Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 02015R0760-20240110

Consolidated text: Regolament (UE) 2015/760 tal-Parlament Ewropew u tal-Kunsill tad-29 ta' April 2015 dwar il-Fondi ta' Investiment Ewropej fuq Terminu Twil (Test b'rilevanza għaż-ŻEE)

Access initial legal act
(

Legal status of the document In force

)

ELI: http://data.europa.eu/eli/reg/2015/760/2024-01-10

02015R0760 — MT — 10.01.2024 — 001.002

Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument

►B

REGOLAMENT (UE) 2015/760 TAL-PARLAMENT EWROPEW U TAL-KUNSILL

tad-29 ta' April 2015

dwar il-Fondi ta' Investiment Ewropej fuq Terminu Twil

(Test b'rilevanza għaż-ŻEE)

(ĠU L 123 19.5.2015, p. 98)

Emendat bi:

 

 

Il-Ġurnal Uffiċjali

  Nru

Paġna

Data

►M1

REGOLAMENT (UE) 2023/606 TAL-PARLAMENT EWROPEW U TAL-KUNSILL  tal-15 ta’ Marzu 2023

  L 80

1

20.3.2023

►M2

REGOLAMENT (UE) 2023/2869 TAL-PARLAMENT EWROPEW U TAL-KUNSILL  tat-13 ta’ Diċembru 2023

  L 2869

1

20.12.2023


Ikkoreġut bi:

►C1

Rettifika, ĠU L 90453, 25.7.2024, p.  1 (2015/760)



▼B

REGOLAMENT (UE) 2015/760 TAL-PARLAMENT EWROPEW U TAL-KUNSILL

tad-29 ta' April 2015

dwar il-Fondi ta' Investiment Ewropej fuq Terminu Twil

(Test b'rilevanza għaż-ŻEE)



KAPITOLU I

DISPOŻIZZJONIJIET ĠENERALI

Artikolu 1

Suġġett u għan

1.  
Dan ir-Regolament jistabbilixxi regoli uniformi għall-awtorizzazzjoni, għall-politiki ta' investiment u għall-kundizzjonijiet tal-operat tal-Fondi ta' Investiment Alternattiv (AIFs tal-UE) tal-UE jew kompartimenti tal-AIFs tal-UE, li jiġu kkummerċjalizzati fl-Unjoni Ewropea bħala fondi ta' investiment fuq terminu twil (ELTIFs).

▼M1

2.  
L-objettiv ta’ dan ir-Regolament huwa li jiffaċilita l-ġbir u d-direzzjoni tal-kapital lejn investimenti ta’ terminu twil fl-ekonomija reali, inkluż lejn il-kisba tal-Patt Ekoloġiku Ewropew u oqsma prijoritarji oħrajn, f’konformità mal-objettiv tal-Unjoni ta’ tkabbir intelliġenti, sostenibbli u inklużiv.

▼B

3.  
L-Istati Membri ma għandhomx iżidu rekwiżiti ulterjuri fil-qasam kopert minn dan ir-Regolament.

Artikolu 2

Definizzjonijiet

Għall-finijiet ta' dan ir-Regolament, japplikaw id-definizzjonijiet li ġejjin:

(1) 

“kapital” tfisser kontribuzzjonijiet kapitali aggregati u l-kapital impenjat mhux imħallas, ikkalkulati abbażi tal-ammonti investibbli wara li jitnaqqsu d-drittijiet, l-imposti u l-ispejjeż kollha akkarigu dirett jew indirett tal-investituri;

(2) 

“investitur professjonali” tfisser investitur li huwa meqjus bħala klijent professjonali, jew li jista', fuq talba, jiġi ttrattat bħala klijent professjonali b'konformità mal-Anness II tad-Direttiva 2014/65/UE;

(3) 

“investitur fil-livell tal-konsumatur” tfisser investitur li mhuwiex investitur professjonali;

(4) 

“ekwità” tfisser parteċipazzjoni azzjonarja f'impriża ta' portafoll li tikkwalifika, irrappreżentat mill-ishma jew forom oħra ta' parteċipazzjoni fil-kapital tal-impriża ta' portafoll li tikkwalifika, maħruġa lill-investituri tagħha;

(5) 

“kważi ekwità” tfisser kwalunkwe tip ta' strument ta' finanzjament fejn ir-redditu fuq l-istrument huwa konness mal-qligħ jew mat-telf tal-impriża ta' portafoll li tikkwalifika, u fejn il-ħlas lura tal-istrument f'każ ta' inadempjenza ma jkunx garantit bis-sħiħ;

▼M1

(6) 

“assi reali” tfisser assi li għandu valur intrinsiku minħabba s-sustanza u l-proprjetajiet tiegħu;

▼B

(7) 

“impriża finanzjarja” tfisser waħda minn dawn li ġejjin:

(a) 

istituzzjoni ta' kreditu kif definit fil-punt (1) tal-Artikolu 4(1) tar-Regolament (UE) Nru 575/2013 tal-Parlament Ewropew u tal-Kunsill ( 1 );

(b) 

kumpanija tal-investiment kif definit fil-punt (1) tal-Artikolu 4(1) tad-Direttiva 2014/65/UE;

(c) 

impriża tal-assigurazzjoni kif definit fil-punt (1) tal-Artikolu 13 tad-Direttiva 2009/138/KE tal-Parlament Ewropew u tal-Kunsill ( 2 );

▼M1

(ca) 

impriża tar-riassigurazzjoni kif definita fil-punt (4) tal-Artikolu 13 tad-Direttiva 2009/138/KE;

▼B

(d) 

kumpanija azzjonarja finanzjarja kif definit fil-punt (20) tal-Artikolu 4(1) tar-Regolament (UE) Nru 575/2013;

(e) 

kumpanija azzjonarja b'attivitajiet imħallta kif definit fil-punt (22) tal-Artikolu 4(1) tar-Regolament (UE) Nru 575/2013;

(f) 

kumpanija maniġerjali kif definit fil-punt (b) tal-Artikolu 2(1) tad-Direttiva 2009/65/KE;

(g) 

AIFM kif definit fil-punt (b) tal-Artikolu 4(1) tad-Direttiva 2011/61/UE;

(8) 

“AIF tal-UE” tfisser AIF tal-UE kif definit fil-punt (k) tal-Artikolu 4(1) tad-Direttiva 2011/61/UE;

(9) 

“AIFM tal-UE” tfisser AIFM tal-UE kif definit fil-punt (l) tal-Artikolu 4(1) tad-Direttiva 2011/61/UE;

(10) 

“awtorità kompetenti ta' ELTIF” tfisser awtorità kompetenti tal-AIF tal-UE fit-tifsira tal-punt (h) tal-Artikolu 4(1) tad-Direttiva 2011/61/UE;

(11) 

“l-Istat Membru ta' domiċilju tal-ELTIF” tfisser l-Istat Membru fejn l-ELTIF huwa awtorizzat;

(12) 

“maniġer tal-ELTIF” tfisser l-AIFM tal-UE awtorizzat biex jimmaniġġja ELTIF jew l-ELTIF immaniġġjat internament meta l-forma ġuridika tal-ELTIF tippermetti maniġment intern u meta ma jkun inħatar ebda AIFM estern;

(13) 

“awtorità kompetenti tal-maniġer tal-ELTIF” tfisser l-awtoritajiet kompetenti tal-Istat Membru ta' domiċilju tal-AIFM tal-UE fit-tifsira tal-punt (q) tal-Artikolu 4(1)tad-Direttiva 2011/61/UE;

(14) 

“għoti b'self ta' titoli” u “teħid b'self ta' titoli” tfisser kwalunkwe tranżazzjoni li fiha kontroparti tittrasferixxi titoli soġġett għal impenn li l-mutwatarju se jagħti lura titoli ekwivalenti f'xi data futura jew meta jintalab jagħmel hekk mit-trasferitur, bit-tranżazzjoni titqies bħala għoti b'self ta' titoli għall-kontroparti li tittrasferixxi t-titoli u titqies bħala teħid b'self ta' titoli għall-kontroparti li huma ttrasferiti lilha;

▼M1

(14a) 

“titolizzazzjoni sempliċi, trasparenti u standardizzata” tfisser titolizzazzjoni li tikkonforma mal-kundizzjonijiet stabbiliti fl-Artikolu 18 tar-Regolament (UE) 2017/2402 tal-Parlament Ewropew u tal-Kunsill ( 3 );

(14b) 

“grupp” ifisser grupp kif definit fl-Artikolu 2, il-punt 11, tad-Direttiva 2013/34/UE tal-Parlament Ewropew u tal-Kunsill ( 4 );

▼B

(15) 

“tranżazzjoni ta' xiri mill-ġdid” tfisser tranżazzjoni ta' xiri mill-ġdid kif definit fil-punt (83) tal-Artikolu 4(1) tar-Regolament (UE) Nru 575/2013;

(16) 

“strument finanzjarju” tfisser strument finanzjarju kif speċifikat fit-Taqsima C tal-Anness I tad-Direttiva 2014/65/UE;

(17) 

“bejgħ qasir” tfisser attività kif definit fil-punt (b) tal-Artikolu 2(1) tar-Regolament (UE) Nru 236/2012 tal-Parlament Ewropew u tal-Kunsill ( 5 );

(18) 

“suq regolat” tfisser suq regolat kif definit fil-punt (21) tal-Artikolu 4(1) tad-Direttiva 2014/65/UE;

(19) 

“faċilità multilaterali tan-negozjar” tfisser faċilità tan-negozjar kif definit fil-punt (22) tal-Artikolu 4(1) tad-Direttiva 2014/65/UE;

▼M1

(20) 

“ELTIF alimentatur” ifisser ELTIF, jew kompartiment ta’ investiment tiegħu, li jkun ġie approvat biex jinvesti mill-inqas 85 % tal-assi tiegħu f’unitajiet jew ishma ta’ ELTIF ieħor jew kompartiment ta’ investiment ta’ ELTIF;

(21) 

“ELTIF prinċipali” ifisser ELTIF, jew kompartiment ta’ investiment tiegħu, li fih ELTIF ieħor jinvesti mill-inqas 85 % tal-assi tiegħu f’unitajiet jew ishma.

▼B

Artikolu 3

L-awtorizzazzjoni u r-reġistru pubbliku ċentrali

1.  
ELTIF jista' jiġi kkummerċjalizzat fl-Unjoni biss meta jkun ġie awtorizzat b'konformità ma' dan ir-Regolament. L-awtorizzazzjoni ta' ELTIF hija valida fl-Istati Membri kollha..
2.  
L-AIFs tal-UE biss huma eliġibbli biex japplikaw għal awtorizzazzjoni u biex jingħataw awtorizzazzjoni bħala ELTIF

▼M1

3.  
L-awtoritajiet kompetenti tal-ELTIFs għandhom, fuq bażi ta’ kull tliet xhur, jinformaw lill-ESMA bl-awtorizzazzjonijiet mogħtija jew irtirati skont dan ir-Regolament u bi kwalunkwe bidla fl-informazzjoni dwar ELTIF li hija stabbilita fir-reġistru pubbliku ċentrali msemmi fit-tieni subparagrafu.

L-ESMA għandha żżomm reġistru pubbliku ċentrali aġġornat li jidentifika għal kull ELTIF awtorizzat skont dan ir-Regolament:

(a) 

l-Identifikatur ta’ Entità Ġuridika (LEI) u l-identifikatur tal-kodiċi nazzjonali tal-ELTIF, fejn disponibbli;

(b) 

l-isem u l-indirizz tal-maniġer tal-ELTIF u, meta disponibbli, il-LEI ta’ dak il-maniġer;

(c) 

il-kodiċijiet ISIN tal-ELTIF u kull klassi separata ta’ unitajiet jew ta’ ishma, fejn disponibbli;

(d) 

il-LEI tal-ELTIF prinċipali, fejn disponibbli;

(e) 

il-LEI tal-ELTIF alimentatur, fejn disponibbli;

(f) 

l-awtorità kompetenti tal-ELTIF u l-Istat Membru domiċiljari tal-ELTIF;

(g) 

l-Istati Membri fejn huwa kkummerċjalizzat l-ELTIF;

(h) 

jekk l-ELTIF jistax jiġi kkummerċjalizzat lil investituri fil-livell tal-konsumatur jew jistax jiġi kkummerċjalizzat biss lil investituri professjonali;

(i) 

id-data tal-awtorizzazzjoni tal-ELTIF;

(j) 

id-data li fiha tkun bdiet il-kummerċjalizzazzjoni tal-ELTIF;

(k) 

id-data tal-aħħar aġġornament mill-ESMA tal-informazzjoni dwar l-ELTIF.

Ir-reġistru pubbliku ċentrali għandu jkun magħmul disponibbli f’format elettroniku.

▼B

Artikolu 4

Id-deżinjazzjoni u l-projbizzjoni fuq transformazzjoni

1.  
Id-deżinjazzjoni “ELTIF” jew “fond Ewropew ta' investiment fuq terminu twil” fir-rigward ta' impriża ta' investiment kollettiv, jew l-unitajiet jew ishma li toħroġ, tista' tintuża biss fejn l-impriża ta' investiment kollettiv tkun ġiet awtorizzata skont dan ir-Regolament.
2.  
L-ELTIFs għandhom jiġu pprojbiti milli jittrasformaw ruħhom f'impriżi ta' investiment kollettiv li mhumiex koperti b'dan ir-Regolament.

Artikolu 5

Applikazzjoni għal awtorizzazzjoni bħala ELTIF

1.  
Applikazzjoni għal awtorizzazzjoni bħala ELTIF għandha ssir għand l-awtorità kompetenti tal-ELTIF.

▼M1

L-applikazzjoni għal awtorizzazzjoni bħala ELTIF għandha tinkludi dawn kollha li ġejjin:

(a) 

ir-regoli tal-fond jew l-istrumenti ta’ inkorporazzjoni;

(b) 

l-isem tal-maniġer propost tal-ELTIF;

(c) 

l-isem tad-depożitarju u, fejn mitlub mill-awtorità kompetenti ta’ ELTIF li jista’ jiġi kkummerċjalizzat lil investituri fil-livell tal-konsumatur, il-ftehim bil-miktub mad-depożitarju;

(d) 

fejn l-ELTIF jista’ jiġi kkummerċjalizzat lill-investituri fil-livell tal-konsumatur, deskrizzjoni tal-informazzjoni li għandha tiġi magħmula disponibbli għall-investituri, inkluża deskrizzjoni tal-arranġamenti għat-trattament tal-ilmenti sottomessi mill-investituri fil-livell tal-konsumatur;

(e) 

fejn applikabbli, l-informazzjoni li ġejja dwar l-istruttura prinċipali-alimentatriċi tal-ELTIF:

(i) 

dikjarazzjoni li l-ELTIF alimentatur huwa alimentatur tal-ELTIF prinċipali;

(ii) 

ir-regoli tal-fond jew l-istrumenti ta’ inkorporazzjoni tal-ELTIF prinċipali u l-ftehim bejn l-ELTIF alimentatur u l-ELTIF prinċipali, jew ir-regoli interni dwar il-kondotta tal-operazzjonijiet imsemmija fl-Artikolu 29(6);

(iii) 

meta l-ELTIF prinċipali u l-ELTIF alimentatur ikollhom depożitarji differenti, il-ftehim dwar il-kondiviżjoni tal-informazzjoni msemmi fl-Artikolu 29(7);

(iv) 

meta l-ELTIF alimentatur ikun stabbilit fi Stat Membru għajr l-Istat Membru domiċiljari tal-ELTIF prinċipali, attestazzjoni mill-awtorità kompetenti tal-Istat Membru domiċiljari tal-ELTIF prinċipali li l-ELTIF prinċipali huwa ELTIF ipprovdut mill-ELTIF alimentatur.

▼B

L-awtorità kompetenti tal-ELTIF tista' titlob kjarifika u informazzjoni rigward id-dokumentazzjoni u l-informazzjoni pprovduti skont it-tieni subparagrafu.

2.  
AIFM tal-UE awtorizzat skont id-Direttiva 2011/61/UE biss jista' japplika għand l-awtorità kompetenti tal-ELTIF sabiex ikollu l-approvazzjoni biex jimmaniġġja ELTIF li għaliha hija rikjesta l-awtorizzazzjoni skont il-paragrafu 1. Fil-każ li l-awtorità kompetenti tal-ELTIF tkun l-istess bħall-awtorità kompetenti tal-AIFM tal-UE, tali applikazzjoni għal approvazzjoni tirreferi għad-dokumentazzjoni ppreżentata għal awtorizzazzjoni skont id-Direttiva 2011/61/UE.

▼M1

Mingħajr preġudizzju għall-paragrafu 1, AIFM tal-UE li japplika biex jimmaniġġja ELTIF stabbilit fi Stat Membru ieħor għandu jipprovdi lill-awtorità kompetenti tal-ELTIF id-dokumentazzjoni li ġejja:

▼B

(a) 

il-ftehim bil-miktub mad-depożitarju;

(b) 

l-informazzjoni dwar l-arranġamenti għad-delegazzjoni fir-rigward tal-portafoll kif ukoll tal-immaniġġjar u l-amministrazzjoni tar-riskju fir-rigward tal-ELTIF;

(c) 

l-informazzjoni dwar l-istrateġiji tal-investiment, il-profil tar-riskju u karatteristiċi oħra tal-AIFs li l-AIFM tal-UE ikun awtorizzat jimmaniġġja.

L-awtorità kompetenti tal-ELTIF tista' titlob lill-awtorità kompetenti tal-AIFM tal-UE għal kjarifika u informazzjoni rigward id-dokumentazzjoni msemmija fit-tieni subparagrafu, jew attestat dwar jekk l-ELTIFs jaqgħux fil-kamp ta' applikazzjoni għal awtorizzazzjoni mill-AIFM tal-UE biex jimmaniġġja l-AIFs. L-awtorità kompetenti tal-AIFM tal-UE għandha tagħti risposta fi żmien għaxart ijiem ta' xogħol mid-data li fiha tkun irċeviet it-talba ppreżentata mill-awtorità kompetenti tal-ELTIF.

▼M1

3.  
L-applikanti għandhom jiġu informati fi żmien xahrejn mid-data tas-sottomissjoni ta’ applikazzjoni kompluta jekk tkunx ingħatat awtorizzazzjoni bħala ELTIF.

▼B

4.  
Kwalunkwe modifika sussegwenti fid-dokumentazzjoni msemmija fil-paragrafi 1 u 2 għandha tiġi nnotifikata minnufih lill-awtorità kompetenti tal-ELTIF.
5.  
B'deroga mill-paragrafi 1 u 2, AIF tal-UE li l-forma ġuridika tiegħu tippermetti mmaniġġjar intern u li l-bord ta' tmexxija tiegħu jagħżel li ma jaħtarx AIFM estern, għandu japplika simultanjament għal awtorizzazzjoni bħala ELTIF skont dan ir-Regolament u bħala AIFM skont id-Direttiva 2011/61/UE.

Mingħajr preġudizzju għall-Artikolu 7 tad-Direttiva 2011/61/UE, l-applikazzjoni għal awtorizzazzjoni bħala ELTIF immaniġġjat internament għandha inkludi li ġej:

(a) 

ir-regoli tal-fond jew l-istrumenti ta' inkorporazzjoni;

▼M1

(b) 

meta l-ELTIF jista’ jiġi kkummerċjalizzat lill-investituri fil-livell tal-konsumatur, deskrizzjoni tal-informazzjoni li għandha tiġi magħmula disponibbli għall-investituri fil-livell tal-konsumatur, inkluża deskrizzjoni tal-arranġamenti għat-trattament tal-ilmenti sottomessi mill-investituri fil-livell tal-konsumatur.

▼B

B'deroga mill-paragrafu 3, AIF tal-UE mmaniġġjat internament għandu jiġi infurmat fi żmien tliet xhur mid-data tas-sottomissjoni ta' applikazzjoni sħiħa dwar jekk ingħatatx awtorizzazzjoni bħala ELTIF.

Artikolu 6

Kundizzjonijiet għall-għoti ta' awtorizzazzjoni bħala ELTIF

1.  

AIF tal-UE għandu jiġi awtorizzat bħala ELTIF biss fejn l-awtorità kompetenti tiegħu:

(a) 

tkun sodisfatta li l-AIF tal-UE huwa kapaċi jissodisfa r-rekwiżiti kollha ta' dan ir-Regolament;

(b) 

tkun approvat l-applikazzjoni tal-AIFM tal-UE awtorizzat skont id-Direttiva 2011/61/UE biex jimmaniġġja l-ELTIF, ir-regoli tal-fondi jew l-istrumenti tal-inkorporazzjoni u l-għażla tad-depożitarju.

2.  
Fil-każ li AIF tal-UE jagħmel applikazzjoni skont l-Artikolu 5(5) ta' dan ir-Regolament, l-awtorità kompetenti għandha tawtorizza l-AIF tal-UE biss meta tkun sodisfatta li l-AIF tal-UE jikkonforma mar-rekwiżiti kemm ta' dan ir-Regolament kif ukoll tad-Direttiva 2011/61/UE rigward l-awtorizzazzjoni ta' AIFM tal-UE.
3.  

L-awtorità kompetenti tal-ELTIF tista' tirrifjuta li tapprova l-applikazzjoni ta' AIFM tal-UE biex jimmaniġġja ELTIF meta l-AIFM tal-UE:

(a) 

ma jkunx konformi ma' dan ir-Regolament;

(b) 

ma jkunx konformi mad-Direttiva 2011/61/UE;

(c) 

mhuwiex awtorizzat mill-awtorità kompetenti tiegħu biex jimmaniġġja l-AIFs li jsegwu strateġiji ta' investiment tat-tip koperti b'dan ir-Regolament; jew

(d) 

ma pprovdiex id-dokumenti msemmija fil-Artikolu 5(2), jew xi kjarifika jew informazzjoni mitluba taħtu.

Qabel ma l-awtorità kompetenti ta' ELTIF tirrifjuta li tapprova applikazzjoni, hija għandha tikkonsulta l-awtorità kompetenti tal-AIFM tal-UE.

4.  
L-awtorità kompetenti tal-ELTIF m'għandiex tagħti awtorizzazzjoni bħala ELTIF lill-AIF tal-UE li jkun applika għall-awtorizzazzjoni jekk huwa legalment ipprojbit milli jikkummerċjalizza l-unitajiet jew l-ishma tiegħu fl-Istat Membru tad-domiċilju tiegħu.
5.  
L-awtorità kompetenti tal-ELTIF għandha tikkomunika lill-AIF tal-UE ir-raġuni għalfejn irrifjutat li tagħti l-awtorizzazzjoni bħala ELTIF.
6.  
Applikazzjoni li ġiet rifjutata taħt dan l-Kapitolu ma terġax tiġi sottomessa lill-awtoritajiet kompetenti ta' Stati Membri oħra.
7.  
L-awtorizzazzjoni bħala ELTIF m'għandiex tkunx suġġetta għar-rekwiżit li l-ELTIF ikun immaniġġjat minn AIFM tal-UE li jkun awtorizzat fl-Istat Membru tad-domiċilju tal-ELTIF, jew li l-AIFM tal-UE iwettaq jew jiddelega kwalunkwe attività fl-Istat Membru tad-domiċilju tal-ELTIF.

Artikolu 7

Ir-regoli applikabbli u r-responsabbiltajiet

1.  
L-ELTIF għandu jkun konformi f'kull ħin mad-dispożizzjonijiet ta' dan ir-Regolament.
2.  
ELTIF u l-maniġer tal-ELTIF għandhom ikunu konformi f'kull ħin mad-Direttiva 2011/61/UE.
3.  
Il-maniġer tal-ELTIF għandu r-responsabbiltà għall- konformità ma' dan ir-Regolament u għandu kun responsabbli wkoll skont id-Direttiva 2011/61/UE għal kwalunkwe ksur ta' dan ir-Regolament. Il-maniġer tal-ELTIF għandu jkun responsabbli wkoll għal telf jew danni li jirriżultaw min-nuqqas ta' konformità ma' dan ir-Regolament.

KAPITOLU II

OBBLIGI LI JIKKONĊERNAW IL-POLITIKI TA' INVESTIMENT TAL-ELTIFs

TAQSIMA 1

Ir-regoli ġenerali u l-assi eliġibbli

Artikolu 8

Il-kompartimenti ta' investiment

Meta ELTIF jinkludi iżjed minn kompartiment ta' investiment wieħed, kull kompartiment għandu jitqies bħala ELTIF separat għall-finijiet ta' dan il-Kapitolu.

Artikolu 9

L-investimenti eliġibbli

1.  

B'konformità mal-għanijiet msemmija fl-Artikolu 1(2), ELTIF għandu jinvesti biss f'dawn il-kategoriji ta' assi u taħt il-kundizzjonijiet speċifikati f'dan ir-Regolament biss:

(a) 

assi ta' investiment eliġibbli;

(b) 

l-assi msemmija fl-Artikolu 50(1) tad-Direttiva 2009/65/KE.

2.  

ELTIF m'għandu jagħmel l-ebda waħda minn dawn l-attivitajiet li ġejjin:

(a) 

il-bejgħ qasir ta' assi;

(b) 

jesponi ruħu b'mod dirett jew indirett għall-komoditajiet, anke permezz ta' strumenti finanzjarji derivati, ċertifikati li jirrappreżentawhom, indiċi bbażati fuqhom jew kwalunkwe mezz jew strument li jagħtihom esponiment;

(c) 

jidħol f'għoti b'self ta' titoli, f'teħid ta' self ta' titoli, fi tranżazzjonijiet ta' xiri mill-ġdid, jew fi kwalunkwe ftehim ieħor li jkollu effett ekonomiku ekwivalenti u jġib riskji simili, jekk b'hekk ikun affettwati aktar minn 10 % tal-assi tal-ELTIF;

(d) 

juża strumenti finanzjarji derivati, ħlief meta l-użu ta' tali strumenti jaqdi biss l-iskop li jiġu ħħeġġjati r-riskji inerenti għal investimenti oħrajn tal-ELTIF.

3.  
Sabiex tiġi żgurata l-applikazzjoni konsistenti ta' dan l-Artikolu, l-AETS, wara li twettaq konsultazzjoni pubblika, għandha tiżviluppa abbozz ta' standards tekniċi regolatorji li jispeċifika kriterji għall-istabbiliment taċ-ċirkustanzi li fihom l-użu ta' strumenti finanzjarji derivati jservu unikament l-iskop li jiħħeġġjaw ir-riskji inerenti għall-investimenti msemmija fil-punt (d) tal-paragrafu 2.

L-AETS tissottometti dak l-abbozz ta' standards tekniċi regolatorji lill-Kummissjoni sad-9 ta' Settembru 2015.

Is-setgħa hija ddelegata lill-Kummissjoni biex tadotta l-istandards tekniċi regolatorji msemmija fl-ewwel subparagrafu skont l-Artikoli 10 sa 14 tar-Regolament (UE) Nru 1095/2010.

▼M1

Artikolu 10

L-assi ta’ investiment eliġibbli

1.  

Assi msemmi fil-punt (a) ta-Artikolu 9(1) għandu jkun eliġibbli biss għal investiment minn ELTIF meta jaqa’ f’waħda mill-kategoriji li ġejjin:

(a) 

strumenti ta’ ekwità jew kważi ekwità li kienu:

(i) 

maħruġa minn impriża ta’ portafoll kwalifikanti kif imsemmi fl-Artikolu 11 u akkwistati mill-ELTIF mingħand dik l-impriża ta’ portafoll kwalifikanti jew mingħand parti terzi permezz tas-suq sekondarju;

(ii) 

maħruġa minn impriża ta’ portafoll kwalifikanti kif imsemmi fl-Artikolu 11 bi skambju għal strument ta’ ekwità jew kważi ekwità akkwistat preċedentement mill-ELTIF mingħand l-impriża ta’ portafoll kwalifikanti jew mingħand parti terza permezz tas-suq sekondarju;

(iii) 

maħruġa minn impriża li fiha impriża ta’ portafoll kwalifikanti kif imsemmi fl-Artikolu 11 ikollha parteċipazzjoni ta’ kapital bi skambju għal strument ta’ ekwità jew kważi ekwità akkwistat mill-ELTIF f’konformità mal-punt (i) jew (ii) ta’ dan il-punt (a);

(b) 

strumenti ta’ dejn maħruġa minn impriża ta’ portafoll kwalifikanti kif imsemmi fl-Artikolu 11;

(c) 

self mogħti mill-ELTIF lil impriża ta’ portafoll kwalifikanti kif imsemmi fl-Artikolu 11 b’maturità li ma taqbiżx il-ħajja tal-ELTIF;

(d) 

unitajiet jew ishma ta’ wieħed jew diversi minn ELTIFs, EuVECAs, EuSEFs, UCITS u AIFs tal-UE oħrajn ġestiti minn AIFMs tal-UE, dment li dawk l-ELTIFs, l-EuVECAs, l-EuSEFs, l-UCITS u l-AIFs tal-UE jinvestu f’investimenti eliġibbli kif imsemmi fl-Artikolu 9(1) u (2) u huma stess ma jkunux investew aktar minn 10 % tal-assi tagħhom fi kwalunkwe impriża ta’ investiment kollettiv oħra;

(e) 

assi reali;

(f) 

titolizzazzjonijiet sempliċi, trasparenti u standardizzati fejn l-iskoperturi sottostanti jikkorrispondu għal waħda mill-kategoriji li ġejjin:

(i) 

assi elenkati fl-Artikolu 1, il-punti (a)(i), (ii) jew (iv) tar-Regolament Delegat tal-Kummissjoni (UE) 2019/1851 ( 6 );

(ii) 

assi elenkati fl-Artikolu 1, il-punti (a)(vii) jew (viii) tar-Regolament Delegat (UE) 2019/1851, dment li r-rikavati mill-bonds ta’ titolizzazzjoni jintużaw għall-finanzjament jew għar-rifinanzjament ta’ investimenti ta’ terminu twil.

(g) 

bonds maħruġa, skont Regolament tal-Parlament Ewropew u tal-Kunsill dwar il-bonds ekoloġiċi Ewropej, minn impriża ta’ portafoll kwalifikanti kif imsemmi fl-Artikolu 11.

Il-limitu stipulat fil-punt (d) tal-ewwel subparagrafu ma għandux japplika għall-ELTIFs alimentaturi.

2.  
Għall-fini tad-determinazzjoni tal-konformità mal-limitu ta’ investiment stipulat fl-Artikolu 13(1), l-investimenti mill-ELTIFs f’unitajiet jew f’ishma ta’ ELTIFs, EuVECAs, EuSEFs, UCITS u AIFs tal-UE ġestiti mill-AIFMs tal-UE għandhom jitqiesu biss għall-ammont tal-investimenti ta’ dawk l-impriżi ta’ investiment kollettiv fl-assi ta’ investiment eliġibbli msemmija fil-paragrafu 1, l-ewwel subparagrafu, il-punti (a), (b), (c), (e), (f) u (g), ta’ dan l-Artikolu.

Għall-finijiet tad-determinazzjoni tal-konformità mal-limitu ta’ investiment u l-limiti l-oħrajn stipulati fl-Artikolu 13 u fl-Artikolu 16(1), l-assi u l-pożizzjoni ta’ teħid b’self ta’ flus kontanti ta’ ELTIF u tal-impriżi l-oħra ta’ investiment kollettiv li fihom ikun investa l-ELTIF għandhom jiġu kkombinati.

Id-determinazzjoni tal-konformità mal-limitu ta’ investiment u mal-limiti l-oħrajn stipulati fl-Artikolu 13 u fl-Artikolu 16(1) f’konformità ma’ dan il-paragrafu għandha titwettaq abbażi tal-informazzjoni aġġornata mill-inqas fuq bażi ta’ kull tliet xhur u, fejn dik l-informazzjoni ma tkunx disponibbli fuq bażi ta’ kull tliet xhur, abbażi tal-aktar informazzjoni reċenti disponibbli.

▼B

Artikolu 11

Impriża ta' portafoll li tikkwalifika

▼M1

1.  

Impriża ta’ portafoll kwalifikanti għandha tkun impriża li tissodisfa, fil-mument tal-investiment inizjali, ir-rekwiżiti li ġejjin:

(a) 

ma tkunx impriża finanzjarja, sakemm:

(i) 

ma tkunx impriża finanzjarja li ma hijiex kumpanija azzjonarja finanzjarja jew kumpanija azzjonarja b’attività mħallta; u

(ii) 

dik l-impriża finanzjarja ma tkunx ġiet awtorizzata jew irreġistrata aktar reċentement minn ħames snin qabel id-data tal-investiment inizjali;

(b) 

tkun impriża li:

(i) 

ma tkunx ammessa għan-negozjar f’suq regolat jew f’faċilità multilaterali tan-negozjar; jew

(ii) 

li tkun ammessa għall-kummerċ f’suq regolat jew f’faċilità tal-kummerċ multilaterali u jkollha kapitalizzazzjoni tas-suq ta’ mhux aktar minn EUR 1 500 000 000 ;

(c) 

tkun stabbilita fi Stat Membru, jew f’pajjiż terz sakemm il-pajjiż terz:

(i) 

ma jkunx identifikat bħala pajjiż terz b’riskju għoli elenkat fl-att delegat adottat skont l-Artikolu 9(2) tad-Direttiva (UE) 2015/849 tal-Parlament Ewropew u tal-Kunsill ( 7 );

(ii) 

ma tkunx imsemmija fl-Anness I għall-konklużjonijiet tal-Kunsill dwar il-lista riveduta tal-UE ta’ ġuriżdizzjonijiet li ma jikkooperawx għal finijiet ta’ taxxa.

▼B

2.  
B'deroga mill-punt (a) tal-paragrafu 1 ta' dan l-Artikolu, impriża ta' portafoll li tikkwalifika tista' tkun impriża finanzjarja li tiffinanzja esklużivament l-impriżi ta' portafoll li jikkwalifikaw msemmija fil-paragrafu 1 ta' dan l-Artikolu jew l-assi reali msemmija fil-punt (e) tal-Artikolu 10.

▼M1

Artikolu 12

Kunflitti ta’ interess

1.  
ELTIF ma gћandux jinvesti f’assi ta’ investiment eliġibbli li fih il-maniġer tal-ELTIF ikollu jew jieħu interess dirett jew indirett, ħlief billi jżomm unitajiet jew ishma tal-ELTIFs, tal-EuSEFs, tal-EuVECAs, tal-UCITS jew tal-AIFs tal-UE li l-maniġer tal-ELTIF jiġġestixxi.
2.  
AIFM tal-UE li jiġġestixxi ELTIF u l-impriżi li jappartjenu għall-istess grupp bħal dak l-AIFM tal-UE, u l-membri tal-persunal tagħhom jistgħu jikkoinvestu f’dak l-ELTIF u jikkoinvestu mal-ELTIF fl-istess assi dment li l-maniġer tal-ELTIF ikun stabbilixxa arranġamenti organizzattivi u amministrattivi mfassla biex jidentifikaw, jimpedixxu, jiġġestixxu u jimmonitorjaw il-kunflitti ta’ interess u dment li tali kunflitti ta’ interess jiġu ddivulgati b’mod adegwat.

▼B

TAQSIMA 2

Dispożizzjonijiet dwar politiki ta' investiment

▼M1

Artikolu 13

Kompożizzjoni u diversifikazzjoni tal-portafoll

1.  
ELTIF għandu jinvesti mill-inqas 55 % tal-kapital tiegħu f’assi ta’ investiment eliġibbli.
2.  

ELTIF għandu jinvesti mhux aktar minn:

(a) 

20 % tal-kapital tiegħu fi strumenti maħruġa minn, jew self mogħti lil, kwalunkwe impriża ta’ portafoll kwalifikanti unika;

(b) 

20 % tal-kapital tiegħu f’assi reali uniku;

(c) 

20 % tal-kapital tiegħu f’unitajiet jew ishma ta’ kwalunkwe ELTIF, EuVECA, EuSEF, UCITS jew AIF tal-UE uniku ġestit minn AIFM tal-UE;

(d) 

10 % tal-kapital tiegħu fl-assi msemmija fil-punt (b) tal-Artikolu 9(1), fejn dawk l-assi jkunu nħarġu minn kwalunkwe korp uniku.

3.  
Il-valur aggregat ta’ titolizzazzjonijiet sempliċi, trasparenti u standardizzati f’portafoll tal-ELTIF ma għandux jaqbeż l-20 % tal-valur tal-kapital tal-ELTIF.
4.  
L-iskopertura għar-riskju aggregata għal kontroparti tal-ELTIF li tirriżulta minn tranżazzjonijiet ta’ derivattivi barra l-borża (OTC), ftehimiet ta’ riakkwist, jew ftehimiet ta’ retroriakkwist ma għandhiex taqbeż l-10 % tal-valur tal-kapital tal-ELTIF.
5.  
B’deroga mill-punt (d) tal-paragrafu 2, ELTIF jista’ jgħolli l-limitu ta’ 10 % imsemmi fih għal 25 % meta l-bonds jinħarġu minn istituzzjoni ta’ kreditu li jkollha l-uffiċċju rreġistrat tagħha fi Stat Membru u li tkun soġġetta bil-liġi għal superviżjoni pubblika speċjali maħsuba biex tipproteġi lid-detenturi tal-bonds. B’mod partikolari, somom li jirriżultaw mill-ħruġ ta’ dawk il-bonds għandhom jiġu investiti f’konformità mal-liġi dwar l-assi li, tul il-perjodu kollu tal-validità tal-bonds, ikunu jistgħu jkopru pretensjonijiet marbuta mal-bonds u li, fil-każ ta’ nuqqas min-naħa tal-emittent, ikunu użati fuq bażi ta’ prijorità għar-rimbors tal-kapital u l-ħlas tal-imgħax akkumulat.
6.  
Kumpaniji li huma inklużi fl-istess grupp għall-finijiet ta’ kontijiet konsolidati, kif irregolat skont id-Direttiva 2013/34/UE jew skont ir-regoli internazzjonali rikonoxxuti ta’ kontabilità, għandhom jitqiesu bħala impriża unika ta’ portafoll li tikkwalifika jew korp uniku għall-finijiet tal-kalkolu tal-limiti li jinsabu fil-paragrafi minn 1 sa 5 ta’ dan l-Artikolu.
7.  
Il-limiti ta’ investiment stabbiliti fil-paragrafi minn 2 sa 4 ma għandhomx japplikaw meta l-ELTIFs ikunu kkummerċjalizzati biss lil investituri professjonali. Il-limitu ta’ investiment stabbilit fil-paragrafu 2, il-punt (c), ma għandhomx japplikaw meta ELTIF ikun ELTIF alimentatur.

Artikolu 14

Rettifika tal-pożizzjonijiet ta’ investiment

Fil-każ li ELTIF jikser ir-rekwiżiti ta’ kompożizzjoni u ta’ diversifikazzjoni tal-portafoll stipulati fl-Artikolu 13 jew il-limiti ta’ teħid ta’ self stipulati fl-Artikolu 16(1), il-punt (a), u l-ksur ma jkunx fil-kontroll tal-maniġer tal-ELTIF, il-maniġer tal-ELTIF, għandu jieħu, f’perjodu ta’ żmien xieraq, dawk il-miżuri li jkunu neċessarji biex jirrettifika l-pożizzjoni, b’kont meħud tal-interessi tal-investituri tal-ELTIF.

Artikolu 15

Limiti ta’ konċentrazzjoni

1.  
ELTIF jista’ jakkwista mhux aktar minn 30 % tal-unitajiet jew tal-ishma ta’ ELTIF, EuVECA, EuSEF, UCITS uniku jew ta’ AIF tal-UE ġestit minn AIFM tal-UE. Dak il-limitu ma għandux japplika fejn l-ELTIFs jiġu kkummerċjalizzati biss lil investituri professjonali u lanqas m’għandu japplika għal ELTIF alimentatur li jinvesti fl-ELTIF prinċipali tiegħu.’
2.  
Il-limiti ta’ konċentrazzjoni stabbiliti fl-Artikolu 56(2) tad-Direttiva 2009/65/KE għandhom japplikaw għal investimenti fl-assi li hemm referenza għalihom fl-Artikolu 9(1), punt (b) ta’ dan ir-Regolament, ħlief meta l-ELTIFs ikunu kkumerċjalizzati biss lil investituri professjonali.

Artikolu 16

It-teħid b’self ta’ flus kontanti

1.  

ELTIF jista’ jissellef flus sakemm dan is-self jissodisfa l-kundizzjonijiet kollha li ġejjin:

(a) 

jirrappreżenta mhux aktar minn 50 % tal-valur nett tal-assi tal-ELTIF f’każ tal-ELTIFs li jistgħu jiġu kkummerċjalizzati lil investituri fil-livell tal-konsumatur, u mhux aktar minn 100 % tal-valur nett tal-assi tal-ELTIF fil-każ ta’ ELTIFs ikkummerċjalizzati biss lil investituri professjonali;

(b) 

iservi l-iskop li jsiru investimenti jew li tiġi pprovduta likwidità, inkluż li jitħallsu l-kostijiet u l-ispejjeż, dment li l-parteċipazzjonijiet fi flus kontanti jew f’ekwivalenti għal flus kontanti tal-ELTIF ma jkunux biżżejjed biex isir l-investiment ikkonċernat;

(c) 

jiġi kkuntrattat fl-istess munita bħall-assi li għandhom jiġu akkwistati bil-flus missellfa, jew f’munita oħra meta l-iskopertura għall-munita tkun ġiet iħħeġġjata kif xieraq;

(d) 

ikollu maturità mhux itwal mill-ħajja tal-ELTIF.

Meta jissellef flus kontanti, ELTIF jista’ jaggrava assi biex jimplimenta l-istrateġija ta’ self tiegħu.

L-arranġamenti ta’ teħid b’self li huma koperti bis-sħiħ mill-impenji ta’ kapital tal-investituri ma għandhomx jitqiesu li jkunu teħid b’self għall-finijiet ta’ dan il-paragrafu.

2.  
Il-maniġer tal-ELTIF għandu jispeċifika fil-prospett tal-ELTIF jekk l-ELTIF għandux il-ħsieb li jissellef flus bħala parti mill-istrateġija ta’ investiment tal-ELTIF u, jekk dan ikun il-każ, għandu jispeċifika fih il-limiti ta’ teħid ta’ self.
3.  
Il-limiti ta’ teħid ta’ self li għandhom jiġu speċifikati fil-prospett kif imsemmi fil-paragrafu 2 għandhom japplikaw biss mid-data speċifikata fir-regoli jew l-istrumenti ta’ inkorporazzjoni tal-ELTIF. Dik id-data ma għandhiex tkun aktar tard minn tliet snin wara d-data li fiha tkun bdiet il-kummerċjalizzazzjoni tal-ELTIF.
4.  
Il-limiti ta’ teħid ta’ self imsemmija fil-paragrafu 1, il-punt (a), għandhom jiġu sospiżi temporanjament meta l-ELTIF jiġbor kapital addizzjonali jew inaqqas il-kapital eżistenti tiegħu. Tali sospensjoni għandha tkun limitata fiż-żmien għall-perjodu li huwa strettament meħtieġ filwaqt li jitqiesu l-interessi tal-investituri fl-ELTIF u, fi kwalunkwe każ, ma għandhiex iddum aktar minn 12-il xahar.

▼B

Artikolu 17

L-applikazzjoni tas-sura tal-portafoll u r-regoli ta' diversifikazzjoni

▼M1

1.  

Ir-rekwiżiti ta’ kompożizzjoni u ta’ diversifikazzjoni tal-portafoll stabbiliti fl-Artikolu 13 għandhom:

(a) 

japplikaw sad-data speċifikata fir-regoli jew fl-istrumenti ta’ inkorporazzjoni tal-ELTIF;

(b) 

ma jibqgħux japplikaw ladarba l-ELTIF jibda jbigħ l-assi sabiex jirrimborża l-unitajiet jew l-ishma tal-investituri wara tmiem ħajjet l-ELTIF;

(c) 

jiġu temporanjament sospiżi meta ELTIF jiġbor kapital addizzjonali jew inaqqas il-kapital eżistenti tiegħu, sakemm tali sospensjoni ma tkunx itwal minn 12-il xahar.

▼B

Id-data msemmija fil-punt (a) tal-ewwel subparagrafu għandha tieħu kont tal-karatteristiċi partikulari u l-karatteristiċi tal-assi li ser jiġu investiti mill-ELTIF, u m'għandhiex tkun aktar tard jew minn ħames snin wara d-data tal-awtorizzazzjoni bħala ELTIF, jew inkella nofs il-ħajja tal-ELTIF kif determinat skont l-Artikolu 18 (3), skont liema tiġi l-ewwel. F'ċirkostanzi eċċezzjonali, l-awtorità kompetenti tal-ELTIF, meta jiġi ppreżentat pjan ta' investiment debitament ġustifikat, tista' tapprova estensjoni ta' dan il-limitu ta' żmien b' mhux iktar minn sena.

2.  
Meta assi ta' terminu twil li ELTIF ikun investa fih jinħareġ minn impriża ta' portafoll li tikkwalifika, li m'għadhiex konformi mal-punt (b) tal-Artikolu 11(1), l-assi ta' terminu twil jista' jkompli jingħadd għall-iskop tal-kalkolu tal-limitu ta' investiment msemmi fl-Artikolu 13(1) għall-massimu ta' tliet snin mid-data li fiha l-impriża ta' portafoll li tikkwalifika ma tibqax tissodisfa r-rekwiżiti tal-punt (b) tal-Artikolu 11(1).

KAPITOLU III

IT- ►C1  TIFDIJA ◄ , IN-NEGOZJAR U L-ĦRUĠ TA' UNITAJIET JEW ISHMA TA' ELTIF U D-DISTRIBUZZJONI TAR-RIKAVAT U KAPITAL

▼M1

Artikolu 18

Ir-rimbors tal-unitajiet jew l-ishma tal-ELTIFs

1.  
L-investituri f’ELTIF ma għandhomx ikunu jistgħu jitolbu r-rimbors tal-unitajiet jew tal-ishma tagħhom qabel tmiem ħajjet l-ELTIF. Ir-rimbors lill-investituri għandu jkun possibbli mill-jum ta’ wara d-data ta’ tmiem ħajjet l-ELTIF.

Ir-regoli jew l-istrumenti ta’ inkorporazzjoni tal-ELTIF għandhom jindikaw b’mod ċar data speċifika għal tmiem ħajjet l-ELTIF u jistgħu jipprevedu d-dritt ta’ estensjoni temporanja tal-ħajja tal-ELTIF u l-kundizzjonijiet għall-eżerċizzju ta’ tali dritt.

Ir-regoli jew l-istrumenti ta’ inkorporazzjoni tal-ELTIF u l-iżvelar lill-investituri għandhom jistipulaw il-proċeduri għar-rimbors tal-unitajiet jew ishma u d-disponiment tal-assi, u jiddikjaraw b’mod ċar li r-rimbors lill-investituri għandu jkun possibbli mill-jum ta’ wara d-data ta’ tmiem ħajjet l-ELTIF.

2.  

B’deroga mill-paragrafu 1 ta’ dan l-Artikolu, ir-regoli jew l-istrumenti ta’ inkorporazzjoni ta’ ELTIF jistgħu jipprevedu l-possibbiltà ta’ rimbors matul il-ħajja tal-ELTIF, sakemm jiġu ssodisfati l-kundizzjonijiet kollha li ġejjin:

(a) 

it-tifdijiet ma jingħatawx qabel it-tmiem ta’ perjodu minimu ta’ żamma jew qabel id-data speċifikata fl-Artikolu 17(1), il-punt (a);

(b) 

meta tingħata l-awtorizzazzjoni u tul il-ħajja tal-ELTIF, il-maniġer tal-ELTIF ikun jista’ juri lill-awtoritajiet kompetenti tal-ELTIF li l-ELTIF ikollu fis-seħħ politika xierqa ta’ rimbors u għodod ta’ ġestjoni tal-likwidità li jkunu kompatibbli mal-istrateġija ta’ investiment tal-ELTIF fuq terminu twil;

(c) 

il-politika ta’ rimbors tal-ELTIF tindika b’mod ċar il-proċeduri u l-kundizzjonijiet għat-tifdijiet;

(d) 

il-politika ta’ rimbors tal-ELTIF tiżgura li r-rimbors ikun limitat għal persentaġġ tal-assi tal-ELTIF msemmi fl-Artikolu 9(1), il-punt (b);

(e) 

il-politika ta’ rimbors tal-ELTIF tiżgura li l-investituri jiġu ttrattati b’mod ġust u r-rimbors jingħata fuq bażi pro rata jekk it-talbiet għar-rimbors jaqbeż il-persentaġġ imsemmi fil-punt (d) ta’ dan is-subparagrafu.

Il-kundizzjoni ta’ perjodu minimu ta’ żamma msemmija fil-punt (a) tal-ewwel subparagrafu ma għandhiex tapplika għal ELTIFs alimentaturi li jinvestu fl-ELTIFs prinċipali tagħhom.

3.  
Il-ħajja ta’ ELTIF għandha tkun konsistenti man-natura fuq terminu twil tal-ELTIF u għandha tkun kompatibbli maċ-ċiklu tal-ħajja ta’ kull wieħed mill-assi individwali tal-ELTIF, imkejla skont il-profil ta’ illikwidità u ċ-ċiklu tal-ħajja ekonomika tal-assi, u l-objettiv tal-investiment iddikjarat tal-ELTIF.
4.  
L-investituri dejjem għandu jkollhom l-għażla li jitħallsu lura fi flus.
5.  

Il-ħlas lura in natura mill-assi ta’ ELTIF għandu jkun possibbli biss meta jiġu ssodisfati l-kundizzjonijiet kollha li ġejjin:

(a) 

ir-regoli jew l-istrumenti ta’ inkorporazzjoni tal-ELTIF joffru dik il-possibbiltà, sakemm l-investituri kollha jiġu ttrattati b’mod ġust;

(b) 

l-investitur jitlob bil-miktub biex jitħallas lura permezz ta’ sehem mill-assi tal-ELTIF;

(c) 

l-ebda regola speċifika ma tirrestrinġi t-trasferiment ta’ dawn l-assi.

6.  
L-ESMA għandha tiżviluppa abbozzi ta’ standards tekniċi regolatorji li jispeċifikaw iċ-ċirkostanzi li fihom il-ħajja ta’ ELTIF titqies li hija kompatibbli maċ-ċikli tal-ħajja ta’ kull wieħed mill-assi individwali tal-ELTIF, kif imsemmi fil-paragrafu 3.

L-ESMA għandha wkoll tiżviluppa abbozz ta’ standards tekniċi regolatorji li jispeċfikaw dan li ġej:

(a) 

il-kriterji biex jiġi ddeterminat il-perjodu minimu ta’ parteċipazzjoni msemmi fil-paragrafu 2, l-ewwel subparagrafu, il-punt (a);

(b) 

l-informazzjoni minima li għandha tiġi pprovduta lill-awtorità kompetenti tal-ELTIF skont il-paragrafu 2, l-ewwel subparagrafu, il-punt (b);

(c) 

ir-rekwiżiti li għandhom jiġu ssodisfati mill-ELTIF fir-rigward tal-politika ta’ rimbors tiegħu u l-għodod għall-ġestjoni tal-likwidità, imsemmija fil-paragrafu 2, l-ewwel subparagrafu, il-punti (b) u (c); u

(d) 

il-kriterji għall-valutazzjoni tal-persentaġġ imsemmi fil-paragrafu 2, l-ewwel subparagrafu, il-punt (d), filwaqt li jitqiesu, fost l-oħrajn, il-flussi tal-flus u l-obbligazzjonijiet mistennija tal-ELTIF.

L-ESMA għandha tippreżenta l-abbozz tal-istandards tekniċi regolatorji msemmija fl-ewwel u t-tieni subparagrafi lill-Kummissjoni sal-10 ta’ Jannar 2024.

Is-setgħa hija delegata lill-Kummissjoni biex tissupplimenta dan ir-Regolament billi tadotta l-istandards tekniċi regolatorji msemmija fl-ewwel u t-tieni subparagrafi skont l-Artikoli 10 sa 14 tar-Regolament (UE) Nru 1095/2010.

▼B

Artikolu 19

Is-suq sekondarju

1.  
Ir-regoli jew l-istrumenti ta' inkorporazzjoni ta' ELTIF m'għandhomx jimpedixxu unitajiet jew ishma tal-ELTIF milli jiġu ammessi għan-negozjar f'suq regolat jew f'faċilità multilaterali tan-negozjar.

▼M1

2.  
Ir-regoli jew l-istrumenti ta’ inkorporazzjoni ta’ ELTIF ma għandhomx jipprevjenu lill-investituri milli jittrasferixxu liberament l-unitajiet jew l-ishma tagħhom lil partijiet terzi għajr il-maniġer tal-ELTIF, soġġetti għar-rekwiżiti regolatorji applikabbli u l-kundizzjonijiet stabbiliti fil-prospett tal-ELTIF.

▼M1

2a.  

Ir-regoli jew l-istrumenti ta’ inkorporazzjoni tal-ELTIF jistgħu jipprevedu l-possibbiltà matul il-ħajja tal-ELTIF, ta’ tqabbil sħiħ jew parzjali tat-talbiet għat-trasferiment ta’ unitajiet jew ishma tal-ELTIF mill-investituri ħerġin mat-talbiet għat-trasferiment minn investituri potenzjali, dment li jiġu ssodisfati l-kundizzjonijiet kollha li ġejjin:

(a) 

il-maniġer tal-ELTIF ikollu politika għat-tqabbil tat-talbiet li tistabbilixxi b’mod ċar dawn kollha li ġejjin:

(i) 

il-proċess ta’ trasferiment kemm għall-investituri eżistenti kif ukoll għal dawk potenzjali;

(ii) 

ir-rwol tal-maniġer tal-ELTIF jew tal-amministratur tal-fond fit-twettiq tat-trasferimenti, u t-tqabbil tat-talbiet rispettivi;

(iii) 

il-perjodi ta’ żmien li matulhom l-investituri ħerġin u dawk potenzjali huma permessi li jitolbu t-trasferiment ta’ ishma jew unitajiet tal-ELTIF;

(iv) 

ir-regoli li jiddeterminaw il-prezz tal-eżekuzzjoni;

(v) 

ir-regoli li jiddeterminaw il-kundizzjonijiet ta’ prorazzjoni;

(vi) 

iż-żmien u n-natura tad-divulgazzjoni tal-informazzjoni fir-rigward tal-proċess ta’ trasferiment;

(vii) 

it-tariffi, il-kostijiet u l-imposti, jekk ikun hemm, relatati mal-proċess ta’ trasferiment;

(b) 

il-politika u l-proċeduri għat-tqabbil tat-talbiet tal-investituri ħerġin mill-ELTIF ma’ dawk tal-investituri potenzjali jiżguraw li l-investituri jiġu ttrattati b’mod ġust u, fejn ikun hemm diskrepanza bejn l-investituri ħerġin u dawk potenzjali, it-tqabbil jitwettaq fuq bażi pro rata;

(c) 

it-tqabbil tat-talbiet jippermetti lill-maniġer tal-ELTIF jimmonitorja r-riskju tal-likwidità tal-ELTIF u t-tqabbil ikun kompatibbli mal-istrateġija ta’ investiment ta’ terminu twil tal-ELTIF.

▼B

3.  
ELTIF għandu jippubblika fir-rapporti perjodiċi tiegħu l-valur tas-suq tal-unitajiet jew l-ishma — kkwotati tiegħu flimkien mal-valur nett tal-assi għal kull unità jew sehem.
4.  
F'każ li jkun hemm bidla materjali fil-valur ta' assi, il-maniġer tal-ELTIF għandu jiżvela dan lill-investituri fir-rapporti li jagħmel minn żmien għal żmien.

▼M1

5.  
L-ESMA għandha tiżviluppa abbozz ta’ standards tekniċi regolatorji li jispeċifikaw iċ-ċirkostanzi għall-użu tat-tqabbil previst fil-paragrafu 2a, inkluża l-informazzjoni li l-ELTIFs jeħtieġ li jiddivulgaw lill-investituri.

L-ESMA għandha tippreżenta l-abbozzi tal-istandards tekniċi regolatorji msemmija fl-ewwel subparagrafu lill-Kummissjoni sal-10 ta’ Jannar 2024.

Il-Kummissjoni tingħata s-setgħa li tissupplimenta dan ir-Regolament billi tadotta l-istandards tekniċi regolatorji msemmija fl-ewwel subparagrafu f’konformità mal-Artikoli 10 sa 14 tar-Regolament (UE) Nru 1095/2010.

▼B

Artikolu 20

Il-ħruġ ta' jew unitajiet jew ishma ġodda

1.  
ELTIF jista' joffri l-ħruġ ta'unitajiet jew ishma ġodda skont ir-regoli jew l-istrumenti ta' inkorporazzjoni tiegħu.
2.  
ELTIF m'għandux joħroġ unitajiet jew ishma ġodda bi prezz taħt il-valur nett tal-assi tagħhom mingħajr ma l-ewwel joffri dawk l-unitajiet jew ishma b'dak il-prezz lill-investituri eżistenti fl-ELTIF.

Artikolu 21

Id-disponiment tal-assi tal-ELTIF

▼M1

1.  
ELTIF għandu jinforma lill-awtorità kompetenti tal-ELTIF bid-disponiment tajjeb tal-assi tiegħu sabiex jifdi l-unitajiet jew l-ishma tal-investituri wara t-tmiem tal-ħajja tal-ELTIF, mhux aktar tard minn sena qabel id-data tat-tmiem tal-ħajja tal-ELTIF. Fuq it-talba tal-awtorità kompetenti tal-ELTIF, l-ELTIF għandu jissottometti lill-awtorità kompetenti tal-ELTIF skeda dettaljata għad-disponiment tajjeb tal-assi tiegħu.

▼B

2.  

L-iskeda msemmija fil-paragrafu 1 tinkludi:

(a) 

evalwazzjoni tas-suq għal xerrejja potenzjali;

(b) 

evalwazzjoni u tqabbil ta' prezzijiet tal-bejgħ potenzjali;

(c) 

valutazzjoni tal-assi li għandhom jiġu ċeduti;

(d) 

żmien għall-iskeda ta' disponiment.

3.  
L-AETS għandha tiżviluppa abbozz ta' standards tekniċi regolatorji li jispeċifikaw il-kriterji li jridu jintużaw għall-evalwazzjonijiet fil-punt (a) u l-valutazzjoni fil-punt (c) tal-paragrafu 2.

L-AETS għandha tissottometti dak l-abbozz ta' standards tekniċi regolatorji lill-Kummissjoni sad-9 ta' Settembru 2015.

Is-setgħa hija ddelegata lill-Kummissjoni biex tadotta l-istandards tekniċi regolatorji msemmijin fl-ewwel subparagrafu skont l-Artikoli 10 sa 14 tar-Regolament (UE) Nru 1095/2010.

Artikolu 22

Distribuzzjoni tar-rikavat u l-kapital

1.  

ELTIF jista' regolarment iqassam lill-investituri r-rikavati ġġenerati mill-assi li jinsabu fil-portafoll. Dak ir-rikavat għandu jkun magħmul minn:

(a) 

rikavat li l-assi qed jipproduċu b'mod regolari;

(b) 

apprezzament kapitali li jseħħ wara d-disponiment ta' assi.

2.  
Ir-rikavat ma għandux jiġi distribwit sal-punt li hu meħtieġ għall-impenji futuri tal-ELTIF.

▼M1

3.  
ELTIF jista’ jnaqqas il-kapital tiegħu fuq bażi pro rata f’każ ta’ disponiment ta’ assi matul il-ħajja tal-ELTIF, sakemm tali disponiment jitqies debitament mill-maniġer tal-ELTIF li jkun fl-interessi tal-investituri.

▼B

4.  
Ir-regoli jew l-istrumenti ta' inkorporazzjoni tal-ELTIF għandhom jispeċifikaw l-politika ta' distribuzzjoni li l-ELTIF sejjer jadotta matul ħajtu.

KAPITOLU IV

IR-REKWIŻITI TA' TRASPARENZA

Artikolu 23

It-trasparenza

1.  
L-unitajiet jew l-ishma ta' ELTIF ma għandhomx jiġu kkummerċjalizzati fl-Unjoni mingħajr il-pubblikazzjoni minn qabel ta' prospett.

L-unitajiet jew l-ishma ta' ELTIF ma għandhomx jiġu kkummerċjalizzati lil investituri fil-livell tal-konsumatur fl-Unjoni qabel ma jiġi ppubblikat id-dokument bl-informazzjoni ewlenija skont ir-Regolament (UE) Nru 1286/2014.

2.  
Il-prospett għandu jinkludi l-informazzjoni neċessarja kollha biex l-investituri jkunu jistgħu jagħmlu valutazzjoni infurmata rigward l-investiment propost lilhom u, b'mod partikolari, tar-riskji li jinvolvi.
3.  

Il-prospett għandu jinkludi mill-inqas dan li ġej:

(a) 

dikjarazzjoni li tagħti r-raġunijiet kif l-għanijiet u l-istrateġija ta' investiment ta' ELTIF sabiex jintlaħqu dawn l-għanijiet jikkwalifikaw lill-Fond bħala ta' terminu twil fin-natura tiegħu;

▼M1

(b) 

l-informazzjoni li għandha tiġi żvelata mill-impriżi ta’ investiment kollettiv tat-tip limitat skont ir-Regolament (UE) 2017/1129 tal-Parlament Ewropew u tal-Kunsill ( 8 );

▼B

(c) 

l-informazzjoni li għandha tiġi żvelata lill-investituri skont l-Artikolu 23 tad-Direttiva 2011/61/UE, jekk ma tkunx diġà koperta taħt il-punt (b) ta' dan il-paragrafu;

(d) 

indikazzjoni prominenti tal-kategoriji tal-assi li fihom l-ELTIF huwa awtorizzat li jinvesti;

(e) 

indikazzjoni prominenti tal-ġurisdizzjonijiet li fihom l-ELTIF huwa awtorizzat li jinvesti;

(f) 

kwalunkwe informazzjoni oħra meqjusa mill-awtoritajiet kompetenti bħala relevanti għall-iskopijiet tal-paragrafu 2.

▼M1

3a.  

Il-prospett ta’ ELTIF alimentatur għandu jkun fih l-informazzjoni li ġejja:

(a) 

dikjarazzjoni li l-ELTIF alimentatur huwa alimentatur ta’ ELTIF prinċipali u, bħala tali, jinvesti b’mod permanenti 85 % jew aktar mill-assi tiegħu f’unitajiet jew f’ishma ta’ dak l-ELTIF prinċipali;

(b) 

l-objettiv u l-politika tal-investiment tal-ELTIF alimentatur, inklużi l-profil tar-riskju u jekk il-prestazzjoni tal-ELTIF alimentatur u tal-ELTIF prinċipali humiex identiċi, jew sa liema punt u għal liema raġunijiet huma differenti;

(c) 

deskrizzjoni fil-qosor tal-ELTIF prinċipali, l-organizzazzjoni tiegħu, l-objettiv u l-politika tal-investiment tiegħu, inkluż il-profil tar-riskju, u indikazzjoni ta’ kif jista’ jinkiseb il-prospett tal-ELTIF prinċipali;

(d) 

sommarju tal-ftehim konkluż bejn l-ELTIF alimentatur u l-ELTIF prinċipali jew tar-regoli interni dwar il-kondotta tal-operazzjonijiet imsemmija fl-Artikolu 29(6);

(e) 

kif it-titolari tal-unitajiet jew it-titolari tal-ishma jistgħu jiksbu aktar informazzjoni dwar l-ELTIF prinċipali u l-ftehim konkluż bejn l-ELTIF alimentatur u l-ELTIF prinċipali msemmi fl-Artikolu 29(6);

(f) 

deskrizzjoni tar-remunerazzjoni kollha jew tar-rimbors kollu tal-kostijiet li għandhom jitħallsu mill-ELTIF alimentatur bis-saħħa tal-investiment tiegħu f’unitajiet jew f’ishma tal-ELTIF prinċipali, kif ukoll tal-imposti aggregati tal-ELTIF alimentatur u tal-ELTIF prinċipali.

▼B

4.  
Il-prospett u kwalunkwe dokument promozzjonali ieħor għandhom jinfurmaw b'mod prominenti lill-investituri dwar in-natura illikwida tal-ELTIF.

B'mod partikolari, il-prospett u kwalunkwe dokument promozzjonali ieħor b'mod ċar:

(a) 

jinforma lill-investituri dwar in-natura ta' terminu twil tal-investimenti tal-ELTIF;

(b) 

jinforma lill-investituri dwar tmiem ħajjet l-ELTIF, kif ukoll l-għażla li jestendu l-ħajja tal-ELTIF, fejn din hija prevista, u l-kundizzjonijiet għal dan;

(c) 

jiddikjara jekk hemmx il-ħsieb li l-ELTIF jiġi kkummerċjalizzat lil investituri fil-livell tal-konsumatur;

(d) 

jispjega d-drittijiet tal-investituri li jifdu l-investiment tagħhom skont l-Artikolu 18 u r-regoli jew l-istrumenti tal-inkorporazzjoni tal-ELTIF;

(e) 

jiddikjara l-frekwenza u l-iskeda ta' distribuzzjoni tar-rikavat, jekk ikun hemm, lill-investituri matul ħajjet l-ELTIF;

(f) 

jagħti parir lill-investituri li proporzjon żgħir biss tal-portafoll ta' investiment globali tagħhom għandu jiġi investit f'ELTIF;

(g) 

jiddeskrivi l-politika ta' ħħeġġjar tal-ELTIF, inkluża indikazzjoni prominenti li l-istrumenti finanzjarji derivati jistgħu jintużaw biss għall-iskop ta' riskji ta' ħħeġġjar inerenti għal investimenti oħra tal-ELTIF, u indikazzjoni tal-impatt possibbli tal-użu tal-istrumenti finanzjarji derivati fuq il-profil tar-riskju tal-ELTIF;

(h) 

jinforma lill-investituri dwar ir-riskji relatati mal-investiment fl-assi reali, inkluża l-infrastruttura;

(i) 

jinforma lill-investituri regolarment, tal-anqas darba fis-sena, dwar il-ġurisdizzjonijiet li l-ELTIF investa fihom.

5.  

Minbarra l-informazzjoni meħtieġa skont l-Artikolu 22 tad-Direttiva 2011/61/UE, ir-rapport annwali ta' ELTIF għandu jkun fih li ġej:

(a) 

rendikont tal-flussi ta' flus;

(b) 

informazzjoni dwar kull parteċipazzjoni fi strumenti li jinvolvu l-fondi baġitarji tal-Unjoni;

(c) 

informazzjoni dwar il-valur tal-impriżi ta' portafoll li jikkwalifikaw individwali u l-valur ta' assi oħra li l-ELTIF investa fihom, inkluż il-valur tal-istrumenti finanzjarji derivati użati;

(d) 

informazzjoni dwar il-ġurisdizzjonijiet li fihom jinsabu l-assi tal-ELTIF.

▼M1

Meta l-ELTIF jiġi kkummerċjalizzat lil investituri fil-livell tal-konsumatur, il-maniġer tal-ELTIF għandu jinkludi fir-rapport annwali tal-ELTIF alimentatur dikjarazzjoni dwar l-imposti aggregati tal-ELTIF alimentatur u l-ELTIF prinċipali. Ir-rapport annwali tal-ELTIF alimentatur għandu jindika kif jista’ jinkiseb r-rapport annwali tal-ELTIF prinċipali.

▼B

6.  
Fuq it-talba ta' investitur fil-livell tal-konsumatur, il-maniġer tal-ELTIF għandu jipprovdi informazzjoni addizzjonali rigward il-limiti kwantitattivi li japplikaw għall-ġestjoni tar-riskji tal-ELTIF, il-metodi magħżula għal dak il-għan, u l-evoluzzjoni riċenti tar-riskji prinċipali u r-renditi ewlenin tal-kategoriji ta'assi.

Artikolu 24

Rekwiżiti addizzjonali tal-prospett

1.  
ELTIF għandu jibgħat il-prospett tiegħu u kull emenda li ssirlu, kif ukoll ir-rapport annwali tiegħu, lill-awtoritajiet kompetenti tal-ELTIF. Fuq talba, ELTIF għandu jipprovdi dik id-dokumentazzjoni lill-awtorità kompetenti tal-maniġer tal-ELTIF. Din id-dokumentazzjoni għandha tiġi pprovduta mill-ELTIF fil-perjodu ta' żmien speċifikat minn dawn l-awtoritajiet kompetenti.
2.  
Ir-regoli jew l-istrumenti ta' inkorporazzjoni ta' ELTIF għandhom jiffurmaw parti integrali mill-prospett u jiġu annessi miegħu.

Id-dokumenti msemmija fl-ewwel subparagrafu m'għandhomx ikunu meħtieġa li jiġu annessi mal-prospett fejn l-investitur jiġi infurmat li, fuq talba, dawk id-dokumenti sejrin jintbagħtu lill-investitur jew l-investitur jiġi infurmat dwar il-post fejn, f'kull Stat Membru li fih l-unitajiet jew ishma jitqiegħdu fis-suq, huwa jista' jikkonsultahom.

3.  
Il-prospett jispeċifika il-mod li bih ir-rapport annwali jitqiegħed għad-dispożizzjoni tal-investituri. Huwa għandu jipprevedi li kopja stampata tar-rapport annwali għandha tintbagħat lill-investituri fil-livell tal-konsumatur fuq talba u mingħajr ħlas.
4.  
Il-prospett u l-aħħar rapporti annwali ppubblikat jingħataw lill-investituri fuq talba u mingħajr ħlas.

Il-prospett jista' jiġi pprovdut f'mezz durabbli jew permezz ta' sit web. Kopja stampata tingħata lill-investituri fil-livell tal-konsumatur fuq talba u mingħajr ħlas.

5.  
L-elementi essenzjali tal-prospett għandhom jinżammu aġġornati.

Artikolu 25

L-iżvelar tal-ispejjeż

1.  

Il-prospett għandu jinforma b'mod prominenti lill-investituri dwar il-livell tal-ispejjeż differenti direttament jew indirettament akkarigu tal-investituri. L-ispejjeż differenti għandhom jiġu miġbura skont l-intestaturi li ġejjin:

(a) 

l-ispejjeż tal-istabbiliment tal-ELTIF;

(b) 

spejjeż relatati mal-akkwist tal-assi;

(c) 

it-tariffi tal-immaniġġjar u relatati mal-prestazzjoni;

(d) 

l-ispejjeż tad-distribuzzjoni;

(e) 

spejjeż oħra, inklużi spejjeż ta' amministrazzjoni, regolatorji, ta' depożitu, ta' kustodja, ta' servizz professjonali u ta' awditjar.

▼M1

2.  
Il-prospett għandu jiddivulga proporzjon tal-kostijiet globali tal-ELTIF.

▼B

3.  
L-AETS tiżviluppa abbozz ta' standards tekniċi regolatorji biex tispeċifika d-definizzjonijiet komuni, il-metodoloġiji ta' kalkolu u l-formati ta' preżentazzjoni tal-kostijiet imsemmija fil-paragrafu 1 u l-proporzjon globali msemmi fil-paragrafu 2.

L-AETS, meta tkun qed tiżviluppa dan l-abbozz ta' standards tekniċi regolatorji, tqis l-istandards tekniċi regolatorji msemmija fil-punti (a) u (c) tal-Artikolu 8(5) tar-Regolament (UE) Nru 1286/2014.

L-AETS tissottometti dan l-abbozz ta' standards tekniċi regolatorji lill-Kummissjoni sad-9 ta' Settembru 2015.

Is-setgħa hija ddelegata lill-Kummissjoni biex tadotta l-istandards tekniċi regolatorji msemmijin fl-ewwel subparagrafu skont l-Artikoli 10 sa 14 tar-Regolament (UE) Nru 1095/2010.

▼M2

Artikolu 25a

Aċċessibbiltà tal-informazzjoni dwar il-punt ta’ aċċess uniku Ewropew

Mill-10 ta’ Jannar 2030, l-informazzjoni msemmija fl-Artikolu 3(3), it-tieni subparagrafu, ta’ dan ir-Regolament għandha ssir aċċessibbli fil-punt ta’ aċċess uniku Ewropew (ESAP) stabbilit skont ir-Regolament (UE) 2023/2859 tal-Parlament Ewropew u tal-Kunsill ( 9 ). Għal dak il-fini, il-korp ta’ ġbir kif definit fl-Artikolu 2, il-punt (2) ta’ dak ir-Regolament għandu jkun l-ESMA. L-ESMA għandha tislet dik l-informazzjoni mill-informazzjoni nnotifikata mill-awtorità kompetenti tal-Fondi ta’ investiment Ewropew fuq terminu twil (ELTIFs) f’konformità mal-Artikolu 3(3), l-ewwel subparagrafu, ta’ dan ir-Regolament għall-fini tal-istabbiliment tar-reġistru pubbliku ċentrali msemmi fl-Artikolu 3(3), it-tieni subparagrafu, ta’ dan ir-Regolament.

Dik l-informazzjoni għandha tikkonforma mar-rekwiżiti li ġejjin:

(a) 

tiġi sottomessa f’format li minnu tista’ tiġi estratta d-data kif definit fl-Artikolu 2, il-punt (3), tar-Regolament (UE) 2023/2859;

(b) 

tkun akkumpanjata mill-metadata li ġejja:

(i) 

l-ismijiet kollha tal-ELTIF awtorizzat li miegħu hija relatata l-informazzjoni;

(ii) 

meta jkun disponibbli, l-identifikatur ta’ entità ġuridika tal-ELTIF awtorizzat, kif speċifikat skont l-Artikolu 7(4), il-punt (b), tar-Regolament (UE) 2023/2859;

(iii) 

it-tip ta’ informazzjoni, kif klassifikata skont l-Artikolu 7(4), il-punt (c), ta’ dak ir-Regolament;

(iv) 

indikazzjoni dwar jekk l-informazzjoni tinkludix data personali.

▼B

KAPITOLU V

IL-KUMMERĊJALIZZAZZJONI TA' UNITAJIET JEW ISHMA TAL-ELTIFs

▼M1 —————

▼M1

Artikolu 27

Proċess ta’ valutazzjoni intern għall-ELTIFs li jistgħu jiġu kummerċjalizzati lil investituri fil-livell tal-konsumatur

Il-maniġer ta’ ELTIF, li l-unitajiet jew l-ishma tiegħu jistgħu jiġu kkummerċjalizzati lil investituri fil-livell tal-konsumatur, għandu jkun soġġett għar-rekwiżiti stipulati fl-Artikolu 16(3), mit-tieni sal-ħames u s-seba’ subparagrafi, tad-Direttiva 2014/65/UE u fl-Artikolu 24(2) ta’ dik id-Direttiva.

▼M1 —————

▼B

Artikolu 29

Dispożizzjonijiet speċifiċi li jikkonċernaw id-depożitarju ta' ELTIF kummerċjalizzat lil investituri fil-livell tal-konsumatur

1.  
B'deroga mill-Artikolu 21(3) tad-Direttiva 2011/61/UE, id-depożitarju ta' ELTIF kummerċjalizzat lil investituri fil-livell tal-konsumatur għandu jkun entità tat-tip msemmi fl-Artikolu 23(2) tad-Direttiva 2009/65/KE.
2.  
B'deroga mit-tieni subparagrafu tal-Artikolu 21(13) u l-Artikolu 21(14) tad-Direttiva 2011/61/UE, id-depożitarju ta' ELTIF kummerċjalizzat lil investituri fil-livell tal-konsumatur m' għandux ikun jista' jeżonera lilu nnifsu mir-responsabbiltà fl-eventwalità ta' telf ta' strumenti finanzjarji miżmuma f'kustodja minn parti terza.
3.  
Ir-responsabbiltà tad-depożitarju msemmija fl-Artikolu 21(12) tad-Direttiva 2011/61/UE ma tkunx eskluża jew limitata bi ftehim meta l-ELTIF jiġi kummerċjalizzat lil investituri fil-livell tal-konsumatur.
4.  
Kwalunkwe ftehim li jikser il-paragrafu 3 għandu jkun null.
5.  
L-assi miżmuma f'kustodja mid-depożitarju ta' ELTIF ma għandhomx jerġgħu jintużaw mid-depożitarju, jew minn xi parti terza li lilha tkun ġiet iddelegata l-funzjoni ta' kustodja, għall-akkont proprju. L-użu mill-ġdid jinkludi kwalunkwe tranżazzjoni li tinvolvi assi miżmuma f'kustodja inklużi, iżda mhux limitat għal, trasferiment, ippleġġjar, bejgħ u self.

L-assi miżmuma f'kustodja mid-depożitarju ta' ELTIF jistgħu jerġgħu jintużaw biss sakemm:

(a) 

l-użu mill-ġdid tal-assi jkun eżegwit akkont tal-ELTIF;

(b) 

id-depożitarju jkun qed iwettaq l-istruzzjonijiet tal-maniġer tal-ELTIF f'isem l-ELTIF;

(c) 

l-użu mill-ġdid ikun għall-benefiċċju tal-ELTIF u fl-interessi tad-detenturi tal-unitajiet jew tal-azzjonisti; u

(d) 

it-transazzjoni jkunu koperti minn kollateral ta' kwalità għolja u likwidu riċevut mill-ELTIF skont arranġament ta' trasferiment ta' titoli.

F'kull ħin, il-valur tas-suq tal-kollateral msemmi fil-punt (d) tat-tieni subparagrafu għandu jammonta għal mill-inqas il-valur tas-suq tal-assi li ntużaw mill-ġdid flimkien ma' primjum.

▼M1

6.  
Fil-każ ta’ struttura prinċipali-alimentatriċi, l-ELTIF prinċipali għandu jipprovdi lill-ELTIF alimentatur id-dokumenti u l-informazzjoni kollha meħtieġa sabiex tal-aħħar jissodisfa r-rekwiżiti stipulati ta’ dan ir-Regolament. Għal dak l-iskop, l-ELTIF alimentatur għandu jidħol fi ftehim mal-ELTIF prinċipali.

Il-ftehim imsemmi fl-ewwel subparagrafu għandu jkun disponibbli, fuq talba u mingħajr ħlas, għat-titolari kollha tal-unitajiet jew tal-ishma. Fil-każ li kemm l-ELTIF prinċipali kif ukoll l-ELTIF alimentatur ikunu ġestiti mill-istess maniġer tal-ELTIF, il-ftehim jista’ jiġi sostitwit b’regoli interni dwar il-kondotta tal-operazzjonijiet li jiżguraw il-konformità mar-rekwiżiti ta’ dan il-paragrafu.

7.  
Meta l-ELTIF prinċipali u l-ELTIF alimentatur ikollhom depożitarji differenti, dawk id-depożitarji għandhom jidħlu fi ftehim ta’ kondiviżjoni tal-informazzjoni sabiex jiżguraw it-twettiq tad-dmirijiet taż-żewġ depożitarji. L-ELTIF alimentatur ma għandux jinvesti f’unitajiet jew ishma tal-ELTIF prinċipali qabel ma tali ftehim ikun sar effettiv.

Meta jikkonformaw mar-rekwiżiti ta’ dan il-paragrafu, la d-depożitarju tal-ELTIF prinċipali u lanqas dak tal-ELTIF alimentatur ma għandhom jinstabu li jkunu qed jiksru kwalunkwe regola li tirrestrinġi d-divulgazzjoni tal-informazzjoni jew li tirrigwardja l-protezzjoni tad-data, fejn tali regoli jkunu previsti f’kuntratt jew f’liġi, regolament jew dispożizzjoni amministrattiva. Tali konformità ma għandha tagħti lok għall-ebda responsabbiltà min-naħa ta’ tali depożitarju jew kwalunkwe persuna li taġixxi f’ismu.

L-ELTIF alimentatur jew, fejn applikabbli, il-maniġer tal-ELTIF alimentatur, għandhom ikunu inkarigati li jikkomunikaw lid-depożitarju tal-ELTIF alimentatur kwalunkwe informazzjoni dwar l-ELTIF prinċipali li hija meħtieġa għall-ikkompletar tad-dmirijiet tad-depożitarju tal-ELTIF alimentatur. Id-depożitarju tal-ELTIF prinċipali għandu jinforma minnufih lill-awtoritajiet kompetenti tal-Istat Membru domiċiljari tal-ELTIF prinċipali, tal-ELTIF alimentatur jew, fejn applikabbli, tal-maniġer u tad-depożitarju tal-ELTIF alimentatur, bi kwalunkwe irregolarità li jsib fir-rigward tal-ELTIF prinċipali li titqies li għandha impatt negattiv fuq l-ELTIF alimentatur.

▼M1

Artikolu 30

Rekwiżiti speċifiċi li jikkonċernaw id-distribuzzjoni u l-kummerċjalizzazzjoni tal-ELTIFs lil investituri fil-livell tal-konsumatur

1.  
L-unitajiet jew l-ishma ta’ ELTIF jistgħu jiġu kkummerċjalizzati biss lil investitur fil-livell tal-konsumatur meta tkun twettqet valutazzjoni tal-adegwatezza f’konformità mal-Artikolu 25(2) tad-Direttiva 2014/65/UE u tkun ingħatat dikjarazzjoni dwar l-adegwatezza lil dak l-investitur fil-livell tal-konsumatur f’konformità mal-Artikolu 25(6), it-tieni u t-tielet subparagrafi, ta’ dik id-Direttiva.

Il-valutazzjoni tal-adegwatezza kif imsemmija fl-ewwel subparagrafu ta’ dan il-paragrafu għandha titwettaq irrispettivament minn jekk l-unitajiet jew l-ishma tal-ELTIF ikunux akkwistati minn investituri fil-livell tal-konsumatur mingħand id-distributur jew il-maniġer tal-ELTIF, jew permezz tas-suq sekondarju f’konformità mal-Artikolu 19 ta’ dan ir-Regolament.

Il-kunsens espliċitu tal-investitur fil-livell tal-konsumatur li jindika li l-investitur jifhem ir-riskji li jinvesti f’ELTIF għandu jinkiseb meta jiġu sodisfatti l-kundizzjonijiet kollha li ġejjin:

(a) 

il-valutazzjoni tal-adegwatezza ma tingħatax fil-kuntest ta’ konsulenza dwar l-investiment;

(b) 

l-ELTIF jitqies li ma jkunx adegwat għall-investitur fil-livell tal-konsumatur abbażi tal-valutazzjoni tal-adegwatezza mwettqa skont l-ewwel subparagrafu;

(c) 

l-investitur fil-livell tal-konsumatur ikun jixtieq jipproċedi bit-tranżazzjoni minkejja l-fatt li l-ELTIF jitqies mhux adegwat għal dak l-investitur.

Id-distributur jew il-maniġer tal-ELTIF, meta dan tal-aħħar joffri jew iqiegħed direttament unitajiet jew ishma ta’ ELTIF lil investitur fil-livell tal-konsumatur, għandu jistabbilixxi rekord kif imsemmi fl-Artikolu 25(5) tad-Direttiva 2014/65/UE.

2.  

Id-distributur jew il-maniġer tal-ELTIF, meta dan tal-aħħar joffri jew iqiegħed direttament unitajiet jew ishma ta’ ELTIF lil investitur fil-livell tal-konsumatur, għandu joħroġ twissija ċara bil-miktub li tgħarraf lill-investitur fil-livell tal-konsumatur dwar li ġej:

(a) 

meta l-ħajja ta’ ELTIF li jiġi offrut lil investituri fil-livell tal-konsumatur, jew li jitqiegħed għad-dispożizzjoni tagħhom, taqbeż l-10 snin, li l-prodott tal-ELTIF jista’ ma jkunx adattat għall-investituri fil-livell tal-konsumatur li ma jistgħux isostnu tali impenn illikwidu u fit-tul;

(b) 

meta r-regoli jew l-istrumenti ta’ inkorporazzjoni ta’ ELTIF jipprevedu l-possibbiltà tat-tqabbil tal-unitajiet jew l-ishma tal-ELTIF kif imsemmi fl-Artikolu 19(2a), li d-disponibbiltà ta’ tali possibbiltà ma tiggarantix jew ma tintitolax lill-investitur fil-livell tal-konsumatur biex joħroġ jew jifdi l-unitajiet jew l-ishma tiegħu tal-ELTIF ikkonċernat.

3.  
Il-paragrafi 1 u 2 ma għandhomx japplikaw meta l-investitur fil-livell tal-konsumatur ikun membru ta’ persunal superjuri, jew maniġer ta’ portafoll, direttur, uffiċjal, jew aġent jew impjegat tal-maniġer tal-ELTIF, jew ta’ affiljat tal-maniġer tal-ELTIF, u jkollu biżżejjed għarfien dwar l-ELTIF.
4.  
ELTIF alimentatur għandu jiddivulga fil-komunikazzjonijiet ta’ kummerċjalizzazzjoni tiegħu li huwa jinvesti b’mod permanenti 85 % jew aktar mill-assi tiegħu f’unitajiet jew ishma tal-ELTIF prinċipali.
5.  
Ir-regoli jew l-istrumenti ta’ inkorporazzjoni ta’ ELTIF ikkummerċjalizzat lil investituri fil-livell tal-konsumatur fil-klassi rilevanti ta’ unitajiet jew ishma għandhom jistabbilixxu li l-investituri kollha jibbenefikaw minn trattament ugwali u li ma jingħata l-ebda trattament preferenzjali jew benefiċċju ekonomiku speċifiku lil investituri individwali jew gruppi ta’ investituri fi ħdan il-klassi jew klassijiet rilevanti.
6.  
Il-forma ġuridika ta’ ELTIF ikkummerċjalizzat lil investituri fil-livell tal-konsumatur ma għandiex twassal għal xi responsabbiltà ulterjuri għall-investitur fil-livell tal-konsumatur jew tirrikjedi xi impenji addizzjonali f’isem tali investitur, minbarra l-impenn ta’ kapital oriġinali.
7.  
L-investituri fil-livell tal-konsumatur għandhom ikunu jistgħu, matul il-perjodu ta’ sottoskrizzjoni u matul perjodu ta’ ġimagħtejn wara l-iffirmar tal-ftehim inizjali ta’ impenn jew ta’ sottoskrizzjoni tal-unitajiet jew tal-ishma tal-ELTIF, jikkanċellaw is-sottoskrizzjoni tagħhom u jingħataw flushom lura mingħajr penali.
8.  
Il-maniġer ta’ ELTIF ikkummerċjalizzat lil investituri fil-livell tal-konsumatur għandu jistabbilixxi proċeduri u arranġamenti xierqa biex jittratta l-ilmenti tal-investituri fil-livell tal-konsumatur, li għandhom jippermettu lill-investituri fil-livell tal-konsumatur iressqu lmenti fil-lingwa uffiċjali jew f’waħda mil-lingwi uffiċjali tal-Istat Membru tagħhom.

▼B

Artikolu 31

Il-kummerċjalizzazzjoni ta' unitajiet jew ishma tal-ELTIFs

1.  
Il-maniġer ta' ELTIF għandu jkun jista' jikkummerċjalizza l-unitajiet jew l-ishma ta' dak l-ELTIF lil investituri professjonali, u dawk fil-livell tal-konsumatur fl-Istat Membru tad-domiċilju tiegħu man-notifika skont l-Artikolu 31 tad-Direttiva 2011/61/UE.
2.  
Il-maniġer ta' ELTIF għandu jkun jista' jikkummerċjalizza l-unitajiet jew l-ishma ta' dak l-ELTIF lil investituri professjonali u fil-livell tal-konsumatur fl-Istati Membri ħlief fl-Istat Membru tad-domiċilju tal-maniġer tal-ELTIF, fuq notifika skont l-Artikolu 32 tad-Direttiva 2011/61/UE.
3.  
Il-maniġer ta' ELTIF għandu, fir-rigward ta' kull ELTIF li jimmaniġġja, jispeċifika lill-awtoritajiet kompetenti jekk għandux l-intenzjoni jew le li jikkummerċjalizza l-ELTIF lil investituri fil-livell tal-konsumatur.
4.  

Minbarra d-dokumentazzjoni u l-informazzjoni meħtieġa skont l-Artikoli 31 u 32 tad-Direttiva 2011/61/UE, il-maniġer tal-ELTIF għandu jipprovdi lill-awtoritajiet kompetenti dan li ġej:

▼M1

(a) 

il-prospett tal-ELTIF; u

(b) 

id-dokument bl-informazzjoni ewlenija tal-ELTIF fl-eventwalità li jiġi kkummerċjalizzat lil investituri fil-livell tal-konsumatur.

▼M1 —————

▼B

5.  
Il-kompetenzi u s-setgħat tal-awtoritajiet kompetenti skont l-Artikoli 31 u 32 tad-Direttiva 2011/61/UE għandhom jinftiehmu li qed jirreferu wkoll għall-kummerċjalizzazzjoni tal-ELTIFs lil investituri fil-livell tal-konsumatur u li jkopru r-rekwiżiti addizzjonali stipulati f'dan ir-Regolament.
6.  
Minbarra s-setgħat tagħha stipulati fl-ewwel subparagrafu tal-Artikolu 31(3) tad-Direttiva 2011/61/UE, l-awtorità kompetenti tal-Istat Membru tad-domiċilju tal-maniġer tal-ELTIF timpedixxi wkoll il-kummerċjalizzazzjoni ta' ELTIF jekk il-maniġer tal-ELTIF ma jikkonformax jew mhux se jkun konformi ma' dan ir-Regolament.
7.  
Minbarra s-setgħat tagħha stipulati fl-ewwel subparagrafu tal-Artikolu 32(3) tad-Direttiva 2011/61/UE, l-awtorità kompetenti tal-Istat Membru tad-domiċilju tal-maniġer tal-ELTIF għandha tirrifjuta wkoll it-trażmissjoni ta' fajl komplut ta' notifika lill-awtoritajiet kompetenti tal-Istat Membru fejn l-ELTIF huwa intiż li jiġi kkummerċjalizzat jekk il-maniġer tal-ELTIF ma jikkonformax ma' dan ir-Regolament.

KAPITOLU VI

IS-SUPERVIŻJONI

Artikolu 32

Is-superviżjoni mill-awtoritajiet kompetenti

1.  
L-awtoritajiet kompetenti jagħmlu superviżjoni għall-konformità ma' dan ir-Regolament fuq bażi kontinwa.
2.  
L-awtorità kompetenti tal-ELTIF tkun responsabbli għas-superviżjoni tal-konformità skont ir-regoli stabbiliti fil-Kapitoli II, III u IV.
3.  
L-awtorità kompetenti tal-ELTIF tkun responsabbli għas-superviżjoni tal-konformità mal-obbligi stipulati fir-regoli jew fl-istrumenti ta' inkorporazzjoni tal-ELTIF, u l-obbligi stipulati fil-prospett, li jkunu konformi ma' dan ir-Regolament.
4.  
L-awtorità kompetenti tal-maniġer tal-ELTIF hija responsabbli mis-sorveljanza tal-adegwatezza tal-arranġamenti u l-organizzazzjoni tal-maniġer sabiex il-maniġer tal-ELTIF ikun f'pożizzjoni li jikkonforma mal-obbligi u r-regoli li għandhom x'jaqsmu mal-kostituzzjoni u l-funzjonament tal-ELTIFs kollha li timmaniġġja.

L-awtorità kompetenti tal-maniġer tal-ELTIF hija responsabbli mis-sorveljanza tal-konformità tal-maniġer tal-ELTIF ma' dan ir-Regolament.

5.  
L-awtoritajiet kompetenti jimmonitorjaw l-impriżi ta' investiment kollettiv stabbiliti jew ikkummerċjalizzati fit-territorji tagħhom biex jivverifikaw li dawn ma jużawx id-deżinjazzjoni “ELTIF” jew jissuġġerixxu li huma ELTIF sakemm dawn ma jkunux awtorizzati taħt, u jikkonformaw ma', dan ir-Regolament.

Artikolu 33

Setgħat tal-awtoritajiet kompetenti

1.  
L-awtoritajiet kompetenti jingħataw is-setgħat superviżorji u investigattivi kollha li huma meħtieġa għat-twettiq tal-funzjonijiet tagħhom skont dan ir-Regolament.
2.  
Is-setgħat ikkonferiti lill-awtoritajiet kompetenti skont id-Direttiva 2011/61/UE, fosthom dawk relatati mal-penali, għandhom wkoll jiġu eżerċitati fir-rigward ta' dan ir-Regolament.
3.  
L-awtorità kompetenti tal-ELTIF għandha tipprojbixxi l-użu tad-deżinjazzjoni “ELTIF” jew “Fond ta' investiment Ewropew fuq terminu twil” fil-każ li l-maniġer tal-ELTIF ma jibqax jikkonforma ma' dan ir-Regolament.

Artikolu 34

Setgħat u kompetenzi tal-AETS

1.  
L-AETS għandha jkollha s-setgħat meħtieġa biex twettaq il-kompiti attribwiti lilha f'dan ir-Regolament.

▼M1

2.  
Is-setgħat tal-ESMA f’konformità mad-Direttiva 2011/61/UE għandhom wkoll jiġu eżerċitati fir-rigward ta’ dan ir-Regolament u f’konformità mar-Regolament (UE) 2018/1725 tal-Parlament Ewropew u tal-Kunsill ( 10 ).

▼B

3.  
Għall-finijiet tar-Regolament (UE) Nru 1095/2010, dan ir-Regolament għandu jiġi interpretat bħala att ieħor tal-Unjoni legalment vinkolanti li jikkonferixxi kompiti fuq l-AETS kif imsemmi fl-Artikolu 1(2) tar-Regolament (UE) Nru 1095/2010.

Artikolu 35

Kooperazzjoni bejn l-awtoritajiet kompetenti

1.  
L-awtorità kompetenti tal-ELTIF u l-awtorità kompetenti tal-maniġer tal-ELTIF, jekk differenti, għandhom jikkooperaw ma' xulxin u jiskambjaw informazzjoni bl-iskop li jwettqu dmirijiethom skont dan ir-Regolament.
2.  
L-awtoritajiet kompetenti għandhom jikkooperaw ma' xulxin b'konformità mad-Direttiva 2011/61/UE.
3.  
L-awtoritajiet kompetenti u l-AETS għandhom jikkooperaw ma' xulxin bl-iskop li jwettqu d-dmirijiet rispettivi tagħhom skont dan ir-Regolament b'konformità mar-Regolament (UE) Nru 1095/2010.
4.  
L-awtoritajiet kompetenti u l-AETS għandhom jiskambjaw l-informazzjoni u d-dokumentazzjoni kollha meħtieġa biex iwettqu d-dmirijiet rispettivi tagħhom skont dan ir-Regolament b'konformità mar-Regolament (UE) Nru 1095/2010, b'mod partikolari biex jidentifikaw u jirrimedjaw kull ksur ta' dan ir-Regolament.

KAPITOLU VII

DISPOŻIZZJONIJIET FINALI

Artikolu 36

L-iproċessar tal-applikazzjoni mill-Kummissjoni

Il-Kummissjoni għandha tipprijoritizza u tirrazzjonalizza l-proċessi tagħha għall-applikazzjonijiet kollha mill-ELTIFs għal finanzjament mill-BEI. Il-Kummissjoni għandha tirrazzjonalizza l-għoti ta' kwalunkwe opinjoni jew kontribuzzjoni fir-rigward ta' applikazzjonijiet magħmula mill-ELTIFs għall-finanzjament mill-BEI.

▼M1

Artikolu 37

Rieżami

1.  

Il-Kummissjoni għandha twettaq rieżami tal-applikazzjoni ta’ dan ir-Regolament u għandha tanalizza mill-inqas l-elementi li ġejjin:

(a) 

il-punt sa fejn l-ELTIFs huma kkummerċjalizzati fl-Unjoni, inkluż jekk l-AIFMs imsemmija fl-Artikolu 3(2) tad-Direttiva 2011/61/UE jistax ikollhom interess fil-kummerċjalizzazzjoni tal-ELTIFs;

(b) 

l-applikazzjoni ta’ dispożizzjonijiet dwar l-awtorizzazzjoni tal-ELTIFs, kif stabbilit fl-Artikoli minn 3 sa 6;

(c) 

jekk id-dispożizzjonijiet dwar ir-reġistru pubbliku ċentrali tal-ELTIFs kif stipulati fl-Artikolu 3 għandhomx jiġu aġġornati;

(d) 

jekk il-lista ta’ assi u investimenti eliġibbli, ir-rekwiżiti ta’ kompożizzjoni u ta’ diversifikazzjoni tal-portafoll, ir-regoli dwar il-konċentrazzjoni u l-limiti rigward it-teħid b’self ta’ flus, għandhomx jiġu aġġornati.

(e) 

l-impatt tal-applikazzjoni tal-limiti ta’ investiment għall-assi ta’ investiment eliġibbli stipulata fl-Artikolu 13(1) fuq id-diversifikazzjoni tal-assi;

(f) 

jekk jenħtieġx li d-dispożizzjonijiet li jikkonċernaw il-kunflitti ta’ interess stabbiliti fl-Artikolu 12 jiġu aġġornati;

(g) 

l-applikazzjoni tal-Artikolu 18 u l-impatt ta’ dik l-applikazzjoni fuq il-politika ta’ rimbors u l-ħajja tal-ELTIFs;

(h) 

jekk ir-rekwiżiti ta’ trasparenza stabbiliti fil-Kapitolu IV humiex xierqa;

(i) 

jekk id-dispożizzjonijiet li jikkonċernaw il-kummerċjalizzazzjoni ta’ unitajiet jew ishma tal-ELTIFs stipulati fil-Kapitolu V humiex xierqa u jiżgurawx protezzjoni effettiva tal-investituri, inklużi l-investituri fil-livell tal-konsumatur;

(j) 

jekk l-ELTIFs għamlux kontribut sinifikanti biex jintlaħqu l-objettivi tal-Unjoni bħal dawk stabbiliti fil-Patt Ekoloġiku Ewropew u f’oqsma prijoritarji oħra.

2.  
Abbażi tar-rieżami msemmi fil-paragrafu 1 ta’ dan l-Artikolu, il-Kummissjoni għandha sal-10 ta’ April 2030, u wara li tikkonsulta lill-ESMA, tippreżenta lill-Parlament Ewropew u lill-Kunsill rapport li jivvaluta l-kontribut ta’ dan ir-Regolament u tal-ELTIFs għat-tlestija tal-unjoni tas-swieq kapitali u għall-ilħuq tal-għanijiet stipulati fl-Artikolu 1(2). Ir-rapport għandu jkun akkumpanjat, fejn xieraq, bi proposta leġiżlattiva.

▼M1

Artikolu 37a

Rieżami tal-aspetti ta’ sostenibbiltà tal-ELTIFs

Sal-11 ta’ Jannar 2026, il-Kummissjoni għandha twettaq valutazzjoni u tippreżenta rapport lill-Parlament Ewropew u lill-Kunsill akkumpanjat, fejn xieraq, minn proposta leġiżlattiva, dwar mill-inqas dan li ġej:

(a) 

jekk il-ħolqien ta’ deżinjazzjoni fakultattiva ta’ “ELTIF ikkummerċjalizzat bħala ambjentalment sostenibbli” jew “ELTIF ekoloġiku” huwiex fattibbli, u b’mod partikolari:

(i) 

jekk tali deżinjazzjoni għandhiex tkun riżervata għall-ELTIFs li jkunu prodotti finanzjarji li għandhom l-investiment sostenibbli bħala l-objettiv tagħhom kif imsemmi fl-Artikolu 9 tar-Regolament (UE) 2019/2088 tal-Parlament Ewropew u tal-Kunsill ( 11 );

(ii) 

jekk tali deżinjazzjoni għandhiex tkun riżervata għal ELTIFs li jinvestu l-assi eliġibbli kollha jew parti sinifikanti minnhom jew l-assi totali tagħhom f’attivitajiet sostenibbli u, jekk ikun il-każ, kif għandha tiġi definita l-parti sinifikanti;

(iii) 

jekk l-attivitajiet sostenibbli jistgħux jintrabtu mal-kriterji ta’ sostenibbiltà stabbiliti fl-atti delegati adottati skont l-Artikoli 10(3), 11(3), 12(2), 13(2), 14(2) u 15(2) tar-Regolament (UE) 2020/852 tal-Parlament Ewropew u tal-Kunsill ( 12 );

(b) 

jekk għandux ikun hemm obbligu ġenerali li l-ELTIFs jikkonformaw fid-deċiżjonijiet ta’ investiment tagħhom mal-prinċipju “la tagħmilx ħsara sinifikanti” skont it-tifsira tal-Artikolu 2a tar-Regolament (UE) 2019/2088, jew jekk dak l-obbligu għandux ikun limitat għal ELTIFs ikkummerċjalizzati bħala ambjentalment sostenibbli jew bħala ELTIFs ekoloġiċi, fl-eventwalità li tali deżinjazzjoni fakultattiva titqies fattibbli;

(c) 

jekk hemmx xi potenzjal li l-qafas għall-ELTIFs jittejjeb billi jingħata kontribut aktar sinifikanti għall-objettivi tal-Patt Ekoloġiku Ewropew, mingħajr ma tiġi mminata n-natura tal-ELTIFs.

▼B

Artikolu 38

Id-dħul fis-seħħ

Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Huwa japplika mid-9 ta' Diċembru 2015.

Dan ir-Regolament ikun jorbot fl-intier tiegħu u jkun direttament applikabbli fl-Istati Membri kollha.


( 1 ) Regolament (UE) Nru 575/2013 tal-Parlament Ewropew u tal-Kunsill tas-26 ta' Ġunju 2013 dwar ir-rekwiżiti prudenzjali għall-istituzzjonijiet ta' kreditu u d-ditti tal-investiment u li jemenda r-Regolament (UE) Nru 648/2012 (ĠU L 176, 27.6.2013, p. 1).

( 2 ) Direttiva 2009/138/KE tal-Parlament Ewropew u tal-Kunsill tal-25 ta' Novembru 2009 dwar il-bidu u l-eżerċizzju tan-negozju tal-assigurazzjoni u tar-riassigurazzjoni (Solvibbiltà II), ĠU L 335, 17.12.2009, p. 1).

( 3 ) Ir-Regolament (UE) 2017/2402 tal-Parlament Ewropew u tal-Kunsill tat-12 ta’ Diċembru 2017 li jistabbilixxi qafas ġenerali għat-titolizzazzjoni u li joħloq qafas speċifiku għal titolizzazzjoni sempliċi, trasparenti u standardizzata, u li jemenda d-Direttivi 2009/65/KE, 2009/138/KE u 2011/61/UE u r-Regolamenti (KE) Nru 1060/2009 u (UE) Nru 648/2012 (ĠU L 347, 28.12.2017, p. 35).

( 4 ) Id-Direttiva 2013/34/UE tal-Parlament Ewropew u tal-Kunsill tas-26 ta’ Ġunju 2013 dwar id-dikjarazzjonijiet finanzjarji annwali, id-dikjarazzjonijiet finanzjarji kkonsolidati u r-rapporti relatati ta’ ċerti tipi ta’ impriżi, u li temenda d-Direttiva 2006/43/KE tal-Parlament Ewropew u tal-Kunsill u li tħassar id-Direttivi tal-Kunsill 78/660/KEE u 83/349/KEE (ĠU L 182, 29.6.2013, p. 19).

( 5 ) Regolament (UE) Nru 236/2012 tal-Parlament Ewropew u tal-Kunsill tal-14 ta' Marzu 2012 dwar bejgħ bin-nieqes u ċerti aspetti tas-swaps ta' inadempjenza tal-kreditu (ĠU L 86, 24.3.2012, p. 1).

( 6 ) Ir-Regolament Delegat tal-Kummissjoni (UE) 2019/1851 tat-28 ta’ Mejju 2019 li jissupplimenta r-Regolament (UE) 2017/2402 tal-Parlament Ewropew u tal-Kunsill fir-rigward ta’ standards tekniċi regolatorji dwar l-omoġeneità tal-iskoperturi sottostanti fit-titolizzazzjoni (ĠU L 285, 6.11.2019, p. 1).

( 7 ) Id-Direttiva (UE) 2015/849 tal-Parlament Ewropew u tal-Kunsill tal-20 ta’ Mejju 2015 dwar il-prevenzjoni tal-użu tas-sistema finanzjarja għall-finijiet tal-ħasil tal-flus jew il-finanzjament tat-terroriżmu, li temenda r-Regolament (UE) Nru 648/2012 tal-Parlament Ewropew u tal-Kunsill, u li tħassar id-Direttiva 2005/60/KE tal-Parlament Ewropew u tal-Kunsill u d-Direttiva tal-Kummissjoni 2006/70/KE (ĠU L 141, 5.6.2015, p. 73).

( 8 ) Ir-Regolament (UE) 2017/1129 tal-Parlament Ewropew u tal-Kunsill tal-14 ta’ Ġunju 2017 dwar il-prospett li għandu jiġi ppubblikat meta titoli jiġu offruti lill-pubbliku jew jiġu ammessi għall-kummerċ f’suq regolat, u li jħassar id-Direttiva 2003/71/KE (ĠU L 168, 30.6.2017, p. 12).

( 9 ) Ir-Regolament (UE) 2023/2859 tal-Parlament Ewropew u tal-Kunsill tat-13 ta’ Diċembru 2023 li jistabbilixxi punt ta’ aċċess uniku Ewropew li jipprovdi aċċess ċentralizzat għall-informazzjoni disponibbli għall-pubbliku ta’ rilevanza għas-servizzi finanzjarji, għas-swieq kapitali u għas-sostenibbiltà (ĠU L, 2023/2859, 20.12.2023, ELI: http://data.europa.eu/eli/reg/2023/2859/oj).

( 10 ) Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39).

( 11 ) Ir-Regolament (UE) 2019/2088 tal-Parlament Ewropew u tal-Kunsill tas-27 ta’ Novembru 2019 dwar divulgazzjonijiet relatati mas-sostenibbiltà fis-settur tas-servizzi finanzjarji (ĠU L 317, 9.12.2019, p. 1).

( 12 ) Ir-Regolament (UE) 2020/852 tal-Parlament Ewropew u tal-Kunsill tat-18 ta’ Ġunju 2020 dwar l-istabbiliment ta’ qafas biex jiġi ffaċilitat l-investiment sostenibbli, u li jemenda r-Regolament (UE) 2019/2088 (ĠU L 198, 22.6.2020, p. 13).

Top