This document is an excerpt from the EUR-Lex website
Document 31981L0333
Commission Directive 81/333/EEC of 13 April 1981 amending Directive 79/490/EEC adapting to technical progress Council Directive 70/221/EEC on the approximation of the laws of the Member States relating to liquid fuel tanks and rear underrun protection of motor vehicles and their trailers
Id-Direttiva tal-Kummissjoni tat-13 ta’ April ta’ l-1981 li temenda d-Direttiva 79/490/KEE li tadotta għal-progress id-Direttiva tal-Kunsill 70/221/KEE dwar l-approssimazzjoni tal-liġijiet ta’ l-Istati Membri li għandhom x’ jaqsmu mat-tankijiet ta’ karburant likwidu u l- protezzjoni tal-qiegħ fuq wara ta’ vetturi bil-mutur u l-karrijiet tagħhom
Id-Direttiva tal-Kummissjoni tat-13 ta’ April ta’ l-1981 li temenda d-Direttiva 79/490/KEE li tadotta għal-progress id-Direttiva tal-Kunsill 70/221/KEE dwar l-approssimazzjoni tal-liġijiet ta’ l-Istati Membri li għandhom x’ jaqsmu mat-tankijiet ta’ karburant likwidu u l- protezzjoni tal-qiegħ fuq wara ta’ vetturi bil-mutur u l-karrijiet tagħhom
ĠU L 131, 18.5.1981, p. 4–5
(DA, DE, EL, EN, FR, IT, NL) Dan id-dokument ġie ppubblikat f’edizzjoni(jiet) speċjali
(ES, PT, FI, SV, CS, ET, LV, LT, HU, MT, PL, SK, SL, BG, RO, HR)
No longer in force, Date of end of validity: 31/10/2014; Impliċitament imħassar minn 32009R0661
Official Journal L 131 , 18/05/1981 P. 0004 - 0005
Finnish special edition: Chapter 13 Volume 11 P. 0116
Spanish special edition: Chapter 13 Volume 11 P. 0177
Swedish special edition: Chapter 13 Volume 11 P. 0116
Portuguese special edition Chapter 13 Volume 11 P. 0177
ID-DIRETTIVA TAL-KUMMISSJONI tat-13 ta' April ta' l-1981 li temenda d-Direttiva 79/490/KEE li tadotta għal-progress id-Direttiva tal-Kunsill 70/221/KEE dwar l-approssimazzjoni tal-liġijiet ta' l-Istati Membri li għandhom x' jaqsmu mat-tankijiet ta' karburant likwidu u l- protezzjoni tal-qiegħ fuq wara ta' vetturi bil-mutur u l-karrijiet tagħhom (81/333/KEE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ekonomika Ewropea, Wara li kkunsidrat id-Direttiva tal-Kunsill 70/156/KEE tas-6 ta' Frar 1970 dwar l-approssimazzjoni tal-liġijiet ta' l-Istati Membri li għandhom x'jaqsmu ma' l-approvazzjoni tat-tip ta' vetturi bil-mutur u l-karrijiet tagħhom ([1]), kif l-aħħar emendata bid-Direttiva 80/1267/KEE ([2]), u b'mod partikolari l-Artikolu 13 tagħha, Wara li kkunsidrat id-Direttiva tal-Kunsill 70/221/KEE ta' l-20 ta' Marzu 1970 dwar l-approssimazzjoni tal-liġijiet ta' l-Istati Membri li għandhom x' jaqsmu mat-tankijiet ta' karburant likwidu u l-ta' protezzjoni tal-qiegħ fuq wara għal vetturi bil-mutur u l-karrijiet tagħhom ([3]) kif l-aħħar emendata bid-Direttiva 79/490/KEE ([4]), u b'mod partikolari l-Artikolu 3 tagħha, Billi, l-esperjenza wriet li l-kliem kurrenti tal-punt II.5.2 ta' l-Anness għad-Direttiva 79/490/KEE li tirrigwarda l-protezzjoni tal-qiegħ fuq wara ta' vetturi fil-kategoriji M1, M2, M3, N1, O1 u O2 huma kemmxejn vagi fir-rigward tal-wisa'li dwarha għandha tkun sodisfatta il-ħtieġa; billi dan jista' jwassal għall-ħtiġiet minn servizzi ta' l-istandardizzazzjoni differenti b'riskju ta' kontradizzjonijiet mad-Direttiva tal-Kunsill 74/483/KEE ([5]) li għandha x'taqsam ma' l-isporġenzi esterni ta' vetturi f'kategorija M1, kif ukoll ta' ostakli tekniċi għall-kummerċ, ADOTTAT DIN ID-DIRETTIVA: Artikolu 1 Id-Direttiva 79/490/KEE hija b'dan emendata kif ġej: It-test tal-punt II.5.2 ta' l-Anness għandu jiġi sostitwit bit-test li ġej: II.5.2. Kwalunkwe vettura f'waħda mill-kategoriji M1, M2, M3, N1, O1, jew O2 (kategoriji skond il-klassifikazzjoni internazzjonali stipulata fin-nota (b) ta' l-Anness I tad-Direttiva tal-Kunsill 70/156/KEE) tkun ikkunsidrata li tissodisfa l-kondizzjonijiet stipulati fil-punt II.5.1: - jekk tissodisfa l-kondizzjonijiet stipulati fil-punt II.5.3, jew - jekk l-għoli mill-art tal-parti ta' wara tal-vettura mhux mgħobbija ma taqbiżx 55ċm matul il-wisa' li mhuwiex inqas minn dak tal-fus ta' wara b'iktar minn 10ċm fuq kull naħa (eskluż kwalunkwe tip ta' nfieħ tat-tyre 'il barra viċin għall-art.) Meta hemm iktar minn fus wieħed fuq wara, il-wisa' li għandu jkun ikkunsidrat huwa dak ta ' l-usa'. Din il-ħtieġa għandha tkun sodisfatta għall-inqas f'linja f'distanza ta' mhux iktar minn 45 ċm mill-estremità ta' wara tal-vettura.' Artikolu 2 Qabel l-1 ta' Ottubru ta' l-1981, l-Istati Membri għandhom idaħħlu fis-seħħ id-disposizzjonijiet neċessarji sabiex jikkonformaw ma' din id-Direttiva, u għandhom minnufih jinfurmaw lill-Kummissjoni b'dan. Artikolu 3 Din id-Direttiva hija indirizzata lill-Istati Membri. Magħmula fi Brussel, it-13 April ta' l-1981. Għall-Kummissjoni Karl-Heinz NARJES Membru tal-Kummissjoni ______________ [1] ĠU L 42, tat-23.2.1970, p. 1. [2] ĠU L 375, tal-31.12.1980, p. 34. [3] ĠU L 76, tas-6.4.1970, p. 23 u ĠU L 65, tal-15.3.1979, p. 42. [4] ĠU L 128, tas-26.5.1979, p. 22. [5] ĠU L 266, tat-2.10.1974, p. 4.