1.   Dan ir-Regolament jistabbilixxi l-Faċilità għall-Ukrajna (il-"Faċilità") għall-perjodu mill-2024 sal-2027.

Huwa jistabbilixxi l-objettivi tal-Faċilità, il-finanzjament tagħha u l-baġit għall-perjodu mill-2024 sal-2027, il-forom ta' finanzjament tal-Unjoni taħtha u r-regoli għall-għoti ta' tali finanzjament.

2.   Il-Faċilità għandha tipprovdi appoġġ lill-Ukrajna taħt it-tliet pilastri li ġejjin:

1.   L-objettivi ġenerali tal-Faċilità għandhom ikunu li jappoġġaw lill-Ukrajna biex:

2.   L-objettivi speċifiċi tal-Faċilità għandhom jinkludu:

1.   Il-kooperazzjoni taħt il-Faċilità għandha tkun ibbażata fuq il-prinċipji tal-effettività tal-iżvilupp u għandha tippromwovihom, fejn applikabbli, fil-modalitajiet kollha, jiġifieri s-sjieda tal-prijoritajiet tal-iżvilupp mill-Ukrajna, enfasi fuq ir-riżultati, sħubijiet inklużivi għall-iżvilupp, it-trasparenza u r-responsabbiltà reċiproka. Il-Faċilità għandha tistinka biex tiżgura allokazzjoni u użu bbilanċjati u bbażati fuq il-ħtiġijiet tar-riżorsi u bilanċ ġeografiku xieraq tal-proġetti.

2.   L-appoġġ mill-Faċilità għandu jkun addizzjonali għall-appoġġ ipprovdut taħt programmi u strumenti oħra tal-Unjoni. L-attivitajiet eliġibbli għall-finanzjament skont dan ir-Regolament jistgħu jirċievu appoġġ minn programmi u strumenti oħra tal-Unjoni dment li tali appoġġ ma jkoprix l-istess spejjeż.

3.   Sabiex jippromwovu l-komplementarjetà, il-koerenza u l-effiċjenza tal-azzjonijiet u l-inizjattivi tagħhom, il-Kummissjoni u l-Istati Membri għandhom jikkooperaw u għandhom jagħmlu ħilithom biex jevitaw id-duplikazzjoni bejn l-appoġġ skont dan ir-Regolament u appoġġ ieħor ipprovdut mill-Unjoni, l-Istati Membri, pajjiżi terzi, organizzazzjonijiet u entitajiet multilaterali u reġjonali, bħal organizzazzjonijiet internazzjonali u l-istituzzjonijiet finanzjarji internazzjonali, aġenziji u donaturi mhux tal-Unjoni rilevanti, f'konformità mal-prinċipji stabbiliti għat-tisħiħ tal-koordinazzjoni operazzjonali fil-qasam tal-assistenza esterna, inkluż permezz ta' koordinazzjoni msaħħa mal-Istati Membri fil-livell lokali u permezz tal-armonizzazzjoni tal-politiki u l-proċeduri, b'mod partikolari l-prinċipji internazzjonali dwar l-effettività tal-iżvilupp. Sabiex tiġi evitata d-duplikazzjoni tal-appoġġ, tiżdied is-sjieda mill-awtoritajiet Ukreni u tiġi ssimplifikata l-ħidma amministrattiva, l-appoġġ taħt il-Faċilità għandu, kemm jista' jkun, jiġi integrat fl-isforzi internazzjonali għal arkitettura finanzjarja għall-irkupru tal-Ukrajna u tiġi kkoordinat mad-donaturi u l-istituzzjonijiet finanzjarji internazzjonali rilevanti.

4.   L-attivitajiet taħt il-Faċilità għandhom jikkonformaw, sa fejn ikun possibbli f'pajjiż mifni bil-gwerra, mal-istandards klimatiċi u ambjentali tal-Unjoni. Dawk l-attivitajiet għandhom jintegraw il-mitigazzjoni tat-tibdil fil-klima u l-adattament għalih, il-protezzjoni ambjentali u l-konservazzjoni tal-bijodiversità, id-drittijiet tal-bniedem, id-demokrazija, l-ugwaljanza bejn il-ġeneri u n-nondiskriminazzjoni, fejn rilevanti, it-tnaqqis tar-riskju ta' diżastri u s-sikurezza tal-infrastruttura tal-enerġija, u għandhom jappoġġaw il-progress lejn l-Għanijiet ta' Żvilupp Sostenibbli tan-Nazzjonijiet Uniti, filwaqt li jippromwovu attivitajiet integrati li jistgħu joħolqu kobenefiċċji u jilħqu objettivi multipli b'mod koerenti, filwaqt li jikkontribwixxu għat-tnaqqis tal-faqar u jippromwovu soċjetajiet paċifiċi u inklużivi. Dawk l-attivitajiet għandhom, sa fejn ikun possibbli, jevitaw assi mhux rekuperabbli, ikunu kompatibbli mal-prinċipju ta' "la tagħmilx ħsara", kif ukoll mal-approċċ ta' integrazzjoni tas-sostenibbiltà li jirfed il-Patt Ekoloġiku Ewropew u għandhom ikunu wkoll iggwidati mill-prinċipju li "ħadd ma jitħalla jibqa' lura".

5.   Il-Faċilità ma għandhiex tappoġġa attivitajiet jew miżuri li huma inkompatibbli mal-Pjan Nazzjonali għall-Enerġija u l-Klima tal-Ukrajna, jekk disponibbli, jew mal-kontribut determinat fil-livell nazzjonali tal-Ukrajna skont il-Ftehim ta' Pariġi, li jippromwovu investimenti fil-fjuwils fossili jew li jikkawżaw effetti negattivi sinifikanti fuq l-ambjent jew il-klima jew il-bijodiversità, sakemm tali attivitajiet jew miżuri ma jkunux strettament meħtieġa biex jinkisbu l-objettivi tal-Faċilità, filwaqt li titqies il-ħtieġa li tinbena mill-ġdid u tiġi mmodernizzata l-infrastruttura u jiġi riabilitat l-ambjent naturali li saritilha ħsara mill-gwerra b'mod reżiljenti, u huma akkumpanjati, fejn rilevanti, minn miżuri xierqa biex jiġu evitati, prevenuti jew imnaqqsa u, jekk possibbli, jikkumpensaw dawk l-effetti negattivi.

6.   F'konformità mal-prinċipju ta' sħubija inklużiva, il-Kummissjoni għandha tagħmel ħilitha biex tiżgura, kif xieraq, skrutinju demokratiku fil-forma ta' konsultazzjoni mill-gvern Ukren tal-Verkhovna Rada f'konformità mal-ordni kostituzzjonali tal-Ukrajna, kif ukoll tal-partijiet ikkonċernati rilevanti, inkluż l-awtoritajiet lokali u reġjonali, is-sħab soċjali u s-soċjetà ċivili, inkluż il-gruppi vulnerabbli, sabiex ikunu jistgħu jipparteċipaw fit-tfassil u fl-implimentazzjoni tal-attivitajiet eliġibbli għall-finanzjament taħt il-Faċilità u fil-proċessi relatati ta' monitoraġġ, skrutinju u evalwazzjoni, kif rilevanti. Dik il-konsultazzjoni għandha tfittex li tirrappreżenta l-pluraliżmu tas-soċjetà u tal-komunità tan-negozju Ukreni u li jinkludi komunitajiet differenti fl-Ukrajna. Il-konsultazzjonijiet kollha għandhom iqisu kif xieraq il-parteċipazzjoni tan-nisa. Il-Kummissjoni għandha tinkoraġġixxi l-koordinazzjoni fost il-partijiet ikkonċernati rilevanti u għandha tikkontribwixxi għat-tisħiħ tal-kapaċitajiet tal-organizzazzjonijiet tas-soċjetà ċivili. Barra minn hekk, il-Kummissjoni għandha tiżgura li s-soċjetà ċivili fl-Ukrajna, inkluż l-organizzazzjonijiet mhux governattivi, tkun tista' tirrapporta direttament lill-Kummissjoni kwalunkwe irregolarità li tista' tidentifika, permezz ta' kanali permanenti xierqa, kif ukoll tibgħat lill-Kummissjoni opinjonijiet dwar l-implimentazzjoni tal-Pjan għall-Ukrajna u l-evalwazzjoni tal-miżuri tiegħu mill-gvern Ukren.

7.   Il-Kummissjoni, f'kooperazzjoni mill-qrib mal-Istati Membri u l-Ukrajna, għandha tiżgura l-implimentazzjoni tal-impenji tal-Unjoni għal aktar trasparenza u responsabbiltà fl-għoti tal-appoġġ, inkluż billi tippromwovi l-implimentazzjoni u t-tisħiħ tas-sistemi ta' kontroll intern u l-politiki kontra l-frodi. Il-Kummissjoni għandha tagħmel l-informazzjoni dwar il-volum u l-allokazzjoni tal-appoġġ disponibbli pubblikament permezz ta' portal web uniku, u għandha tiżgura li d-data tkun aġġornata, aċċessibbli faċilment, u disponibbli f'format li jinqara mill-magni.

1.   Prekundizzjoni għall-appoġġ lill-Ukrajna taħt il-Faċilità għandha tkun li l-Ukrajna tkompli żżomm u tirrispetta l-mekkaniżmi demokratiċi effettivi, inkluż sistema parlamentari b'diversi partiti, u l-istat tad-dritt, u li tiggarantixxi r-rispett għad-drittijiet tal-bniedem, inkluż id-drittijiet ta' persuni li jagħmlu parti minn minoranzi.

2.   Il-Kummissjoni għandha timmonitorja l-issodisfar tal-prekundizzjoni stipulata fil-paragrafu 1 qabel ma jsiru l-iżborżi lill-Ukrajna taħt il-Faċilità u matul il-perjodu tal-appoġġ ipprovdut taħt il-Faċilità filwaqt li tqis kif xieraq ir-rapport regolari tal-Kummissjoni dwar it-tkabbir. Il-Kummissjoni għandha tqis ir-rakkomandazzjonijiet rilevanti tal-korpi internazzjonali, bħall-Kunsill tal-Ewropa u l-Kummissjoni ta' Venezja tagħha f'dan il-proċess. Il-Kummissjoni għandha tinforma lill-Kunsill dwar l-issodisfar tal-prekundizzjoni stipulata fil-paragrafu 1 qabel l-iżborżi lill-Ukrajna. Meta l-Kummissjoni ssib li l-prekundizzjoni ma tkunx ġiet issodisfata jew ma tkunx għadha qed tiġi ssodisfata, hija għandha tippreżenta lill-Kunsill proposta għal deċiżjoni ta' implimentazzjoni li tissospendi l-pagamenti msemmija fl-Artikolu 26, irrispettivament mill-issodisfar tal-kundizzjonijiet imsemmija fl-Artikolu 16(2). Fil-valutazzjoni tagħha, il-Kummissjoni għandha tqis ukoll il-kuntest fl-Ukrajna, u l-konsegwenzi tal-applikazzjoni tal-liġi marzjali fl-Ukrajna. Il-valutazzjoni tal-Kummissjoni għandha tiġi trażmessa simultanjament lill-Parlament Ewropew u lill-Kunsill. Fejn, fuq talba tal-Ukrajna jew fuq inizjattiva tagħha stess, il-Kummissjoni tqis li l-prekundizzjoni reġgħet ġiet issodisfata mill-ġdid,, hija għandha tippreżenta lill-Kunsill proposta għal deċiżjoni ta' implimentazzjoni li tneħħi s-sospensjoni tal-pagamenti. Fil-każijiet li għalihom japplika dan il-paragrafu, il-Kunsill għandu , bħala regola, jaġixxi fi żmien xahar minn meta jirċievi l-proposta tal-Kummissjoni.

1.   Ir-riżorsi għall-implimentazzjoni tal-Faċilità għandhom ikunu disponibbli permezz tar-Riżerva għall-Ukrajna li għandha tiġi mobilizzata fil-qafas tal-proċedura baġitarja annwali f'konformità mal-Artikolu 10b tar-Regolament (UE, Euratom) 2020/2093, bid-distribuzzjoni indikattiva li ġejja:

Ir-riżorsi totali magħmula disponibbli skont l-ewwel subparagrafu għandhom ikunu għal ammont sa EUR 17 000 000 000.

L-allokazzjoni tar-riżorsi disponibbli skont l-ewwwl subparagrafu tal-paragrafu 1 ta’ dan l-Artikolu għandha tqis b'mod partikolari l-ħtieġa li tiġi koperta n-nefqa f'konformità mal-Artikolu 23.

2.   L-appoġġ finanzjarju skont il-Kapitolu III fil-forma ta' self għandu jkun disponibbli għal ammont sa EUR 33 000 000 000 għall-perjodu mill-1 ta' Jannar 2024 sal-31 ta' Diċembru 2027.

3.   Is-somma tar-riżorsi magħmula disponibbli skont il-paragrafi 1 u 2 ma għandhiex taqbeż il-EUR 50 000 000 000 għall-perjodu mill-2024 sal-2027.

4.   Jistgħu jiġu pprovduti kontribuzzjonijiet addizzjonali għall-finanzjament tal-appoġġ imsemmi fil-paragrafu 1 ta’ dan l-Artikolu f'konformità mal-Artikolu 7.

5.   Ir-riżorsi msemmija fil-paragrafu 1, l-ewwel subparagrafu, il-punt (d), u l-paragrafu 4 jistgħu jintużaw għal assistenza teknika u amministrattiva għall-implimentazzjoni tal-Faċilità, bħal attivitajiet preparatorji, attivitajiet ta’ monitoraġġ, kontroll, awditjar u evalwazzjoni, li jkunu meħtieġa għall-ġestjoni tal-Faċilità u biex jinkisbu l-objettivi tagħha, b’mod partikolari studji, laqgħat ta’ esperti, konsultazzjonijiet mal-awtoritajiet Ukreni, konferenzi, il-konsultazzjoni mal-partijiet ikkonċernati, attivitajiet ta' informazzjoni u komunikazzjoni, inkluż azzjonijiet ta' sensibilizzazzjoni inklużivi, u l-komunikazzjoni korporattiva tal-prijoritajiet politiċi tal-Unjoni, sa fejn dawn ikunu relatati mal-objettivi ta' dan ir-Regolament, l-ispejjeż marbuta man-netwerks tal-IT li jiffukaw fuq l-ipproċessar u l-iskambju ta' informazzjoni, l-għodod korporattivi tat-teknoloġija tal-informazzjoni, u l-ispejjeż l-oħra kollha ta' assistenza teknika u amministrattiva mġarrba mill-Kummissjoni għall-ġestjoni u l-kostijiet tal-Faċilità fil-kwartieri ġenerali u fid-delegazzjonijiet tal-Unjoni. L-ispejjeż jistgħu jkopru wkoll il-kostijiet ta' attivitajiet oħra ta' appoġġ bħall-kontroll tal-kwalità u l-monitoraġġ ta' proġetti fuq il-post u l-ispejjeż tal-konsulenza bejn il-pari u l-esperti għall-valutazzjoni u l-implimentazzjoni ta' riformi u investimenti.

6.   Ir-riżorsi mhux allokati jew użati għan-nefqa skont l-paragrafu 1, l-ewwel subparagrafu, il-punt (d), ta’ dan l-Artikolu, u skont l-Artikolu 23 għandhom ikunu disponibbli għal nefqa operazzjonali oħra skont il-paragrafu 1 ta’ dan l-Artikolu mingħajr preġudizzju għall-prerogattivi tal-awtorità baġitarja u soġġett għat-tielet subparagrafu tal-paragrafu 1 ta’ dan l-Artikolu.

1.   L-Istati Membri, il-pajjiżi terzi, l-organizzazzjonijiet internazzjonali, l-istituzzjonijiet finanzjarji internazzjonali jew sorsi oħra jistgħu jipprovdu kontribuzzjonijiet finanzjarji addizzjonali lill-Faċilità mingħajr ma jkunu marbuta bid-distribuzzjoni indikattiva msemmija fl-Artikolu 6(1). Tali kontribuzzjonijiet għandhom jikkostitwixxu dħul assenjat estern skont it-tifsira tal-Artikolu 21(2), il-punti (a)(ii), (d) u (e) tar-Regolament (UE, Euratom) 2018/1046.

Ammonti addizzjonali riċevuti bħala dħul assenjat estern skont it-tifsira tal-Artikolu 21(5) tar-Regolament (UE, Euratom) 2018/1046 skont l-atti legali rilevanti tal-Unjoni għandhom jiżdiedu mar-riżorsi msemmija fl-Artikolu 6 ta’ dan ir-Regolament.

2.   Il-kontribuzzjonijiet imsemmija fil-paragrafu 1 ta’ dan l-Artikolu għandhom jiġu implimentati f'konformità mal-istess regoli u kundizzjonijiet bħall-ammont imsemmi fl-Artikolu 6(1).

3.   Il-kontribuzzjonijiet għall-Garanzija għall-Ukrajna u għall-istrumenti finanzjarji skont il-Kapitolu IV għandhom isiru f'konformità mal-Artikolu 29.

1.   Il-Faċilità għandha tiġi implimentata f'konformità mar-Regolament (UE, Euratom) 2018/1046, jew b'ġestjoni diretta jew b'ġestjoni indiretta ma' kwalunkwe waħda mill-entitajiet imsemmija fl-Artikolu 62(1), l-ewwel subparagrafu, il-punt (c), ta’ dak ir-Regolament.

2.   Il-finanzjament tal-Unjoni jista' jiġi pprovdut fi kwalunkwe waħda mill-forom li jinsabu fir-Regolament (UE, Euratom) 2018/1046, b'mod partikolari għotjiet, premjijiet, akkwist, appoġġ baġitarju, strumenti finanzjarji, garanziji baġitarji, operazzjonijiet ta' taħlit u assistenza finanzjarja.

3.   L-istrumenti finanzjarji, il-garanziji baġitarji u l-operazzjonijiet ta' taħlit li jikkombinaw appoġġ minn strumenti finanzjarji jew garanziji baġitarji taħt il-Faċilità għandhom jiġu implimentati f'konformità mal-prinċipji stipulati fit-Titolu X, u b'mod partikolari mal-Artikoli 208 u 209(1), (2) u (4), tar-Regolament (UE, Euratom) 2018/1046. Skont il-kapaċità operazzjonali u finanzjarja meħtieġa, il-kontroparti tal-garanzija baġitarja, jew l-entità fdata li timplimenta l-istrumenti finanzjarji tista' tkun il-Grupp tal-BEI, istituzzjoni finanzjarja Ewropea multilaterali, bħall-BERŻ, jew istituzzjoni finanzjarja Ewropea bilaterali, bħall-banek tal-iżvilupp jew il-Grupp tal-Bank Dinji. Kull meta jkun possibbli, l-istituzzjonijiet finanzjarji multilaterali mhux Ewropej jistgħu jipparteċipaw fil-Faċilità permezz ta' operazzjonijiet konġunti mal-istituzzjonijiet finanzjarji Ewropej. L-implimentazzjoni ta' strumenti finanzjarji, garanziji baġitarji u operazzjonijiet ta' taħlit taħt il-Faċilità tista' tiġi kkomplementata minn forom addizzjonali ta' appoġġ finanzjarju, mill-Istati Membri jew minn partijiet terzi.

1.   Il-Kummissjoni għandha tikkonkludi ftehim qafas mal-Ukrajna (il-“Ftehim Qafas”) għall-implimentazzjoni tal-Faċilità li jistipula arranġamenti speċifiċi għall-ġestjoni, il-kontroll, is-superviżjoni, il-monitoraġġ, l-evalwazzjoni, ir-rappurtar u l-awditjar tal-fondi taħt il-Faċilità, inkluż l-evitar ta' finanzjament doppju, kif ukoll għall-prevenzjoni, l-identifikazzjoni, l-investigazzjoni u l-korrezzjoni ta' irregolaritajiet, frodi, korruzzjoni jew kwalunkwe attività illegali oħra li taffettwa l-interessi finanzjarji tal-Unjoni u l-kunflitti ta' interess, inkluż l-investigazzjoni u l-prosekuzzjoni effettivi ta' reati li jaffettwaw il-fondi pprovduti taħt il-Faċilità. Il-Ftehim Qafas għandu jiġi kkomplementat minn ftehimiet ta' finanzjament imsemmija skont mal-Artikolu 10 u ftehim ta' self imsemmi fl-Artikolu 22, li jistabbilixxu dispożizzjonijiet speċifiċi għall-ġestjoni u l-implimentazzjoni tal-finanzjament taħt il-Faċilità. Il-Ftehim Qafas, inkluż kwalunkwe dokumentazzjoni relatata, għandu jsir disponibbli, fuq talba, lill-Parlament Ewropew u lill-Kunsill simultanjament u mingħajr dewmien.

2.   Bl-eċċezzjoni tal-finanzjament tranżitorju msemmi fl-Artikolu 25, il-finanzjament għandu jingħata biss lill-Ukrajna wara li l-Ftehim Qafas u l-ftehimiet ta' finanzjament u self applikabbli jkunu daħlu fis-seħħ.

3.   Il-Ftehim Qafas, il-ftehimiet ta' finanzjament u l-ftehim ta' self konklużi mal-Ukrajna, meħuda globalment, u l-kuntratti u l-ftehimiet iffirmati ma' persuna jew entitajiet li jirċievu fondi tal-Unjoni, għandhom jiżguraw li l-obbligi stipulati fl-Artikolu 129 tar-Regolament (UE, Euratom) 2018/1046 huma ssodisfati.

4.   Il-Ftehim Qafas għandu jiżgura l-impenn tal-Ukrajna li tikseb livell għoli ta' protezzjoni tal-interessi finanzjarji tal-Unjoni u għandu jistipula, dispożizzjonijiet dettaljati dwar, b'mod partikolari:

1.   Għandhom jiġu konklużi ftehimiet ta' finanzjament għall-Kapitoli III u V. Dawn għandhom jistipulaw ir-responsabbiltajiet u l-obbligi tal-Ukrajna fl-implimentazzjoni tal-fondi tal-Unjoni, inkluż l-obbligi stipulati fl-Artikolu 129 tar-Regolament (UE, Euratom) 2018/1046. Għandhom jistipulaw ukoll il-kundizzjonijiet għall-pagament tal-appoġġ finanzjarju mhux ripagabbli, inkluż fir-rigward tal-implimentazzjoni tal-Ftehim Qafas, inkluż is-sistemi ta' kontroll intern kif imsemmi fl-Artikolu 9(4), il-punti (a) u (c). Il-ftehimiet ta' finanzjament għandhom jistipulaw ukoll id-drittijiet u l-obbligi tal-Unjoni. Huma għandhom isiru disponibbli simultanjament, fuq talba, lill-Parlament Ewropew u lill-Kunsill.

2.   Il-ftehimiet ta' finanzjament għandhom jinkludu regoli dwar ir-rappurtar lill-Kummissjoni dwar kif jitwettqu l-attivitajiet, u dwar jekk il-kundizzjonijiet imsemmija fl-Artikolu 16(2) ikunux issodisfati.

1.   Il-parteċipazzjoni fi proċeduri ta' akkwist u ta' għotjiet u ta' għoti ta' premjijiet għal azzjonijiet iffinanzjati taħt il-Faċilità għandha tkun miftuħa għal organizzazzjonijiet internazzjonali u reġjonali u għall-persuni fiżiċi l-oħra kollha li huma nazzjonali ta', jew persuni ġuridiċi li huma effettivament stabbiliti fi:

2.   L-aċċess reċiproku msemmi fil-paragrafu 1, il-punt (b), jista' jingħata, għal perjodu limitat ta' mhux inqas minn sena, kull meta pajjiż jagħti eliġibbiltà fuq termini ugwali lil entitajiet mill-Unjoni u minn pajjiżi eliġibbli taħt il-Faċilità.

Il-Kummissjoni għandha tiddeċiedi permezz ta' atti ta' implimentazzjoni dwar l-aċċess reċiproku wara li tikkonsulta lill-Ukrajna. Dawk l-atti ta' implimentazzjoni għandhom jiġu adottati f'konformità mal-proċedura ta' eżami msemmija fl-Artikolu 42.

3.   Il-provvisti u l-materjali kollha ffinanzjati u akkwistati taħt il-Faċilità għandhom joriġinaw minn kwalunkwe pajjiż imsemmi fil-paragrafu 1, il-punti (a) u (b), sakemm dawk il-provvisti u l-materjali ma jkunux jistgħu jinkisbu b'kundizzjonijiet raġonevoli fi kwalunkwe wieħed minn dawk il-pajjiżi. Barra minn hekk, japplikaw ir-regoli dwar ir-restrizzjonijiet fil-paragrafu 7. Il-Kummissjoni għandha tinkludi informazzjoni dwar l-implimentazzjoni ta’ dan il-paragrafu fir-rapport annwali msemmi fl-Artikolu 39(4).

4.   Ir-regoli ta' eliġibbiltà stabbiliti f’dan l-Artikolu ma għandhomx japplikaw għal persuni fiżiċi impjegati jew ikkuntrattati legalment b'xi mod ieħor minn kuntrattur eliġibbli jew, fejn applikabbli, sottokuntrattur, u ma għandhomx joħolqu restrizzjonijiet ta' nazzjonalità għalihom, ħlief fejn ir-restrizzjonijiet ta' nazzjonalità huma bbażati fuq ir-regoli previsti fil-paragrafu 7.

5.   Għal attivitajiet kofinanzjati b'mod konġunt minn entità jew implimentati b'ġestjoni diretta jew indiretta ma' entitajiet imsemmija fl-Artikolu 62(1), l-ewwel subparagrafu, il-punt (c), tar-Regolament (UE, Euratom) 2018/1046 jew għal attivitajiet implimentati minn entitajiet Ukreni skont il-Kapitolu III ta' dan ir-Regolament, ir-regoli ta' eliġibbiltà ta' dawk l-entitajiet jew tal-Ukrajna għandhom japplikaw ukoll flimkien mar-regoli stabbiliti skont dan l-Artikolu, inkluż, fejn applikabbli, ir-restrizzjonijiet previsti fil-paragrafu 7 ta' dan l-Artikolu u riflessi kif xieraq fil-ftehimiet ta' finanzjament u fid-dokumenti kuntrattwali ffirmati ma' dawk l-entitajiet.

6.   Fejn jiġu pprovduti kontribuzzjonijiet addizzjonali f'konformità mal-Artikolu 7 permezz ta' dħul assenjat estern, ir-regoli ta' eliġibbiltà fil-ftehim mal-persuna li tipprovdi l-kontribuzzjoni addizzjonali għandhom japplikaw bir-regoli dwar ir-restrizzjonijiet previsti fil-paragrafu 7 ta' dan l-Artikolu.

7.   Ir-regoli ta' eliġibbiltà u r-regoli dwar l-oriġini tal-provvisti u l-materjali kif stabbilit fil-paragrafi 1 u 3 u r-regoli dwar in-nazzjonalità tal-persuni fiżiċi kif stabbilit fil-paragrafu 4 jistgħu jiġu ristretti fir-rigward tan-nazzjonalità, il-post ġeografiku jew in-natura tal-entitajiet ġuridiċi li jipparteċipaw fil-proċeduri ta' akkwist kif ukoll fir-rigward tal-oriġini ġeografika tal-provvisti u l-materjali, fil-każijiet li ġejjin:

8.   Applikanti u kandidati għall-offerti minn pajjiżi mhux eliġibbli jistgħu jiġu aċċettati bħala eliġibbli f'każijiet ta' urġenza jew in-nuqqas ta' disponibbiltà ta' servizzi fis-swieq tal-pajjiżi jew it-territorji kkonċernati, jew f'każijiet debitament sostanzjati oħra fejn l-applikazzjoni tar-regoli ta' eliġibbiltà tirrendi t-twettiq ta' attività impossibbli jew eċċessivament diffiċli.

1.   B'deroga mill-Artikolu 12(4) tar-Regolament (UE, Euratom) 2018/1046, l-approprjazzjonijiet ta' impenn u ta' pagament li ma jintużawx taħt il-Faċilità għandhom jiġu riportati b'mod awtomatiku u jistgħu jiġu impenjati u użati, rispettivament, sal-31 ta' Diċembru tas-sena finanzjarja ta' wara. L-ammont riportat għandu jintuża l-ewwel fis-sena finanzjarja ta' wara.

2.   Il-Kummissjoni għandha tippreżenta lill-Parlament Ewropew u lill-Kunsill informazzjoni dwar l-approprjazzjonijiet ta' impenn riportati, inkluż l-ammonti involuti f'konformità mal-Artikolu 12(6) tar-Regolament (UE, Euratom) 2018/1046.

3.   B'deroga mill-Artikolu 15 tar-Regolament (UE, Euratom) 2018/1046, l-approprjazzjonijiet ta' impenn li jikkorrispondu għall-ammont ta' diżimpenji magħmula b'riżultat tan-nuqqas ta' implimentazzjoni totali jew parzjali ta' attività taħt il-Faċilità, għandhom jerġgħu jsiru disponibbli għall-benefiċċju tal-linja baġitarja tal-oriġini.

4.   B'deroga mill-ewwel, it-tieni u r-raba' subparagrafi tal-Artikolu 209(3) tar-Regolament (UE, Euratom) 2018/1046, kwalunkwe dħul u ripagamenti minn strumenti finanzjarji stabbiliti skont dan ir-Regolament għandhom jikkostitwixxu dħul assenjat intern skont it-tifsira tal-Artikolu 21(5) tar-Regolament (UE, Euratom) 2018/1046, lill-Faċilità jew il-programm suċċessur tagħha.

5.   B'deroga mill-Artikolu 213(4), il-punt (a), tar-Regolament (UE, Euratom) 2018/1046, kwalunkwe surplus tad-dispożizzjonijiet għall-Garanzija għall-Ukrajna għandu jikkostitwixxi dħul assenjat intern skont it-tifsira tal-Artikolu 21(5) ta’ dak ir-Regolament għall-Faċilità jew għall-programm suċċessur tagħha.

6.   L-impenji baġitarji għall-attivitajiet li jkunu ta' aktar minn sena finanzjarja waħda jistgħu jinqasmu fuq diversi snin f'pagamenti akkont annwali, f'konformità mal-Artikolu 112(2) tar-Regolament (UE, Euratom) 2018/1046.

It-tielet subparagrafu tal-Artikolu 114(2) tar-Regolament (UE, Euratom) 2018/1046 ma għandux japplika għall-attivitajiet imsemmija fl-ewwel subparagrafu ta' dan il-paragrafu.

1.   F'ċirkostanzi eċċezzjonali debitament ġustifikati, b'mod partikolari fejn deterjorament sinifikanti tal-gwerra jagħmilha impossibbli għall-Ukrajna li tissodisfa l-kundizzjonijiet marbuta mal-forom ta' appoġġ skont dan ir-Regolament, il-Faċilità tista' tipprovdi finanzjament eċċezzjonali lill-Ukrajna sabiex iżżomm l-istabbiltà makrofinanzjarja tagħha u trawwem il-kisba tal-objettivi stabbiliti fl-Artikolu 3. Tali finanzjament eċċezzjonali għandu jingħata għal perjodi individwali sa massimu ta' tliet xhur u għandu jieqaf hekk kif jerġa' jsir possibbli li l-kundizzjonijiet jiġu ssodisfati. Il-finanzjament skont dan l-Artikolu jista' jingħata flimkien mal-finanzjament tranżitorju eċċezzjonali mogħti skont l-Artikolu 25 u matul l-istess perjodu.

2.   Għall-fini tal-paragrafu 1, meta l-Kummissjoni ssib li huwa impossibbli li l-Ukrajna tissodisfa l-kundizzjonijiet marbuta mal-appoġġ ipprovdut skont dan ir-Regolament minħabba tali ċirkostanzi eċċezzjonali debitament ġustifikati, hija tista' tippreżenta lill-Kunsill proposta għal deċiżjoni ta' implimentazzjoni li tipprovdi għal finanzjament eċċezzjonali lill-Ukrajna taħt il-Faċilità. Bħala regola, il-Kunsill għandu jaġixxi fi żmien xahar minn meta jirċievi l-proposta tal-Kummissjoni.

3.   Il-finanzjament eċċezzjonali għandu jkun soġġett għall-prekundizzjoni stabbilita fl-Artikolu 5(1) u għandu jkun iffinanzjat mir-riżorsi msemmija fl-Artikolu 6(1), l-ewwel subparagrafu, il-punt (a), u (2).

4.   Id-deċiżjoni ta' implimentazzjoni msemmija fil-paragrafu 2 għandha tistipula r-regoli tal-awditjar, il-kontroll, il-monitoraġġ u r-rappurtar, kif ukoll il-kundizzjonijiet u l-modalitajiet għall-finanzjament eċċezzjonali.

1.   Sabiex tirċievi appoġġ taħt il-Faċilità, l-Ukrajna għandha tħejji u tippreżenta lill-Kummissjoni Pjan għall-Ukrajna (il-“Pjan għall-Ukrajna”).

2.   Il-pjan għall-Ukrajna għandu jitħejja mill-Gvern Ukren bl-involviment debitu tal-Verkhovna Rada f'konformità mal-ordni kostituzzjonali tal-Ukrajna. L-Ukrajna għandha tagħmel ħilitha biex tippreżenta l-Pjan għall-Ukrajna lill-Kummissjoni sat-2 ta’ Mejju 2024. L-Ukrajna tista' tippreżenta abbozz ta' Pjan għall-Ukrajna lill-Kummissjoni. Il-Kummissjoni għandha tikkondividi dak l-abbozz simultanjament mal-Parlament Ewropew u l-Kunsill.

3.   Fit-tħejjija tal-Pjan għall-Ukrajna f'konformità mal-Artikolu 17, l-Ukrajna għandha tqis b'mod partikolari s-sitwazzjoni fiż-żoni reġjonali, lokali u urbani tagħha, filwaqt li tqis il-ħtiġijiet speċifiċi tagħhom għall-irkupru u r-rikostruzzjoni, ir-riforma, il-modernizzazzjoni u d-deċentralizzazzjoni.

4.   It-tħejjija u l-implimentazzjoni tal-Pjan għall-Ukrajna għandhom isiru f'konsultazzjoni mal-awtoritajiet reġjonali, lokali, urbani u awtoritajiet pubbliċi oħra, kif ukoll ma' sħab soċjali u organizzazzjonijiet tas-soċjetà ċivili, f'konformità mal-prinċipju tal-governanza f'diversi livelli, u filwaqt li jitqies approċċ minn isfel għal fuq. Barra minn hekk, f'konformità mal-qafas legali nazzjonali tagħha, l-Ukrajna għandha tiżgura li l-Verkhovna Rada taqdi r-rwol tagħha fl-implimentazzjoni tal-Pjan għall-Ukrajna b'mod debitament infurmat, f'konformità mal-prerogattivi tagħha, inkluża l-awtorità tagħha li tilleġiżla, tapprova l-baġit tal-istat u tissorvelja l-eżekuzzjoni tiegħu, u tissorvelja l-fergħa eżekuttiva.

1.   Il-Pjan għall-Ukrajna għandu jipprevedi qafas ġenerali biex jinkisbu l-objettivi stipulati fl-Artikolu 3.

2.   Il-Pjan għall-Ukrajna għandu jikkostitwixxi l-bażi għall-appoġġ ipprovdut skont il-Pilastru I tal-Faċilità kif stipulat fl-Artikolu 1(2), il-punt (a), u kif imsemmi f'dan il-Kapitolu. L-appoġġ ipprovdut skont il-Pilastri II u III tal-Faċilità għandu jkun koerenti u jevita duplikazzjonijiet mal-appoġġ ipprovdut taħt il-Pilastu I kopert mill-Pjan għall-Ukrajna, u b'mod partikolari għandhom ikunu iggwidati mill-prinċipji li stipulat fl-Artikolu 16.

1.   Il-Pjan għall-Ukrajna għandu jistabbilixxi l-aġenda ta' riforma u ta' investiment tal-Ukrajna, integrata f'qafas ta' politika ekonomika u fiskali, biex jinkisbu l-objettivi ġenerali u speċifiċi stabbiliti fl-Artikolu 3. Il-Pjan għall-Ukrajna għandu jinkludi miżuri għall-implimentazzjoni tar-riformi u tal-investiment pubbliku permezz ta' pakkett komprensiv u koerenti, li jista' jinkludi wkoll skemi pubbliċi li għandhom l-għan li jinċentivaw l-investimenti privati. Il-Pjan għall-Ukrajna għandu jidentifika l-passi kwalitattivi u kwantitattivi kif imsemmi fil-paragrafu 2 ta’ dan l-Artikolu, li fil-każ ta’ riformi u investimenti jenħtieġ li jkunu jistgħu jitkejlu.

2.   Il-Faċilità għandha tipprovdi finanzjament skont dan il-Kapitolu malli jiġu ssodisfati b'mod adegwat l-prekundizzjoni stipulata fl-Artikolu 5(1) kif ukoll il-kundizzjonijiet stabbiliti fil- Pjan għall-Ukrajna, fil-forma ta' passi kwalitattivi jew kwantitattivi. Tali kundizzjonijiet għandhom jirriflettu l-objettivi differenti tal-Faċilità, kif stabbilit fl-Artikolu 3, u għandhom jinkludu kundizzjonijiet relatati mar-rekwiżiti essenzjali, bħaż-żamma tal-istabbiltà ekonomika u finanzjarja, is-sorveljanza tal-baġit u l-ġestjoni finanzjarja pubblika, u l-kundizzjonijiet relatati mal-implimentazzjoni tar-riformi u l-investimenti stipulati fil-Pjan għall-Ukrajna.

3.   Il-kundizzjonijiet imsemmija fil-paragrafu 2 ta’ dan l-Artikolu għandhom jirriflettu l-ammonti msemmija fl-Artikolu 6(1), l-ewwel subparagrafu, il-punt (a), u (2) u l-kontribuzzjonijiet rilevanti skont il-paragrafu 4 ta' dak l-Artikolu.

4.   Ammont ekwivalenti għal mill-inqas 20 % tal-appoġġ finanzjarju mhux ripagabbli msemmi fl-Artikolu 6(1), l-ewwel subparagrafu, il-punt (a), għandu jiġi allokat għall-ħtiġijiet ta' rkupru, rikostruzzjoni u modernizzazzjoni tal-awtoritajiet sottonazzjonali tal-Ukrajna, b'mod partikolari l-awtonomija lokali, f'konformità mal-Artikolu 17.

5.   B'mod eċċezzjonali, il-miżuri li bdew mill-1 ta' Jannar 2023 'il quddiem għandhom ikunu eliġibbli dment li jikkonformaw mar-rekwiżiti stabbiliti f'dan ir-Regolament. Dawk il-miżuri għandhom ikunu debitament ġustifikati u dokumentati kif xieraq.

6.   Il-Pjan għall-Ukrajna għandu jikkontribwixxi għal u jkun konsistenti mal-prijoritajiet ta' riforma rilevanti identifikati fil-kuntest tal-perkors ta' adeżjoni tal-Ukrajna, kif deskritt fl-Opinjoni tal-Kummissjoni dwar l-applikazzjoni tal-Ukrajna għas-sħubija fl-Unjoni (l-“Opinjoni tal-Kummissjoni”) u r-Rapport Analitiku wara dik l-opinjoni (l-“Rapport Analitiku”), fir-rapport regolari tal-Kummissjoni dwar it-tkabbir u l-konklużjonijiet tal-Kunsill sussegwenti, kif ukoll fil-Ftehim ta' Assoċjazzjoni inkluż Żona ta' Kummerċ Ħieles Approfondit u Komprensiv. Għandu wkoll jikkontribwixxi għal u jkun konsistenti mal-kontribut determinat fil-livell nazzjonali tal-Ukrajna skont il-Ftehim ta' Pariġi, mal-impenji tal-Ukrajna skont il-Konvenzjoni tan-Nazzjonijiet Uniti dwar id-Diversità Bijoloġika u, jekk disponibbli, il-Pjan Nazzjonali għall-Enerġija u l-Klima tal-Ukrajna.

7.   Il-Pjan għall-Ukrajna għandu jirrispetta l-prinċipji ġenerali stipulati fl-Artikolu 4.

1.   Il-Pjan għall-Ukrajna għandu b'mod partikolari jistipula l-elementi li ġejjin, li għandhom ikunu debitament motivati u sostanzjati:

2.   Il-Pjan għall-Ukrajna għandu jkun ibbażat fuq ir-riżultati u l-impatt u għandu jinkludi indikaturi li jistgħu jitkejlu, bħall-indikaturi ewlenin tal-prestazzjoni, fejn applikabbli, għall-valutazzjoni tal-progress biex jinkisbu l-objettivi ġenerali u speċifiċi msemmija fl-Artikolu 3.

1.   Il-Kummissjoni għandha tivvaluta r-rilevanza, il-komprensività u l-adegwatezza tal-Pjan għall-Ukrajna jew, fejn applikabbli, l-emenda għal dak il-Pjan għall-Ukrajna msemmi fl-Artikolu 20, mingħajr dewmien żejjed, u għandu jippreżenta proposta għal deċiżjoni ta' implimentazzjoni tal-Kunsill f'konformità mal-Artikolu 19(1). Meta twettaq din il-valutazzjoni, il-Kummissjoni għandha taġixxi f'kooperazzjoni mill-qrib mal-Ukrajna, u mas-sħab internazzjonali li jikkontribwixxu għall-implimentazzjoni tiegħu. Il-Kummissjoni tista' tagħmel osservazzjonijiet, tfittex informazzjoni addizzjonali jew titlob li l-Ukrajna timmodifika l-abbozz ta’ Pjan għall-Ukrajna msemmi fl-Artikolu 14(2).

2.   Meta tivvaluta l-Pjan għall-Ukrajna, u fid-determinazzjoni tal-ammont li jrid jiġi allokat lill-Ukrajna, il-Kummissjoni għandha tqis l-informazzjoni analitika rilevanti disponibbli dwar l-Ukrajna, inkluż is-sitwazzjoni makroekonomika u s-sostenibbiltà tad-dejn tagħha, il-ġustifikazzjoni u l-elementi pprovduti mill-Ukrajna skont l-Artikolu 17(1), kif ukoll kwalunkwe informazzjoni rilevanti oħra bħal, b'mod partikolari, l-informazzjoni elenkata fl-Artikolu 16(6).

3.   Fil-valutazzjoni tagħha, il-Kummissjoni għandha tqis il-kriterji li ġejjin:

4.   Għall-fini tal-valutazzjoni tal-Pjan għall-Ukrajna ppreżentat mill-Ukrajna, il-Kummissjoni tista' tiġi assistita minn esperti.

1.   Fil-każ ta' valutazzjoni pożittiva, il-Kunsill għandu, fuq proposta tal-Kummissjoni, japprova permezz ta' deċiżjoni ta' implimentazzjoni l-valutazzjoni tal-Pjan għall-Ukrajna ppreżentat mill-Ukrajna f'konformità mal-Artikolu 14(2) jew, fejn applikabbli, tal-emenda tiegħu ppreżentata f'konformità mal-Artikolu 20(1) jew (2). Bħala regola, il-Kunsill għandu jaġixxi fi żmien xahar minn meta jirċievi l-proposta tal-Kummissjoni. Il-Kunsill, li jaġixxi b'maġġoranza kwalifikata, jista' jemenda l-proposta tal-Kummissjoni u jadotta l-proposta emendata permezz ta' deċiżjoni ta' implimentazzjoni.

2.   Il-proposta tal-Kummissjoni għal deċiżjoni ta' implimentazzjoni tal-Kunsill għandha tistabbilixxi, għall-parti li trid tiġi ffinanzjata mill-Faċilità:

1.   Fejn il-Pjan għall-Ukrajna, inkluż il-passi kwalitattivi u kwantitattivi rilevanti, ma jkunx għadu jista' jinkiseb mill-Ukrajna, parzjalment jew totalment, minħabba ċirkostanzi oġġettivi, l-awtoritajiet Ukreni, wara li kkonsultaw il-Verkhovna Rada, kull meta rilevanti, jistgħu jipproponu emendi għall-Pjan għall-Ukrajna.

2.   Il-Kummissjoni tista', bi qbil mal-Ukrajna, tippreżenta proposta biex temenda d-deċiżjoni ta' implimentazzjoni tal-Kunsill imsemmija fl-Artikolu 19(1), b'mod partikolari biex tqis bidliet fiċ-ċirkostanzi li jippermettu żieda fl-ambizzjoni jew bidla fl-ammonti disponibbli, b'mod partikolari minħabba kontribuzzjonijiet addizzjonali mill-Istati Membri jew minn sorsi oħra kif imsemmi fl-Artikolu 6(4). Il-Kunsill jista' jitlob il-Kummissjoni tivvaluta jekk il-kundizzjonijiet stipulati f'dan il-paragrafu humiex issodisfati u biex tippreżenta, fejn xieraq, il-proposta rilevanti.

3.   Meta l-Kummissjoni tqis li r-raġunijiet imressqa mill-Ukrajna jiġġustifikaw li jiġi emendat il-Pjan għall-Ukrajna, il-Kummissjoni għandha tivvaluta l-Pjan għall-Ukrajna emendat f'konformità mal-Artikolu 18 u għandha tippreżenta proposta għal emenda tad-deċiżjoni ta' implimentazzjoni tal-Kunsill imsemmija fl-Artikolu 19(1) mingħajr dewmien żejjed. Bħala regola, il-Kunsill għandu jaġixxi fi żmien xahar minn meta jirċievi l-proposta tal-Kummissjoni. Il-Kunsill, li jaġixxi b'maġġoranza kwalifikata, jista' jemenda l-proposta tal-Kummissjoni u jadotta l-proposta emendata permezz ta' deċiżjoni ta' implimentazzjoni.

1.   Il-Kummissjoni għandha tistabbilixxi tabella ta' valutazzjoni għall-Pjan għall-Ukrajna (it-"Tabella ta' Valutazzjoni") li għandha turi l-progress li jkun sar fl-implimentazzjoni tal-Pjan għall-Ukrajna.

2.   Il-Kummissjoni għandha tingħata s-setgħa li tadotta att delegat skont l-Artikolu 41 biex tissupplimenta dan ir-Regolament billi tistabbilixxi l-elementi dettaljati tat-Tabella ta' Valutazzjoni bil-ħsieb li turi l-progress fl-implimentazzjoni tal-Pjan għall-Ukrajna kif imsemmi fil-paragrafu 1 ta’ dan l-Artikolu.

3.   It-Tabella ta' Valutazzjoni għandha tkun operazzjonali sal-1 ta’ Jannar 2025 u għandha tiġi aġġornata mill-Kummissjoni darbtejn fis-sena. It-Tabella ta' Valutazzjoni għandha tkun disponibbli għall-pubbliku online.

1.   Sabiex tiffinanzja l-appoġġ taħt il-Faċilità fil-forma ta' self, il-Kummissjoni għandha tingħata s-setgħa, f'isem l-Unjoni, li tissellef il-fondi meħtieġa mis-swieq kapitali jew minn istituzzjonijiet finanzjarji f'konformità mal-Artikolu 220a tar-Regolament (UE, Euratom) 2018/1046.

2.   Mal-adozzjoni tad-deċiżjoni ta' implimentazzjoni tal-Kunsill imsemmija fl-Artikolu 19(1), il-Kummissjoni għandha tidħol fi ftehim ta' self mal-Ukrajna fir-rigward tal-ammont imsemmi fl-Artikolu 6(2). Il-ftehim ta' self għandu jistipula l-perjodu ta' disponibbiltà u t-termini dettaljati tal-appoġġ taħt il-Faċilità fil-forma ta' self, inkluż fir-rigward tas-sistemi ta' kontroll intern kif imsemmi fl-Artikolu 9(4), il-punti (a) u (c). Is-self għandu jkollu durata massima ta' 35 sena. Minbarra l-elementi stipulati fl-Artikolu 220(5) tar-Regolament (UE, Euratom) 2018/1046, il-ftehim ta' self għandu jkun fih l-ammont ta' prefinanzjament u r-regoli dwar l-ikklerjar tal-prefinanzjament.

3.   B'deroga mill-Artikolu 31(3), tar-Regolament (UE) 2021/947, l-assistenza finanzjarja pprovduta lill-Ukrajna fil-forma ta' self taħt il-Faċilità ma għandhiex tiġi appoġġata mill-Garanzija għall-Azzjoni Esterna.

4.   L-ebda proviżjonament għas-self skont dan ir-Regolament ma għandu jkun kostitwit u, b'deroga mill-Artikolu 211(1) tar-Regolament (UE, Euratom) 2018/1046, ma għandha tiġi stabbilita l-ebda rata ta' proviżjonament bħala perċentwal tal-ammont imsemmi fl-Artikolu 6(2) ta' dan ir-Regolament.

5.   Il-ftehim ta' self għandu jsir disponibbli simultanjament, fuq talba, lill-Parlament Ewropew u lill-Kunsill.

1.   B'deroga mill-Artikolu 220(5) tar-Regolament (UE, Euratom) 2018/1046 u soġġett għar-riżorsi disponibbli, il-Faċilità tista' ġġarrab il-kost tal-finanzjament, il-kost tal-ġestjoni tal-likwidità, u l-kost tas-servizz għall-kostijiet ġenerali amministrattivi relatati mal-għoti u t-teħid b'self ("is-sussidju għall-kostijiet tat-teħid b'self"), ħlief għall-kostijiet relatati mar-ripagament bikri tas-self. Għall-perjodu mill-1 ta' Jannar 2024 sal-31 ta' Diċembru 2027, is-sussidju għall-kostijiet tat-teħid b'self għandu jkun kopert skont il-Kapitolu V.

2.   L-Ukrajna tista' titlob s-sussidju għall-kostijiet tat-teħid b'self imsemmi fil-paragrafu 1 kull sena. Il-Kummissjoni tista' tagħti sussidju għall-kostijiet tat-teħid b'self għal ammont li ma jaqbiżx il-limiti tal-approprjazzjonijiet disponibbli fil-baġit annwali.

1.   Soġġett għall-adozzjoni mill-Kunsill tad-deċiżjoni ta' implimentazzjoni msemmija fl-Artikolu 19(1), l-Ukrajna tista' titlob, bħala parti mill-Pjan għall-Ukrajna, pagament ta' prefinanzjament ta' ammont sa 7 % tal-appoġġ fil-forma ta' self ipprovdut skont il-Kapitolu III.

2.   Il-Kummissjoni tista' tagħmel il-pagament ta' prefinanzjament wara l-approvazzjoni tal-Pjan għall-Ukrajna imsemmi fl-Artikolu 19 u d-dħul fis-seħħ tal-ftehim ta' self imsemmi fl-Artikolu 22. Il-pagamenti għandhom ikunu soġġetti għall-finanzjament disponibbli fis-swieq kapitali msemmija fl-Artikolu 22(1) u għar-rispett tal-prekundizzjoni stipulata fl-Artikolu 5(1).

3.   Il-Kummissjoni għandha tiddeċiedi dwar il-perjodu ta' żmien għall-iżborż tal-prefinanzjament, li jista' jiġi żborżat f'segment wieħed jew aktar.

1.   Mingħajr preġudizzju għall-Artikolu 24, jekk il-Ftehim Qafas ma jiġix iffirmat jew il-Pjan għall-Ukrajna ma jiġix adottat sat-2 ta’ Marzu 2024, il-Kummissjoni tista' jiddeċiedi jipprovdi appoġġ limitat u eċċezzjonali lill-Ukrajna fil-forma ta' self għal perjodu sa sitt xhur li jibda mill-1 ta' Jannar 2024, soġġett għal progress sodisfaċenti fit-tħejjija tal-Pjan għall-Ukrajna, sabiex jingħata appoġġ lill-istabbiltà makrofinanzjarja tal-pajjiż, soġġett għal kundizzjonijiet li jridu jiġu maqbula f'Memorandum ta' Ftehim (MtQ) bejn il-Kummissjoni u l-Ukrajna, għar-rispett tal-prekundizzjoni stabbilita fl-Artikolu 5(1), għall-konformità mal-Artikolu 6 u għall-finanzjament disponibbli.

2.   Il-MtQ għandu b'mod partikolari jistabbilixxi kundizzjonijiet ta' politika, ippjanar finanzjarju indikattiv u r-rekwiżiti ta' rappurtar, proporzjonati għat-tul ta' żmien tal-finanzjament. Il-kundizzjonijiet ta' politika għandhom jinkludu impenn għall-prinċipji ta' ġestjoni finanzjarja tajba b'enfasi fuq il-ġlieda kontra l-korruzzjoni, u kontra l-ħasil tal-flus, kif ukoll miżuri biex tittejjeb il-ġestjoni tad-dħul.

Il-MtQ għandu jiġi adottat u emendat permezz ta’ atti ta’ implimentazzjoni. Dawk l-atti ta’ implimentazzjoni għandhom jiġu adottati f'konformità mal-proċedura ta' eżami msemmija fl-Artikolu 42.

3.   L-ammont tal-appoġġ imsemmi fil-paragrafu 1 ma għandux jaqbeż l-EUR 1 500 000 000 kull xahar. Il-Kummissjoni għandha tidħol fi ftehim ta' self mal-Ukrajna, li għandu jikkonforma kif xieraq mal-Artikoli 22 u 23.

1.   Il-pagamenti tal-appoġġ finanzjarju mhux ripagabbli u tas-self lill-Ukrajna skont dan l-Artikolu għandhom isiru f'konformità mal-approprjazzjonijiet tal-baġit u soġġetti għall-finanzjament disponibbli. Il-pagamenti għandhom isiru f'pagamenti parzjali. Pagament parzjali jista' jiġi żborżat f'parti waħda jew iktar.

2.   Kull tliet xhur, l-Ukrajna għandha tippreżenta talba debitament ġustifikata għall-pagament tal-appoġġ finanzjarju mhux ripagabbli u tal-appoġġ tas-self, bil-ħsieb li l-Kummissjoni tħallas dak l-appoġġ finanzjarju mhux ripagabbli u l-appoġġ għal self, abbażi tal-valutazzjoni deskritta fil-paragrafu 3.

3.   Il-Kummissjoni għandha tivvaluta mingħajr dewmien żejjed jekk l-Ukrajna tkunx issodisfat il-prekundizzjoni stabbilita fl-Artikolu 5(1) u jekk tkunx kisbet b'mod sodisfaċenti l-passi kwalitattivi u kwantitattivi stipulati fid-deċiżjoni ta' implimentazzjoni tal-Kunsill imsemmija fl-Artikolu 19(1). It-twettiq sodisfaċenti tal-passi kwalitattivi u kwantitattivi għandu jippresupponi li l-miżuri relatati mal-passi li għalihom l-Ukrajna tkun laħqet livell sodisfaċenti ma jkunux treġġgħu lura mill-Ukrajna. Il-Kummissjoni tista' tkun assistita minn esperti fit-twettiq tal-valutazzjoni tagħha.

4.   Meta l-Kummissjoni tagħmel valutazzjoni pożittiva tat-twettiq sodisfaċenti tal-passi kwalitattivi u kwantitattivi, hija għandha tippreżenta lill-Kunsill mingħajr dewmien żejjed proposta għal deċiżjoni ta' implimentazzjoni tal-Kunsill li tistabbilixxi l-issodisfar adegwat tal-kundizzjonijiet għall-pagamenti msemmija fil-paragrafu 3. Bħala regola, il-Kunsill għandu jaġixxi fi żmien tliet ġimgħat minn meta jirċievi dik il-proposta. Il-Kunsill, li jaġixxi b'maġġoranza kwalifikata, jista' jemenda l-proposta tal-Kummissjoni u jadotta l-proposta emendata permezz ta' deċiżjoni ta' implimentazzjoni. Abbażi tad-deċiżjoni ta' implimentazzjoni tal-Kunsill, il-Kummissjoni għandha tadotta deċiżjoni li tawtorizza l-iżborż tal-parti tal-appoġġ finanzjarju mhux ripagabbli u tas-self li jikkorrispondi għal tali passi.

5.   Meta l-Kummissjoni tagħmel valutazzjoni negattiva tat-twettiq tal-passi kwalitattivi u kwantitattivi skont l-iskeda ta' żmien indikattiva, hija għandha tinforma lill-Kunsill u lill-Parlament mingħajr dewmien żejjed u l-pagament tal-appoġġ finanzjarju mhux ripagabbli u tas-self li jikkorrispondi għal tali passi għandu jinżamm lura. Il-pagament miżmum lura għandu jiġi żborżat, f'konformità mal-paragrafu 4, biss meta l-Ukrajna tkun debitament iġġustifikat, bħala parti minn talba għal pagament sussegwenti, li tkun ħadet il-miżuri meħtieġa biex tiżgura l-issodisfar sodisfaċenti tal-passi kwalitattivi u kwantitattivi. Il-Kummissjoni għandha tiżviluppa metodoloġija għat-trattament tal-issodisfar parzjali tal-passi bħala gwida.

6.   Fejn il-Kummissjoni tqis li l-Ukrajna ma tkunx ħadet il-miżuri meħtieġa fi żmien 12-il xahar mill-valutazzjoni negattiva inizjali msemmija fil-paragrafu 5, il-Kummissjoni għandha tinnotifika lill-Ukrajna b'dan. L-Ukrajna tista' tippreżenta l-osservazzjonijiet tagħha fi żmien xahrejn mill-komunikazzjoni tan-notifikazzjoni tal-Kummissjoni. Meta l-Kummissjoni tikkonkludi li l-Ukrajna ma tkunx ħadet il-miżuri meħtieġa, hija għandha tippreżenta proposta għal deċiżjoni ta' implimentazzjoni tal-Kunsill fejn tnaqqas l-ammont tal-appoġġ finanzjarju mhux ripagabbli u tas-self b'mod proporzjonali għall-parti li tikkorrispondi għall-passi kwalitattivi u kwantitattivi rilevanti. Bħala regola, il-Kunsill għandu jaġixxi fi żmien xahar minn meta jirċievi l-proposta tal-Kummissjoni. Il-Kunsill, li jaġixxi b'maġġoranza kwalifikata, jista' jemenda l-proposta tal-Kummissjoni u jadotta l-proposta emendata permezz ta' deċiżjoni ta' implimentazzjoni.

7.   Fil-każ ta’ każijiet identifikati ta’, jew tħassib serju fir-rigward ta’ irregolaritajiet, frodi, korruzzjoni u kunflitti ta’ interess li jaffettwaw l-interessi finanzjarji tal-Unjoni li ma jkunux ġew ikkoreġuti mill-Ukrajna, jew ksur serju ta’ obbligu li jirriżulta minn ftehimiet imsemmija fl-Artikoli 9, 10 u 22 ta’ dan ir-Regolament, inkluż abbażi tar-rapporti tal-Bord ta’ Verifika msemmija fl-Artikolu 36 ta’ dan ir-Regolament jew tal-informazzjoni pprovduta mill-OLAF, il-Kummissjoni tista' tnaqqas l-ammont tal-appoġġ finanzjarju mhux ripagabbli u tirkupra kwalunkwe ammont dovut lill-baġit tal-Unjoni, inkluż billi tikkumpensa f'konformità mal-Artikolu 102 tar-Regolament (UE, Euratom) 2018/1046, jew tnaqqas l-ammont tas-self li jrid jiġi żborżat lill-Ukrajna kif imsemmi fil-paragrafu 4 ta’ dan l-Artikolu, jew tistaqsi għal ripagament bikri tas-self.

8.   B'deroga mill-Artikolu 116(2) tar-Regolament (UE, Euratom) 2018/1046, l-iskadenza tal-pagament kif imsemmi fl-Artikolu 116(1), il-punt (a), ta’ dak ir-Regolament għandha tibda tgħodd mid-data tal-komunikazzjoni tad-deċiżjoni li tawtorizza l-iżborż lill-Ukrajna skont il-paragrafu 4 ta' dan l-Artikolu.

9.   L-Artikolu 116(5) tar-Regolament (UE, Euratom) 2018/1046 ma għandux japplika għall-pagamenti li jsiru skont dan l-Artikolu u l-Artikolu 24 ta' dan ir-Regolament.

1.   L-Ukrajna għandha tippubblika data aġġornata dwar il-persuni u l-entitajiet, inkluż il-kuntratturi, li jirċievu ammonti ta' finanzjament li jaqbżu l-ekwivalenti ta' EUR 100 000 kumulattivi fuq perjodu ta' erba' 4 snin, għall-implimentazzjoni tar-riformi u l-investimenti speċifikati fil-Pjan għall-Ukrajna.

2.   Għall-persuni u għall-entitajiet imsemmija fil-paragrafu 1, l-informazzjoni li ġejja għandha tiġi ppubblikata, f'format li jinqara mill-magni fuq paġna web, ikklassifikata skont il-fondi totali riċevuti, filwaqt li jiġu debitament ikkunsidrati r-rekwiżiti ta' kunfidenzjalità u ta' sigurtà, b'mod partikolari l-protezzjoni ta' data personali:

3.   L-informazzjoni msemmija fil-paragrafu 2 ma għandhiex tiġi ppubblikata meta d-divulgazzjoni tirriskja li thedded id-drittijiet u l-libertajiet tal-persuni jew l-entitajiet ikkonċernati jew li tagħmel ħsara serja lill-interessi kummerċjali tar-riċevituri. Tali informazzjoni għandha tkun disponibbli lill-Kummissjoni u lill-Bord tal-Verifika.

4.   L-Ukrajna għandha tittrażmetti elettronikament mill-inqas darba fis-sena lill-Kummissjoni, id-data dwar il-persuni u l-entitajiet imsemmija fil-paragrafu 1 ta’ dan l-Artikolu, f'format li jinqara mill-magni, li għandu jiġi definit fil-Ftehim Qafas, kif imsemmi fl-Artikolu 9(4), il-punt (i).

1.   Taħt il-Qafas ta' Investiment għall-Ukrajna il-Kummissjoni għandha tipprovdi l-appoġġ tal-Unjoni lill-Ukrajna fil-forma ta' strumenti finanzjarji, garanziji baġitarji jew operazzjonijiet ta' taħlit, inkluż assistenza teknika marbuta mal-implimentazzjoni tal-Pilastru II.

2.   Il-Kummissjoni għandha tkun appoġġata minn bord ta’ tmexxija fl-implimentazzjoni tal-Qafas ta' Investiment għall-Ukrajna (il-“Bord tat-Tmexxija”). Il-Bord tat-Tmexxija għandu jadotta r-regoli ta' proċedura tiegħu.

3.   Il-Bord tat-Tmexxija għandu jinkludi rappreżentanti tal-Kummissjoni u ta' kull Stat Membru. L-awtoritajiet Ukreni għandhom jiġu mistiedna rappreżentanti tal-Ukrajna biex jattendu l-laqgħat tal-Bord tat-Tmexxija kif xieraq. Il-Parlament Ewropew u l-Verkhovna Rada għandu jkollhom status ta' osservaturi. Il-kontropartijiet li jimplimentaw il-Garanzija għall-Ukrajna u l-istrumenti finanzjarji appoġġati mill-Qafas ta' Investiment għall-Ukrajna, jistgħu jingħataw status ta' osservatur. Il-Kummissjoni għandha tippresiedi l-Bord tat-Tmexxija.

4.   Il-Bord tat-Tmexxija għandu jipprovdi gwida strateġika u operazzjonali u appoġġ lill-Kummissjoni dwar aspetti differenti inkluż il-profili ta' riskju, il-forma ta' appoġġ, id-disinn ta' prodotti finanzjarji li għandhom jiġu applikati, u dwar setturi mhux eliġibbli. Għandu jfassal opinjonijiet dwar l-użu tal-appoġġ tal-Unjoni permezz tal-Garanzija għall-Ukrajna, strumenti finanzjarji u operazzjonijiet ta' taħlit inkluż il-livelli ta' konċessjonalità, filwaqt li jqis il-valutazzjonijiet tar-riskju rilevanti. Il-Bord tat-Tmexxija għandu, fejn possibbli, jadotta opinjonijiet b'kunsens.

5.   Il-Kummissjoni għandha tiżgura li l-appoġġ tal-Unjoni pprovdut skont il-Qafas ta' Investiment tal-Ukrajna jkun konsistenti mal-Pjan għall-Ukrajna u jikkontribwixxi għall-implimentazzjoni tiegħu, u komplementari għall-appoġġ tal-Unjoni lill-Ukrajna mogħti skont programmi u strumenti oħra tal-Unjoni, u tqis il-promozzjoni tar-responsabbiltà soċjali korporattiva u l-imġiba responsabbli fin-negozju, b'mod partikolari billi jiġu rispettati linji gwida, prinċipji u l-konvenzjonijiet maqbula internazzjonalment dwar l-investiment.

6.   Mill-inqas 15 % tal-garanziji pprovduti taħt il-Qafas ta’ Investiment għall-Ukrajna għandhom jintużaw biex jipprovdu appoġġ lill-intrapriżi mikro, żgħar u ta’ daqs medju, kif definit fl-Artikolu 2 tal-Anness tar-Rakkomandazzjoni 2003/361/KE, inkluż negozji ġodda, inkluż permezz ta’ għodod finanzjarji li għandhom l-objettiv li jnaqqsu r-riskju involut fl-operazzjonijiet ta’ self tal-banek Ukreni.

7.   Għall-fini tal-Artikolu 209(2), il-punt (h), tar-Regolament (UE, Euratom) 2018/1046, ir-rekwiżit dwar l-evalwazzjonijiet ex ante tal-istrumenti finanzjarji u l-garanziji baġitarji għandu jiġi ssodisfat mill-valutazzjonijiet pożittivi tal-Pjan għall-Ukrajna mill-Kummissjoni, imsemmija fl-Artikolu 19(1) ta’ dan ir-Regolament.

8.   L-appoġġ taħt il-Qafas ta’ Investiment għall-Ukrajna għandu b’mod partikolari jservi l-implimentazzjoni tal-Pjan għall-Ukrajna, filwaqt li jikkomplementa s-sorsi ta’ finanzjament stabbiliti b’dan ir-Regolament.

9.   Mill-inqas 20 % tal-ammont globali li jikkorrispondi għall-appoġġ taħt il-Qafas ta’ Investiment għall-Ukrajna u għall-investimenti skont il-Pjan għall-Ukrajna għandhom jikkontribwixxu, sa fejn hu possibli, f’pajjiż mifni bil-gwerra, għall-mitigazzjoni tat-tibdil fil-klima u l-adattament għalih, għall-protezzjoni ambjentali, inkluż il-konservazzjoni tal-bijodiversità, u għat-tranżizzjoni ekoloġika.

10.   Il-Kummissjoni għandha tirrapporta annwalment dwar l-implimentazzjoni tal-appoġġ taħt il-Qafas ta' Investiment għall-Ukrajna f'konformità mal-Artikolu 41(4) u (5) tar-Regolament (UE, Euratom) 2018/1046. Għal dan il-għan, kull kontroparti tal-Garanzija għall-Ukrajna u kull entità fdata li timplimenta l-istrumenti finanzjarji għandhom jipprovdu fuq bażi annwali l-informazzjoni meħtieġa biex il-Kummissjoni tkun tista' tikkonforma mal-obbligi ta' rappurtar tagħha.

1.   L-Istati Membri, il-pajjiżi terzi, u l-partijiet terzi jistgħu jikkontribwixxu għall-Garanzija għall-Ukrajna, u għall-istrumenti finanzjarji stabbiliti taħt il-Qafas ta' Investiment għall-Ukrajna. Il-kontribuzzjonijiet għall-Garanzija għall-Ukrajna għandhom isiru f'konformità mal-Artikolu 218(2) tar-Regolament (UE, Euratom) 2018/1046.

2.   Il-kontribuzzjonijiet għall-Garanzija għall-Ukrajna għandhom iżidu l-ammont tal-Garanzija għall-Ukrajna mingħajr ma jwasslu għal obbligazzjonijiet kontinġenti addizzjonali għall-Unjoni.

3.   Għall-kontribuzzjonijiet kollha msemmija fil-paragrafu 1, għandu jiġi konkluż ftehim ta' kontribuzzjoni bejn il-Kummissjoni, f'isem l-Unjoni, u l-kontributur. Għandu jkun fih, b'mod partikolari, dispożizzjonijiet li jikkonċernaw il-kundizzjonijiet ta' pagament. Il-Kummissjoni għandha tinforma simultanjament u mingħajr dewmien lill-Parlament Ewropew u lill-Kunsill dwar il-ftehimiet ta' kontribuzzjoni konklużi.

1.   Il-Garanzija għall-Ukrajna u l-istrumenti finanzjarji appoġġati taħt il-Qafas ta' Investiment tal-Ukrajna għandhom jiġu implimentati b'ġestjoni indiretta skont l-Artikolu 62(1), l-ewwel subparagrafu, il-punt (c), tar-Regolament (UE, Euratom) 2018/1046.

2.   Il-kontropartijiet eliġibbli għall-finijiet tal-Garanzija għall-Ukrajna u l-entitajiet fdati eliġibbli għall-fini tal-istrumenti finanzjarji għandhom ikunu dawk identifikati fl-Artikolu 208(4) tar-Regolament (UE, Euratom) 2018/1046, inkluż dawk minn pajjiżi terzi li jikkontribwixxu għall-Garanzija għall-Ukrajna f'konformità mal-Artikolu 29 ta' dan ir-Regolament. Barra minn hekk, b'deroga mill-Artikolu 62(1), l-ewwel subparagrafu, il-punt (c), tar-Regolament (UE, Euratom) 2018/1046, korpi rregolati minn dritt privat ta' Stat Membru, pajjiż sieħeb jew pajjiż terz li jkun ikkontribwixxa għall-Garanzija għall-Ukrajna f'konformità mal-Artikolu 29 ta' dan ir-Regolament, u li jipprovdu assigurazzjoni adegwata tal-kapaċità finanzjarja u operazzjonali tagħhom għandhom ikunu eliġibbli għall-fini tal-Garanzija għall-Ukrajna.

3.   Il-Kummissjoni għandha tiżgura l-użu effettiv, effiċjenti, ibbażat fuq il-ħtiġijiet u ġust tar-riżorsi disponibbli fost il-kontropartijiet eliġibbli u, fejn rilevanti, entitajiet fdati eliġibbli, f'approċċ inklużiv, filwaqt li tippromwovi l-kooperazzjoni bejniethom u tieħu kont debitu tal-kapaċitajiet, il-valur miżjud, l-esperjenza u l-kapaċità tat-teħid tar-riskju tagħhom.

4.   Il-Kummissjoni għandha tiżgura trattament ġust u trasparenti għall-kontropartijiet eliġibbli kollha u l-entitajiet fdati eliġibbli kollha u għandha tiżgura li jiġu evitati kunflitti ta' interess matul il-perjodu ta' implimentazzjoni tal-Qafas ta' Investiment għall-Ukrajna. Sabiex tiġi żgurata l-komplementarjetà, il-Kummissjoni tista' titlob informazzjoni rilevanti mingħand kontropartijiet eliġibbli għall-fini tal-Garanzija għall-Ukrajna jew mingħand entitajiet fdati eliġibbli għall-fini ta' strumenti finanzjarji dwar l-operazzjonijiet tagħhom li mhumiex appoġġati mill-UE.

1.   Il-Garanzija għall-Ukrajna ta' EUR 7 800 000 000 fi prezzijiet attwali għandha tiġi stabbilita biex tiggarantixxi operazzjonijiet li jappoġġaw l-objettivi tal-Faċilità. Il-Garanzija għall-Ukrajna għandha tkun indipendenti u awtonoma mill-Garanzija għall-Azzjoni Esterna u għandha tingħata bħala garanzija irrevokabbli, mingħajr kundizzjonijiet u fuq talba f'konformità mal-Artikolu 219(1) tar-Regolament (UE, Euratom) 2018/1046.

2.   Il-Garanzija għall-Ukrajna għandha tintuża biex tkopri r-riskji għat-tipi ta' operazzjonijiet li ġejjin li għandhom l-għan li jappoġġaw entitajiet sovrani, sottosovrani, mhux kummerċjali u kummerċjali, u s-settur privat:

3.   F'isem l-Unjoni, il-Kummissjoni għandha tikkonkludi ftehimiet ta’ Garanzija għall-Ukrajna mal-kontropartijiet eliġibbli sal-31 ta' Diċembru 2027. Il-Garanzija għall-Ukrajna tista' tingħata gradwalment.

Il-Kummissjoni għandha tipprovdi informazzjoni dwar il-firma ta' kull ftehim ta’ Garanzija għall-Ukrajna fir-rapporti msemmijin fl-Artikolu 28(10). Fuq talba tagħhom, dawk il-ftehimiet għandhom isiru disponibbli lill-Parlament Ewropew u lill-Kunsill, mingħajr dewmien bla bżonn, filwaqt li titqies il-protezzjoni ta' informazzjoni kunfidenzjali u kummerċjalment sensittiva.

4.   Meta tikkonkludi ftehimiet ta’Garanzija għall-Ukrajna, il-Kummissjoni għandha tqis kif xieraq il-parir u l-gwida tal-grupp ta' valutazzjoni tar-riskju tekniku kif imsemmi fl-Artiklu 33(8) tar-Regolament (UE) 2021/947 u tal-Bord tat-Tmexxija.

5.   Il-ftehimiet ta’ Garanzija għall-Ukrajna għandhom jinkludu, b'mod partikolari:

6.   Il-Grupp tal-BEI għandu jimplimenta operazzjonijiet fl-Ukrajna, bl-għan li jappoġġa entitajiet sovrani u entitajiet sottosovrani mhux kummerċjali Ukreni, koperti b'ammont minimu ddedikat indikattiv tal-Garanzija għall-Ukrajna ta' 25 % tal-ammont imsemmi fil-paragrafu 1, li għandu jingħata f'konformità mal-proċeduri stipulati f'dan ir-Regolament.

7.   L-ammont iddedikat tal-Garanzija għall-Ukrajna msemmi fil-paragrafu 6 għandu jkun disponibbli għall-appoġġ tal-operazzjonijiet tal-Grupp tal-BEI li jkunu ġew approvati mill-Bord rilevanti tal-Grupp tal-BEI sal-31 ta' Diċembru 2025. Wara dik id-data, l-ammont iddedikat li jifdal tal-Garanzija għall-Ukrajna għandu jkun disponibbli għat-tipi kollha ta' operazzjonijiet imsemmijin fil-paragrafu 6 għall-kontropartijiet eliġibbli kollha soġġetti għall-paragrafu 3.

8.   Il-Kummissjoni tista' tuża sa 30 % tal-ammont imsemmi fil-paragrafu 1 ta' dan l-Artikolu biex iżżid l-ammonti tal-garanzija pprovduti permezz ta' ftehimiet ta’ Garanzija għall-Azzjoni Esterna konklużi skont l-Artikolu 38 tar-Regolament (UE) 2021/947 soġġett għal dan li ġej:

9.   Il-kontroparti eliġibbli għandha tapprova l-operazzjonijiet ta' finanzjament u ta' investiment skont ir-regoli u l-proċeduri tagħha stess u f'konformità mal-ftehim ta’ Garanzija għall-Ukrajna.

10.   Il-perjodu massimu permess biex il-kontropartijiet eliġibbli jiffirmaw kuntratti ma' intermedjarji finanzjarji jew riċevituri finali għandu jkun ta' tliet snin wara l-konklużjoni tal-ftehim rilevanti ta’ Garanzija għall-Ukrajna, b'estensjonijiet possibbli meta jingħata ammont addizzjonali ta' garanzija u jiġi emendat il-ftehim ta’ Garanzija għall-Ukrajna.

11.   Il-Garanzija għall-Ukrajna tista' tkopri:

12.   Għall-finijiet tal-kontabbiltà tal-Kummissjoni u tar-rappurtar annwali tagħha tar-riskji koperti mill-Garanzija għall-Ukrajna lill-Parlament Ewropew u lill-Kunsill, u f'konformità mal-Artikolu 209(4) tar-Regolament (UE, Euratom) 2018/1046, il-kontropartijiet eliġibbli li magħhom ikun ġie konkluż ftehim ta’ Garanzija għall-Ukrajna għandhom kull sena jipprovdu lill-Kummissjoni u lill-Qorti Ewropea tal-Awdituri r-rendikonti finanzjarji, awditjati minn awditur estern indipendenti, li jkun fihom, fost l-oħrajn, informazzjoni dwar:

13.   Il-kundizzjoni stipulata fl-Artikolu 219(4) tar-Regolament (UE, Euratom) 2018/1046 dwar il-kontribuzzjonijiet bir-riżorsi proprji għandha tapplika għal kull kontroparti eliġibbli allokata garanzija baġitarja taħt il-Qafas ta' Investiment għall-Ukrajna fuq bażi ta' portafoll.

14.   Il-qafas ta' ġestjoni tar-riskju tal-Fond Ewropew għall-Iżvilupp Sostenibbli Plus (EFSD+) imsemmi fl-Artikolu 33(7) tar-Regolament (UE) 2021/947, inkluż il-grupp tekniku ta' valutazzjoni tar-riskju msemmi fl-Artikolu 33(8) ta’ dak irRegolament għandhom japplikaw għall-Garanzija għall-Ukrajna filwaqt li jitqiesu l-objettivi u l-prinċipji tal-Faċilità. Il-valutazzjonijiet tar-riskju għall-Garanzija għall-Ukrajna għandhom ikunu indipendenti mill-valutazzjonijiet tar-riskju tal-EFSD+. Il-profil tar-riskju ġenerali tal-operazzjonijiet koperti mill-Garanzija għall-Ukrajna jista' jkun differenti mill-profil tar-riskju ġenerali tal-Garanzija għall-Azzjoni Esterna. Il-Kummissjoni għandha tiżgura li r-riskju involut mill-operazzjonijiet garantiti ma jaqbiżx il-kapaċità tal-baġit tal-Unjoni li jerfa' dawk ir-riskji kif determinata mir-riżorsi baġitarji disponibbli u r-rata ta' proviżjonament imsemmija fl-Artikolu 32(1) ta' dan ir-Regolament. Fil-qafas tar-rappurtar imsemmi fl-Artikolu 28(10) ta' dan ir-Regolament, il-Kummissjoni għandha tirrapporta kull sena lill-Parlament Ewropew u lill-Kunsill dwar il-miżuri meħuda f'dan ir-rigward.

1.   Ir-rata ta' proviżjonament għall-Garanzija għall-Ukrajna inizjalment għandha tkun ta' 70 %.

B'deroga mill-Artikolu 211(2) tar-Regolament (UE, Euratom) 2018/1046 fir-rigward tal-perjodu ta’ żmien li għalih għandu jiġi kkostitwit il-proviżjonament globali, il-proviżjonament għandu jiġi kkostitwit sal-31 ta' Diċembru 2027 u jkun ugwali għall-ammont ta' proviżjonament li jikkorrispondi għall-Garanzija għall-Ukrajna mogħtija u jista' jiġi kkostitwit gradwalment biex jirrifletti l-progress fl-għażla u l-implimentazzjoni tal-operazzjonijiet ta' finanzjament u ta' investiment li jappoġġaw l-objettivi tal-Faċilità.

2.   Ir-rata ta' proviżjonament għandha tiġi rieżaminata mill-inqas darba fis-sena wara d-dħul fis-seħħ ta' dan ir-Regolament. Il-Kummissjoni għandha tinforma lill-Parlament Ewropew u lill-Kunsill bir-riżultati ta' dak ir-rieżami.

3.   Il-Kummissjoni għandha s-setgħa li tadotta att delegat f'konformità mal-Artikolu 41 ta’ dan ir-Regolament biex temenda r-rata ta' proviżjonament filwaqt li tapplika l-kriterji stipulati fl-Artikolu 211(2) tar-Regolament (UE, Euratom) 2018/1046, u, fejn rilevanti, iżżid jew tnaqqas l-ammont massimu ta' Garanzija għall-Ukrajna msemmi fl-Artikolu 31(1) ta' dan ir-Regolament b'mhux aktar minn 30 %. Il-Kummissjoni tista' żżid l-ammont massimu tal-Garanzija għall-Ukrajna biss jekk titnaqqas ir-rata ta' proviżjonament. Mingħajr preġudizzju għall-Artikolu 31(3) ta' dan ir-Regolament, il-Kummissjoni tista' tipprevedi li l-ammont miżjud tal-Garanzija għall-Ukrajna għandu jkun disponibbli għall-iffirmar tal-ftehimiet ta’ garanzija gradwalment fuq tliet snin.

4.   B'deroga mill-Artikolu 213 tar-Regolament (UE, Euratom) 2018/1046, ir-rata ta' proviżjonament effettiva ma għandhiex tapplika għall-proviżjonament imwarrab fil-fond ta' proviżjonament komuni fir-rigward tal-Garanzija għall-Ukrajna.

1.   Fid-dawl tal-ilmentar possibbli ta' partijiet terzi, inklużi komunitajiet u individwi affettwati minn proġetti appoġġati mill-Garanzija għall-Ukrajna, il-Kummissjoni u d-Delegazzjoni tal-Unjoni fl-Ukrajna għandhom jippubblikaw fuq is-siti web tagħhom referenzi diretti għall-mekkaniżmi tal-ilmenti tal-kontropartijiet rilevanti li kkonkludew ftehimiet ta’ Garanzija għall-Ukrajna mal-Kummissjoni. Il-Kummissjoni għandha tipprovdi wkoll il-possibbiltà li tirċievi direttament l-ilmenti relatati mal-indirizzar ta' lmentar mill-kontropartijiet eliġibbli. Il-Kummissjoni għandha tqis dik l-informazzjoni li tirċievi permezz ta' kwalunkwe mekkaniżmu tal-ilmenti fid-dawl ta' kooperazzjoni futura ma' dawk il-kontropartijiet.

2.   Kull meta jkun possibli, filwaqt li titqies il-protezzjoni ta' informazzjoni kunfidenzjali u kummerċjalment sensittiva, il-Kummissjoni għandha tippubblika fil-web portal tagħha informazzjoni dwar l-operazzjonijiet ta' finanzjament u ta' investiment u l-elementi essenzjali tal-ftehimiet ta’ Garanzija għall-Ukrajna, inkluża informazzjoni dwar l-identità legali tal-kontropartijiet eliġibbli, il-benefiċċji tal-iżvilupp mistennija u l-proċeduri ta' lmenti.

3.   F'konformità mal-politiki tagħhom dwar it-trasparenza u r-regoli tal-Unjoni dwar il-protezzjoni tad-data u dwar l-aċċess għad-dokumenti u l-informazzjoni, il-kontropartijiet eliġibbli għandhom iqiegħdu għad-dispożizzjoni tal-pubbliku fuq is-siti web tagħhom l-informazzjoni relatata mal-operazzjonijiet kollha ta' finanzjament u ta' investiment koperti mill-Garanzija għall-Ukrajna, b'mod partikolari informazzjoni relatata mal-mod li bih dawk l-operazzjonijiet jikkontribwixxu għall-kisba tal-objettivi u r-rekwiżiti ta' dan ir-Regolament. Fejn possibbli, tali informazzjoni għandha tkun diżaggregata fil-livell ta' proġett. Tali informazzjoni għandha dejjem tqis il-protezzjoni ta' informazzjoni kunfidenzjali u kummerċjalment sensittiva. Il-kontropartijiet eliġibbli għandhom jippubbliċizzaw ukoll l-appoġġ tal-Unjoni fl-informazzjoni kollha li jippubblikaw dwar l-operazzjonijiet ta' finanzjament u ta' investiment koperti mill-Garanzija għall-Ukrajna f'konformità ma' dan ir-Regolament.

1.   L-assistenza skont dan il-Kapitolu għandha tappoġġa lill-Ukrajna biex tikseb l-objettivi stipulati fl-Artikolu 3. B'mod partikolari, l-assistenza pprovduta skont dan il-Kapitolu għandu jkollha l-għan li tappoġġa l-allinjament progressiv tal-Ukrajna mal-"acquis" tal-Unjoni bil-ħsieb ta' sħubija futura fl-Unjoni, u b'hekk tikkontribwixxi għall-istabbiltà, is-sigurtà, il-paċi u l-prosperità reċiproċi. Tali appoġġ għandu jinkludi t-tisħiħ tal-istat tad-dritt, inkluż l-indipendenza tal-ġudikatura, id-demokrazija, ir-rispett għad-drittijiet tal-bniedem u l-libertajiet fundamentali, il-ġlieda kontra l-korruzzjoni, it-tisħiħ tal-effikaċja tal-amministrazzjoni pubblika, kapaċitajiet istituzzjonali, deċentralizzazzjoni, l-appoġġ għat-trasparenza, ir-riformi strutturali, il-politiki settorjali u l-governanza tajba fil-livelli kollha u jikkontribwixxi għall-implimentazzjoni tal-Pjan għall-Ukrajna.

2.   L-assistenza skont dan il-Kapitolu għandha tiġi pprovduta wkoll biex jiġi żgurat li jissaħħu l-kapaċitajiet tal-partijiet ikkonċernati, inkluż is-sħab soċjali, l-organizzazzjonijiet tas-soċjetà ċivili u l-awtoritajiet lokali u reġjonali, inkluż permezz tal-ġemellaġġi u ġemellaġġi bejn il-bliet, kif ukoll permezz tal-promozzjoni ta' kooperazzjoni bejn il-pari u programmi integrati fi sħubijiet bejn il-bliet u r-reġjuni fl-Unjoni u dawk fl-Ukrajna, fejn rilevanti.

3.   L-assistenza skont dan il-Kapitolu għandha ssaħħaħ ukoll il-kapaċitajiet għall-prevenzjoni tal-kunflitti u l-konsolidazzjoni tal-paċi u tindirizza l-ħtiġijiet ta' qabel u ta' wara l-kriżi, inkluż permezz ta' miżuri u proċessi għall-bini tal-fiduċja li jippromwovu l-ġustizzja, it-tfittxija tal-verità, ir-riabilitazzjoni komprensiva wara kunflitt għal soċjetà inklużiva u paċifika, kif ukoll il-ġbir ta' evidenza ta' delitti mwettqa matul il-gwerra. Il-finanzjament għal inizjattivi u korpi involuti fl-appoġġ u l-infurzar tal-ġustizzja internazzjonali fl-Ukrajna jista' jiġi pprovdut skont dan il-Kapitolu.

4.   L-assistenza skont dan il-Kapitolu għandha tappoġġa l-ħolqien u t-tisħiħ ta' awtoritajiet Ukreni li jkunu responsabbli biex jiggarantixxu l-użu xieraq tal-fondi, il-verifika u l-ġlieda effettiva kontra l-ġestjoni ħażina tal-finanzjament pubbliku, b'mod partikolari l-frodi, il-forom kollha tal-korruzzjoni inkluż il-korruzzjoni f'livell għoli, il-kunflitti ta' interess u l-irregolaritajiet imġarrba fir-rigward ta' kwalunkwe ammont li jintefaq biex jinkisbu l-objettivi tal-Faċilità, kif ukoll biex jingħata appoġġ għall-isforzi ta' deoligarkizzazzjoni.

5.   Is-sussidju għall-kostijiet tat-teħid b'self kif imsemmi fl-Artikolu 23 għandu jiġi ffinanzjat taħt dan il-Kapitolu.

6.   Għas-snin mill-2024 sal-2027, l-appoġġ skont dan il-Kapitolu għandu jiffinanzja:

1.   Fl-implimentazzjoni tal-Faċilità, il-Kummissjoni u l-Ukrajna għandhom jieħdu l-miżuri xierqa kollha biex jipproteġu l-interessi finanzjarji tal-Unjoni, filwaqt li jqisu l-prinċipju tal-proporzjonalità u l-kundizzjonijiet speċifiċi li skonthom ser topera l-Faċilità, il-prekundizzjoni stipulata fl-Artikolu 5(1) u l-kundizzjonijiet stipulati fil-Ftehim Qafas u fil-ftehimiet speċifiċi ta' finanzjament jew self, b'mod partikolari fir-rigward tal-prevenzjoni, id-detezzjoni u l-korrezzjoni ta' frodi, korruzzjoni, jew kwalunkwe attività illegali oħra li taffettwa l-interessi finanzjarji tal-Unjoni, kunflitti ta' interess u irregolaritajiet, kif ukoll l-investigazzjoni u l-prosekuzzjoni ta' reati li jaffettwaw il-fondi pprovduti taħt il-Faċilità. L-Ukrajna għandha timpenja ruħha li tagħmel progress lejn sistemi ta' kontroll intern effettivi u effiċjenti u tiżgura li l-ammonti mħallsa indebitament jew użati ħażin ikunu jistgħu jiġu rkuprati. L-Ukrajna għandha timpenja ruħha wkoll li tiżgura li l-awtoritajiet kompetenti Ukreni jittrattaw, mingħajr dewmien, talbiet għal assistenza legali reċiproka u talbiet għal estradizzjoni mill-UPPE u mill-awtoritajiet kompetenti tal-Istati Membri rigward reati kriminali li jaffettwaw il-fondi taħt il-Faċilità.

2.   Il-ftehimiet imsemmija fl-Artikoli 9, 10 u 22 għandhom jipprevedu l-obbligi tal-Ukrajna li:

3.   Il-Kummissjoni għandha tagħmel ħilitha biex tagħmel disponibbli għall-Ukrajna sistema integrata u interoperabbli ta' informazzjoni u monitoraġġ li tinkludi għodda unika għall-estrazzjoni tad-data u għall-valutazzjoni tar-riskju biex taċċessa u tanalizza d-data rilevanti, f'konformità prinċipji tal-protezzjoni tad-data tal-Unjoni u mar-regoli applikabbli dwar il-protezzjoni tad-data, inkluż id-data elenkata fil-paragrafu 2, il-punt (e). Fejn tali sistema tkun disponibbli, l-Ukrajna għandha tuża u ddaħħal id-data rilevanti fis-sistema, inkluż b’assistenza mogħtija skont il-Kapitolu V.

4.   Il-ftehimiet imsemmija fl-Artikoli 9, 10 u 22 għandhom jipprevedu wkoll id-dritt tal-Kummissjoni li tnaqqas b'mod proporzjonat l-appoġġ ipprovdut taħt il-Faċilità u li tirkupra kwalunkwe ammont minfuq biex jinkisbu l-objettivi tal-Faċilità jew li titlob ripagament bikri tas-self, f'każijiet ta' irregolaritajiet, frodi, korruzzjoni jew kunflitti ta' interess li jaffettwaw l-interessi finanzjarji tal-Unjoni li ma jkunux ġew rettifikati mill-Ukrajna, jew ksur serju ta' obbligu li jirriżulta minn tali ftehimiet. Meta tkun qed tiddeċiedi dwar l-ammont tal-irkupru u t-tnaqqis, jew dwar l-ammont li għandu jitħallas lura kmieni, il-Kummissjoni għandha tirrispetta l-prinċipju tal-proporzjonalità u għandha tqis is-serjetà tal-irregolarità, tal-frodi, tal-korruzzjoni jew tal-kunflitti ta' interess li jaffettwaw l-interessi finanzjarji tal-Unjoni, jew ta' ksur ta' obbligu. L-Ukrajna għandha tingħata l-opportunità li tippreżenta l-osservazzjonijiet tagħha qabel ma jsir it-tnaqqis jew qabel ma jintalab ir-ripagament bikri.

5.   Il-persuni u l-entitajiet li jimplimentaw il-fondi pprovduti taħt il-Faċilità għandhom jirrapportaw kwalunkwe każ suspettat jew reali ta' frodi, korruzzjoni, kunflitt ta' interess u irregolaritajiet jew kwalunkwe attività illegali oħra li taffettwa l-interessi finanzjarji tal-Unjoni mingħajr dewmien, lill-Bord tal-Verifika msemmi fl-Artikolu 36, lill-Kummissjoni, lill-OLAF, u fejn applikabbli, lill-UPPE. Dawk il-persuni u l-entitajiet għandhom ikunu jistgħu jirrapportaw dawk il-każijiet b'mod effettiv permezz tal-mezzi xierqa.

1.   Il-Kummissjoni għandha tistabbilixxi Bord tal-Verifika qabel il-preżentazzjoni tal-ewwel talba għal pagament mill-Ukrajna.

2.   Il-Bord tal-Verifika għandu jkun magħmul minn membri indipendenti maħtura mill-Kummissjoni. Rappreżentanti tal-Istati Membri u donaturi oħra jistgħu jiġu mistiedna mill-Kummissjoni biex jipparteċipaw fl-attivitajiet tal-Bord tal-Verifika. Donaturi oħra li jikkontribwixxu għall-Faċilità jistgħu jiġu mistiedna mill-Kummissjoni biex jaħtru osservaturi fil-Bord tal-Verifika.

3.   Il-Bord tal-Verifika għandu jeżerċita l-funzjonijiet tiegħu f'oġġettività sħiħa u jopera f'konformità mal-aħjar prattiki u standards internazzjonali applikabbli. Għandu jaġixxi mingħajr preġudizzju għas-setgħat tal-Kummissjoni, l-OLAF, il-Qorti Ewropea tal-Awdituri u l-UPPE.

4.   Il-Bord tal-Verifika għandu jiżgura djalogu u kooperazzjoni regolari mal-Qorti Ewropea tal-Awdituri, kif ukoll mal-Kamra tal-Kontabbiltà tal-Ukrajna u istituzzjonijiet oħra, kif rilevanti.

5.   Fit-twettiq ta' dmirijiethom, il-Bord tal-Verifika, il-membri tiegħu u l-persunal tiegħu la għandhom ifittxu u lanqas jieħdu struzzjonijiet mingħand il-gvern Ukren jew xi istituzzjoni, korp, uffiċċju jew aġenzija Ukrena. Għandhom japplikaw garanziji b'saħħithom ta' indipendenza għall-għażla tal-persunal, il-ġestjoni u l-baġit tiegħu.

6.   Il-Bord tal-Verifika għandu jassisti lill-Kummissjoni fil-ġlieda kontra l-ġestjoni ħażina tal-finanzjament tal-Unjoni taħt il-Faċilità u, b'mod partikolari l-frodi, il-korruzzjoni, il-kunflitti ta' interess u l-irregolaritajiet li jitwettqu fir-rigward ta' kwalunkwe ammont li jintefaq biex jinkisbu l-objettivi tal-Faċilità.

7.   Għal dan l-għan, il-Bord ta' Verifika għandu jirrapporta regolarment lill-Kummissjoni, u jibgħat lill-Kummissjoni mingħajr dewmien kull informazzjoni li jikseb jew li jiġi mgħarraf biha, dwar kull każ identifikat, jew tħassib serju fir-rigward ta' ġestjoni ħażina tal-finanzjament pubbliku mwettaq fir-rigward ta' kwalunkwe ammont li jintefaq biex jintlaħqu l-objettivi tal-Faċilità. Il-Kummissjoni għandha żżomm lill-Parlament Ewropew u lill-Kunsill infurmati fil-ħin dwar is-sejbiet u r-rakkomandazzjonijiet tal-Bord tal- Verifika.

Barra minn hekk, il-Bord tal-Verifika għandu jadotta rakkomandazzjonijiet lill-Ukrajna dwar il-każijiet kollha fejn, fil-fehma tiegħu, l-awtoritajiet kompetenti tal-Ukrajna ma jkunux ħadu l-passi meħtieġa biex jipprevjenu, jidentifikaw u jikkoreġu l-frodi, il-korruzzjoni, il-kunflitti ta' interess u l-irregolaritajiet li affettwaw jew jirriskjaw serjament li jaffettwaw il-ġestjoni finanzjarja tajba tan-nefqa ffinanzjata taħt il-Faċilità u fil-każijiet kollha fejn jidentifika dgħufijiet li jaffettwaw it-tfassil u l-funzjonament tas-sistema ta' kontroll stabbilita mill-awtoritajiet Ukreni. L-Ukrajna għandha timplimenta tali rakkomandazzjonijiet mingħajr dewmien żejjed, jew tipprovdi ġustifikazzjoni għaliex ma għamlitx dan.

Ir-rapporti tal-Bord tal-Verifika u l-informazzjoni mingħandu għandhom jintbagħtu wkoll lill-OLAF u jistgħu jiġu kondiviżi mal-awtoritajiet Ukreni rilevanti, speċjalment f'każijiet fejn tali awtoritajiet ikollhom bżonn jieħdu passi biex jipprevjenu, jidentifikaw u jikkoreġu l-frodi, il-korruzzjoni, kunflitti ta' interess, irregolaritajiet jew kwalunkwe attività illegali oħra li taffettwa l-interessi finanzjarji tal-Unjoni, kif ukoll biex jinvestigaw u jħarrku reati li jaffettwaw l-interessi finanzjarji tal-Unjoni.

8.   Il-Bord tal-Verifika għandu jkollu aċċess għall-informazzjoni, il-bażijiet ta’ data u r-reġistri meħtieġa biex iwettaq il-kompiti tiegħu. Il-Ftehim Qafas għandu jiddefinixxi r-regoli u d-dettalji għall-aċċess għal informazzjoni rilevanti mill-Bord tal-Verifika u għall-għoti ta' informazzjoni rilevanti mill-Ukrajna lill-Bord tal-Verifika.

9.   Il-funzjonament tal-Bord tal-Verifika għandu jiġi ffinanzjat skont il-Kapitolu V.

1.   Il-Kummissjoni għandha torganizza, mill-inqas kull erba' xhur, djalogu mal-kumitati kompetenti tal-Parlament Ewropew, kif rilevanti, biex tiddiskuti:

2.   Il-Parlament Ewropew jista' jesprimi l-fehmiet tiegħu f'riżoluzzjonijiet fir-rigward tal-kwistjonijiet imsemmija fil-paragrafu 1.

3.   Il-Kummissjoni għandha tqis kwalunkwe element li jirriżulta mill-fehmiet espressi permezz tad-Djalogu dwar il-Faċilità għall-Ukrajna, inkluż ir-riżoluzzjonijiet tal-Parlament Ewropew, fejn rilevanti.

1.   L-appoġġ taħt il-Faċilità għandu jiġi implimentat permezz ta’ programmi ta' ħidma kif imsemmi fl-Artikolu 110 tar-Regolament (UE, Euratom) 2018/1046. Il-programmi ta’ ħidma għandhom jiġu adottati permezz ta’ atti ta’ implimentazzjoni. Dawk l-atti ta’ implimentazzjoni għandhom jiġu adottati f'konformità mal-proċedura ta' eżami msemmija fl-Artikolu 42 ta’ dan ir-Regolament, bl-eċċezzjoni ta' operazzjonijiet ipprovduti abbażi tal-Artikoli 23(2) u 34(6) ta’ dan ir-Regolament.

2.   L-assistenza skont il-Kapitolu V tista' tiġi implimentata wkoll permezz ta' programmi ta' ħidma speċifiċi fejn l-implimentazzjoni ta' dik l-assistenza ma tkunx teħtieġ il-konklużjoni tal-ftehimiet imsemmija fl-Artikoli 9 u 10.

1.   Il-Kummissjoni għandha timmonitorja l-implimentazzjoni tal-Faċilità u tivvaluta jekk inkisbux l-objettivi stipulati fl-Artikolu 3. Il-monitoraġġ ta’ dik l-implimentazzjoni għandu jkun immirat u proporzjonat għall-attivitajiet imwettqin taħt il-Faċilità.

2.   Il-ftehimiet ta' finanzjament imsemmija fl-Artikolu 10 u l-ftehim ta' self imsemmi fl-Artikolu 22 għandhom jistipulaw regoli u proċeduri biex l-Ukrajna tirrapporta lill-Kummissjoni għall-fini tal-paragrafu 1 ta' dan l-Artikolu. Għall-fini ta' tali rappurtar, jenħtieġ li l-awtoritajiet kompetenti Ukreni jagħmlu użu minn konsultazzjoni regolari mal-Verkhovna Rada, u partijiet ikkonċernati oħra inkluż awtoritajiet reġjonali, lokali, urbani u awtoritajiet pubbliċi oħra, kif ukoll mas-sħab soċjali u l-organizzazzjonijiet tas-soċjetà ċivili kif stabbilit fl-Artikolu 14.

3.   L-appoġġ tal-Unjoni pprovdut taħt il-Qafas ta' Investiment għall-Ukrajna għandu jiġi rrapportat f'konformità mal-Artikolu 28(10).

4.   Il-Kummissjoni għandha tipprovdi fl-istess waqt rapport annwali lill-Parlament Ewropew u lill-Kunsill dwar il-progress biex jinkisbu l-objettivi ta' dan ir-Regolament, ikkomplementat minn preżentazzjonijiet kull tliet xhur dwar is-sitwazzjoni attwali tal-implimentazzjoni tal-Faċilità.

5.   Il-Kummissjoni għandha tipprovdi r-rapport msemmi fil-paragrafu 4 ta’ dan l-Artikolu lill-kumitat imsemmi fl-Artikolu 42.

1.   Il-Kummissjoni għandha tipprovdi lill-Parlament Ewropew u lill-Kunsill rapport ta' evalwazzjoni interim indipendenti dwar l-implimentazzjoni tal-Faċilità sal-31 ta' Diċembru 2026, u rapport ta' evalwazzjoni ex post indipendenti sal-31 ta’ Diċembru 2031.

2.   Ir-rapporti ta' evalwazzjoni msemmija fil-paragrafu 1 għandhom, b'mod partikolari, jivvalutaw sa liema punt inkisbu l-objettivi tal-Faċilità, l-effiċjenza tal-użu tar-riżorsi pprovduti taħt il-Faċilità, il-protezzjoni tal-interessi finanzjarji tal-Unjoni u l-valur miżjud Ewropew. Huma għandhom iqisu wkoll jekk l-objettivi u l-attivitajiet għadhomx kollha rilevanti.

3.   Fejn xieraq, il-Kummissjoni għandha tippreżenta proposti li jqisu r-riżultati tar-rapporti tal-evalwazzjoni msemmija fil-paragrafu 1.

4.   Ir-rapport tal-evalwazzjoni ex post għandu jikkonsisti minn valutazzjoni globali tal-Faċilità u għandu, sa fejn ikun possibbli, jinkludi informazzjoni dwar l-impatt tagħha fuq perjodu twil.

5.   L-evalwazzjoni ex post għandha tuża l-prinċipji ta' prattika tajba tal-Kumitat ta' Għajnuna għall-Iżvilupp tal-OECD, u tfittex li taċċerta jekk ikunux intlaħqu l-objettivi u tfassal rakkomandazzjonijiet bil-ħsieb li jittejbu l-attivitajiet futuri.

Il-Kummissjoni għandha tikkomunika s-sejbiet u l-konklużjonijiet tal-evalwazzjonijiet flimkien mal-osservazzjonijiet u s-segwitu tagħha, lill-Parlament Ewropew, lill-Kunsill u lill-Istati Membri. Dawk l-evalwazzjonijiet ex post jistgħu jiġu diskussi fuq talba tal-Parlament Ewropew, il-Kunsill jew tal-Istati Membri. Ir-riżultati għandhom jikkontribwixxu għat-tħejjija ta' programmi u attivitajiet u għall-allokazzjoni ta' riżorsi. Dawk l-evalwazzjonijiet u s-segwitu għandhom ikunu disponibbli għall-pubbliku.

Il-Kummissjoni għandha, sa fejn ikun xieraq, tinvolvi lill-partijiet ikkonċernati rilevanti kollha, inkluż il-benefiċċjarji, is-sħab soċjali, l-organizzazzjonijiet tas-soċjetà ċivili u l-awtoritajiet lokali u reġjonali fil-proċess ta' evalwazzjoni tal-finanzjament mill-Unjoni pprovdut taħt il-Faċilità, u tista', fejn xieraq, tfittex li twettaq evalwazzjonijiet konġunti mal-Istati Membri u ma' sħab oħra bl-involviment mill-qrib tal-Ukrajna.

1.   Is-setgħa ta' adozzjoni ta' atti delegati hija mogħtija lill-Kummissjoni suġġett għall-kondizzjonijiet stabbiliti f'dan l-Artikolu.

2.   Is-setgħa ta' adozzjoni ta' atti delegati msemmija fl-Artikoli 21 u 32 għandha tingħata lill-Kummissjoni għal perjodu ta' żmien indeterminat minn sebat ijiem wara d-dħul fis-seħħ ta' dan ir-Regolament.

3.   Id-delega ta' setgħa msemmija fl-Artikoli 21 u 32 tista' tiġi revokata fi kwalunkwe mument mill-Parlament Ewropew jew mill-Kunsill. Deċiżjoni li tirrevoka għandha ttemm id-delega tas-setgħa speċifikata f'dik id-deċiżjoni. Għandha ssir effettiva fil-jum wara l-pubblikazzjoni tad-deċiżjoni f'Il-Ġurnal Uffiċjali tal-Unjoni Ewropea jew f'data aktar tard speċifikata fiha. Ma għandha taffettwa l-validità tal-ebda att delegat li jkun diġà fis-seħħ.

4.   Qabel ma tadotta att delegat, il-Kummissjoni għandha tikkonsulta esperti nnominati minn kull Stat Membru skont il-prinċipji stipulati fil-Ftehim Interistituzzjonali tat-13 ta' April 2016 dwar it-Tfassil Aħjar tal-Liġijiet.

5.   Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

6.   Att delegat adottat skont l-Artikoli 21 u 32 għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien xahrejn min-notifika ta' dak l-att lill-Parlament Ewropew u lill-Kunsill jew jekk, qabel ma jiskadi dak il-perjodu, il-Parlament Ewropew u l-Kunsill ikunu t-tnejn infurmaw lill-Kummissjoni li mhumiex sejrin joġġezzjonaw. Dak il-perjodu għandu jiġi estiż b'xahrejn fuq inizjattiva tal-Parlament Ewropew jew tal-Kunsill.

1.   Il-Kummissjoni għandha tkun megħjuna minn kumitat. Dak il-kumitat għandu jkun kumitat fis-sens tar-Regolament (UE) Nru 182/2011.

2.   Fejn issir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

3.   Fir-rigward tal-atti ta' implimentazzjoni msemmija fl-Artikolu 11(2), meta l-kumitat ma jagħti ebda opinjoni, il-Kummissjoni m'għandhiex tadotta l-abbozz ta' att ta' implimentazzjoni, u għandu japplika l-Artikolu 5(4), it-tielet subparagrafu, tar-Regolament (UE) Nru 182/2011.

4.   Fejn l-opinjoni tal-kumitat tkun trid tinkiseb permezz ta' proċedura bil-miktub, dik il-proċedura għandha tittermina mingħajr riżultat fejn, fil-limitu ta' żmien permess għall-għoti tal-opinjoni, il-president tal-kumitat hekk jiddeċiedi jew maġġoranza sempliċi tal-membri tal-kumitat jitolbu li jsir hekk.

1.   Il-Kummissjoni tista' tinvolvi ruħha f'attivitajiet ta' komunikazzjoni biex tiżgura l-viżibbiltà tal-finanzjament tal-Unjoni għall-appoġġ finanzjarju previst fil-Pjan għall-Ukrajna, inkluż permezz ta' attivitajiet konġunti ta' komunikazzjoni mal-Ukrajna. Il-Kummissjoni tista', kif xieraq, tiżgura li l-appoġġ taħt il-Faċilità jiġi kkomunikat u rikonoxxut permezz ta' dikjarazzjoni ta' finanzjament.

2.   Ir-riċevituri tal-finanzjament tal-Unjoni għandhom jirrikonoxxu l-oriġini u jiżguraw il-viżibbiltà tal-finanzjament tal-Unjoni, inkluż, fejn applikabbli, billi jesponu l-emblema tal-Unjoni u dikjarazzjoni xierqa dwar il-finanzjament li jkollha l-kliem "finanzjat mill-Unjoni Ewropea – Faċilità għall-Ukrajna" jew "kofinanzjat mill-Unjoni Ewropea – Faċilità għall-Ukrajna", b'mod partikolari meta jkunu qed jippromwovu l-attivitajiet u r-riżultati tagħhom, billi jipprovdu informazzjoni mmirata koerenti, effettiva u proporzjonata lil diversi udjenzi, inkluż il-media u l-pubbliku.

3.   Il-Kummissjoni għandha timplimenta attivitajiet ta' informazzjoni u ta' komunikazzjoni relatati mal-Faċilità, mal-attivitajiet meħuda taħt il-Faċilità u mar-riżultati miksuba. Ir-riżorsi finanzjarji allokati għall-Faċilità għandhom jikkontribwixxu wkoll għall-komunikazzjoni korporattiva dwar il-prijoritajiet politiċi tal-Unjoni, sakemm dawn ikunu relatati mal-objettivi msemmijin fl-Artikolu 3.

4.   L-informazzjoni, il-komunikazzjoni u l-pubbliċità għandhom jiġu pprovduti f'format aċċessibbli.