(1)

Ir-Regolament ta’ Implimentazzjoni tal-Kummissjoni (UE) 2021/412 tat-8 ta’ Marzu 2021 li jemenda r-Regolament ta’ Implimentazzjoni (UE) 2017/962 fir-rigward tar-reviżjoni tas-sospensjoni tal-awtorizzazzjoni tal-etossikina bħala addittiv fl-għalf (1) għandu jiġi inkorporat fil-Ftehim dwar iż-ŻEE.

(2)

Ir-Regolament ta’ Implimentazzjoni tal-Kummissjoni (UE) 2021/420 tad-9 ta’ Marzu 2021 li jikkoreġi r-Regolament ta’ Implimentazzjoni (UE) 2020/1097 li jikkonċerna l-awtorizzazzjoni tal-estratti rikki tal-luteina u tal-luteina/taż-żeaksantina mit-Tagetes erecta bħala addittivi tal-għalf għall-pollam (ħlief għad-dundjani) għat-tismin u għall-bajd u għall-ispeċijiet minuri ta’ pollam tas-simna u tal-bajd (2) għandu jiġi inkorporat fil-Ftehim dwar iż-ŻEE.

(3)

Ir-Regolament ta’ Implimentazzjoni tal-Kummissjoni (UE) 2021/421 tad-9 ta’ Marzu 2021 dwar l-awtorizzazzjoni tat-tintura derivata mill-Artemisia vulgaris L. (tintura tal-artemisja) bħala addittiv tal-għalf għall-ispeċijiet tal-annimali kollha (3) għandu jiġi inkorporat fil-Ftehim dwar iż-ŻEE.

(4)

Ir-Regolament ta’ Implimentazzjoni (UE) 2021/422 tad-9 ta’ Marzu 2021 dwar l-awtorizzazzjoni ta’ preparazzjoni ta’ Enterococcus faecium DSM 7134 bħala addittiv tal-għalf għat-tiġieġ tal-bajd (id-detentur tal-awtorizzazzjoni: Lactosan GmbH & Co KG) (4) għandha tiġi inkorporata fil-Ftehim dwar iż-ŻEE.

(5)

Ir-Regolament ta’ Implimentazzjoni tal-Kummissjoni (UE) 2021/426 tal-10 ta’ Marzu 2021 li jikkoreġi r-Regolament ta’ Implimentazzjoni (UE) Nru 1263/2011 fir-rigward tal-awtorizzazzjoni tal-Lactococcus lactis (NCIMB 30160) bħala addittiv tal-għalf għall-ispeċijiet kollha tal-annimali (5) għandu jiġi inkorporat fil-Ftehim dwar iż-ŻEE.

(6)

Ir-Regolament ta’ Implimentazzjoni tal-Kummissjoni (UE) 2021/485 tat-22 ta’ Marzu 2021 dwar l-awtorizzazzjoni bħala addittivi fl-għalf taż-żejt essenzjali tal-ġinġer miż-Zingiber officinale Roscoe għall-ispeċijiet kollha tal-annimali, l-oleoreżina tal-ġinġer miż-Zingiber officinale Roscoe għat-tiġieġ tas-simna, it-tiġieġ tal-bajd, id-dundjani tas-simna, il-qżieqeż, il-ħnieżer tas-simna, il-ħnieżer nisa, il-baqar tal-ħalib, l-għoġġiela tas-simna (sostituti tal-ħalib), il-bhejjem tal-ifrat tas-simna, in-nagħaġ, il-mogħoż, iż-żwiemel, il-fniek, il-ħut u l-annimali tad-dar u tat-tintura tal-ġinġer miż-Zingiber officinale Roscoe għaż-żwiemel u l-klieb (6) għandu jiġi inkorporat fil-Ftehim dwar iż-ŻEE.

(7)

Ir-Regolament ta’ Implimentazzjoni tal-Kummissjoni (UE) 2021/505 tat-23 ta’ Marzu 2021 dwar iċ-ċaħda tal-awtorizzazzjoni tal-aċidu fosforiku 60 % fuq mezz ta’ ġarr tas-silika bħala addittiv fl-għalf li jappartjeni għall-grupp funzjonali ta’ preservattivi (7) għandu jiġi inkorporat fil-Ftehim dwar iż-ŻEE.

(8)

Ir-Regolament ta’ Implimentazzjoni tal-Kummissjoni (UE) 2021/506 tat-23 ta’ Marzu 2021 dwar l-awtorizzazzjoni tas-sustanza metantijol bħala addittiv fl-għalf għall-ispeċijiet kollha tal-annimali (8) għandu jiġi inkorporat fil-Ftehim dwar iż-ŻEE.

(9)

Ir-Regolament ta’ Implimentazzjoni tal-Kummissjoni (UE) 2021/507 tat-23 ta’ Marzu 2021 li jikkonċerna t-tiġdid tal-awtorizzazzjoni tal-idroklorur tal-piridossina (vitamina B6) bħala addittiv tal-għalf għall-ispeċijiet kollha tal-annimali u li jħassar ir-Regolament ta’ Implimentazzjoni (UE) Nru 515/2011 (9) għandu jiġi inkorporat fil-Ftehim dwar iż-ŻEE.

(10)

Ir-Regolament ta’ Implimentazzjoni tal-Kummissjoni (UE) 2021/508 tat-23 ta’ Marzu 2021 li jikkonċerna t-tiġdid tal-awtorizzazzjoni ta’ preparazzjoni tas-Saccharomyces cerevisiae MUCL 39885 bħala addittiv tal-għalf għall-ħnienes miftuma u li jħassar ir-Regolament (UE) Nru 170/2011 (id-detentur tal-awtorizzazzjoni: Prosol S.p.A.) (10) għandu jiġi inkorporat fil-Ftehim dwar iż-ŻEE.

(11)

Ir-Regolament ta’ Implimentazzjoni tal-Kummissjoni (UE) 2021/551 tat-30 ta’ Marzu 2021 dwar l-awtorizzazzjoni tal-estratt taż-żagħfran tal-Indja, iż-żejt taż-żagħfran tal-Indja, l-oleoreżina taż-żagħfran tal-Indja mir-riżoma tal-Curcuma longa L. bħala addittiv fl-għalf għall-ispeċijiet kollha tal-annimali u tat-tintura taż-żagħfran tal-Indja mir-riżoma tal-Curcuma longa L. bħala addittiv fl-għalf għaż-żwiemel u l-klieb (11) għandu jiġi inkorporat fil-Ftehim dwar iż-ŻEE.

(12)

Ir-Regolament ta’ Implimentazzjoni (UE) 2021/507 iħassar ir-Regolament ta’ Implimentazzjoni tal-Kummissjoni (UE) Nru 515/2011 (12) li huwa inkorporat fil-Ftehim dwar iż-ŻEE u li konsegwentement għandu jitħassar skont il-Ftehim dwar iż-ŻEE.

(13)

Ir-Regolament ta’ Implimentazzjoni (UE) 2021/508 iħassar ir-Regolament tal-Kummissjoni (UE) Nru 170/2011 (13) li huwa inkorporat fil-Ftehim dwar iż-ŻEE u li konsegwentement għandu jitħassar skont il-Ftehim dwar iż-ŻEE.

(14)

Din id-Deċiżjoni tikkonċerna l-leġiżlazzjoni dwar l-għalf. Il-leġiżlazzjoni li tirrigwarda l-għalf ma għandhiex tapplika għal-Liechtenstein sakemm l-applikazzjoni tal-Ftehim bejn il-Komunità Ewropea u l-Konfederazzjoni Żvizzera dwar il-kummerċ fil-prodotti agrikoli tibqa’ estiża għal-Liechtenstein, kif speċifikat fl-adattamenti settorjali tal-Anness I tal-Ftehim dwar iż-ŻEE. Għaldaqstant, din id-Deċiżjoni ma tapplikax għal-Liechtenstein.

(15)

Jenħtieġ għalhekk, li l-Anness I tal-Ftehim dwar iż-ŻEE jiġi emendat skont dan,

1.

L-inċiż li ġej jiżdied fil-punt 2zw (ir-Regolament ta’ Implimentazzjoni tal-Kummissjoni (UE) Nru 1263/2011):

2.

Dan li ġej jiżdied fil-punt 218 (ir-Regolament ta’ Implimentazzjoni tal-Kummissjoni (UE) 2017/962):

“, kif emendat minn:

3.

Dan li ġej jiżdied fil-punt 353 (ir-Regolament ta’ Implimentazzjoni tal-Kummissjoni (UE) 2020/1097):

“, kif emendat minn:

4.

Il-punti li ġejjin jiddaħħlu wara l-punt 398 (ir-Regolament ta’ Implimentazzjoni tal-Kummissjoni (UE) 2021/367):

5.

Jitħassru t-testi tal-punt 2zf (ir-Regolament ta’ Implimentazzjoni tal-Kummissjoni (UE) Nru 515/2011) u tal-punt 2t (ir-Regolament tal-Kummissjoni (UE) Nru 170/2011).