taxxi fuq vetturi imposti fuq vetturi tqal tal-merkanzija;

pedaġġi u tariffi għall-utent imposti fuq vetturi.

“network trans-Ewropew tat-trasport” tfisser l-infrastruttura tat-trasport bit-triq imsemmija fil-Kapitolu II, Taqsima 3, tar-Regolament (UE) Nru 1315/2013 tal-Parlament Ewropew u tal-Kunsill ( 1 ) kif jidher fil-mapep fl-Anness I ta’ dak ir-Regolament;

“network trans-Ewropew tat-trasport ewlieni” tfisser l-infrastruttura tat-trasport identifikata f’konformità mal-Kapitolu III tar-Regolament (UE) Nru 1315/2013;

“spejjeż tal-kostruzzjoni” tfisser l-ispejjeż marbuta mal-kostruzzjoni, inkluż, fejn xieraq, l-ispejjeż tal-finanzjament ta’ wieħed minn dawn li ġejjin:

“spejjeż ta” finanzjament’ tfisser imgħax fuq self u ritorn fuq kwalunkwe finanzjament mill-bejgħ ta’ ishma kkontribwit mill-azzjonisti;

“tiswijiet strutturali sinifikanti” tfisser tiswijiet strutturali minbarra dawk it-tiswijiet li mhumiex aktar ta’ benefiċċju għall-utenti tat-toroq, b’mod partikolari fejn ix-xogħol tat-tiswija ġie sostitwit b’aktar kisi mill-ġdid tat-toroq jew xogħol ieħor ta’ kostruzzjoni;

“awtostrada” tfisser triq iddisinjata u mibnija apposta għat-traffiku ta’ vetturi bil-mutur, li ma twassalx għal proprjetajiet li jmissu magħha, u li tissodisfa l-kriterji li ġejjin:

“pedaġġ” tfisser ammont speċifiku li jitħallas fir-rigward ta’ vettura bbażat fuq id-distanza ta’ vjaġġ fuq infrastruttura partikolari u fuq it-tip ta’ vettura, li l-ħlas tiegħu jikkonferixxi d-dritt biex dik il-vettura tuża l-infrastrutturi, u li tikkonsisti f’waħda jew aktar mit-tariffi li ġejjin:

“tariffa għall-infrastruttura” tfisser tariffa imposta bl-iskop li jiġu rkuprati l-ispejjeż tal-kostruzzjoni, il-manutenzjoni, l-operat u l-iżvilupp relatati mal-infrastruttura mġarrba fi Stat Membru;

“tariffa għall-ispejjeż esterni” tfisser tariffa imposta bl-iskop li jiġu rkuprati l-ispejjeż relatati ma’ wieħed jew aktar minn dawn li ġejjin:

“spiża tat-tniġġis tal-arja mit-traffiku” tfisser l-ispiża tal-ħsara għas-saħħa tal-bniedem u tal-ħsara għall-ambjent ikkawżata mir-rilaxx ta’ materjal partikulat u ta’ prekursuri tal-ożonu, bħan-NOx u komposti organiċi volatili, matul it-tħaddim ta’ vettura;

“spiża tat-tniġġis tal-istorbju mit-traffiku” tfisser l-ispiża tal-ħsara għas-saħħa tal-bniedem u tal-ħsara għall-ambjent ikkawżata mill-istorbju ġġenerat mill-vetturi jew mill-interazzjoni tagħhom mal-wiċċ tat-triq;

“spiża tal-emissjonijiet ta’ CO2 mit-traffiku” tfisser l-ispiża tal-ħsara kkawżata mir-rilaxx ta’ CO2 matul it-tħaddim ta’ vettura;

“konġestjoni” tfisser sitwazzjoni fejn il-volumi tat-traffiku joqorbu lejn jew jeċċedu l-kapaċità li jifilħu t-toroq;

“tariffa tal-konġestjoni” tfisser tariffa li tiġi imposta fuq il-vetturi għall-fini li jiġu rkuprati l-ispejjeż tal-konġestjoni mġarrba fi Stat Membru u biex titnaqqas il-konġestjoni;

“tariffa medja ppeżata għall-ispejjeż esterni” tfisser id-dħul totali minn tariffa għall-ispejjeż esterni fuq perijodu ta’ żmien speċifiku diviż bin-numru ta’ kilometri li l-vetturi tqal ivvjaġġaw fuq is-sezzjonijiet tat-toroq soġġetti għal dik it-tariffa matul dak il-perijodu;

“tariffa għall-utent” tfisser ammont speċifiku li l-ħlas tiegħu jagħti d-dritt lil vettura li tuża għal perijodu speċifiku l-infrastrutturi msemmija fl-Artikolu 7(1) u (2);

“vettura” tfisser vettura bil-mutur, b’erba’ roti jew aktar, jew kombinazzjoni ta’ vettura artikolata maħsuba jew użata għall-ġarr ta’ passiġġieri jew ta’ merkanzija fuq it-triq;

“vettura tqila” tfisser vettura b’massa massima mgħobbija teknikament permissibbli ta’ aktar minn 3,5 tunnellati;

“vettura tqila tal-merkanzija” tfisser vettura tqila maħsuba għall-ġarr tal-merkanzija;

“kowċ” u “xarabank” ifissru vettura tqila maħsuba għall-ġarr ta’ aktar minn tmien passiġġieri, minbarra s-sewwieq;

“vettura ħafifa” tfisser vettura b’ massa massima mgħobbija teknikament permissibbli ta’ mhux aktar minn 3,5 tunnellati;

“karozza tal-passiġġieri” tfisser vettura ħafifa maħsuba għall-ġarr ta’ mhux aktar minn tmien passiġġieri, minbarra s-sewwieq;

“vettura ta’ interess storiku” tfisser vettura ta’ interess storiku kif definita fl-Artikolu 3, il-punt 7, tad-Direttiva 2014/45/UE tal-Parlament Ewropew u tal-Kunsill ( 2 );

“minibus” tfisser vettura ħafifa maħsuba għall-ġarr ta’ aktar minn tmien passiġġieri, minbarra s-sewwieq;

“karavann bil-mutur” tfisser vettura bi spazju għall-għajxien, li fiha siġġijiet u mejda, akkomodazzjoni għall-irqad separata jew ikkonvertita mis-siġġijiet, faċilitajiet tat-tisjir u faċilitajiet tal-ħżin;

“vettura kummerċjali ħafifa” tfisser vettura ħafifa maħsuba għall-ġarr tal-merkanzija

“vann” tfisser vettura ħafifa skont it-tifsira tal- Parti C, il-punt 4.2, tal-Anness I tar-Regolament (UE) 2018/858 tal-Parlament Ewropew u tal-Kunsill ( 3 );

“emissjonijiet ta’ CO2” ta’ vettura tqila tfisser l-emissjonijiet speċifiċi ta’ CO2 tagħha previsti fil-punt 2.3 tal-Fajl ta’ Informazzjoni għall-Klijent kif definit fil-Parti II tal-Anness IV tar-Regolament tal-Kummissjoni (UE) 2017/2400 ( 4 );

“vettura b’emissjonijiet żero” tfisser:

“vettura tqila b’emissjonijiet baxxi” tfisser:

“operatur tat-trasport” tfisser kull impriża li tittrasporta l-merkanzija jew il-passiġġieri bit-triq;

‘‘vettura tal-klassijiet tal-emissjonijiet “Euro 0”, “Euro I”, “Euro II”, “Euro III”, “Euro IV”, “Euro V”, “EEV”, “Euro VI” tfisser vettura tqila li tikkonforma mal-limiti tal-emissjonijiet stipulati fl-Anness 0;

“tip ta’ vettura tqila” tfisser kategorija li taqa’ taħtha vettura tqila skont in-numru ta’ fusien tagħha, il-qisien jew il-piż tagħha, jew fatturi oħra ta’ klassifikazzjoni ta’ vetturi li jirriflettu l-ħsara fit-triq, bħas-sistema ta’ klassifikazzjoni tal-ħsara fit-triq stipulata fl-Anness IV, kemm-il darba s-sistema ta’ klassifikazzjoni użata tkun ibbażata fuq karatteristiċi tal-vettura li jidhru fid-dokumentazzjoni tal-vettura użata fl-Istati Membri kollha jew li jkunu jidhru b’mod viżwali;

“sottogrupp ta’ vetturi” tfisser “sottogrupp ta’ vetturi” kif definit fl-Artikolu 3, punt 8 tar-Regolament (UE) 2019/1242;

“grupp ta’ vetturi” tfisser grupp ta’ vetturi elenkat fit-Tabella 1 tal-Anness I tar-Regolament (UE) 2017/2400;

“perijodu ta’ rappurtar tas-sena Y” tfisser “perijodu ta’ rappurtar tas-sena Y” kif definit fl-Artikolu 3, punt (3) tar-Regolament (UE) 2019/1242;

“trajettorja tat-tnaqqis ta’ emissjonijiet’ għall-perijodu ta’ rappurtar ta’ sena (Y) u s-sottogrupp ta’ vettura (sg), jiġifieri ETY,sg, tfisser il-prodott tal-fattur (R-ETY) ta’ tnaqqis ta’ emissjonijiet ta’ CO2 annwali mmultiplikat bl-emissjonijiet ta’ CO2 ta’ referenza (rCO2sg) tas-sottogrupp (sg), jiġifieri ETY,sg = R-ETY x rCO2sg għas-snin Y ≤ 2030, R-ETY u rCO2sg huma t-tnejn iddeterminati f’konformità mal-punt 5.1 tal-Anness I tar-Regolament (UE) 2019/1242; għas-snin Y > 2030, R-ETY huwa 0.70; rCO2sg japplika kif aġġustat minn atti delegati adottati f’konformità mal-Artikolu 11(2) tar-Regolament (UE) 2019/1242 għall-perijodi ta’ rappurtar li jibdew wara d-dati rispettivi ta’ applikazzjoni ta’ dawk l-atti delegati;

‘‘l-emissjonijiet ta’ referenza ta’ CO2 ta’ grupp ta’ vetturi” tfisser:

“kuntratt ta’ konċessjoni” tfisser “konċessjoni ta” xogħlijiet’ jew “konċessjoni ta’ servizz” kif definit fl-Artikolu 5, il-punt 1, (a) jew (b), tad-Direttiva 2014/23/UE tal-Parlament Ewropew u tal-Kunsill ( 7 );

“pedaġġ ta’ konċessjoni” tfisser pedaġġ impost minn konċessjonarju taħt kuntratt ta’ konċessjoni;

“arranġament ta’ pedaġġi jew ta’ tariffi emendat b’mod sostanzjali” tfisser arranġament ta’ pedaġġ jew ta’ tariffi, fejn l-emenda tar-rati hija mistennija żżid id-dħul b’aktar minn 10 % meta mqabbel mas-sena ta’ kontabbiltà preċedenti, eskluż l-effett taż-żieda fit-traffiku u wara li ssir korrezzjoni għall-inflazzjoni mkejla b’bidliet fl-Indiċi Armonizzat tal-Prezzijiet għall-Konsumatur madwar l-UE kollha (HICP), u eskluż l-enerġija u l-ikel mhux ipproċessat, kif ippubblikat mill-Kummissjoni (Eurostat).

fi kwalunkwe każ, il-proporzjon tal-ispejjeż tal-kostruzzjoni li għandhom jitqiesu ma għandux jaqbeż il-proporzjon tal-perijodu tal-ħajja attwali tad-disinn tal-komponenti tal-infrastruttura li kien għad fadal jiskorri fl-10 ta’ Ġunju 2008 jew fid-data meta jiddaħħlu l-arranġamenti l-ġodda ta’ pedaġġ, jekk din tkun data aktar tard;

spejjeż tal-infrastruttura jew titjib tal-infrastruttura jistgħu jinkludu kwalunkwe nefqa speċifika fuq l-infrastruttura li tkun iddisinjata biex tnaqqas id-disturbi marbuta mal-istorbju, biex jiġu introdotti teknoloġiji innovattivi jew biex tittejjeb is-sikurezza fit-toroq u l-ħlasijiet reali li jsiru mill-operatur tal-infrastruttura li jikkorrispondu ma’ elementi ambjentali oġġettivi bħalma huma l-protezzjoni kontra l-kontaminazzjoni tal-ħamrija.

vetturi użati għal skopijiet ta' difiża nazzjonali jew ċivili, minn servizzi tan-nar jew ta' emerġenza oħrajn u mill-pulizija, u vetturi użati għall-manutenzjoni tat-toroq;

vetturi li jivvjaġġaw b'mod okkażjonali biss fuq it-toroq pubbliċi ta' l-Istat Membru ta' reġistrazzjoni huma wżati minn persuni naturali jew ġuridiċi li l-okkupazzjoni prinċipali tagħhom mhix it-trasport ta' merkanzija, sakemm l-operazzjonijiet ta' trasport imwettqa minn dawn il-vetturi ma jikkawżawx tgħawwiġ fil-kompetizzjoni, u soġġett għall-kunsens tal-Kummissjoni.

Il-Kunsill, li jaġixxi b'mod unanimu fuq proposta mill-Kummissjoni, jista' jawtorizza lil Stat Membru biex imantni aktar eżenzjonijiet jew riduzzjonijiet minn taxxi fuq vetturi minħabba raġunijiet ta' politika speċifika tat-tip soċjo-ekonomika jew marbuta ma' l-infrastruttura ta' dak l-Istat. Dawn l-eżenzjonijiet jew tnaqqis jista' japplika biss għal vetturi rreġistrati f'dak l-Istat Membru li jwettqu operazzjonijiet tat-trasport esklussivament ġewwa parti definita sew tat-territorju tiegħu.

Kull Stat Membru li jixtieq imantni eżenzjoni jew riduzzjoni ta' dan it-tip għandu jinforma lill-Kummissjoni dwar dan u għandu jgħaddilha wkoll kull informazzjoni meħtieġa. Il-Kummissjoni għandha tinforma lill-Istati Membri l-oħra dwar l-eżenzjoni jew ir-riduzzjoni proposti fi żmien xahar.

Il-Kunsill għandu jitqies li jkun awtorizza l-manteniment ta' l-eżenzjoni jew riduzzjoni proposta jekk, fi żmien perjodu ta' xahrejn mid-data meta l-Istati Membri l-oħra kienu ġew infurmati b'mod konformi ma' l-ewwel subparagrafu, la l-Kummissjoni u lanqas kwalunkwe Stat Membru ma jkun talab li l-kwistjoni tiġi eżaminata mill-Kunsill.

tan-nazzjonalità tal-utent tat-triq;

tal-Istat Membru jew tal-pajjiż terz fejn l-operatur tat-trasport ikun stabbilit;

tal-Istat Membru jew tal-pajjiż terz fejn il-vettura tkun irreġistrata; jew

l-oriġini jew id-destinazzjoni tal-operazzjoni ta’ trasport.

vetturi tqal eżentati mir-rekwiżit li jinstallaw u jużaw tagħmir ta’ reġistrazzjoni skont ir-Regolament (UE) Nru 165/2014 tal-Parlament Ewropew u tal-Kunsill ( 9 );

vetturi tqal tal-merkanzija li għandhom massa massima mgħobbija teknikament permissibbli li taqbeż it-3,5 tunnellati u inqas minn 7,5 tunnellati użati għall-ġarr ta’ materjali, tagħmir jew makkinarju għall-użu tas-sewwieq matul ix-xogħol tas-sewwieq, jew għall-kunsinna ta’ merkanzija li tiġi prodotta fuq bażi artiġjanali, fejn it-trasport ma jsirx b’kiri jew b’kumpens;

kwalunkwe vettura koperta mill-kondizzjonijiet stabbiliti fl-Artikolu 6(2), punti (a) u (b) jew kwalunkwe vettura użata jew li tkun proprjetà ta’ persuni b’diżabilità u

vetturi b’emissjonijiet żero b’massa massima mgħobbija teknikament permissibbli sa 4,25t.

tinvolvi spejjeż amministrattivi, ta’ investiment u operatorji sproporzjonati meta mqabbla mad-dħul jew benefiċċji mistennija, li tali pedaġġ ikun jiġġenera, pereżempju minħabba t-tul limitat tas-sezzjonijiet tat-toroq ikkonċernati jew id-densità tal-popolazzjoni relattivament baxxa jew it-traffiku relattivament baxx; jew

twassal għad-devjazzjoni tat-traffiku b’impatti negattivi fuq is-sikurezza fit-toroq jew fuq is-saħħa pubblika.

Qabel ma japplikaw dawk it-tariffi għall-utent, l-Istati Membri għandhom jinnotifikaw lill-Kummissjoni dwar l-intenzjoni tagħhom li jagħmlu dan. Dik in-notifika għandha tinkludi r-raġunijiet li jiġġustifikaw, fid-dawl tal-ewwel subparagrafu, l-applikazzjoni tat-tariffa għall-utent ibbażata fuq kriterji oġġettivi u informazzjoni ċara dwar il-vetturi u s-sezzjonijiet tat-toroq koperti mit-tariffa għall-utent.

L-Istati Membri jistgħu jippreżentaw notifika waħda għal aktar sezzjonijiet tat-toroq koperti mill-eżenzjonijiet, dment li l-ġustifikazzjoni tkun inkluża għal kull sezzjoni.

toħloq effetti negattivi sinifikanti fuq iċ-ċirkolazzjoni libera tat-traffiku, l-ambjent, il-livelli ta’ storbju, il-konġestjoni, is-saħħa, jew is-sikurezza fit-toroq minħabba d-devjazzjoni tat-traffiku;

tinvolvi spejjeż amministrattivi ta’ aktar minn 15 % tad-dħul addizzjonali li jirriżultaw minn dik l-estensjoni; jew

tikkonċerna kategorija ta’ vetturi li ma tikkawżax aktar minn 10 % tal-ispejjeż infrastrutturali li jista’ jintalab ħlas għalihom

L-Istati Membri li jagħżlu li japplikaw pedaġġi jew tariffi għall-utent jew it-tnejn li huma fil-każ biss ta’ vetturi tqal tal-merkanzija b’ massa massima mgħobbija teknikament permessibbli ta’ mhux inqas minn 12-il tunnellata għandhom jinfurmaw lill-Kummissjoni bid-deċiżjoni tagħhom flimkien mar-raġunijiet li tkun ibbażata fuqhom.

id-dħul iġġenerat miż-żieda marġinali jiġi investit biex jiffinanzja l-iżvilupp tas-servizzi tat-trasport, jew fil-kostruzzjoni jew il-manutenzjoni tal-infrastruttura tat-trasport tan-network trans-Ewropew tat-trasport ewlieni li jikkontribwixxu direttament biex tittaffa l-konġestjoni jew il-ħsara ambjentali u li jinsabu fl-istess kuritur bħas-sezzjoni tat-triq li fuqha tiġi applikata ż-żieda marġinali;

iż-żieda marġinali ma taqbiżx il-15 % tat-tariffa medja ppeżata għall-infrastruttura kkalkulata f’konformità mal-Artikolu 7b(1) u l-Artikolu 7e ta’ din id-Direttiva, ħlief fejn id-dħul iġġenerat jiġi investit f’sezzjonijiet transfruntiera ta’ kuritur tan-network ewlieni identifikat f’konformità mal-Kapitolu IV tar-Regolament (UE) Nru 1315/2013, f’liema każ iż-żieda marġinali ma għandhiex taqbeż il-25 % ta’ dik it-tariffa medja ppeżata għall-infrastruttura, jew fejn żewġ Stati Membri jew aktar japplikaw żieda marġinali fl-istess kuritur f’liema każ, bi qbil mal-Istati Membri kollha li huma parti minn dak il-kuritur u li jkunu ġirien tal-Istati Membri li fit-territorju tagħhom taqa’ s-sezzjoni tal-kuritur li għaliha tkun ser tiġi applikata żieda marġinali, dik iż-żieda marġinali tista’ taqbeż il-25 % iżda ma tistax taqbeż il-50 % ta’ dik it-tariffa medja ppeżata għall-infrastruttura;

l-applikazzjoni taż-żieda marġinali ma tkunx kawża ta’ trattament inġust tat-traffiku kummerċjali meta mqabbel ma’ utenti oħra tat-triq;

deskrizzjoni tal-post eżatt ta’ fejn ser tiġi imposta ż-żieda marġinali u prova ta’ deċiżjoni li jiġu ffinanzjati l-infrastruttura tat-trasport jew is-servizzi tat-trasport imsemmija fil-punt (a) jiġu ppreżentati lill-Kummissjoni qabel l-applikazzjoni taż-żieda marġinali;

il-perijodu li għalih għandha tapplika ż-żieda marġinali jkun definit u limitat minn qabel u jkun konsistenti, fir-rigward tad-dħul li mistenni jidħol, mal-pjani finanzjarji u mal-analiżi tal-kost-benefiċċju għall-proġetti kofinanzjati bid-dħul miż-żieda marġinali.

il-varjazzjoni tkun trasparenti, magħmula pubblika u disponibbli għall-utenti kollha fuq termini ugwali;

il-varjazzjoni tiġi applikata skont il-ħin tal-ġurnata, it-tip ta’ ġurnata jew l-istaġun;

ebda tariffa għall-infrastruttura ma tkun aktar minn 175 % ’l fuq mil-livell massimu tat-tariffa medja ponderata għall-infrastruttura kif imsemmi fl-Artikolu 7b;

il-perijodi bl-aktar traffiku li matulhom jiġu imposti tariffi ogħla għall-infrastruttura bl-iskop li tonqos il-konġestjoni ma jkunux itwal minn sitt sigħat kuljum;

il-varjazzjoni tkun ippjanata u applikata b’mod trasparenti u newtrali f’sens ta’ dħul finanzjarju fuq sezzjoni tat-triq effettwata mill-konġestjoni b’mod li toffri rati ta’ pedaġġ imnaqqsa għall-utenti tat-triq li jivvjaġġaw waqt perijodu bla traffiku u rati ta’ pedaġġ ogħla għall-utenti tat-triq li jivvjaġġaw waqt is-sigħat ta’ traffiku intensiv fl-istess sezzjoni tat-triq;

ebda tariffa tal-konġestjoni ma hija imposta fuq is-sezzjoni tat-triq ikkonċernata.

Stat Membru li jkun jixtieq jintroduċi tali varjazzjoni jew ibiddel waħda eżistenti għandu jinforma lill-Kummissjoni dwar dan u jipprovdilha l-informazzjoni neċessarja biex tivvaluta jekk il-kondizzjonijiet humiex issodisfati.

klassi 1 tal-emissjonijiet ta’ CO2 – vetturi li ma jappartjenu għal ebda klassi tal-emissjonijiet ta’ CO2 imsemmija taħt il-punti (b) sa (e);

klassi 2 tal-emissjonijiet ta’ CO2 – vetturi tas-sottogrupp ta’ vetturi (sg) irreġistrati għall-ewwel darba fil-perijodu ta’ rappurtar tas-sena Y b’emissjonijiet ta’ CO2 aktar minn 5 % inqas mit-trajettorja tat-tnaqqis ta’ emissjonijiet għall-perijodu ta’ rappurtar għas-sena Y u s-sottogrupp ta’ vetturi sg iżda li ma jappartjenu għall-ebda klassi tal-emissjonijiet ta’ CO2 imsemmija taħt il-punti (c), (d) u (e);

klassi 3 tal-emissjonijiet ta’ CO2 – vetturi tas-sottogrupp ta’ vetturi sg irreġistrati għall-ewwel darba fil-perijodu ta’ rappurtar tas-sena Y b’emissjonijiet ta’ CO2 aktar minn 8 % inqas mit-trajettorja tat-tnaqqis ta’ emissjonijiet għall-perijodu ta’ rappurtar għas-sena Y u s-sottogrupp ta’ vetturi sg li ma jappartjenu għall-ebda klassi tal-emissjonijiet ta’ CO2 imsemmija taħt il-punti (d) u (e);

klassi 4 tal-emissjonijiet ta’ CO2 – vetturi tqal b’emissjonijiet baxxi;

klassi 5 tal-emissjonijiet ta’ CO2 – vetturi b’emissjonijiet żero.

klassi 2 tal-emissjonijiet ta’ CO2 – tnaqqis ta’ 5 % sa 15 % meta mqabbel mat-tariffa applikabbli għall-klassi 1 tal-emissjonijiet ta’ CO2;

klassi 3 tal-emissjonijiet ta’ CO2 – tnaqqis ta’ 15 % sa 30 % meta mqabbel mat-tariffa applikabbli għall-klassi 1 tal-emissjonijiet ta’ CO2;

klassi 4 tal-emissjonijiet ta’ CO2 – tnaqqis ta’ 30 % sa 50 % meta mqabbel mat-tariffa applikabbli għall-klassi 1 tal-emissjonijiet ta’ CO2;

klassi 5 tal-emissjonijiet ta’ CO2 – tnaqqis ta’ 50 % sa 75 % meta mqabbel mat-tariffa applikabbli għall-klassi 1 tal-emissjonijiet ta’ CO2.

fir-rigward ta’ arranġamenti ta’ ħlasijiet għall-użu tat-triq differenti minn dawk li jinvolvu ħlasijiet għall-użu tat-triq ta’ konċessjoni:

▼M9

▼M3

fir-rigward tal-arranġamenti ta’ ħlas għall-użu tat-triq li jinvolvu ħlasijiet għall-użu tat-triq ta’ konċessjoni:

l-istruttura li timponi t-tariffi u li tirriżulta, tkun proporzjonata, magħmula pubblika b’mod miftuħ u disponibbli għall-utenti b’termini ugwali u ma twassalx għal spejjeż addizzjonali li jiġu mgħoddija lil utenti oħrajn fl-għamla ta’ ħlasijiet għall-użu tat-triq ogħla;

dan ir-roħs jew tnaqqis jirrifletti l-iffrankar effettiv fl-ispejjeż amministrattivi tat-trattament ta’ utenti frekwenti meta mqabbla mal-utenti okkażjonali;

it-tnaqqis ma jaqbiżx it-13 % tat-tariffa għall-infrastruttura mħallsa minn vetturi ekwivalenti li mhumiex eliġibbli għar-roħs jew għat-tnaqqis.

il-pagament tat-tariffi komuni għall-utent għandu jagħti aċċess għas-sistema tat-toroq kif definit mill-Istati Membri parteċipanti f’konformità mal-Artikolu 7(1) u (2);

ir-rati komuni ta’ tariffi imposti għall-utent għandhom jiġu ffissati mill-Istati Membri parteċipanti f’livelli li mhumiex ogħla mir-rati massimi li hemm referenza għalihom fl-Artikolu 7a;

Stati Membri oħrajn jistgħu jissieħbu fis-sistema komuni;

għandha tinħadem skala mill-Istati Membri li jipparteċipaw li permezz tagħha kull wieħed minnhom għandu jirċievi sehem ġust mid-dħul li jirriżulta mill-ħlasijiet fuq l-utenti.

taxxi u ħlasijiet speċifiċi:

ħlasijiet ta' l-ipparkjar u ħlasijiet speċifiċi tat-traffiku urban.

tariffi regolatorji mfasslin speċifikament biex inaqqsu l-konġestjoni tat-traffiku jew jiġġieldu l-impatti ambjentali, inkluż il-kwalità ħażina tal-arja, fuq kwalunkwe triq li tinsab f’żona urbana, inkluż toroq tan-network trans-Ewropew li jaqsmu żoni urbani;

tariffi maħsuba speċifikament biex jiffinanzjaw il-kostruzzjoni, l-operazzjoni, il-manutenzjoni u l-iżvilupp ta’ installazzjonijiet, integrati fit-toroq jew imqegħdin tul it-toroq jew fuqhom, li jipprovdu enerġija lil vetturi mexjin b’emissjonijiet żero jew b’livell baxx ta’ emissjonijiet u imposti fuq tali vetturi.

jiġi ffaċilitat l-ipprezzar effiċjenti;

jitnaqqas fis-sors it-tniġġis tat-trasport bit-triq;

jiġu mitigati fis-sors l-effetti tat-tniġġis tat-trasport bit-triq;

jittejjeb ir-rendiment tas-CO2 u l-enerġija tal-vetturi;

tiġi żviluppata infrastruttura alternattiva għall-utenti tat-trasport u/jew il-kapaċità attwali li qiegħda tespandi;

jingħata appoġġ lin-netwerk trans-Ewropew tat-trasport;

jsir l-aħjar użu mil-loġistika;

tittejjeb is-sikurezza fit-toroq; u

jiġu provduti postijiet tal-parkeġġ sikuri.

L-evoluzzjoni tat-tariffi għall-użu tal-infrastruttura tat-toroq, jiġifieri n-networks u l-kategoriji tal-vetturi koperti, inkluż kwalunkwe eżenzjoni skont l-Artikoli 7, 7c jew 7gb;

il-varjazzjoni tat-tariffi għall-infrastruttura jew it-tariffi għall-utent skont il-kategorija tal-vettura u t-tip ta’ vettura tqila;

il-varjazzjoni tat-tariffi għall-infrastruttura jew tat-tariffi għall-utent skont il-prestazzjoni ambjentali tal-vetturi, skont l-Artikoli 7g, 7ga jew 7gb;

fejn applikabbli, il-varjazzjoni tat-tariffi għall-infrastruttura skont il-ħin tal-jum, it-tip ta’ jum jew l-istaġun, skont l-Artikolu 7g(1);

it-tariffa għall-ispejjeż esterni imposta għal kull kombinazzjoni ta’ klassi ta’ vetturi, tip ta’ triq u perijodu ta’ żmien;

it-tariffa medja ponderata għall-infrastruttura u d-dħul totali li jkun inġabar permezz tat-tariffa għall-infrastruttura;

id-dħul totali ġġenerat mit-tariffi għall-ispejjeż esterni;

id-dħul totali ġġenerat mit-tariffi tal-konġestjoni skont il-kategorija tal-vettura;

id-dħul totali ġġenerat miż-żidiet marġinali u fuq liema sezzjonijiet tat-toroq ġew imposti;

id-dħul totali ġġenerat mill-pedaġġi jew it-tariffi għall-utent, jew, fejn applikabbli, it-tnejn li huma;

informazzjoni dwar l-użu tad-dħul iġġenerat permezz tal-applikazzjoni ta’ din id-Direttiva, u kif dan l-użu ppermetta lill-Istat Membru jilħaq l-għanijiet imsemmija fl-Artikolu 9(2), jew, fejn tali dħul jiġi allokat għall-baġit ġenerali, informazzjoni dwar il-livell ta’ nfiq allokat għall-infrastruttura tat-trasport bit-triq u proġetti tat-trasport sostenibbli; kif ukoll

l-evoluzzjoni tas-sehem tal-vetturi li jappartjenu għad-diversi klassijiet ta’ emissjonijiet fuq toroq b’pedaġġ.