31991R2426

Ir-Regolament tal-Kunsill (KEFA, KEE, Euratom) Nru 2426/91

tad-29 ta' Lulju 1991

li jemenda r-Regolament Nru 422/67/KEE-5/67/Euratom li jistabbilixxi l-emolumenti tal-President u l-Membri tal-Kummissjoni, il-President, l-Imħallfin, l-Avukati-Ġenerali u r-Reġistratur tal-Qorti tal-Ġustizzja u l-President, il-Membri u r-Reġistratur tal-Qorti ta' Prim' Istanza u r-Regolament (KEE, Euratom, KEFA) Nru 2290/77 li jistabbilixxi l-emolumenti tal-Membri tal-Qorti ta' l-Awdituri

IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jistabbilixxi Kunsill wieħed u Kummissjoni Waħda, u b'mod partikolari l-Artikolu 6 tiegħu,

Wara li kkunsidra t-Trattat li jistabbilixxi l-Komunità Ewropea tal-Faħam u l-Azzar, u b'mod partikolari l-Artikolu 78ċ tiegħu,

Wara li kkunsidra t-Trattat li jistabbilixxi l-Komunità Ekonomika Ewropea, u b'mod partikolari l-Artikolu 206 tiegħu,

Wara li kkunsidra t-Trattat li jistabbilixxi l-Komunità Ewropea ta' l-Enerġija Atomika u b'mod partikolari l-Artikolu 180 tiegħu,

Billi hu xieraq li jiġu emendati ċerti disposizzjonijiet tar-Regolamenti li jistabbilixxu l-emolumenti tal-Membri tal-Kummissjoni, tal-Qorti tal-Ġustizzja, tal-Qorti ta' Prim’ Istanza u tal-Qorti ta' l-Awdituri, partikolarment biex jiġu ċċarati l-kondizzjonijiet skond liema l-istess Membri huma intitolati għall-benefiċċji ta' l-iskema tas-sigurtà soċjali prevista fir-Regolamenti tal-Persunal għall-Uffiċjali tal-Komunitajiet Ewropej,

ADOTTA DAN IR-REGOLAMENT:

Artikolu 1

1. L-Artikolu 11 tar-Regolament Nru. 422/67/KEE-5/67/Euratom [1] kif l-aħħar emendat bir-Regolament (Euratom, KEFA, KEE) Nru. 3911/90 [2] għandu jkun mibdul b'dan li ġej:

"Artikolu 11

Membri tal-Kummissjoni jew tal-Qorti għandhom ikunu ntitolati għall-benefiċċji tal-mard, tal-mard ikkaġunat mix-xogħol, ta' l-aċċidenti industrijali u tat-twelid u tal-mewt skond l-iskema tas-sigurtà soċjali prevista fir-Regolamenti tal-Persunal għall-Uffiċjali tal-Komunitajiet Ewropej.

L-ewwel paragrafu għandu jgħodd ukoll għal persuni li kienu Membri tal-Kummissjoni jew tal-Qorti li jibbenefikaw jew taħt l-iskema tal-pensjoni prevista fl-Artikolu 8 jew taħt l-allowance transitorja prevista fl-Artikolu 7 jew taħt l-iskema tal-pensjoni tad-disabbiltà prevista fl-Artikolu 10.

Madankollu, l-iskema tas-sigurtà soċjali prevista fir-Regolamenti tal-Persunal għall-Uffiċjali tal-Komunitajiet Ewropej m'għandhiex tgħodd għal riskji li huma diġà koperti bi skema tas-sigurtà soċjali oħra li taħtha persuna li kienet Membru tal-Kummissjoni jew tal-Qorti tista’ tkun eliġibbli għal benefiċċji ta' l-istess natura u ta' l-istess livell.

Madankollu, persuna li kienet Membru tal-Kummissjoni jew tal-Qorti li kellha l-kariga sa ta' l-inqas sittin sena jew li hi ntitolata għal benefiċċju taħt l-iskema tal-pensjoni tad-disabbiltà prevista fl-Artikolu 10 għandha tibqa' tkun intitolata mingħajr restrizzjoni għall-benefiċċji tal-mard taħt l-iskema prevista fir-Regolamenti tal-Persunal. Jekk mhix tirċievi l-allowance transitorja prevista fl-Artikolu 7 u mhix intitolata li tibbenifika jew mill-iskema tal-pensjoni prevista fl-Artikolu 8 jew mill-iskema tal-pensjoni tad-disabbiltà prevista fl-Artikolu 10, il-persuna li kienet Membru tal-Kummissjoni jew tal-Qorti għandha tkun obbligata tħallas nofs il-kontribuzzjonijiet neċessarji biex jiġu koperti dawn ir-riskji. Il-kontribuzzjonijiet għandhom jiġu kkalkulati fuq il-bażi ta' l-aħħar allowance transitorja, aġġustata biex tikkonsidra adattamenti suċċessivi.

Persuna li kienet Membru tal-Kummissjoni jew tal-Qorti li ma baqgħetx fil-kariga qabel ma għalqet sittin sena u li, fl-aħħar tal-perijodu li matulu kienet tirċievi l-allowance transitorja prevista fl-Artikolu 7, mhix intitolata li tibbenefika jew mill-iskema tal-pensjoni prevista fl-Artikolu 8 jew mill-iskema tal-pensjoni tad-disabbiltà prevista fl-Artikolu 10 tista' tkompli tikkwalifika mill-kopertura prevista fit-tieni u fit-tielet paragrafi ta' dan l-Artikolu, basta li ma teżerċitax attività bi qligħ li tippermettilha li tkun koperta bi skema oħra pubblika ta' assigurazzjoni kontra l-mard. F'dan il-każ hi għandha tħallas l-ammont kollu tal-kontribuzzjonijiet neċessarji għall-kopertura prevista fl-Artikolu 72(1) tar-Regolamenti tal-Persunal għall-Uffiċjali tal-Komunitajiet Ewropej. Il-kontribuzzjonijiet għandhom jiġu kkalkolati fuq il-bażi ta' l-aħħar allowance transitorja, aġġustata biex tikkonsidra adattamenti suċċessivi."

2. L-Artikolu 12 tar-Regolament (KEE, Euratom, KEFA) Nru. 2290/77 [3] kif l-aħħar emendat bir-Regolament (Euratom, KEFA, KEE) Nru. 3822/81 [4] għandu jkun mibdul b'dan li ġej:

"Artikolu 12

Membri tal-Qorti ta' l-Awdituri għandhom ikunu ntitolati għall-benefiċċji tal-mard, tal-mard ikkaġunat mix-xogħol, ta' l-aċċidenti industrijali u tat-twelid u tal-mewt skond l-iskema tas-sigurtà soċjali prevista fir-Regolamenti tal-Persunal għall-Uffiċjali tal-Komunitajiet Ewropej.

L-ewwel paragrafu għandu jgħodd ukoll għal persuni li kienu Membri tal-Qorti ta' l-Awdituri li jibbenefikaw jew mill-iskema tal-pensjoni prevista fl-Artikolu 9 jew mill-allowance transitorja prevista fl-Artikolu 8 jew taħt l-iskema tal-pensjoni tad-disabbiltà prevista fl-Artikolu 11.

Madankollu, l-iskema tas-sigurtà soċjali prevista fir-Regolamenti tal-Persunal għall-Uffiċjali tal-Komunitajiet Ewropej m'għandhiex tgħodd għal riskji li huma koperti bi skema tas-sigurtà soċjali oħra li taħtha l-persuna li kienet Membru tal-Qorti ta' l-Awdituri tista' tkun eliġibbli għal benefiċċji ta' l-istess natura u ta' l-istess livell.

Madankollu, persuna li kienet Membru tal-Qorti ta' l-Awdituri li kellha l-kariga sa ta' l-inqas sittin sena jew hi ntitolata għal benefiċċju taħt l-iskema tal-pensjoni tad-disabbiltà prevista fl-Artikolu 11 għandha tibqa' tkun intitolata mingħajr restrizzjoni għall-benefiċċji tal-mard taħt l-iskema prevista fir-Regolament tal-Persunal għall-Uffiċjali tal-Komunitajiet Ewropej. Jekk mhix tirċievi l-allowance transitorja prevista fl-Artikolu 8 u mhix intitolata li tibbenefika jew mill-iskema tal-pensjoni prevista fl-Artikolu 9 jew mill-iskema tal-pensjoni tad-disabbiltà prevista fl-Artikolu 11, il-persuna li kienet Membru tal-Qorti ta' l-Awdituri għandha tkun obbligata li tħallas nofs il-kontribuzzjonijiet neċessarji biex jiġu koperti dawn ir-riskji. Il-kontribuzzjonijiet għandhom jiġu kkalkolati fuq il-bażi ta' l-aħħar allowance transitorja, aġġustata biex tikkonsidra adattamenti suċċessivi.

Persuna li kienet Membru tal-Kummissjoni jew tal-Qorti li ma baqgħetx fil-kariga qabel ma għalqet sittin sena u li, fl-aħħar tal-perjodu li matulu kienet tirċievi l-allowance transitorja prevista fl-Artikolu 8, mhix intitolata li tibbenifika jew mill-iskema tal-pensjoni prevista fl-Artikolu 9 jew mill-iskema tal-pensjoni tad-disabbiltà prevista fl-Artikolu 11 tista' tkompli tikkwalifika għall-kopertura prevista fit-tieni u fit-tielet paragrafi ta' dan l-Artikolu, basta li ma teżerċitax attività bi qligħ li tippermettilha li tkun koperta bi skema oħra pubblika ta' assigurazzjoni kontra l-mard. F'dan il-każ hi għandha tħallas l-ammont kollu tal-kontribuzzjonijiet neċessarji għall-kopertura prevista fl-Artikolu 72(1) tar-Regolamenti tal-Persunal għall-Uffiċjali tal-Komunitajiet Ewropej. Il-kontribuzzjonijiet għandhom jiġu kkalkolati fuq il-bażi ta' l-aħħar allowance transitorja, aġġustata biex tikkonsidra adattament suċċessivi."

Artikolu 2

1. "8. L-armla u t-tfal dipendenti ta' Membru jew ta' persuna li kienet Membru tal-Kummissjoni jew tal-Qorti għandhom ikunu ntitolati għal benefiċċji ta' mard taħt l-iskema tas-sigurtà soċjali prevista fir-Regolamenti tal-Persunal għall-Uffiċjali tal-Komunitajiet Ewropej jekk m'humiex eliġibbli għal benefiċċji ta' l-istess natura u ta' l-istess livell taħt skema tas-sigurtà soċjali oħra."

2. "8. L-armla u t-tfal dipendenti ta' Membru jew ta' persuna li kienet Membru tal-Qorti ta' l-Awdituri għandhom ikunu ntitolati għal benefiċċji ta' mard taħt l-iskema tas-sigurtà soċjali prevista fir-Regolamenti tal-Persunal għall-Uffiċjali tal-Komunitajiet Ewropej jekk m'humiex eliġibbli għal benefiċċji ta' l-istess natura u ta' l-istess livell taħt skema tas-sigurtà soċjali oħra."

Artikolu 3

Dan ir-Regolament għandu jidħol fis-seħħ fil-jum ta' wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Għandu japplika mit-12 ta' Diċembru 1989.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fid-29 ta' Lulju 1991.

Għall-Kunsill

Il-President

H. Van Den Broek

[1] ĠU C 187, tat-8.8.1967, pġ. 1.

[2] ĠU L 375, tal-31.12.1990, pġ. 1.

[3] ĠU L 268, ta' l-20.10.1977, pġ. 1.

[4] ĠU L 386, tal-31.12.1981, pġ. 4.

--------------------------------------------------