This document is an excerpt from the EUR-Lex website
Document 31979D0505
79/505/EEC: Council Decision of 8 May 1979 on the conclusion of the Protocol to the Agreement on the importation of educational, scientific and cultural materials
Id-Deċiżjoni tal-Kunsill tat-8 ta' Mejju 1979 dwar il-konklużjoni tal-Protokoll mal-Ftehim dwar l-importazzjoni ta' materjal edukattiv, xjentifiku u kulturali
Id-Deċiżjoni tal-Kunsill tat-8 ta' Mejju 1979 dwar il-konklużjoni tal-Protokoll mal-Ftehim dwar l-importazzjoni ta' materjal edukattiv, xjentifiku u kulturali
ĠU L 134, 31.5.1979, p. 13–13
(DA, DE, EN, FR, IT, NL) Dan id-dokument ġie ppubblikat f’edizzjoni(jiet) speċjali
(EL, ES, PT, CS, ET, LV, LT, HU, MT, PL, SK, SL, BG, RO, HR)
In force
ELI: http://data.europa.eu/eli/dec/1979/505/oj
Official Journal L 134 , 31/05/1979 P. 0013 - 0013
Greek special edition: Chapter 16 Volume 1 P. 0040
Spanish special edition: Chapter 02 Volume 6 P. 0010
Portuguese special edition Chapter 02 Volume 6 P. 0010
Id-Deċiżjoni tal-Kunsill tat-8 ta' Mejju 1979 dwar il-konklużjoni tal-Protokoll mal-Ftehim dwar l-importazzjoni ta' materjal edukattiv, xjentifiku u kulturali (79/505/KEE) IL-KUNSILL TAL-KOMUNITAJIET EWROPEJ, Wara li kkunsidra t-Trattat li jistabbilixxi l-Komunità Ekonomika Ewropea, Wara li kkunsidra r-rakkomandazzjoni mill-Kummissjoni, Billi l-Ftehim dwar l-importazzjoni ta' materjal edukattiv, xjentifiku u kulturali, magħruf bħala l-Ftehim ta' Firenze, imfassal fuq l-inizjattiva ta' l-Unesco, hu maħsub sabiex jiffaċilita ċ-ċirkolazzjoni ħielsa tal-kotba, pubblikazzjonijiet u materjal edukattiv, xjentifiku u kulturali; billi għal dan il-għan il-Ftehim jinkludi fost l-oħrajn dispożizzjoni biex ma jkunux applikati dazji doganali fuq l-importazzjoni ta' oġġetti bħal dawn; Billi fis-26 ta' Novembru 1976 id-19-il Konferenza Ġenerali tal-Unesco adottat Protokoll mal-Ftehim ta' Firenze sabiex jestendi l-eżenzjoni mid-dazji doganali għal numru ta' oġġetti li sa dak l-waqt kienu esklużi minn din l-eżenzjoni; billi dan il-Protokoll, għalkemm jikkostitwixxi att li jikkomplementa l-Ftehim, għandu madanakollu, jitqies bħala dokument separat; Billi, mingħajr ħsara għall-possibilitajiet mogħtija minn paragrafu 16 (a) tal-Protokoll, id-dispożizzjonijiet tal-Protokoll huma konformi ma’ l-għanijiet tal-Komunità Ekonomika Ewropea; billi huwa għalhekk mixtieq li jiġi konkluż dan il-Protokoll u fl-istess waqt isiru d-dikjarazzjonijiet li għalihom jirreferi paragrafu 16 (a). IDDEĊIEDA KIF ĠEJ: Artikolu 1 1. Il-Protokoll tas-26 ta' Novembru 1976 għall-Ftehim dwar l-importazzjoni ta' materjal edukattiv, xjentifiku u kulturali huwa b'dan approvat f'isem il-Komunità Ekonomika Ewropea. It-test tal-Protokoll huwa anness ma’ din id-Deċiżjoni. 2. Meta l-Protokoll ikun firmat għandu jiġi dikjarat li l-Komunità: - m'għandhiex tkun marbuta minn Partijiet II u IV, - m'għandhiex tkun marbuta minn Annessi Ċ. 1, F, Ġ u Ħ. Artikolu 2 Il-President tal-Kunsill huwa b'dan awtorizzat li jinnomina l-persuna li jkollha s-setgħa tiffirma l-Protokoll sabiex torbot lill-Komunià. Artikolu 3 Il-President tal-Kunsill għandu jiddepożita l-att ta' aċċettazzjoni li hemm provdut għalih fil-paragrafu 14 (ċ) tal-Protokoll. Magħmula fi Brussel, fit-8 ta' Mejju 1979. Għall-Kunsill Il-President P. Bernard-Reymond --------------------------------------------------