31985R3520

Ir-Regolament tal-Kunsill (KEFA, KEE, EURATOM) Nru 3520/85

tat-12 ta' Diċembru 1985

li jemenda r-Regolament (Euratom, KEFA, KEE) Nru 549/69 li jistabbilixxi l-kategoriji ta' uffiċjali u aġenti oħra tal-Komunitajiet Ewropei li għalihom id-disposizzjonijiet ta' l-Artikolu 12, it-tieni paragrafu ta' l-Artikolu 13 u l-Artikolu 14 tal-Protokoll dwar il-Privileġġi u Immunitajiet tal-Komunitajiet japplikaw

IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jistabbilixxi Kunsill wieħed u Kummissjoni waħda tal-Komunitajiet Ewropej, u b'mod partikolari l-ewwel paragrafu ta' l-Artikolu 28 tiegħu,

Wara li kkunsidra l-Protokoll dwar il-Privileġġi u l-Immunitajiet tal-Komunitajiet Ewropej, u b'mod partikolari l-Artikoli 16 u 22 tiegħu,

Wara li kkunsidra l-proposta mill-Kummissjoni,

Wara li kkunsidra l-opinjoni tal-Parlament Ewropew [1];

Wara li kkunsidra l-opinjoni tal-Qorti tal-Ġustizzja,

Billi r-Regolament (Euratom, KEFA, KEE) Nru 549/69 [2], kif l-aħħar emendat bir-Regolament (KEFA, KEE, Euratom) Nru 2152/82 [3], għandu jiġi emendat sabiex iqis dawn ir-Regolamenti li ġejjin:

- Regolament tal-Kunsill (KEFA, KEE, Euratom) Nru 1679/85 tad-19 ta' Ġunju 1985 li jdaħħal miżuri speċjali u temporanji sabiex jintemmu s-servizzi ta' ċerti uffiċjali fis-servizzi xjentifiċi u tekniċi tal-Komunitajiet Ewropei [4],

- Regolament tal-Kunsill (KEFA, KEE, Euratom) Nru 2799/85 tas-17 ta' Settembru 1985 li jemenda r-Regolamenti tal-Persunal għall-uffiċjali u l-kondizzjonijiet ta' l-impjieg applikabbli għall-aġenti l-oħra [5],

- Regolament tal-Kunsill (KEFA, KEE, Euratom) Nru 3518/85 tat-12 ta' Diċembru 1985 li jdaħħal miżuri speċjali sabiex jintemmu is-servizzi ta' uffiċjali tal-Komunitajiet Ewropej bħala riżultat ta' l-adeżjoni ta' Spanja u l-Portugall [6].

ADOTTA DAN IR-REGOLAMENT:

Artikolu 1

"(i) dawk li huma intitolati għall-allowance prevista fil-każ tat-terminazzjoni tas-servizz taħt l-Artikolu 3 tar-Regolament (KEFA, KEE, Euratom) Nru 1679/85,

(j) dawk li huma intitolati għall-benefiċċju tal-qagħad previst taħt l-Artikolu 28a tal-Kondizzjonijiet ta' l-Impjieg applikabbli għall-Aġenti l-Oħra kif jirriżulta mill-Artikolu 33 tar-Regolament (KEFA, KEE, Euratom) Nru 2799/85,

(k) dawk li huma intitolati għall-allowance prevista fil-każ tat-terminazzjoni tas-servizz taħt l-Artikolu 4 tar-Regolament (KEFA, EEC, Euratom) Nru 3518/85,"

Artikolu 2

Dan ir-Regolament għandu jidħol fis-seħħ fil-jum ta' wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan għandu japplika mid-data li fiha r-Regolamenti rispettivi msemmija fl-Artikolu 1 jidħlu fis-seħħ.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fit-12 ta' Diċembru 1985.

Għall-Kunsill

Il-President

R. Goebbels

[1] ĠU C 229, tad-9.9.1985, pġ. 97.

[2] ĠU L 74, tas-27.3.1969, pġ. 1.

[3] ĠU L 228, ta' l-4.8.1982, pġ. 5.

[4] ĠU L 162, tal-21.6.1985, pġ. 1.

[5] ĠU L 265, tat-8.10.1985, pġ. 1.

[6] Ara p. 56 ta' dan il-Ġurnal Uffiċjali.

--------------------------------------------------