This document is an excerpt from the EUR-Lex website
Document 52008XG1213(02)
Council conclusions on architecture: culture's contribution to sustainable development
Konklużjonijiet tal-Kunsill dwar l-arkittetura: il-kontribut tal-kultura għall-iżvilupp sostenibbli
Konklużjonijiet tal-Kunsill dwar l-arkittetura: il-kontribut tal-kultura għall-iżvilupp sostenibbli
ĠU C 319, 13.12.2008, p. 13–14
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
13.12.2008 |
MT |
Il-Ġurnal Uffiċjali ta’ l-Unjoni Ewropea |
C 319/13 |
Konklużjonijiet tal-Kunsill dwar l-arkittetura: il-kontribut tal-kultura għall-iżvilupp sostenibbli
(2008/C 319/05)
IL-KUNSILL TAL-UNJONI EWROPEA,
1. WAQT LI JIRREFERI:
— |
għat-Trattat li jistabbilixxi l-Komunità Ewropea; |
— |
għar-Riżoluzzjoni tal-Kunsill dwar il-kwalità arkitettonika fl-ambjent urban u rurali tat-12 ta' Frar 2001 (1), li tafferma li l-arkitettura hija element fundamentali tal-kultura u l-kwadru tal-ħajja ta' kull wieħed mill-pajjiżi tagħna; |
— |
għall-Konklużjonijiet tal-Kunsill ta' l-24 ta' Mejju 2007 dwar il-kontribut tas-settur kulturali u kreattiv għall-kisba tal-objettivi ta' Lisbona (2), li jissottolinjaw li l-attivitajiet kulturali u l-industriji tal-kreattività, fosthom l-arkitettura, għandhom rwol primordjali biex iħajru l-innovazzjoni u t-teknoloġija u huma l-vetturi essenzjali ta' tkabbir sostenibbli fil-ġejjieni; |
— |
kif ukoll għar-Riżoluzzjoni tal-Kunsill tas-16 ta' Novembru 2007 dwar Aġenda Ewropea għall-Kultura (3) li, bħala estensjoni tal-Komunikazzjoni tal-Kummissjoni ta' l-10 ta' Mejju 2007 (4), issemmi r-rwol trasversali tal-kultura; |
2. WAQT LI JINNOTA:
— |
l-istrateġija ġdida tal-Unjoni Ewropea favur l-iżvilupp sostenibbli (5), adottata mill-Kunsill Ewropew tal-15 u s-16 ta' Ġunju 2006, li l-objettiv ġenerali tagħha huwa li jiġu identifikati u msaħħa l-azzjonijiet li jippermettu lill-UE ttejjeb b'mod kontinwu l-kwalità tal-ħajja tal-ġenerazzjonijiet preżenti u futuri, bil-ħolqien ta' komunitajiet sostenibbli, kapaċi li jimmaniġġaw u jużaw ir-riżorsi b'mod effiċjenti u li jisfruttaw il-potenzjal tal-innovazzjoni ekoloġika u soċjali tal-ekonomija, filwaqt li jiżguraw il-prosperità, il-protezzjoni ambjentali u l-koeżjoni soċjali; |
— |
il-Karta ta' Leipzig dwar il-Bliet Ewropej Sostenibbli tal-Ministri responsabbli mill-iżvilupp urban fl-24 ta' Mejju 2007 (6), li tissottolinja l-importanza tal-kultura arkitettonika u tappella għall-adozzjoni ta' approċċ integrat fil-proċess tal-iżvilupp urban, li jinkludi d-dimensjoni ekonomika, dik soċjali, ekoloġika u kulturali tal-bliet, ibbażata fuq il-kooperazzjoni bejn il-livelli differenti tar-responsabbiltà amministrattiva u politika kif ukoll l-atturi pubbliċi u privati; |
3. WAQT LI JILQA':
— |
il-ħidma tal-“Forum Ewropew ta' Politiki Arkitettoniċi” dwar il-kwistjonijiet tal-kwalità arkitettonika u l-iżvilupp sostenibbli; |
4. JISSOTTOLINJA LI:
— |
l-arkitettura, dixxiplina ta' kreazzjoni kulturali u innovazzjoni, inkluża dik teknoloġika, tikkostitwixxi eżempju rimarkabbli ta' dak li l-kultura tista' tagħti lill-iżvilupp sostenibbli, b'kont meħud tal-impatt tagħha fuq id-dimensjoni kulturali tal-bliet, iżda wkoll fuq l-ekonomija, il-koeżjoni soċjali u l-ambjent; |
— |
barra minn hekk l-arkitettura hija eżempju tal-karattru trasversali tal-kultura, peress li hija kkonċernata minn diversi politiki pubbliċi, u mhux biss mill-politiki kulturali; |
5. JIKKUNSIDRA LI:
— |
il-bliet Ewropej tal-lum jiltaqgħu ma' sfidi kbar: l-evoluzzjonijiet demografiċi u l-konsegwenzi tagħhom f'terminu ta' tqassim urban, il-kwistjonijiet ambjentali u l-ġlieda kontra t-tibdil fil-klima, il-preservazzjoni tal-koeżjoni soċjali, partikolarment f'kuntest ta' tibdil ekonomiku u kulturali, il-protezzjoni u l-valorizzazzjoni tal-patrimonju arkitettoniku u kulturali, |
— |
ir-rispons li għandu jingħata għal dawn l-isfidi jgħaddi mill-iżvilupp urban sostenibbli, approċċ integrat u kreattiv li permezz tiegħu l-kultura, l-ekonomija, il-kwistjonijiet soċjali u l-ambjent ikollhom rwol ta' importanza indaqs, |
— |
l-iżvilupp urban sostenibbli jimplika:
|
— |
l-arkitettura għandha rwol ta' sintesi u ta' innovazzjoni fl-implimentazzjoni ta' żvilupp urban sostenibbli, billi tippermetti partikolarment,
|
— |
l-iżvilupp urban sostenibbli finalment jirrappreżenta opportunità ta' kreazzjoni, innovazzjoni, tiġdid tal-iskritturi arkitettoniċi u ta' adozzjoni u interpretazzjoni mill-ġdid tal-prattiki tradizzjonali, |
6. WAQT LI JINNOTA B'INTERESS:
— |
l-inizjattivi ta' bosta bliet Ewropej, partikolarment fil-qafas tal-“Kapitali Ewropej tal-Kultura”, li jimmiraw biex il-kultura, u b'mod partikolari l-arkitettura, ssir strument ewlieni tar-reġenerazzjoni tagħhom, |
— |
it-tfaċċar ta'“bliet kreattivi”, li l-iżvilupp urban sostenibbli tagħhom huwa bbażat fuq fatturi ġodda ta' kompetittività, fosthom il-kwalità tal-infrastruttura urbana u l-interazzjoni bejn il-kultura u l-industrija, |
7. JISTIEDNU LILL-ISTATI MEMBRI U LILL-KUMMISSJONI, FIL-QAFAS TAL-KOMPETENZI RISPETTIVI TAGĦHOM U FIR-RISPETT TAL-PRINĊIPJU TAS-SUSSIDJARJETÀ, BIEX:
— |
jieħdu kont tal-arkitettura u l-karatteristiċi tagħha, partikolarment id-dimensjoni kulturali tagħha, fil-politiki kollha pertinenti, l-aktar il-politiki ta' riċerka, ta' koeżjoni ekonomika u soċjali, ta' żvilupp sostenibbli u ta' edukazzjoni, |
— |
jiżviluppaw, fir-rigward tal-arkitettura, lil hinn min-normi tekniċi, approċċ f'termini ta' objettivi globali, ekonomiċi, soċjali, kulturali u ambjentali, |
— |
jippromwovu l-innovazzjoni u l-esperimentazzjoni relatati mal-iżvilupp sostenibbli fil-kamp tal-arkitettura, l-urbaniżmu u l-pajsaġġ, partikolarment fil-qafas tal-linji politiċi u l-programmi Ewropej jew fl-okkażjoni ta' kummissjonijiet pubbliċi, |
— |
itejbu l-għarfien, partikolarment dak dwar l-istatistika, tas-settur tal-arkitettura u tal-kontribut tiegħu għall-iżvilupp sostenibbli, |
— |
iqajmu kuxjenza mal-pubbliku dwar ir-rwol tal-arkitettura u l-urbaniżmu fil-ħolqien ta' qafas ta' kwalità tal-ħajja u jippromwovu l-involviment tiegħu fl-iżvilupp urban sostenibbli, |
— |
jeżaminaw il-fattibbiltà, f'kooperazzjoni mal-professjonisti u fir-rigward tal-esperjenza ta' numru ta' Stati Membri, partikolarment rigward l-esperjenza ta' numru ta' Stati Membri, ta' “avveniment ċentrali” annwali Ewropej iddedikat għall-arkitettura, |
— |
jiżguraw flimkien is-segwitu tal-konklużjonijiet attwali u jwettqu l-bilanċ tal-implimentazzjoni tagħhom minn issa sal-2012, |
8. JISTIEDEN LILL-ISTATI MEMBRI BIEX:
— |
jistinkaw biex l-arkitettura jkollha rwol ta' sintesi u ta' innovazzjoni fil-proċess ta' żvilupp sostenibbli u, dan, mill-fażi ta' konċepiment ta' proġett arkitettoniku, urbanistiku jew pajsaġġist jew ta' riabilitazzjoni ta' sit, |
— |
jikkontribwixxu għall-iżvilupp tal-potenzjal ta' tkabbir ekonomiku u tal-impjiegi tal-arkitettura, industrija kulturali u kreattiva, |
— |
jippromwovu l-edukazzjoni għall-arkitettura, inkluż għall-patrimonju, u għal kwadru ta' ħajja, partikolarment permezz tal-edukazzjoni artistika u kulturali, |
— |
jippromwovu t-taħriġ inizjali u kontinwu tal-periti, tal-urbanisti u l-pajsaġġisti fil-qasam tal-iżvilupp sostenibbli, |
— |
jagħtu attenzjoni għall-arkitettura fil-qafas tal-implimentazzjoni tas-“Sena Ewropea tal-Kreattività u l-Innovazzjoni (2009)”, |
— |
jirrikorru, jekk meħtieġ, għall-metodu miftuħ ta' koordinazzjoni “kultura”, |
9. JISTIEDEN LILL-KUMMISSJONI BIEX:
— |
tieħu kont tal-arkitettura fit-tħejjija tal-Green Paper tagħha dwar l-industriji kulturali u kreattivi, |
— |
tassoċja n-netwerks ta' esperti u professjonisti tas-setturi pubbliċi u privati tal-arkitettura, bħal pereżempju l-“Forum Ewropew tal-Politiki Arkitettoniċi”, għall-ħidma u l-konsultazzjoni dwar il-kwistjonijiet u/jew is-suġġetti li jkunu jinvolvu l-arkitettura, |
— |
tħeġġeġ, f'kooperazzjoni ma' dawn in-netwerks u n-netwerk Ewropew tal-iskejjel tal-arkitettura,
|
(2) ĠU C 311, 21.12.2007, p. 7.
(3) ĠU C 143, 10.6.2008, p. 9.
(4) 9496/07 u ADD 1.
(5) 10117/06.
(6) http://www.eu2007.de/en/News/download_docs/Mai/0524-AN/075DokumentLeipzigCharta.pdf