EUR-Lex Access to European Union law
This document is an excerpt from the EUR-Lex website
Document 01996D0510-20040225
Commission Decision of 18 July 1996 laying down the pedigree and zootechnical certificates for the importation of breeding animals, their semen, ova and embryos (Text with EEA relevance) (96/510/EC)
Consolidated text: Id-Deċiżjoni tal-Kummissjoni tat-18 ta’ Lulju 1996 li tippreskrivi ċ-ċertifikati ta’ l-annimali tar-razza u żootekniċi għall-importazzjoni ta’ annimali tat-tagħmir, is-semen, il-bajd (ova) u l-embrijoni tagħhom (Test b’rilevanza għall-ŻEE) (96/510/KE)
Id-Deċiżjoni tal-Kummissjoni tat-18 ta’ Lulju 1996 li tippreskrivi ċ-ċertifikati ta’ l-annimali tar-razza u żootekniċi għall-importazzjoni ta’ annimali tat-tagħmir, is-semen, il-bajd (ova) u l-embrijoni tagħhom (Test b’rilevanza għall-ŻEE) (96/510/KE)
No longer in force
)
1996D0510 — MT — 25.02.2004 — 001.001
Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu
ID-DEĊIŻJONI TAL-KUMMISSJONI tat-18 ta’ Lulju 1996 li tippreskrivi ċ-ċertifikati ta’ l-annimali tar-razza u żootekniċi għall-importazzjoni ta’ annimali tat-tagħmir, is-semen, il-bajd (ova) u l-embrijoni tagħhom (Test b’rilevanza għall-ŻEE) (ĠU L 210, 20.8.1996, p.53) |
Emendat bi:
|
|
Il-Ġurnal Uffiċjali |
||
No |
page |
date |
||
L 57 |
27 |
25.2.2004 |
ID-DEĊIŻJONI TAL-KUMMISSJONI
tat-18 ta’ Lulju 1996
li tippreskrivi ċ-ċertifikati ta’ l-annimali tar-razza u żootekniċi għall-importazzjoni ta’ annimali tat-tagħmir, is-semen, il-bajd (ova) u l-embrijoni tagħhom
(Test b’rilevanza għall-ŻEE)
(96/510/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat t-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 94/28/KE tat-23 ta’ Ġunju 1994 li tippreskrivi l-prinċipji li għandhom x’jaqsmu mal-kondizzjonijiet żootekniċi u ġenetiċi applikabbli għal importazzjonijiet minn pajjiżi terzi ta’ annimali, is-semen, il-bajd (ova) u l-embrijoni tagħhom ( 1 ), u partikolarment l-Artikolu 4, it-tieni u t-tielet indent, l-Artikolu 5 it-tieni u t-tielet indent, l-Artikolu 6, it-tieni indent u l-Artikolu 7, it-tieni indent miġjub fih,
Billi l-Kummissjoni għandha tfassal iċ-ċertifikat ta’ l-annimali tar-razza u żootekniċi li jrid jakkompanja annimali tat-tagħmir, is-semen, il-bajd (ova) u l-embrijoni tagħhom, meta jiġu importati fil-Komunità; it-tagħrif fuq dawn iċ-ċertifikati huma l-bażi għad-dħul u r-reġistrazzjoni f’ktieb tal-merħla jew reġistru tal-Komunità;Billi skond l-Artikolu 1 tad-Direttiva tal-Kunsill 94/28/KE annimali tat-tagħmir jistgħu jiġu importati biss jekk ikunu mdaħħla jew reġistrati fi ktieb tal-merħla jew reġistru miżmum minn awtorità msemmija f’lista kif riferit fl-Artikolu 3 tad-Direttiva tal-Kunsill 94/28/KE; madankollu, sakemm titfassal din il-lista huwa meħtieġ li jiġu preskritti ċertifikati ta’ annimali tar-razza u żootekniċi;
Billi minħabba fil-partikolaritajiet (peculiarities) ta’ kull speċi, is-semen, il-bajd (ova) u l-embrijoni tagħhom huwa meħtieġ li jitfasslu ċertifikati għal annimali tar-razza tat-tagħmir, ħnieżer tat-tagħmir ibridi, annimali tqal, is-semen, il-bajd (ova) u l-embrijoni tagħhom;
Billi sakemm tiġi preskritta din id-Deċiżjoni skond l-Artikolu 5, it-tieni indent, tad-Direttiva 94/28/KE, semen biss li jiġi minn annimal li għadda mit-testijiet tal-qadi u stima tal-valur ġenetiku jista’ jiġi importat;
Billi ftit mit-tagħrif li għandu x’jaqsam mad-destinatarju diġà jinsab fiċ-ċertifikati tas-saħħa meħtieġa għall-importazzjoni ta’ annimali, semen, bajd (ova) u embrijoni;
Billi għalhekk dan it-tagħrif m’għandux ikun fuq iċ-ċertifikat ta’ l-annimali tar-razza u żootekniku;
Billi l-kampjun u l-partikolaritajiet li jridu jintwerew fuq iċ-ċertifikazzjoni ta’ l-annimali tar-razza u żootekniċi ta’ annimali tat-tagħmir, is-semen, il-bajd (ova) u l-embrijoni tagħhom għal kummerċ intra-Komunitarju huma, għall-ispeċi konċernati, diġà preskritti fid-Deċiżjoni tal-Kummissjoni 86/404/KEE ( 2 ), id-Deċiżjoni tal-Kummissjoni 88/124/KEE ( 3 ), id-Deċiżjoni tal-Kummissjoni 89/503/KEE ( 4 ), id-Deċiżjoni tal-Kummissjoni 89/506/KEE ( 5 ), id-Deċiżjoni tal-Kummissjoni 90/258/KEE ( 6 ), id-Deċiżjoni tal-Kummissjoni 93/623/KEE ( 7 ) u d-Deċiżjoni tal-Kummissjoni 96/80/KE ( 8 );
Billi il-miżuri pprovduti f’din id-Deċiżjoni huma bi qbil ma’ l-opinjoni tal-Kumitat Permanenti taż-Żooteknika,
ADOTTAT DIN ID-DEĊIŻJONI:
Artikolu 1
Iċ-ċertifikat riferit fl-Artikolu 4, it-tieni indent tad-Direttiva 94/28/KE irid ikun konformi:
— fil-każ ta’ annimali tar-razza tat-tagħmir ta’ l-ispeċi bovina, ħnieżer tar-razza tat-tagħmir, mogħoż u nagħaġ tar-razza tat-tagħmir, mal-mudell fl-Anness I,
— fil-każ ta’ ħnieżer tat-tagħmir ibridi, mal-mudell fl-Anness II,
— fil-każ ta’ equidae reġistrati, għad-dokument ta’ identifikazzjoni kif preskritt fid-Deċiżjoni 93/623/KEE.
Artikolu 2
Barra minn hekk jekk l-annimali riferiti fl-Artikolu 1 huma tqal (pregnant), iċ-ċertifikat irid jiġi supplimentat maċ-ċertifikat li jikkonforma mal-mudell fl-Anness III.
Artikolu 3
Iċ-ċertifikat għas-semen riferit fl-Artikolu 5, it-tieni indent tad-Direttiva 94/28/KE irid ikun konformi mal-mudell fl-Anness IV.
Artikolu 4
Iċ-ċertifikat għall-bajd (ova) riferit fl-Artikolu 6, it-tieni indent tad-Direttiva 94/28/KE irid ikun konformi mal-mudell fl-Anness V.
Artikolu 5
Iċ-ċertifikat għall-embrijoni riferit fl-Artikolu 7, it-tieni indent tad-Direttiva 94/28/KE irid ikun konformi mal-mudell fl-Anness VI.
Artikolu 6
Il-fatti magħrufa (data) dikjarati fiċ-ċertifikat ipprovdut fl-Artikolu 1 sa 5 jistgħu jiġu inklużi fid-dokumenti li jakkompanjaw l-annimali, is-semen, il-bajd (ova) u l-embrijoni. F’dan il-każ l-awtoritajiet iridu jiċċertifikaw li l-fatti magħrufa (data) dikjarati huma inklużi f’dawn id-dokumenti, permezz tal-formuli li ġejjin:
“Il-firmatarju hawn taħt jiċċertifika li dawn id-dokumenti jikkontjenu l-fatti magħrufa (data) msemmija fid-Deċiżjoni tal-Kummissjoni 96/510/KE.”
.
Artikolu 7
Din id-Deċiżjoni għandha tgħodd mill-1 ta’ Awissu 1997.
Artikolu 8
Din id-Deċiżjoni hija indirizzata lill-Istati Membri.
ANNESS I
ANNESS II
ANNESS III
ANNESS IV
ANNESS V
ANNESS VI
( 1 ) ĠU L 178, tat-12.7.1994, p. 66.
( 2 ) ĠU L 233, ta’ l-20.8.1986, p. 19.
( 3 ) ĠU L 62, tat-8.3.1988, p. 32.
( 4 ) ĠU L 247, tat-23.8.1989, p. 22.
( 5 ) ĠU L 247, tat-23.8.1989, p. 34.
( 6 ) ĠU L 145, tat-8.6.1990, p. 39.
( 7 ) ĠU L 298, tat-3.12.1993, p. 45.
( 8 ) ĠU L 19, tal-25.1.1996, p. 50.