This document is an excerpt from the EUR-Lex website
Document 31980L0754
Commission Directive 80/754/EEC of 17 July 1980 amending Annex II to Council Directive 66/401/EEC on the marketing of fodder plant seed
Id-Direttiva tal-Kummissjoni tas-17 ta' Lulju 1980 li temenda l-Anness II tad-Direttiva tal-Kunsill 66/401/KEE dwar il-marketing taż-żerriegħa tal-pjanti ta' l-għalf
Id-Direttiva tal-Kummissjoni tas-17 ta' Lulju 1980 li temenda l-Anness II tad-Direttiva tal-Kunsill 66/401/KEE dwar il-marketing taż-żerriegħa tal-pjanti ta' l-għalf
ĠU L 207, 9.8.1980, p. 36–36
(DA, DE, EN, FR, IT, NL) Dan id-dokument ġie ppubblikat f’edizzjoni(jiet) speċjali
(ES, PT, FI, SV, CS, ET, LV, LT, HU, MT, PL, SK, SL, BG, RO, HR)
In force
Official Journal L 207 , 09/08/1980 P. 0036 - 0036
Spanish special edition: Chapter 03 Volume 18 P. 0286
Portuguese special edition Chapter 03 Volume 18 P. 0286
Finnish special edition: Chapter 3 Volume 12 P. 0084
Swedish special edition: Chapter 3 Volume 12 P. 0084
Id-Direttiva tal-Kummissjoni tas-17 ta' Lulju 1980 li temenda l-Anness II tad-Direttiva tal-Kunsill 66/401/KEE dwar il-marketing taż-żerriegħa tal-pjanti ta' l-għalf (80/754/KEE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ekonomika Ewropea, Wara li kkunsidrat id-Direttiva tal-Kunsill 66/401/KEE ta' l-14 ta' Lulju 1966 dwar it-tqegħid fis-suq taż-żerriegħa tal-pjanti ta' l-għalf [1], kif l-aħħar emendata bid-Direttiva 79/692/KEE [2], u b'mod partikolari l-Artikolu 21a tagħha, Billi, fid-dawl ta' l-iżviluppi fl-għerf xjentifiku u tekniku, l-Anness II li jinsab mad-Direttiva 66/401/KEE għandu jiġi emendat għar-raġunijiet elenkati hawn taħt; Billi n-normi dwar il-kontenut massimu skond in-numru taż-żrieragħ ta' Rumes spp. għandhom jiġu addattati għan-normi tal-kwalità taż-żerriegħa normalment miksuba; Billi l-miżuri li hemm provvediment dwarhom f'din id-Deċiżjoni huma bi qbil ma' l-opinjoni tal-Kumitat Permanenti dwar iż-Żrieragħ u l-Materjal ta' Propagazzjoni għall-Agrikoltura, l-Ortikoltura u l-Forestrija, ADOTTAT DIN ID-DIRETTIVA: Artikolu 1 L-Anness II tad-Direttiva 66/401/KEE huwa b'dan emendat kif ġej: 1. Fis-Sezzjoni I (2) (A), it-test ta' l-intestatura tal-kolonna 14 huwa mibdul b'dan li ġej: "Rumex spp. Apparti minn Rumex acetosella u Rumex maritimus"; 2. Fis-Sezzjoni I (2) (B), it-test (n) huwa mibdul b'dan li ġej:"Id-detterminazzjoni taż-żrieragħ ta' Rumex spp. apparti minn Rumex acetosella u Rumex maritimus skond in-numru mhux meħtieġ li jitwettaq sakemm ma jkunx hemm dubju jekk il-kondizzjonijiet stabbiliti fil-kolonna 14 ikunux ġew imħarsa;"; 3. Fis-Sezzjoni I (2) (A), it-test ta' l-intestatura tal-kolonna 4 huwa mibdul b'dan li ġej: "Rumex spp. Apparti minn Rumex acetosella u Rumex maritimus". Artikolu 2 1. L-Istati Membri għandhom iġibu fis-seħħ il-liġijiet, ir-regolament u d-disposizzjonijiet amministrattivi meħtieġa biex ikunu konformi ma' din id-Direttiva mhux aktar tard mill-1 ta' Lulju 1980. 2. L-Istati Membri għandhom jassiguraw li ż-żerriegħa tal-pjanti ta' l-għalf ma tkunx suġġetta għall-ebda restrizzjonijiet tas-suq minħabba d-dati differenti ta' l-implimentazzjoni ta' din id-Direttiva. Artikolu 3 Din id-Direttiva hija indirizzata lill-Istati Membri. Magħmul fi Brussel, 17 ta' Lulju 1980. Għall-Kummissjoni Finn Gundelach Viċi-President [1] ĠU 125, tal- 11.7.1966, pġ. 2298/66. [2] ĠU L 205, tat-13.8.1979, pġ. 1. --------------------------------------------------