u II għandhom ikunu mibdula bis-segwenti:

"(Test li għandu jkun miktub fil-lingwa(lingwi) uffiċjali jew waħda mil-lingwi uffiċjali ta' l-Istat Membru li joħroġ l-awtorizzazzjoni)"

Il-paġni (ċ), (d), (e) u (f) għandhom sussegwentement ikunu mħassrin.

4. Iċ-ċentru tal-paġna (a) ta' l-Annessi I u II għandu jkun mibdul b'dan li ġej:

+++++ TIFF +++++

5. In-nota tal-qiegħ 1 f'tarf il-paġna (a) ta' l-Annessi I, II u III għandha tkun mibdula b'dan li ġej:

"(1) Sinjali li jiddistingwu tal-pajjiż:

Il-Belġju (B), id-Danimarka (DK), il-Ġermanja (D), il-Greċja (GR), Spanja (E), Franza (F), l-Irlanda (IRL), l-Italja (I), il-Lussemburgu (L), l-Olanda (NL), l-Awstrija (A), il-Portugall (P), il-Finlandja (FIN), l-Iżvezja (S), ir-Renju Unit (GB) (sa mill-1 ta' Jannar 1996: UK)."

6. It-test 'il fuq nett tal-paġni (a) u (b) ta' l-Anness III għandu jiġi mibdul bis-segwenti:

"(Test li għandu jkun miktub fil-lingwa(lingwi) uffiċjali jew waħda mil-lingwi uffiċjali ta' l-Istat Membru li joħroġ il-ktieb)".

7. L-intestatura

"Il-Kolonna 6"

fuq il-paġna (ċ) ta' l-Anness III għandha tkun mibdula b'dan li ġej:

- il-Belġju: | B |

- id-Danimarka: | DK |

- il-Ġermanja: | D |

- il-Greċja: | GR |

- Spanja: | E |

- Franza: | F |

- l-Irlanda: | IRL |

- l-Italja: | I |

- il-Lussemburgu: | L |

- l-Olanda: | NL |

- il-Portugall: | P |

- il-Finlandja: | FIN |

- l-Iżvezja: | S |

- ir-Renju Unit: | GB (mill-1 ta' Jannar 1996: UK) |

u mill-1 ta' Jannar 1997:

- l-Awstrija: | A." |

8. L-Anness IV għandu jkun mibdul bl-Anness ta' dan ir-Regolament.

L-Artikolu 2

1. Sat-30 ta' Ġunju 1995, l-awtorizzazzjonijiet ta' kabotaġġ li għandhom jintużaw mill-burdnara stabbiliti fl-Istati Membri preżenti għandhom jikkorrispondu għall-mudelli fl-Annesi I u II tar-Regolament (KEE) Nru 3118/93. Sa l-istess data, l-awtorizzazzjonijiet ta' kabotaġġ li għandhom jintużaw mill-burdnara fil-Finlandja u fl-Isvezja għandhom jikkorrispondu mal-mudelli fl-Anness I u II fl-Appendiċi 2 ta' l-Anness XIII tal-Ftehim taż-ŻEE, kif emendat bid-Deċiżjoni 7/94 tal-Kumitat Konġunt taż-ŻEE [2].

2. L-Istati Membri preżenti jistgħu jawtorizzaw l-użu ta' kotba għall-formoli ta' reġistrazzjoni specifikati fl-Anness III tar-Regolament (KEE) Nru 3118/93 sal-31 ta' Diċembru 1995 l-aktar tard; l-Istati Membri l-oħrajn għandhom jaċċettaw dawn il-formoli ta' reġistrazzjoni fit-territorju tagħhom sal-31 ta' Diċembru 1995. Sa din id-data, l-Finlandja u l-Isvezja jistgħu jawtorizzaw l-użu ta' formoli ta' reġistrazzjoni speċifikati fl-Anness III ta' l-Appendiċi 2 ta' l-Anness XIII tal-Ftehim taż-ŻEE, kif emendat mid-Deċiżjoni 7/94 tal-Kumitat Konġunt taż-ŻEE.

L-Artikolu 3

Dan ir-Regolament għandu jidħol fis-seħħ fid-data ta' dħul fis-seħħ tat-Trattat ta' Adeżjoni ta' l-1994.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fit-22 ta' Diċembru 1994.

Għall-Kunsill

Il-President

H. Seehofer

[1] ĠU L 279, tat-12.11.1993, p. 1.

[2] ĠU L 160, tat-28.6.1994, p. 1.

--------------------------------------------------

L-ANNESS

L-ANNESS IV

+++++ TIFF +++++

--------------------------------------------------