EUR-Lex Access to European Union law
This document is an excerpt from the EUR-Lex website
EU budget 2018: €160.1 billion
Il-Baġit tal-UE għall-2018: EUR 160.1 biljun
Il-Baġit tal-UE għall-2018: EUR 160.1 biljun
This summary has been archived and will not be updated, because the summarised document is no longer in force or does not reflect the current situation.
- Date of last review:
- 23/04/2018
- Author:
- Uffiċċju tal-Pubblikazzjonijiet tal-Unjoni Ewropea
- Responsible entity(ies):
- Id-Direttorat Ġenerali għall-Baġit
- Archived:
-
true
- Summarised document(s):
- Summary code:
-
- 06.99.00.00 Taqsiriet arkivjati
- EUROVOC descriptor:
- Directory code:
Il-Baġit tal-UE għall-2018: EUR 160.1 biljun
SOMMARJU TA’:
Adozzjoni definittiva (UE, Euratom) 2018/251 tal-baġit ġenerali tal-UE għas-sena finanzjarja 2018
X’INHU L-GĦAN TA’ DIN ID-DEĊIŻJONI?
Huwa t-test li ntlaħaq qbil dwaru mill-Parlament Ewropew u mill-Kunsill li jadottaw il-baġit tal-UE għall-2018.
Il-baġit:
- jgħin biex il-prijoritajiet politiċi tal-UE jsiru realtà;
- jistabbilixxi u jawtorizza d-dħul u n-nefqa totali annwali għall-UE u għall-Awtorità Ewropea għall-Enerġija Atomika;
- Jidentifika l-oqsma ta’ nefqa ta’ prijorità speċifiċi. Għall-2018, dawn jinkludu:
- il-ħolqien tal-impjiegi, speċjalment għaż-żgħażagħ;
- it-tkabbir ekonomiku u l-investiment strateġiku;
- l-iżvilupp reġjonali;
- il-migrazzjoni.
PUNTI EWLENIN
Il-baġit tal-UE għall-2018 jipprevedi EUR 160.1 biljun f’impenji* ta’ nfiq u EUR 144.7 biljun f’pagamenti* kreditu. L-oqsma ewlenin tan-nefqa (f’EUR miljuni) huma:
|
Impenji (EUR miljuni) |
Pagamenti (EUR miljuni) |
Kompetittività għat-tkabbir u għall-impjiegi (riċerka, innovazzjoni, edukazzjoni, intrapriżi żgħar u ta’ daqs medju, eċċ.) |
22 001 |
20 097 |
Koeżjoni ekonomika, soċjali u territorjali (fondi reġjonali, soċjali u ta’ investiment, eċċ.) |
55 532 |
46 527 |
Tkabbir sostenibbli, riżorsi naturali (agrikoltura, sajd, politiki rurali u tal-ambjent, eċċ.) |
59 285 |
56 084 |
li minnhom: Appoġġ finanzjarju dirett lill-bdiewa u miżuri tas-suq |
43 235 |
43 189 |
Sigurtà u Ċittadinanza (protezzjoni tal-fruntieri, politika dwar l-asil, miżuri kontra t-terroriżmu, eċċ) |
3 493 |
2 981 |
Ewropa Globali (għajnuna għall-iżvilupp barra mill-UE, għajnuna umanitarja, eċċ.) |
9 569 |
8 906 |
Amministrazzjoni (salarji tal-persunal, pensjonijiet u spejjeż operazzjonali) |
9 666 |
9 666 |
Strumenti speċjali |
567 |
420 |
MINN META JIBDA JAPPLIKA L-ATT?
Dan ilu fis-seħħ mill-1 ta’ Jannar 2018.
SFOND
Il-baġit annwali jiffinanzja l-firxa sħiħa tal-politiki, tal-attivitajiet, tal-istituzzjonijiet u tal-aġenziji tal-UE. Huwa jirrappreżenta madwar 1 % tad-dħul nazzjonali gross tat-28 pajjiż tal-UE. Il-Kummissjoni Ewropea tippreżenta l-abbozz ta’ proposta tagħha għall-baġit li mbagħad iridu jaqblu fuqu l-Kunsill u l-Parlament Ewropew.
Fit-30 ta’ Mejju 2017, il-Kummissjoni pproponiet baġit għall-2018 ta’ EUR 161 biljun f’impenji u EUR 145 biljun f’pagamenti. Il-Kunsill naqqas xi ftit dak l-ammont filwaqt li l-Parlament żiedu. It-tliet istituzzjonijiet laħqu ftehim dwar il-proċedura ta’ konċiljazzjoni*. Il-ftehim ġie fformalizzat bl-adozzjoni definittiva tal-Parlament Ewropew fit-30 ta’ Novembru 2017.
Għal aktar informazzjoni, ara:
- Il-baġit spjegat (il-Kummissjoni Ewropea).
TERMINI EWLENIN
DOKUMENT EWLIENI
Adozzjoni definittiva (UE, Euratom) 2018/251 tal-baġit ġenerali tal-Unjoni Ewropea għas-sena finanzjarja 2018 (ĠU L 57, 28.2.2018, pp. 1-2382)
DOKUMENTI RELATATI
Ittra emendatorja Nru 1 għall-abbozz tal-baġit ġenerali għall-2018 li jaġġorna l-ħtiġijiet stmati għan-nefqa agrikola u aġġustamenti oħra (riżerva għall-Fond ta’ Solidarjetà tal-Unjoni Ewropea, aġenziji u nefqa amministrattiva) (COM(2017) 615 final, 16.10.2017)
l-aħħar aġġornament 23.04.2018
