31972R2760

Ir-Regolament tal-Kunsill (KEE) Nru 2760/72

tad-19 ta' Diċembru 1972

li jikkonkludi l-protokoll addizzjonali u l-protokoll finanzjarju ffirmat fit-23 ta' Novembru 1970 u mehmuż mal-Ftehim li jwaqqaf Assoċjazzjoni bejn il-Komunità Ekonomika Europea u t-Turkija u li jikkonċerna l-miżuri li għandhom jittieħdu għall-implimentazzjoni tagħhom

IL-KUNSILL TAL-KOMUNITÀ EWROPEA,

Wara li kkunsidra t-Trattat li jistabblixxi l-Komunità Ekonomika Ewropea, b'mod partikolari l-Artikolu 238 tiegħu,

Wara li kkunsidra l-Ftehim li joħloq Assoċjazzjoni bejn il-Komunità Ekonomika Ewropea u t-Turkija,

Wara li kkunsidra l-opinjoni tal-Parlament Ewropew,

Wara li kkunsidra li l-Protokoll addizzjonali li jistabbilixxi l-kondizzjonijiet,il-modalitajiet u l-miżuri ta' implimentazzjoni tal-fażi transitorja previst fl-Artikolu 4 tal-Ftehim li joħloq Assoċjazzjoni bejn il-Komunità Ekonomika Ewropea u t-Turkija, Protokoll finanzjarju u att finali ġew iffirmati fi Brussel fit-23 ta' Novembru 1970,

ADOTTA DAN IR-REGOLAMENT:

Artikolu 1

F'isem il-Komunità ġew konklużi, approvati u iffirmati l-Protokoll addizzjonali li jistabbilixxi l-kondizzjonijiet, il-modalitajiet u l-miżuri ta' implimentazzjoni tal-fażi transitorja previst fl-Artikolu 4 tal-Ftehim li joħloq Assoċjazzjoni bejn il-Komunità Ekonomika Ewropea u t-Turkija, id-dokumenti mehmuża, il-Protokoll finanzjarju u d-dikjarazzjonijiet mehmuża ma' l-att finali.

It-testi taż-żewġ Protokolli u ta' l-Att finali huma mehmuża ma' dan ir-Regolament.

Id-disposizzjonijiet taż-żewġ Protokolli, b'konformità rispettivament ma' l-Artikolu 63, il-paragrafu 2, u l-Artikolu 12, il-paragrafu 2, għandhom jidħlu fis-seħħ fl-ewwel jum tax-xahar li jiġi wara d-data ta' l-iskambju ta' l-istrumenti ta' ratifika u ta' l-att ta' notifika msemmi fil-paragrafu 1 ta'l-imsemmija Artikoli.

Artikolu 2

Fir-rigward tal-Komunità il-President tal-Kunsill tal-Komunità Ewropea jistabbilixxi l-att tan-notifika. bl-applikazzjoni rispettiva ta' l-Artikoli 63 u 12 taż-żewġ Protokolli.

Artikolu 3

Dan ir-Regolament għandu jidħol fis-seħħ fit-tielet jumm mill-pubblikazzjoni tiegħu fil-Ġurnal Uffiċjali tal-Komunità Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fid-19 ta' Diċembru 1972.

Għall-Kunsill

Il President

T. Westerterp

--------------------------------------------------