Baġit tal-UE 2020: EUR 168,7 biljun

 

SOMMARJU TA’:

Adozzjoni definittiva (UE, Euratom) 2020/227 tal-baġit ġenerali tal-Unjoni Ewropea għas-sena finanzjarja 2020

X’INHU L-GĦAN TA’ DAN L-ATT?

Dan huwa t-test maqbul mill-Parlament Ewropew u mill-Kunsill tal-UE li jadotta l-baġit tal-UE għall-2020.

Il-baġit:

• jgħin il-prijoritajiet politiċi tal-UE jinbidlu f’realtà;
• jistabbilixxi u jawtorizza d-dħul u n-nefqa totali annwali għall-UE u għall-Komunità Ewropea għall-Enerġija Atomika;
• jidentifika oqsma ta’ nefqa ta’ prijorità speċifiċi.

Għall-2020, l-oqsma ta’ prijorità li huma importanti għaċ-ċittadini jinkludu:

• il-bidla fil-klima;
• l-impjiegi:
• iż-żgħażagħ;
• is-sigurtà u s-solidarjetà fl-UE.

PUNTI EWLENIN

Il-baġit tal-UE 2020 jipprovdi għal EUR 168,689 biljun f’impenji* ta’ nfiq u EUR 153,566 biljun f’pagamenti* kreditu.

L-oqsma ewlenin tan-nefqa huma:

	L-impenji (f’EUR miljuni)	Pagamenti (f’EUR miljuni)
Il-kompetittività, għat-tkabbir u l-impjiegi (ir-riċerka, l-innovazzjoni, l-edukazzjoni, l-intrapriżi żgħar u ta’ daqs medju, eċċ.)	25 285	22 308
Il-koeżjoni ekonomika, soċjali u territorjali (fondi reġjonali, soċjali u ta’ investiment, eċċ .)	58 646	50 046
It-tkabbir sostenibbli, ir-riżorsi naturali (l-agrikoltura, is-sajd, il-politiki rurali u ambjentali, eċċ.)	59 907	57 904
li minnhom: L-appoġġ finanzjarju dirett għall-bdiewa u l-miżuri ta’ intervent fis-suq	43 410	43 380
Is-Sigurtà u ċ-Ċittadinanza (il-protezzjoni tal-fruntieri, il-politika dwar l-asil, l-attivitajiet kontra t-terroriżmu, eċċ.)	3 729	3 685
Ewropa Globali (l-għajnuna għall-iżvilupp barra mill-UE, l-għajnuna umanitarja, eċċ.)	10 262	8 929
Amministrazzjoni (salarji tal-persunal, pensjonijiet u spejjeż operazzjonali)	10 272	10 275
Strumenti speċjali	588	419

• Ir-Renju Unit, minkejja li ħareġ mill-UE fil-31 ta’ Jannar 2020, qed ikompli jikkontribwixxi u jipparteċipa fl-implimentazzjoni tal-baġit sal-aħħar tal-2020 daqslikieku kien Stat Membru tal-UE.

MINN META JIBDA JAPPLIKA L-ATT?

Dan ilu japplika mill-1 ta’ Jannar 2020.

SFOND

• Il-baġit annwali primarjament huwa baġit ta’ investiment li jiffinanzja l-firxa sħiħa tal-politiki, l-attivitajiet, l-istituzzjonijiet u l-aġenziji tal-UE. Huwa jirrappreżenta madwar 1 % tad-dħul nazzjonali gross tal-pajjiżi membri u madwar 2 % tal-infiq pubbliku tal-UE. Għandu l-għan li jikkomplementa baġits nazzjonali u jimplimenta prijoritajiet li l-gvernijiet kollha tal-UE jkunu qablu magħhom.
• Il-baġit tal-UE tal-2020 huwa l-aħħar wieħed taħt il-qafas finanzjarju multiannwali għaddej bejn l-2014 u l-2020.
• fil-5 ta’ Ġunju 2019 il-Kummissjoni Ewropea pproponiet abboż ta’ baġit tal-UE għall-2020 ta’ EUR 168,3 biljun f’impenji (+ 1,3 % fl-2019) u EUR 153,6 biljun f’pagamenti (+ 3,5 %). Il-Kunsill naqqas xi ftit dak l-ammont, filwaqt li l-Parlament żiedu. Fit-18 ta’ Novembru 2019, it-tliet istituzzjonijiet laħqu ftehim dwar il-proċedura ta’ konċiljazzjoni*. Il-baġit tal-UE għall-2020 ġie approvat b’mod formali mill-Kunsill fis-26 ta’ Novembru 2019 u ġie adottat mill-Parlament Ewropew fis-27 ta’ Novembru 2019.

Għal aktar informazzjoni, ara:

• Baġit tal-UE (il-Kummissjoni Ewropea).

TERMINI EWLENIN

DOKUMENT EWLIENI

Adozzjoni definittiva (UU, Euratom) 2020/227 tal-baġit ġenerali tal-Unjoni Ewropea għas-sena finanzjarja 2020 (ĠU L 57, 27.2.2020, pp. 1-2384)

l-aħħar aġġornament 26.02.2020