EUR-Lex Access to European Union law
This document is an excerpt from the EUR-Lex website
Document 32008D0623
2008/623/EC: Commission Decision of 24 July 2008 on a financial contribution from the Community towards emergency measures to combat Newcastle disease in Estonia in 2007 (notified under document number C(2008) 3723)
2008/623/KE: Deċiżjoni tal-Kummissjoni ta' l- 24 ta' Lulju 2008 dwar kontribut finanzjarju mill-Komunità għal miżuri ta' emerġenza fil-ġlieda kontra l-marda ta' Newcastle fl-Estonja fl-2007 (notifikata taħt id-dokument numru C(2008) 3723)
2008/623/KE: Deċiżjoni tal-Kummissjoni ta' l- 24 ta' Lulju 2008 dwar kontribut finanzjarju mill-Komunità għal miżuri ta' emerġenza fil-ġlieda kontra l-marda ta' Newcastle fl-Estonja fl-2007 (notifikata taħt id-dokument numru C(2008) 3723)
ĠU L 200, 29.7.2008, p. 24–24
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
29.7.2008 |
MT |
Il-Ġurnal Uffiċjali ta’ l-Unjoni Ewropea |
L 200/24 |
DEĊIŻJONI TAL-KUMMISSJONI
ta' l-24 ta' Lulju 2008
dwar kontribut finanzjarju mill-Komunità għal miżuri ta' emerġenza fil-ġlieda kontra l-marda ta' Newcastle fl-Estonja fl-2007
(notifikata taħt id-dokument numru C(2008) 3723)
(It-test bl-Estonjan biss huwa awtentiku)
(2008/623/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Deċiżjoni tal-Kunsill 90/424/KEE tas-26 ta' Ġunju 1990 dwar in-nefqa fil-kamp veterinarju (1), u b’mod partikolari l-Artikoli 3(3) u 4(2) tagħha,
Billi:
|
(1) |
Id-Deċiżjoni 90/424/KEE tistipula l-proċeduri li jirregolaw il-kontribut finanzjarju tal-Komunità għal miżuri veterinarji speċifiċi, inklużi miżuri ta’ emerġenza. Skond l-Artikolu 4(2) ta' dik id-Deċiżjoni, l-Istati Membri għandhom jiksbu kontribut finanzjarju lejn l-ispejjeż ta' ċerti miżuri għall-qerda tal-marda ta' Newcastle. |
|
(2) |
L-Artikoli 3(5) u 4(2) tad-Deċiżjoni 90/424/KEE jistabbilixxu regoli dwar il-perċentwali tan-nefqa mġarrba mill-Istat Membru li jista’ jkun kopert mill-kontribut finanzjarju tal-Komunità. |
|
(3) |
Il-ħlas ta’ kontribut finanzjarju tal-Komunità għal miżuri ta’ emerġenza għall-qerda tal-marda ta' Newcastle huwa soġġett għar-regoli stipulati fir-Regolament tal-Kummissjoni (KE) Nru 349/2005 tat-28 ta’ Frar 2005 li jistabbilixxi r-regoli rigward il-finanzjament Komunitarju għall-interventi urġenti u l-ġlieda kontra ċertu mard ta’ l-annimali kif imsemmi fid-Deċiżjoni tal-Kunsill 90/424/KEE (2). |
|
(4) |
Tifqigħat tal-marda ta’ Newcastle feġġew fl-Estonja fl-2007. Il-preżenza ta’ din il-marda tirrappreżenta riskju serju għall-popolazzjoni tal-bhejjem tal-Komunità. L-Estonja ħadet miżuri, skond l-Artikolu 3(2) tad-Deċiżjoni 90/424/KEE, biex jiġu miġġielda dawk it-tifqigħat. |
|
(5) |
L-Estonja kienet konformi għal kollox ma’ l-obbligi tekniċi u amministrattivi tagħha kif stipulati fl-Artikolu 3(3) tad-Deċiżjoni 90/424/KEE u l-Artikolu 6 tar-Regolament (KE) Nru 349/2005. |
|
(6) |
Fis-6 ta’ Ottubru 2007, l-Estonja ppreżentat stima ta’ l-ispejjeż li ġġarrbu biex ittieħdu l-miżuri għall-qerda tal-marda ta' Newcastle. |
|
(7) |
Il-miżuri stipulati f'din id-Deċiżjoni huma skond l-opinjoni tal-Kumitat Permanenti għall-Katina Alimentari u s-Saħħa ta’ l-Annimali, |
ADOTTAT DIN ID-DEĊIŻJONI:
Artikolu 1
Kontribut finanzjarju mill-Komunità lill-Estonja
Kontribut finanzjarju mill-Komunità tista' tingħata lill-Estonja għan-nefqa li ġarrab dan l-Istat Membru fit-teħid tal-miżuri skond l-Artikolu 3(2) u 4(2) tad-Deċiżjoni 90/424/KEE, fil-ġlieda kontra l-marda ta' Newcastle fl-2007.
Artikolu 2
Destinatarju
Din id-Deċiżjoni hija indirizzata lir-Repubblika ta’ l-Estonja.
Magħmula fi Brussell, 24 ta’ Lulju 2008.
Għall-Kummissjoni
Androulla VASSILIOU
Membru tal-Kummissjoni
(1) ĠU L 224, 18.8.1990, p. 19. Id-Deċiżjoni kif emendata l-aħħar bir-Regolament (KE) Nru 1791/2006 (ĠU L 363, 20.12.2006, p. 1).