31994D0307

Id-Deċiżjoni tal-Kummissjoni

tas-16 ta' Mejju 1994

li temenda d-Deċiżjoni 91/637/KEE li tistabbilixxi l-mudell tal-messaġġ li għandu jkun trasmess permezz tan-network kompjuterizzat "Animo"

(94/307/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabilixxi l-Komunità Ewropea,

Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar l-ispezzjonijiet veterinarji u żootekniċi applikabbli fil-kummerċ intra-Komunitarji ta' ċerti annimali ħajjin u prodotti bil-ħsieb tat-tlestija s-suq intern [1], kif l-aħħar emendata bid-Direttiva 92/118/KEE [2], u b'mod partikolari Artikolu 20 tagħha,

Wara li kkunsidrat id-Direttiva tal-Kunsill 91/628/KEE tad-19 ta' Novembru 1991 dwar il-protezzjoni tal-annimali matul it-trasport u li temenda d-Direttivi 90/425/KEE u 91/496/KEE [3], kif emendata bid-Deċiżjoni 92/438/KEE [4], u b'mod partikolari Artikolu 6(3) tagħha,

Billi l-informazzjoni meħtieġa biex jitħarsu l-ħtiġijiet tal-protezzjoni tal-annimali preskritti fid-Direttiva 91/628/KEE teħtieġ li tkun inkluża fin-network kompjuterizzat Animo;

Billi l-messaġġ li għandu jkun trasmess permezz tan-network Animo għandu jkun supplimentat għal dan il-għan u s-software użat għandu jiġi hekk adattat;

Billi l-adattament tas-software tal-applikazzjoni għandu jagħti kont tal-kondizzjonijiet fl-Istati Membri sabiex jiżguraw li jitħarsu il-ħtiġijiet tagħhom ta' operazzjoni;

Billi l-miżuri li għalihom tipprovdi din id-Deċizjoni huma skond l-opinjoni tal-Kumitat Veterinarju Permanenti,

ADOTTAT DIN ID-DEĊIŻJONI:

Artikolu 1

Id-Deċiżjoni tal-Kummissjoni 91/637/KEE [5] hija emendata kif ġej:

1. Artikolu 2 huwa b'dan sostitwit b'dan li ġej:

"Artikolu 2

Il-Kummissjoni għandha taġġorna s-software ta' l-applikazzjoni bil-għan li tinkludi l-informazzjoni fir-rigward tal-protezzjoni ta' l-annimali u x-xejriet fil-fajls varji tal-kompjuter meħtieġa għall-applikazzjoni. Il-Kummissjoni għandha tagħmel is-software aġġornat disponibbli lill-Istati Membri mhux aktar tard mill-1 ta' Marzu 1995."

2. L-Anness huwa mibdul mill-Anness hawn mehmuż.

Artikolu 2

Din id-Deċiżjoni hija ndirizzata lill-Istati Membri.

Magħmula fi Brussel, fis-16 ta' Mejju 1994.

Għall-Kummissjoni

René Steichen

Membru tal-Kummissjoni

[1] ĠU L 224, tat-18.8.1990, p. 29.

[2] ĠU L 62, tal-15.3.1993, p. 49.

[3] ĠU L 340, tal-11.12.1991, p. 17.

[4] ĠU L 243, tal-25.8.1992, p. 27.

[5] ĠU L 343, tat-13.12.1991, p. 46.

--------------------------------------------------

ANNESS

Numru tal-messaġġ:

1. ORIĠINI

- Data tat-trasmissjoni:

- Data mistennija tat-tluq:

- Ħin mistenni tat-tluq:

- Isem tal-kunsinnatur:

- Post tat-tluq (Kodiċi tal-pajjiż, kodiċi ta' l-unità isem tal-lokalità kodiċi postali):

- Ċertifikat tas-saħħa:

- numru

- data

- Isem tal-veterinarju li qed jiffirma ċ-ċertifikat:

2. DESTINAZZJONI

- Kodiċ tal-pajjiż — kodiċi ta' unità:

- L-isem u l-indirizz tal-kunsinnatarju:

- Post tad-destinazzjoni (kodiċi tal-pajjiż — kodiċi ta' unità, isem tal-lokalità, kodiċi postali)

3. MERKANZIJA

- Tip — kodiċi

- Numru/kwantità

4. MEZZI TA' TRASPORT

- Tip ta'trasport

- Identifikazzjoni tal-meżżi tat-trasport (reġistrazzjoni tat-trakk, numru tal-vagun, numru tat-titjira, isem tal-bastiment, numru tal-kontenitur, eċċ.)

5. OSSERVAZZJONIJIET

- Għall-postijiet ta' l-ispezzjoni mal-fruntiera: oriġini ta' l-annimali u prodotti

- Għall-esportazzjoni lejn pajjiż terz: l-isem tal-pajjiż terz tad-destinazzjoni

- Meta l-annimali ikunu għadhom ma telqux mill-post ta' l-oriġini tagħhom:

- "tissostitwixxi l-messaġġ numru…"/"tħassar il-messaġġ numru…"

--------------------------------------------------