Id-Direttiva 91/271/KEE għandha l-għan li tipproteġi l-ambjent fl-Unjoni Ewropea (UE) mill-effetti avversi (bħall-ewtrofikazzjoni¹) tal-ilma urban mormi
Din tistabbilixxi regoli mifruxa mal-UE kollha għall-ġbir, it-trattament u l-iskariku tal-ilma mormi. Il-liġi tkopri wkoll l-ilma mormi li jiġi ġġenerat minn industriji bħall-industriji tal-ikel agrikolu (bħal dawk li jipproċessaw l-ikel u li jipproduċu l-birra).

PUNTI EWLENIN

L-Istati Membri tal-UE għandhom:
- jiġbru u jittrattaw l-ilma mormi f’abitazzjonijiet urbani b’popolazzjoni ta’ mill-inqas 2 000 ruħ u japplikaw trattament sekondarju² fuq l-ilma mormi li jinġabar;
- japplikaw trattament aktar avvanzat f’abitazzjonijiet urbani b’popolazzjonijiet ta’ aktar minn 10 000 ruħ li jinsabu f’żoni sensittivi³ magħżula;
- jiżguraw li l-impjanti tat-trattament issirilhom manutenzjoni xierqa, sabiex jiġi żgurat li dawn ikollhom prestazzjoni suffiċjenti u jkunu jistgħu jitħaddmu taħt il-kundizzjonijiet tat-temp normali kollha;
- jieħdu miżuri li jillimitaw it-tniġġis tal-ilmijiet riċeventi mit-tifwir tal-ilma wara maltempata taħt sitwazzjonijiet estremi, bħal xita qawwija mhux tas-soltu;
- jimmonitorjaw il-prestazzjoni tal-impjanti tat-trattament u l-ilmijiet riċeventi;
- jimmonitorjaw ir-rimi u l-użu mill-ġdid tal-ħama tad-drenaġġ.
Minbarra li jiddeskrivi l-metodi għall-monitoraġġ u l-evalwazzjoni tar-riżultati, l-Anness I jelenka r-rekwiżiti ġenerali:
- għas-sistemi tal-ġbir,
- għall-iskariki mill-impjanti għat-trattament tal-ilma urban mormi, inklużi l-valuri tal-limitu tal-emissjonijiet għal dawn,
- għall-ilma industrijali mormi f’sistemi intiżi għall-ġbir tal-ilma urban.
L-Anness II jiddeskrivi l-kriterji għall-identifikazzjoni ta’ żoni sensittivi u inqas sensittivi.

Revoka

Id-Direttiva (UE) 91/271/KEE se tiġi revokata u sostitwita bid-Direttiva (UE) 2024/3019 (ara s-sommarju) mill-1 ta’ Awwissu 2027. Madankollu, xi regoli se jkomplu japplikaw wara dan.

MINN META TAPPLIKA D-DIRETTIVA?

Mid-29 ta’ Mejju 1991, b’bosta skadenzi differenti għad-diversi rekwiżiti. Fl-1998, il-Kummissjoni adottat id-Direttiva 98/15/KE sabiex tikkjarifika wħud mir-regoli minħabba l-interpretazzjonijiet differenti fil-pajjiżi tal-UE. Din daħlet fis-seħħ fis-27 ta’ Marzu 1998. Hemm skadenzi oħrajn li japplikaw għall-pajjiżi li ssieħbu fl-UE mill-2004 ’il quddiem. Dawn huma speċifikati fit-Trattati ta’ Adeżjoni ma’ kull wieħed mill-pajjiżi kkonċernati.

SFOND

Għal aktar informazzjoni, ara:

Urban wastewater(Kummissjoni Ewropea).

TERMINI EWLENIN

Ewtrofikazzjoni. Ewtrofikazzjoni tal-ilma fejn in-nutrijenti jikkawżaw, fost affarijiet oħra, tkabbir aċċellerat tal-alka li jfixkel il-bilanċ tal-organiżmi fl-ilma u l-kwalità tal-ilma.
Trattament sekondarju. Proċess li ġeneralment ikun jinvolvi trattament bijoloġiku, sabiex jinkisbu r-rekwiżiti fl-Anness I tad-Direttiva.
Żoni sensittivi. Ilma naturali li huwa ewtrofikat jew jista’ jsir ewtorifikat fil-futur qarib jekk ma tittiħidx azzjoni ta’ protezzjoni, jew dak li għandu bżonn aktar trattament avvanzat sabiex jissodisfa l-konformità ma’ Direttivi oħra tal-UE (eż., id-Direttiva dwar l-Ilma għall-Għawm)

DOKUMENT PRINĊIPALI

Id-Direttiva tal-Kunsill 91/271/KEE tal-21 ta’ Mejju 1991 dwar it-trattament tal-ilma urban mormi (GU L 135, 30.5.1991, pp. 40–52).

Emendi suċċessivi għad-Direttiva 91/271/KEE ġew inkorporati fit-test oriġinali. Din il-verżjoni konsolidata għandha valur dokumentarju biss.

DOKUMENTI RELATATI

Rapport tal-Kummissjoni lill-Parlament Ewropea, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni — L-Għaxar rapport dwar l-istatus tal-implimentazzjoni u l-programmi għall-implimentazzjoni (kif rikjest mill-Artikolu 17 tad-Direttiva tal-Kunsill 91/271/KEE dwar it-trattament tal-ilma urban mormi) (COM(2020) 492 final).

Id-Deċiżjoni ta’ Implimentazzjoni tal-Kummissjoni 2014/431/UE tas-26 ta’ Ġunju 2014 dwar formati għar-rappurtar dwar il-programmi nazzjonali għall-implimentazzjoni tad-Direttiva tal-Kunsill 91/271/KEE (ĠU L 197, 4.7.2014, pp. 77–86).

Rapport mill-Kummissjoni — L-implimentazzjoni tad-Direttiva tal-Kunsill 91/271/KEE tal-21 ta’ Mejju 1991 dwar it-trattament tal-ilma urban mormi, kif emendata mid-Direttiva tal-Kummissjoni 98/15/KE tas-27 ta’ Frar 1998 — Sommarju tal-miżuri implimentati mill-Istati Membri u valutazzjoni tal-informazzjoni riċevuta skont l-Artikoli 17 u 13 tad-Direttiva (COM(98) 775 final, 15.1.1999).

Rapport mill-Kummissjoni lill-Kunsill, lill-Parlament Ewropew, lill-Kumitat Ekonomiku u Soċjali Ewropew u lill-Kumitat tar-Reġjuni — L-implimentazzjoni tad-Direttiva tal-Kunsill 91/271/KEE tal-21 ta’ Mejju 1991 dwar it-trattament tal-ilma urban mormi, kif emendata mid-Direttiva tal-Kummissjoni 98/15/KE tas-27 ta’ Frar 1998 (COM(2004) 248 final, 23.4.2004).

Dokument ta’ Ħidma tal-Persunal tal-Kummissjoni — Dokument ta’ akkumpanjament għall-Komunikazzjoni mill-Kummissjoni lill-Parlament Ewropew u lill-Kunsill — “Lejn Ġestjoni Sostenibbli tal-Ilma fl-Unjoni Ewropea” — L-ewwel stadju fl-implimentazzjoni tad-Direttiva Qafas dwar l-Ilma 2000/60/KE [COM(2007) 128 final] [SEC(2007) 363] (SEC(2007) 362 final, 22.3.2007).

Dokument ta’ Ħidma tal-Persunal tal-Kummissjoni — Il-Ħames Sommarju tal-Kummissjoni dwar l-Implimentazzjoni tad-Direttiva dwar it-Trattament tal-Ilma Urban Mormi (SEC(2009) 1114 final, 3.8.2009).

Dokument ta’ Ħidma tal-Persunal tal-Kummissjoni — Is-Sitt Sommarju tal-Kummissjoni dwar l-Implimentazzjoni tad-Direttiva dwar it-Trattament tal-Ilma Urban Mormi (SEC(2011) 1561 final, 7.12.2011).

Rapport mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni — Is-Seba’ Rapport dwar l-Implimentazzjoni tad-Direttiva dwar it-Trattament tal-Ilma Urban Mormi (91/271/KEE) (COM(2013) 574 final, 7.8.2013).

Rapport tal-Kummissjoni lill-Parlament Ewropea, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni — It-Tmien Rapport dwar l-Istatus tal-Implimentazzjoni u l-Programmi għall-Implimentazzjoni (kif rikjest mill-Artikolu 17) tad-Direttiva tal-Kunsill 91/271/KEE dwar it-trattament tal-ilma urban mormi (COM(2016) 105 final, 4.3.2016).

l-aħħar aġġornament 24.1.2025.

Top