This document is an excerpt from the EUR-Lex website
Document 31987R4160
Commission Regulation (EEC) No 4160/87 of 29 December 1987 amending Council Regulations (EEC) No 391/68 and No 2764/75 as a consequence of the introduction of the combined nomenclature
Ir-Regolament tal-Kummissjoni (KEE) Nr 4160/87 tad-29 ta’ Diċembru 1987 li jemenda r-Regolamenti tal-Kunsill (KEE) Nru 391/68 u Nru 2764/75 bħala konsegwenza ta’ l-introduzzjoni tan-nomenklatura magħquda
Ir-Regolament tal-Kummissjoni (KEE) Nr 4160/87 tad-29 ta’ Diċembru 1987 li jemenda r-Regolamenti tal-Kunsill (KEE) Nru 391/68 u Nru 2764/75 bħala konsegwenza ta’ l-introduzzjoni tan-nomenklatura magħquda
ĠU L 392, 31.12.1987, p. 46–47
(ES, DA, DE, EL, EN, FR, IT, NL, PT) Dan id-dokument ġie ppubblikat f’edizzjoni(jiet) speċjali
(FI, SV, CS, ET, LV, LT, HU, MT, PL, SK, SL, BG, RO, HR)
No longer in force, Date of end of validity: 21/11/2014
Official Journal L 392 , 31/12/1987 P. 0046 - 0047
Finnish special edition: Chapter 3 Volume 25 P. 0247
Swedish special edition: Chapter 3 Volume 25 P. 0247
Ir-Regolament tal-Kummissjoni (KEE) Nr 4160/87 tad-29 ta’ Diċembru 1987 li jemenda r-Regolamenti tal-Kunsill (KEE) Nru 391/68 u Nru 2764/75 bħala konsegwenza ta’ l-introduzzjoni tan-nomenklatura magħquda IL-KUMMISSJONI TAL-KOMUNITAJIET EWROPEJ, Wara li kunsidrat it-Trattat li jwaqqaf il-Komunità Ekonomika Ewropea, Wara li kunsidrat ir-Regolament tal-Kunsill Nru 2658/87 tat-23ta’ Lulju 1987 fuq in-nomenklatura tat-tariffa u ta’l-istatistika u fuq it-Tariffa Komuni tad-Dwana [1], kif emendata bir-Regolament (KEE) Nru 3985/87 [2]u b’mod partikolari t-tieni subinċiż ta’l-Artikolu 15(1) tiegħu, Wara li kunsidrat ir-Regolament tal-Kunsill (KEE) Nru 2759/75 tad-29 ta’ Ottubru 1975 dwar l-organizzazzjoni komuni tas-suq tal-laħam tal-majjal [3],kif l-aħħar emendat bir-Regolament (KEE) Nru 3906/87 [4],u b’mod partikolari l-Artikolu 4(6) tiegħu, Billi, b’effett mill-1 ta’ Jannar, ir-Regolament (KEE) Nru 2658/87 jistabbilixxi, fuq bażi ta’ Sistema Armonizzata, nomenklatura magħquda ta’ merkanzija li se tilħaq il-ħtiġiet kemm tat-Tariffa Komuni tad-Dwana kif ukoll ta’l-istatistiċi tal-kummerċ estern tal-Komunità; Billi r-Regolament tal-Kummissjoni (KEE) Nru 391/68 ta’ l-1 ta’ April 1968 li jfassal regoli dettaljati ta’ l-intervent biex jinxtara l-laħam tal-majjal [5],kif l-aħħar emendat bir-Regolament (KEE) Nru 912/71 [6],u r-Regolament tal-Kunsill (KEE) Nru 2764/75 tad-29 ta’ Ottubru 1975, li jistabbilixxi regoli għall-kalkolu ta’ komponent ta’ l-imposta fuq il-karkassi tal-majjal [7], kif l-aħħar emendati bir-Regolament (KEE) Nru 1475/86 [8],għandhom jiġu adattati biex iqisu n-nomenklatura magħquda bażata fuq is-Sistema Armonizzata, Billi l-miżuri maħsuba f’dan ir-Regolament huma skond l-opinjoni tal-Kumitat tal-Ġestjoni tal-laħam tal-Majjal, ADOTTAT DAN IR-REGOLAMENT: Artikolu 1 L-Anness tar-Regolament (KEE) Nru 391/68 qed jinbidel bl-Anness ta’ hawnhekk: Artikolu 2 L-L-Artikolu 3a tar-Regolament (KEE) Nru 2764/75 qed jinbidel b’dan li ġej: "L-Artikolu 3a’ Karkassi tal-Majjal’ għandu jinftiehem li karkassi jew nofs-karkassi tal-majjal domestiku li ġew żvinati u evixxerati u li minnhom il-lanżit u d-dwiefer ġew imneħħija. In-nofs karkassi jittieħdu minn karkassi sħaħ billi jinqasmu miċ-ċentru ta’ kull vertebra ċervikali, dorsali, lumbari u sakrali, u miċ-ċentru ta’l-isternum u s-simfiżi iskio-pubiku. Dawn il-karkassi u n-nofs karkassi jistgħu jkunu bi jew mingħajr ir-ras, is-saqajn, ix-xaħam, il-kliewi, id-denb jew id-dijafjamma. In-nofs karkassi jistgħu jkunu bi jew mingħajr l-ispina dorsali, il-moħħ jew l-ilsien. Il-karkassi u n-nofs karkassi tal-ħanżira jistgħu jkunu bil-bżieżel jew mingħajrhom (il-glandoli mammarji)" Artikolu 3 Dan ir-Regolament għandu jibda jseħħ fl-1 ta' Jannar 1988. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fid-29 ta’ Diċembru 1987. Għall-Kummissjoni Frans Andriessen Viċi-President [1] ĠU L 256, tas-7.9.1987, p.1. [2] ĠU L 376, tal-31.12.1987, p.1. [3] ĠU L 282, ta’ l-1.11.1975, p.1. [4] ĠU L 370, tat-30.12.1987, p.11. [5] ĠU L 80, tat-2.4.1968, p. 5. [6] ĠU L 98, ta’ l-1.5.1971, p.42. [7] ĠU L 282, ta’ l-1.11.1975, p.21. [8] ĠU L 133, tal-21.5.1986, p. 39. -------------------------------------------------- L-ANNESS “L-ANNESS Prodotti li jistgħu jinxtraw lura 1. Karkassi jew nofs-karkassi, friski jew imkessħa (subintestatura ex02031110 tan-nomenklatura magħquda): (a) ta’ annimali maqtula mhux iżjed minn erbat ijiem qabel u żvinati tajjeb; (b) maqsuma simetrikament mill-ispina; (ċ) offruti mingħajr ras, ħaddejn, għenuq, xaħam, kliewi, saqajn ta’ quddiem, denb, ġenb u mudullun. 2. Żquq (strixxjati), friski jew imkessħa (subintestatura ex02031915 tan-nomenklatura magħquda): (a) ta’ annimali maqtula mhux iżjed minn tmint ijiem qabel; (b) ta’ piż massimu ta’ 8 kg kull biċċa; (ċ) li jkollhom ta’ lanqas tmien kustilji u maqtugħa f’angolu rett mill-ispalla bejn it-tielet u r-raba’ kustilja; (d) ippreżentati "bil-ġilda’ jew mingħajrha" imma mingħajr ġenb, xaħam barrani tal-majjal jew bżieżel. 3. Ix-xaħam subkutanju tal-majjal, frisk jew imkessaħ (subintestatura ex02090011 tan-nomenklatura magħquda): (a) ta’ annimali maqtula mhux aktar minn tmint ijiem qabel, (b) maqtugħa f’angolu rett; (ċ) ippreżentati bil-ġilda jew mingħajrha ħielsa mil-laħam; (d) ta’ ħxuna minima ta’ 2 ċm u ta’ wisgħa minimu ta’ 15-il ċm bejn id-dahar u ż-żaqq. 4. Il-prodotti msemmija f’1, 2 u 3 iridu jkunu mkessħa minn meta jinqatlu sa ma jittieħdu u għandhom, meta jittieħdu, jinżammu f’temperatura interna li ma teċċedix il-+ 4°Ċ.” --------------------------------------------------