31994R0774

Ir-Regolament tal-Kunsill (KEE) Nru 774/94

tad-29 ta' Marzu 1994

li jiftaħ u jipprovdi l-amministrazzjoni ta' ċerti kwoti tat-tariffa Komunitarja għal-laħam taċ-ċanga ta' kwalità għolja u għal-laħam tal-majjal, il-laħam tat-tjur, il-qamħ u l-maħlut, u tipi ta' nuħħala, il-frak iebes u fdalijiet oħra

IL-KUNSILL TA' L-UNJONI EWROPEJA,

Wara li kkunsidra t-Trattat li jistabbilixxi l-Komunità Ewropea, u b'mod partikolari Artikolu 113 tiegħu,

Wara li kkunsidra l-proposta mill-Kummissjoni,

Billi l-Komunità nnegozjat konċessjonijiet ġodda tat-tariffa skond Artikolu XXVIII tal-GATT; billi dawn in-negozjati wasslu għal ftehimijiet mal-Arġentina, il-Brażil, il-Kanada, il-Polonja, l-Isvezja u l-Urugwaj; billi dawn il-ftehimijiet ġew approvati bid-Deċiżjoni tal-Kunsill tal-20 ta' Diċembru 1993 [1];

Billi l-ftehim in kwistjoni jipprovdu għall-ftuħ fl-1 ta' Jannar 1994, taħt ċerti kondizzjonijiet, tal-kwoti annwali tat-tariffa għal-laħam taċ-ċanga ta' kwalità għolja li jidħol fil-kodiċijiet tan-NM 02013000, 02023090, 02061095 u 02062991, għal-laħam tal-majjal li jidħol fil-kodiċijiet tan-NM 02031913 u 02032915, għal-laħam tat-tjur li jidħol fil-kodiċijiet tan-NM 02074110, 02074141, 02074171, 02074210, 02074211 u 02074271, għall-qamħ u l-maħlut li jidħlu fil-kodiċijiet tan-NM 10011000 u 10019099, u għal tipi ta' nuħħala, frak iebes u fdalijiet oħra li jidħlu fil-kodiċijiet tan-NM 23023010, 23023090, 23034010 u 23034020; billi dawn il-kwoti għandhom għalhekk jiġu miftuħa b'effett mill-1 ta' Jannar 1994;

Billi l-ftehimijiet fil-kwistjoni jkopru perjodu taż-żmien mhux stabbilit; billi fl-interesi tar-razzjonalizzazzjoni u ta' l-effiċjenza, il-kwoti għandhom għalhekk jinfetħu fuq bażi multi-annwali;

Billi tista' tiġi ppruvata approprjata sistema li tiggarantixxi n-natura, il-provenjenza u l-oriġini tal-prodotti; billi għal dan il-għan l-importazzjonijiet ġewwa l-qafas ta' dawn il-konċessjonijiet il-ġodda tat-tariffa għandhom ikunu bla ħsara, meta approprjat, għall-preżentazzjoni ta' ċertifikat ta' awtentiċità;

Billi jista' jkun approprjat illi dawn l-importazzjonijiet jiġu mifruxa għal matul is-sena kollha fuq il-bażi tal-ħtiġiet tas-suq Komunitarju; billi għal dan il-għan tista' tiġi ppruvata approprjata sistema sabiex jintużaw għal kollox il-kwoti msejsa fuq il-preżentazzjoni ta' liċenzja ta' l-importazzjoni;

Billi l-approvazzjoni tal-Kunsill għall-ftehimijiet imsemmija hawn fuq tirrendi bla ħtieġa iktar is-sistema provduta fir-Regolament tal-Kunsill (KEE) Nru 1058/88 tat-28 ta' Marzu 1988 dwar l-importazzjoni tan-nuħħala, il-frak iebes u fdalijiet oħra mnissla mit-tnaqqija, mit-tħin jew minn xogħol ieħor fuq iċ-ċereali għajr il-qamħ ir-rum u r-ross u li jemenda r-Regolament KEE) Nru 2658/87 dwar in-nomenklatura tat-tariffi u statistika u dwar it-Tariffa Doganali Komuni [2]; billi dan ir-Regolament għandu għalhekk jiġi mħassar;

Billi jridu jiġu adottati miżuri ddettaljati sabiex jiġi applikat dan ir-Regolament u, b'mod partikolari, id-dispożizzjonijiet meħtieġa għall-amministrazzjoni soda tal-kwoti skond il-proċedura stabbilita f'Artikolu 27 tar-Regolament (KEE) Nru 805/68 tas-27 ta' Ġunju 1969 dwar l-organizzazzjoni komuni tas-suq fil-laħam taċ-ċanġa u tal-vitella [3] jew fl-Artikoli korrispondenti tar-Regolamenti l-oħra dwar l-organizzazzjoni komuni tas-swieq affettwati bil-ftuħ tal-kwoti;

Billi r-Regolament tal-Kunsill (KEE) Nru 234/79 tal-5 ta' Frar 1979 dwar il-proċedura sabiex tiġi aġġustata n-nomenklatura tat-Tariffa Doganali Komuni wżata għall-prodotti agrikoli [4] u r-Regolament (KEE) Nru 2658/87 tat-23 ta' Lulju 1987 dwar in-nomenklatura tat-tariffa u statistika u dwar it-Tariffa Doganali Komuni [5] diġà jipprovdu illi l-Kummissjoni tista' tagħmel emendi u aġġustamenti tekniċi għal dan ir-Regolament skond kif meħtieġa wara l-emendi għan-nomenklatura magħquda u l-kodiċijiet tat-TKI; billi kull aġġustament għall-volumi tal-kwoti u għal ħtiġiet oħra tal-kwoti adottati mill-Kunsill iridu wkoll jeħtieġu illi jsiru emendi għal dan ir-Regolament; billi bil-għan li jiġu ssimplifikati l-materji, għandha ssir dispożizzjoni sabiex il-Kummisjoni tagħmel dawn l-emendi u aġġustamenti għal dan ir-regolament skond il-proċedura stabbilita f'Artikolu 27 tar-regolament (KE) Nru 805/68 jew fir-regolamenti l-oħra msemmija hawn fuq,

ADOTTAT DAN IR-REGOLAMENT:

Artikolu 1

1. Hija hawnhekk miftuħa kwota annwali Komunitarja tat-tariffa għall-volum totali ta' 18000 tunnellata metika, espressa fil-piż tal-prodott, għal-laħam taċ-ċanga ta' kwalità għolja, frisk, imkessaħ jew iffriżat li jidħol fil-kodiċijiet tan-NM 0201 u 0202 u għall-prodotti li jidħlu fil-kodiċijiet tan-NM 02061095 u 02062991.

2. Ġewwa dan il-volum tal-kwota, id-dazju tat-Tariffa Doganali Komuni applikabbli għandha tkun ta' 20 % u l-imposta varjabbi ta' 0 %.

Artikolu 2

1. Hija hawnhekk miftuħa kwota annwali Komunitarja tat-tariffa għall-volum totali ta' 7000 tunnellata metrika għal-laħam tal-majjal, frisk, imkessaħ jew iffriżat li jidħol fil-kodiċijiet tan-NM 02031913 u 02032915.

2. Ġewwa dan il-volum tal-kwota, l-imposta varjabbli hija ta' 0 %,

Artikolu 3

1. Hija hawnhekk miftuħa kwota Komunitarja tat-tariffa għall-volum totali annwali ta' 15500 tunnlleta metrika għal-laħam tat-tjur li jidħol fil-kodiċijiet tan-NM 02074110, 02074141 u 02074171.

2. Ġewwa dan il-volum tal-kwota, l-imposta varjabbli hija ta' 0 %,

Artikolu 4

1. Hija hawnhekk miftuħa kwota annwali Komunitarja tat-tariffa għall-volum totali ta' 2500 tunnellata metrika għal-laħam tad-dundjani li jidħol fil-kodiċijiet tan-NM 02074210, 02074211 u 02074271.

2. Ġewwa dan il-volum tal-kwota, l-imposta varjabbli hija ta' 0 %,

Artikolu 5

1. Hija hawnhekk miftuħa kwota annwali Komunitarja tat-tariffa għall-volum totali ta' 300000 tunnellata metrika għal-qamħ ta' kwalità li jidħol fil-kodiċijiet tan-NM 10011000 u 10019099.

2. Ġewwa dan il-volum tal-kwota, l-imposta varjabbli hija ta' 0 %,

Artikolu 6

1. Hija hanhekk miftuħa kwota annwali tat-tariffa għall-volum totali ta' 475000 tunnellata metrika ta' tipi tan-nuħħala, frak iebes u fdalijiet tal-qamħ u ċ-ċereali għajr il-qamħ ir-rum u r-ross li jidħlu fil-kodiċijit tan-NM 23023010, 23023090, 23024010 u 23024090.

2. Ġewwa dan il-volum tal-kwota, l-imposta varjabbli hija ta' 0 %. Id-dazju t-Tariffa Doganali Komuni għandu jkun ta' ECU 40,80 għal kull tunnellata metrika għall-prodotti li jidħlu fil-kodiċijiet tan-NM 23023010 u 23024010, ta' ECU 83,40 għal kull tunnellata metrika għall-prodotti li jidħlu fil-kodiċi tan-NM 23033090 u ta' ECU 8,00 għall-prodotti li jidħlu fil-kodiċi tan-NM 23024090.

Artikolu 7

Ir-regoli dettaljati għal dan ir-Regolament u, kif approprjat:

(a) id-dispożizzjonijiet li jiggarantixxu n-natura, il-provenjenza u l-oriġini tal-prodott;

(b) id-dispożizzjonijiet li għandhom x'jaqsmu mr-rikonoxximent tad-dokument li jippermetti li jiġu verifikati l-garanziji riferiti fil-(a), u

(ċ) il-kondizzjonijiet għall-ħruġ tal-liċenzji tal-importazzjoni u li skond il-validità tagħhom għandhom jiġu adottati skond il-proċedura stabbilita f'Artikolu 27 tar-Regolament (KEE) Nru 805/68 jew fl-Artikoli korrispondenti tar-Regolamenti l-oħra dwar l-organizzazzjoni komuni tas-swieq interessati.

Artikolu 8

Jekk il-Kunsill jiddeċiedi li jaġġusta l-volumi u l-kondizzjonijiet l-oħra ta' dawn l-arranġamenti tal-kwoti ma' pajjiż terz jew iktar, l-aġġustamenti li jirriżultaw f'dan ir-Regolament għandhom jiġu adottati sossegwentement skond il-proċeura stabbilita f'Artikolu 27 tar-Regolament (KEE) Nru 805/68 jew fl-Artikoli korrispondenti tar-Regolamenti l-oħra dwar l-organizzazzoni komuni tas-swieq interessati.

Artikolu 9

Ir-Regolament (KE) Nru 1058/88 huwa hawnhekk imħassar.

Artikolu 10

Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali tal-Komunitajiet Ewropej.

Għandu jibda japplika mill-1 ta' Jannar 1994.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fid-29 ta' Marzu 1994.

Għall-Kunsill

Il-President

G. Moraitis

[1] ĠU L 47, tat-18.2.1994, p. 1.

[2] ĠU L 104, tat-23.4.1988, p.1.

[3] ĠU L 148, tat-28.6.1968, p. 24. Regolament kif l-aħħar emendat bir-Regolament (KEE) Nru 3611/93 (ĠU L 328, tad-29.12.1993, p. 7).

[4] ĠU L 34, tad-9.2.1979, p. 2. Regolament kif l-aħħar emendat bir-Regolament (KEE) Nru 3209/89 (ĠU L 312, tas-27.10.1989, p. 5).

[5] ĠU L 256, tal-5.9.1987, p. 1. Regolament kif l-aħħar emendat bir-Regolament (KE) Nru 534/94 (ĠU L 68, tal-11.3.1994, p. 5).

--------------------------------------------------