Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32020R0570

Regolament Delegat tal-Kummissjoni (UE) 2020/570 tat-28 ta’ Jannar 2020 li jemenda u jikkoreġi r-Regolament (UE) Nru 748/2012 fir-rigward tal-allinjament tar-regoli għall-kontinwità tal-ajrunavigabbiltà tal-inġenji tal-ajru u għall-prodotti, għall-parts u għall-apparati ajrunawtiċi mar-Regolament (UE) Nru 1321/2014 (Test b’rilevanza għaż-ŻEE)

C/2020/336

ĠU L 132, 27.4.2020, p. 1–6 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_del/2020/570/oj

27.4.2020   

MT

Il-Ġurnal Uffiċjali tal-Unjoni Ewropea

L 132/1

REGOLAMENT DELEGAT TAL-KUMMISSJONI (UE) 2020/570

tat-28 ta’ Jannar 2020

li jemenda u jikkoreġi r-Regolament (UE) Nru 748/2012 fir-rigward tal-allinjament tar-regoli għall-kontinwità tal-ajrunavigabbiltà tal-inġenji tal-ajru u għall-prodotti, għall-parts u għall-apparati ajrunawtiċi mar-Regolament (UE) Nru 1321/2014

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2018/1139 tal-Parlament Ewropew u tal-Kunsill tal-4 ta’ Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (1), u b’mod partikolari l-Artikolu 19(1) tiegħu,

Billi:

(1)

Ir-Regolament tal-Kummissjoni (UE) Nru 1321/2014 (2) ġie emendat (3) biex jistabbilixxi rekwiżiti iktar flessibbli għall-manutenzjoni tal-inġenji tal-ajru ħfief u biex iżid il-ġestjoni tar-riskji għas-sikurezza tal-organizzazzjonijiet li jiġġestixxu l-kontinwità tal-ajrunavigabbiltà tal-inġenji tal-ajru operati mid-detenturi ta’ ċertifikat ta’ operatur tal-ajru. B’konsegwenza ta’ dik l-emenda, il-miżuri li jridu jittieħdu biex tiġi żgurata l-ajrunavigabbiltà kontinwa ta’ inġenju tal-ajru, li qabel kienu stabbiliti fl-Anness I (il-Parti-M) tar-Regolament (UE) Nru 1321/2014, issa huma stabbiliti fl-Anness I (il-Parti-M), fl-Anness Vb (il-Parti-ML), fl-Anness Vc (il-Parti-CAMO) u fl-Anness Vd (il-Parti-CAO) ta’ dak ir-Regolament, skont it-tip ta’ inġenju tal-ajru u t-tħaddim tiegħu.

(2)

Peress li d-dispożizzjonijiet relatati maċ-ċertifikati tal-ajrunavigabbiltà, mal-approvazzjonijiet tad-disinn tat-tiswija u mal-permessi għat-titjir, stabbiliti fl-Anness I (il-Parti 21) tar-Regolament tal-Kummissjoni (UE) Nru 748/2012 (4), jirreferu biss għall-Anness I (il-Parti-M) tar-Regolament (UE) Nru 1321/2014, jenħtieġ li dak l-Anness I (il-Parti 21) tar-Regolament tal-Kummissjoni (UE) Nru 748/2012 jiġi emendat biex id-dispożizzjonijiet tiegħu jiġu adattati għall-istruttura l-ġdida tal-Annessi tar-Regolament (UE) Nru 1321/2014.

(3)

Il-punt (b) tal-punt 21.A.604 tal-Anness I tar-Regolament (UE) Nru 748/2012 jista’ jinftiehem li għall-approvazzjoni ta’ bidliet fid-disinn tal-Unità ta’ Qawwa Awżiljarja għall-applikanti li ma jkollhomx Awtorizzazzjoni ta’ Ordni ta’ Standard Tekniku Ewropew, fir-rigward ta’ bidliet ikklassifikati bħala minuri, jenħtieġ li tiġi applikata s-Subparti E tal-Anness I tar-Regolament (UE) Nru 748/2012 minflok is-Subparti D tal-Anness I ta’ dak ir-Regolament. Għalhekk, jenħtieġ li r-Regolament (UE) Nru 748/2012 jiġi kkoreġut biex jiġi ċċarat li f’dawk il-każijiet tapplika s-Subparti D tal-Anness I ta’ dak ir-Regolament.

(4)

Ir-rekwiżiti relatati mal-istandard tal-qtugħ tal-produzzjoni għall-emissjonijiet tas-CO2 tal-ajruplani fil-punt 21.A.165 tas-Subparti G tal-Anness I tar-Regolament (UE) Nru 748/2012 mhumiex iddikjarati u allinjati b’mod ċar mal-istess rekwiżiti fis-Subparti F tal-Anness I ta’ dak ir-Regolament. Għalhekk, jenħtieġ li r-Regolament (UE) Nru 748/2012 jiġi kkoreġut.

(5)

Id-dispożizzjoni fl-ittra (c) tal-punt 21.A.93 tal-Anness I tar-Regolament (UE) Nru 748/2012 tirreferi għal “ċertifikati tat-tip jew ċertifikati tat-tip ristretti”, mentri jenħtieġ li tirreferi għal “bidliet fiċ-ċertifikati tat-tip jew fiċ-ċertifikati tat-tip ristretti”. Għalhekk, jenħtieġ li r-Regolament (UE) Nru 748/2012 jiġi kkoreġut.

(6)

Il-miżuri previsti f’dan ir-Regolament huma konformi mal-Opinjonijiet 05/2016 (5) u 06/2016 (6) tal-Aġenzija tal-Unjoni Ewropea għas-Sikurezza tal-Avjazzjoni ppreżentati skont l-Artikolu 76(1) tar-Regolament (UE) 2018/1139,

ADOTTAT DAN IR-REGOLAMENT:

Artikolu 1

Ir-Regolament (UE) Nru 748/2012 huwa emendat u kkoreġut kif ġej:

(1)

fl-Artikolu 1(2), il-punt (d) jitħassar;

(2)

l-Anness I huwa emendat f’konformità mal-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-24 ta’ Marzu 2020.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-28 ta’ Jannar 2020.

Għall-Kummissjoni

Il-President

Ursula VON DER LEYEN

(1)   ĠU L 212, 22.8.2018, p. 1.

(2)  Ir-Regolament tal-Kummissjoni (UE) Nru 1321/2014 tas-26 ta’ Novembru 2014 dwar il-kontinwità tal-ajrunavigabbiltà ta’ inġenji tal-ajru u prodotti, partijiet u tagħmir ajrunawtiċi, u dwar l-approvazzjoni ta’ organizzazzjonijiet u persunal involut f’dan ix-xogħol (ĠU L 362, 17.12.2014, p. 1).

(3)  Ir-Regolament ta’ Implimentazzjoni tal-Kummissjoni (UE) 2019/1383 tat-8 ta’ Lulju 2019 li jemenda u jikkoreġi r-Regolament (UE) Nru 1321/2014 fir-rigward tas-sistemi ta’ ġestjoni tas-sikurezza fl-organizzazzjonijiet tal-ġestjoni tal-kontinwità tal-ajrunavigabbiltà u t-tnaqqis tar-rekwiżiti għall-inġenji tal-ajru tal-avjazzjoni ġenerali b’rabta mal-manutenzjoni u l-ġestjoni tal-kontinwità tal-ajrunavigabbiltà (ĠU L 228, 4.9.2019, p. 1).

(4)  Ir-Regolament tal-Kummissjoni (UE) Nru 748/2012 tat-3 ta’ Awwissu 2012 li jistabbilixxi regoli ta’ implimentazzjoni għaċ-ċertifikazzjoni tal-airworthiness u ambjentali ta’ inġenji tal-ajru u ta’ prodotti, partijiet u tagħmir relatati, kif ukoll għaċ-ċertifikazzjoni ta’ organizzazzjonijiet relatati mad-disinn u l-produzzjoni (ĠU L 224, 21.8.2012, p. 1).

(5)  L-Opinjoni 05/2016: Task force għar-rieżami tal-Parti-M għall-Avjazzjoni Ġenerali (il-FAŻI II)

(6)  L-Opinjoni 06/2016: Inkorporazzjoni tar-rekwiżiti tas-sistema ta’ ġestjoni tas-sikurezza (SMS) fir-Regolament tal-Kummissjoni (UE) Nru 1321/2014 – SMS fil-Parti-M

ANNESS

L-Anness I (il-Parti 21) tar-Regolament (UE) Nru 748/2012 huwa emendat kif ġej:

(1)

fil-werrej, ir-referenza għall-Appendiċi II hija sostitwita b’dan li ġej:

“Appendiċi II — Il-Formoli 15a u 15c tal-EASA — Ċertifikat ta’ Rieżami tal-Ajrunavigabbiltà;

(2)

fil-punt 21.A.93, il-punt (2) tal-punt (c) huwa sostitwit b’dan li ġej:

“2.

applika għal estensjoni tal-perjodu ta’ żmien previst fl-ewwel sentenza tal-punt (c) għall-applikazzjoni oriġinali u pproponi data ġdida għall-ħruġ tal-approvazzjoni. F’dak il-każ, l-applikant għandu jikkonforma mal-bażi taċ-ċertifikazzjoni tat-tip, mal-bażi taċ-ċertifikazzjoni tad-data tal-adegwatezza operattiva u mar-rekwiżiti tal-protezzjoni ambjentali, kif stabbiliti mill-Aġenzija f’konformità mal-punt 21.A.101 u kif innotifikati f’konformità mal-punt 21.B.105, għal data li jrid jagħżel l-applikant. Madankollu, id-data ma għandhiex tippreċedi d-data l-ġdida proposta mill-applikant għall-ħruġ tal-approvazzjoni b’iktar minn ħames snin għal applikazzjoni għal bidla fiċ-ċertifikat tat-tip jew fiċ-ċertifikat tat-tip ristrett għal ajruplan kbir jew għal inġenju tal-ajru kbir bir-rotors, u b’iktar minn tliet snin għal applikazzjoni għal kwalunkwe bidla oħra fiċ-ċertifikat tat-tip jew fiċ-ċertifikat tat-tip ristrett.”;

(3)

fil-punt 21.A.165, il-punt (3) tal-punt (c) huwa sostitwit b’dan li ġej:

“3.

Barra minn hekk, fil-każ tar-rekwiżiti ambjentali ddetermina li:

(i)

il-magna lesta hija konformi mar-rekwiżiti applikabbli tal-emissjonijiet tal-egżost tal-magna fid-data tal-manifattura tal-magna, u;

(ii)

l-ajruplan lest huwa konformi mar-rekwiżiti applikabbli tal-emissjonijiet tas-CO2 fid-data meta jinħareġ l-ewwel ċertifikat tal-ajrunavigabbiltà tiegħu.”;

(4)

fil-punt 21.A.174, il-punt (3) tal-punt (b) huwa sostitwit b’dan li ġej:

“3.

fir-rigward ta’ inġenju tal-ajru użat li joriġina minn:

(i)

Stat Membru, ċertifikat ta’ rieżami tal-ajrunavigabbiltà maħruġ f’konformità mal-Anness I (il-Parti-M) jew mal-Anness Vb (il-Parti-ML) tar-Regolament tal-Kummissjoni (UE) Nru 1321/2014 (*1);

(ii)

pajjiż terz:

—

dikjarazzjoni mill-awtorità kompetenti tal-Istat fejn l-inġenju tal-ajru jkun rreġistrat, jew kien irreġistrat, li tirrifletti l-istatus tal-ajrunavigabbiltà tal-inġenju tal-ajru fir-reġistru tiegħu fiż-żmien tat-trasferiment;

—

rapport dwar il-piż u l-bilanċ bi skeda tat-tagħbija;

—

il-manwal tat-titjir meta tali manwal ikun meħtieġ mill-kodiċi tal-ajrunavigabbiltà għall-inġenju tal-ajru;

—

ir-rekords storiċi biex jiġi stabbilit l-istandard tal-produzzjoni, tal-modifika u tal-manutenzjoni tal-inġenju tal-ajru, inkluż il-limitazzjonijiet kollha assoċjati ma’ ċertifikat tal-ajrunavigabbiltà ristrett f’konformità mal-punt 21.B.327;

—

rakkomandazzjoni għall-ħruġ ta’ ċertifikat tal-ajrunavigabbiltà jew ċertifikat tal-ajrunavigabbiltà ristrett u għal ċertifikat ta’ rieżami tal-ajrunavigabbiltà skont rieżami tal-ajrunavigabbiltà f’konformità mal-Anness I (il-Parti-M) jew mal-Anness Vb (il-Parti-ML) tar-Regolament (UE) Nru 1321/2014.;

(*1)  Ir-Regolament tal-Kummissjoni (UE) Nru 1321/2014 tas-26 ta’ Novembru 2014 dwar il-kontinwità tal-ajrunavigabbiltà ta’ inġenji tal-ajru u prodotti, partijiet u tagħmir ajrunawtiċi, u dwar l-approvazzjoni ta’ organizzazzjonijiet u persunal involut f’dan ix-xogħol (ĠU L 362, 17.12.2014, p. 1).”;"

(5)

fil-punt 21.A.179, il-punt (i) tal-punt (a)(2) huwa sostitwit b’dan li ġej:

“(i)

meta jiġu ppreżentati ċ-ċertifikat preċedenti tal-ajrunavigabbiltà u ċertifikat validu ta’ rieżami tar-reviżjoni tal-ajrunavigabbiltà maħruġ f’konformità mal-Anness I (il-Parti-M) jew mal-Anness Vb (il-Parti-ML) tar-Regolament (UE) Nru 1321/2014;”;

(6)

fil-punt 21.A.441, il-punt (a) huwa sostitwit b’dan li ġej:

“(a)

“(a) l-inkorporazzjoni ta’ tiswija għandha ssir f’konformità mal-Anness I (il-Parti-M), mal-Anness II (il-Parti-145), mal-Anness Vb (il-Parti-ML) jew mal-Anness Vd (il-Parti-CAO) tar-Regolament (UE) Nru 1321/2014, jew minn organizzazzjoni tal-produzzjoni approvata f’konformità mas-Subparti G ta’ dan l-Anness, skont il-privileġġ previst fil-punt 21.A.163(d);”;

(7)

fil-punt 21.A.604, il-punt (b) huwa sostitwit b’dan li ġej:

“(b)

b’deroga mill-punt 21.A.611, ir-rekwiżiti tas-Subparti D għandhom japplikaw għall-approvazzjoni ta’ bidliet fid-disinn mid-detentur tal-awtorizzazzjoni tal-ETSO għal APU u ta’ bidliet fid-disinn minn applikanti oħra kklassifikati bħala bidla minuri, u r-rekwiżiti tas-Subparti E għandhom japplikaw għall-approvazzjoni ta’ bidliet fid-disinn minn applikanti oħra kklassifikati bħala bidla maġġuri. Meta jkunu japplikaw ir-rekwiżiti tas-Subparti E, għandha tinħareġ awtorizzazzjoni separata tal-ETSO minflok ċertifikat tat-tip supplimentari; kif ukoll”;

(8)

fil-punt 21.A.711, il-punt (d) huwa sostitwit b’dan li ġej:

“(d)

Organizzazzjoni approvata tista’ toħroġ permess għat-titjir (il-Formola 20b tal-EASA, ara l-Appendiċi IV) skont il-privileġġ mogħti f’konformità mal-punt CAMO.A.125 tal-Anness Vc (il-Parti-CAMO) tar-Regolament (UE) Nru 1321/2014 jew mal-punt CALO.A.095 tal-Anness Vd (il-Parti-CAO) tar-Regolament (UE) Nru 1321/2014, meta l-kundizzjonijiet tat-titjir imsemmija fil-punt 21.A.708 ta’ dan l-Anness ikunu ġew approvati f’konformità mal-punt 21.A.710 ta’ dan l-Anness;”;

(9)

fil-punt 21.B.325, il-punt (c) huwa sostitwit b’dan li ġej:

“(c)

għal inġenju tal-ajru ġdid jew għal inġenju tal-ajru użat li jkunu joriġinaw minn pajjiż li mhux Stat Membru, minbarra ċ-ċertifikat tal-ajrunavigabbiltà xieraq imsemmi fil-punt (a) jew (b), l-awtorità kompetenti tal-Istat Membru ta’ reġistrazzjoni għandha toħroġ ċertifikat ta’ rieżami tal-ajrunavigabbiltà inizjali (il-Formola 15a jew 15c tal-EASA, ara l-Appendiċi II).”;

(10)

fil-punt 21.B.326, il-punt (iii) tal-punt (b)(1) huwa sostitwit b’dan li ġej:

“(iii)

l-inġenju tal-ajru jkun ġie spezzjonat f’konformità mad-dispożizzjonijiet tal-Anness I (il-Parti-M) jew mal-Anness Vb (il-Parti-ML) tar-Regolament (UE) Nru 1321/2014, kif ikun xieraq.”;

(11)

fil-punt 21.B.327, il-punt (C) tal-punt (a)(2)(i) huwa sostitwit b’dan li ġej:

“(C)

l-inġenju tal-ajru jkun ġie spezzjonat f’konformità mad-dispożizzjonijiet tal-Anness I (il-Parti-M) jew mal-Anness Vb (il-Parti-ML) tar-Regolament (UE) Nru 1321/2014, kif ikun xieraq.”;

(12)

fil-lista tal-Appendiċijiet “FORMOLI TAL-EASA”, ir-referenza għall-“Appendiċi II — il-Formola 15a tal-EASA taċ-Ċertifikat ta’ Rieżami tal-Ajrunavigabbiltà” hija sostitwita b’dan li ġej:

“Appendiċi II — il-Formoli 15a u 15c tal-EASA — Ċertifikat ta’ Rieżami tal-Ajrunavigabbiltà”;

(13)

l-Appendiċi II huwa sostitwit b’dan li ġej:

‘Appendiċi II

il-Formola 15a tal-EASA — Ċertifikat ta’ Rieżami tal-Ajrunavigabbiltà

[L-ISTAT MEMBRU]

Stat Membru tal-Unjoni Ewropea (*)

ĊERTIFIKAT TA’ RIEŻAMI TAL-AJRUNAVIGABBILTÀ (ARC)

Referenza tal-ARC:......................

Skont ir-Regolament (UE) 2018/1139 tal-Parlament Ewropew u tal-Kunsill, l-[AWTORITÀ KOMPETENTI TAL-ISTAT MEMBRU] b’dan tiċċertifika li l-inġenju tal-ajru li ġej:

Manifattur tal-inġenju tal-ajru:…

Deżinjazzjoni tal-manifattur:…

Reġistrazzjoni tal-inġenju tal-ajru:…

Numru tas-serje tal-inġenju tal-ajru:…

fil-mument tar-rieżami jitqies li jista’ jittajjar.

Data tal-ħruġ:…

Data tal-iskadenza:…

Sigħat ta’ titjir (FH) tal-inġenju tal-ajru fid-data tal-ħruġ (**):…

Iffirmat:…

Nru tal-Awtorizzazzjoni:…

L-ewwel estensjoni: L-inġenju tal-ajru baqa’ f’ambjent ikkontrollat f’konformità mal-punt M.A.901 tal-Anness I (il-Parti-M) tar-Regolament tal-Kummissjoni (UE) Nru 1321/2014 għas-sena preċedenti. Fil-mument tal-ħruġ ta’ dan iċ-ċertifikat l-inġenju tal-ajru jitqies li jista’ jittajjar.

Data tal-ħruġ:…

Data tal-iskadenza:…

Sigħat ta’ titjir (FH) tal-inġenju tal-ajru fid-data tal-ħruġ :…

Iffirmat:…

Nru tal-Awtorizzazzjoni: …

Isem il-kumpanija:…

Referenza tal-approvazzjoni:…

It-tieni estensjoni: L-inġenju tal-ajru baqa’ f’ambjent ikkontrollat f’konformità mal-punt M.A.901 tal-Anness I (il-Parti-M) tar-Regolament tal-Kummissjoni (UE) Nru 1321/2014 għas-sena preċedenti. Fil-mument tal-ħruġ taċ-ċertifikat l-inġenju tal-ajru jitqies li jista’ jittajjar.

Data tal-ħruġ:…

Data tal-iskadenza:…

Sigħat ta’ titjir (FH) tal-inġenju tal-ajru fid-data tal-ħruġ (**):…

Iffirmat: …

Nru tal-Awtorizzazzjoni:…

Isem il-kumpanija:…

Referenza tal-approvazzjoni:…

Formola 15a tal-EASA — Ħarġa 5

(*)

 Ħassar għal pajjiżi li mhumiex Stati Membri tal-UE.

(**)

 Ħlief għall-iġfna tal-ajru.

Formola 15c tal-EASA — Ċertifikat ta’ rieżami tal-ajrunavigabbiltà

ĊERTIFIKAT TA’ RIEŻAMI TAL-AJRUNAVIGABBILTÀ (ARC) (għall-inġenji tal-ajru li jikkonformaw mal-Parti-ML)

Referenza tal-ARC:........................

Skont ir-Regolament (UE) 2018/1139 tal-Parlament Ewropew u tal-Kunsill:

[ISEM L-AWTORITÀ KOMPETENTI]

jew

[ISEM L-ORGANIZZAZZJONI APPROVATA, INDIRIZZ u REFERENZA TAL-APPROVAZZJONI]

jew

[L-ISEM SĦIĦ TAL-PERSUNAL TAĊ-ĊERTIFIKAZZJONI U N-NUMRU TAL-LIĊENZJA TAL-PARTI-66 (JEW EKWIVALENTI NAZZJONALI)]

b’dan jiċċertifika/tiċċertifika li twettaq rieżami tal-ajrunavigabbiltà f’konformità mar-Regolament (UE) Nru 1321/2014 fuq l-inġenju tal-ajru li ġej:

Manifattur tal-inġenju tal-ajru: …

Deżinjazzjoni tal-manifattur:…

Reġistrazzjoni tal-inġenju tal-ajru:…

Numru tas-serje tal-inġenju tal-ajru:…

u fil-mument tar-rieżami dan l-inġenju tal-ajru jitqies li jista’ jittajjar.

Data tal-ħruġ:…

Data tal-iskadenza:…

Sigħat ta’ titjir (FH) tal-inġenju tal-ajru fid-data tar-rieżami (*):…

Iffirmat:…

Nru tal-Awtorizzazzjoni (jekk applikabbli):…

L-ewwel estensjoni: L-inġenju tal-ajru jikkonforma mal-kundizzjonijiet tal-punt ML.A.901(c) tal-Anness Vb (il-Parti-ML)

Data tal-ħruġ:…

Data tal-iskadenza:…

Sigħat ta’ titjir (FH) tal-inġenju tal-ajru fid-data tal-ħruġ (*):…

Iffirmat:…

Nru tal-Awtorizzazzjoni:…

Isem il-kumpanija:…

Referenza tal-approvazzjoni: …

It-tieni estensjoni: L-inġenju tal-ajru jikkonforma mal-kundizzjonijiet tal-punt ML.A.901(c) tal-Anness Vb (il-Parti-ML)

Data tal-ħruġ:…

Data tal-iskadenza:…

Sigħat ta’ titjir (FH) tal-inġenju tal-ajru fid-data tal-ħruġ (*):…

Iffirmat:…

Nru tal-Awtorizzazzjoni:…

Isem il-kumpanija:…

Referenza tal-approvazzjoni:…

(*)

 Ħlief għall-blalen tal-arja u għall-iġfna tal-ajru (airships)

Formola 15c tal-EASA – Ħarġa 3.

(*1)  Ir-Regolament tal-Kummissjoni (UE) Nru 1321/2014 tas-26 ta’ Novembru 2014 dwar il-kontinwità tal-ajrunavigabbiltà ta’ inġenji tal-ajru u prodotti, partijiet u tagħmir ajrunawtiċi, u dwar l-approvazzjoni ta’ organizzazzjonijiet u persunal involut f’dan ix-xogħol (ĠU L 362, 17.12.2014, p. 1).”;”

Top