This document is an excerpt from the EUR-Lex website
Document 32018L1581
Commission Implementing Directive (EU) 2018/1581 of 19 October 2018 amending Council Directive 2009/119/EC as regards the methods for calculating stockholding obligations
Direttiva ta' Implimentazzjoni tal-Kummissjoni (UE) 2018/1581 tad-19 ta' Ottubru 2018 li temenda d-Direttiva tal-Kunsill 2009/119/KE fir-rigward tal-metodi ta' kalkolu tal-obbligi ta' ħżin
Direttiva ta' Implimentazzjoni tal-Kummissjoni (UE) 2018/1581 tad-19 ta' Ottubru 2018 li temenda d-Direttiva tal-Kunsill 2009/119/KE fir-rigward tal-metodi ta' kalkolu tal-obbligi ta' ħżin
C/2018/6817
ĠU L 263, 22.10.2018, p. 57–60
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
22.10.2018 |
MT |
Il-Ġurnal Uffiċjali tal-Unjoni Ewropea |
L 263/57 |
DIRETTIVA TA' IMPLIMENTAZZJONI TAL-KUMMISSJONI (UE) 2018/1581
tad-19 ta' Ottubru 2018
li temenda d-Direttiva tal-Kunsill 2009/119/KE fir-rigward tal-metodi ta' kalkolu tal-obbligi ta' ħżin
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2009/119/KE tal-14 ta' Settembru 2009 li timponi obbligu fuq l-Istati Membri biex iżommu livell minimu ta' ħażniet ta' żejt mhux maħdum u/jew ta' prodotti petroliferi (1) u b'mod partikolari l-Artikolu 3(4) tagħha,
Billi:
|
(1) |
Skont l-Artikolu 22 tad-Direttiva 2009/119/KE il-Kummissjoni wettqet reviżjoni tal-funzjonament u l-implimentazzjoni tagħha (“evalwazzjoni ta' nofs it-terminu”), li wriet il-bżonn li jiddaħħlu għadd ta' bidliet tekniċi tad-Direttiva, sabiex tiġi ffaċilitata l-implimentazzjoni tagħha (2). |
|
(2) |
Jekk il-bidu l-obbligu tal-istokkijiet annwali ġodda skont id-Direttiva 2009/119/KE jiġi pospost bi tliet xhur, dan għandu jippermetti li l-Istati Membri jkollhom aktar żmien biex jikkompletaw il-proċeduri amministrattivi interni u jiffaċilita l-konformità skont l-iskadenza u, possibbilment, b'kostijiet aktar baxxi. |
|
(3) |
Ir-Regolament (KE) Nru 1099/2008 tal-Parlament Ewropew u tal-Kunsill (3) huwa punt ta' referenza għad-definizzjoni ta' “ħażniet taż-żejt” u għall-identifikazzjoni ta' prodotti petroliferi differenti li huma rilevanti biex jiġi kkalkolat l-obbligu tal-ħżin, il-livell ta' emerġenza u l-ħażniet speċifiċi miżmuma u għal skopijiet ta' rappurtar. Ir-Regolament (KE) Nru 1099/2008 ġie emendat bosta drabi. Għaldaqstant, referenzi għad-dispożizzjonijiet speċifiċi tar-Regolament (KE) Nru 1099/2008, tad-Direttiva 2009/119/KE skadew u jeħtieġ jiġu adattati b'tali mod li jirreferu għad-dispożizzjonijiet xierqa ta' dak ir-Regolament. |
|
(4) |
L-applikazzjoni ta' żewġ formuli differenti għall-kalkolu tal-kwantitajiet ta' nafta li mhumiex rilevanti għall-kalkolu tal-obbligu tal-ħżin, skont jekk ir-rendiment f'nafta matul is-sena preċedenti kienx iżgħar jew akbar minn 7 %, fil-prattika wassal għal fluttwazzjonijiet fl-obbligi ta' ħżin għal xi Stati Membri li jista' jikkawża piż finanzjarju sostanzjali u nuqqas ta' konformità, mingħajr ma kienu ġġustifikati mill-għanijiet tad-Direttiva. It-tneħħija tal-limitu ta' 7 % u l-għoti tal-istess għażliet għall-Istati Membri kollha għandu jelimina l-inugwaljanzi u l-varjazzjonijiet mhux ġustifikati. |
|
(5) |
B'konformità mad-Dikjarazzjoni Politika Konġunta tat-28 ta' Settembru 2011 tal-Istati Membri u tal-Kummissjoni dwar id-dokumenti ta' spjegazzjoni (4), l-Istati Membri refgħu r-responsabbiltà li jakkumpanjaw, f'każijiet ġustifikati, in-notifika tal-miżuri ta' traspożizzjoni tagħhom b'dokument wieħed jew aktar li jispjegaw ir-relazzjoni bejn il-komponenti ta' direttiva u l-partijiet korrispondenti ta' strumenti ta' traspożizzjoni nazzjonali. |
|
(6) |
Il-miżuri previsti f'din id-Direttiva huma skont l-opinjoni tal-Kumitat stabbilit bl-Artikolu 23 tad-Direttiva 2009/119/KE, |
ADOTTA DIN ID-DIRETTIVA:
Artikolu 1
Id-Direttiva 2009/119/KE hija emendata kif ġej:
|
(1) |
Fl-Artikolu 2, il-punt (i) huwa sostitwit b'dan li ġej:
|
|
(2) |
Fl-Artikolu 3, il-paragrafu (3) huwa sostitwit b'dan li ġej: “3. Madankollu, minkejja l-paragrafu 2, il-medji ta' kuljum tal-importazzjoni netta u tal-konsum intern, kif imsemmija f'dak il-paragrafu, għandhom jiġu ddeterminati, fir-rigward tal-perijodu mill-1 ta' Jannar sat-30 ta' Ġunju ta' kull sena kalendarja, abbażi tal-kwantitajiet importati jew ikkonsmati matul is-sena ta' qabel dik preċedenti għas-sena kalendarja involuta.”; |
|
(3) |
Fl-Artikolu 6, it-tieni sentenza tal-paragrafu (1) hija sostitwita b'dan li ġej: “Dak ir-reġistru għandu jkun fih, b'mod partikolari, l-informazzjoni meħtieġa biex ikunu indikati b'mod preċiż, id-depost, ir-raffinerija jew il-faċilità għal ħżin fejn il-ħażniet ikkonċernati jinsabu, kif ukoll il-kwantitajiet involuti, lil min jappartjenu l-ħażniet u n-natura tagħhom, b'referenza għall-kategoriji identifikati fil-Kapitolu 3.4 tal-Anness A tar-Regolament (KE) Nru 1099/2008.”; |
|
(4) |
Fl-Artiklu 9, l-ewwel sentenza tal-paragrafu (2) hija sostitwita b'dan li ġej: “2. Il-ħażniet speċifiċi jistgħu jkunu magħmulin biss minn wieħed jew aktar mill-kategoriji ta' prodotti li ġejjin, kif definiti fil-Kapitolu 3.4 tal-Anness A tar-Regolament (KE) Nru 1099/2008:”; |
|
(5) |
Fl-Artikolu 9, it-tielet subparagrafu tal-paragrafu (3) huwa sostitwit b'dan li ġej: “L-ekwivalenti f'żejt mhux maħdum imsemmija fl-ewwel u fit-tieni subparagrafi huma kkalkulati b'multiplikazzjoni b'fattur ta' 1,2 tas-somma tal-“konsenji grossi osservati interni” aggregati, kif definit fit-Taqsima 3.2.2.11 tal-Anness C tar-Regolament (KE) Nru 1099/2008, għall-prodotti inklużi fil-kategoriji użati jew ikkonċernati. L-imħażen marittimi internazzjonali mhumiex inklużi fil-kalkolu”; |
|
(6) |
Fl-Anness II, it-tieni subparagrafu huwa sostitwit b'dan li ġej: “Il-konsum intern huwa t-total tal-‘konsenji grossi osservati interni’ aggregati, kif definit fit-Taqsima 3.2.2.11 tal-Anness C tar-Regolament (KE) Nru 1099/2008 tal-prodotti li ġejjin biss: petrol għall-magni, petrol għall-avjazzjoni, fjuwil għall-ġettijiet tat-tip petrol (karburant għall-ġettijiet tat-tip nafta jew JP4), fjuwil għall-ġettijiet tat-tip pitrolju, pitrolju ieħor, żejt tal-gass/tad-diżil (żejt tal-fjuwil distillat) u żejt tal-fjuwil (b'kontenut għoli ta' kubrit u b'kontenut baxx ta' kubrit) kif definit fil-Kapitolu 3.4 tal-Anness A tar-Regolament (KE) Nru 1099/2008.”; |
|
(7) |
Fl-Anness III, il-punt (a) tas-sitt subparagrafu huwa sostitwit b'dan li ġej:
|
|
(8) |
L-Anness I huwa sostitwit bit-test fl-Anness ta' din id-Direttiva. |
Artikolu 2
1. L-Istati Membri għandhom jadottaw u jippubblikaw, sa mhux iktar tard mid-19 ta' Ottubru 2019, il-liġijiet, ir-regolamenti u d-dispożizzjonijiet amministrattivi neċessarji biex jikkonformaw ma' din id-Direttiva. Għandhom minnufih jikkomunikaw lill-Kummissjoni t-testi ta' dawk id-dispożizzjonijiet.
Huma għandhom japplikaw dawk id-dispożizzjonijiet mill-1 ta' Jannar 2020.
Meta l-Istati Membri jadottaw dawk id-dispożizzjonijiet, dawn għandhom jirreferu għal din id-Direttiva jew ikunu akkumpanjati mit-tali referenza waqt il-pubblikazzjoni uffiċjali tagħhom. L-Istati Membri għandhom jiddeċiedu kif għandha ssir it-tali referenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li huma jadottaw fil-qasam kopert minn din id-Direttiva.
Artikolu 3
Din id-Direttiva għandha tidħol fis-seħħ fl-għoxrin jum wara l-pubblikazzjoni tagħha f'Il-Ġurnal Uffiċjali tal-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmul fi Brussell, id-19 ta' Ottubru 2018.
Għall-Kummissjoni
Il-President
Jean-Claude JUNCKER
(1) ĠU L 265, 9.10.2009, p. 9.
(2) Dokument ta' Ħidma tal-Persunal tal-Kummissjoni, Evalwazzjoni ta' nofs it-terminu tad-Direttiva tal-Kunsill 2009/119/KE li timponi obbligu fuq l-Istati Membri biex iżommu livell minimu ta' ħażniet ta' żejt mhux maħdum u/jew prodotti petroliferi (SWD (2017) 439 final).
(3) Ir-Regolament (KE) Nru 1099/2008 tal-Parlament Ewropew u tal-Kunsill tat-22 ta' Ottubru 2008 dwar l-istatistika dwar l-enerġija (ĠU L 304, 14.11.2008, p. 1).
ANNESS
ANNESS I
METODU GĦALL-KALKOLU TAL-EKWIVALENTI F'ŻEJT MHUX MAĦDUM TAL-IMPORTAZZJONI TA' PRODOTTI PETROLIFERI
L-Istati Membri għandhom jikkalkolaw l-ekwivalenti f'żejt mhux maħdum tal-importazzjoni ta' prodotti petroliferi, kif imsemmi fl-Artikolu 3, bl-użu tal-metodu li ġej.
|
(1) |
It-total tal-importazzjoni netta ta' żejt mhux maħdum, ta' likwidi tal-gass naturali (NGL), ta' materja prima tar-raffineriji u ta' idrokarburi oħra, kif definit fl-Anness A, Kapitolu 3.4. tar-Regolament (KE) Nru 1099/2008 (*1), għandu jiġi kkalkulat u aġġustat biex jittieħed kont ta' kwalunkwe bidliet fl-istokk. Mill-figura li tirriżulta, se titnaqqas waħda mill-figuri li ġejjin għar-rendiment ta' nafta:
|
|
(2) |
It-total ta' importazzjonijiet netti ta' prodotti petrolifiċi, kif definit fl-Anness A, Kapitolu 3.4. tar-Regolament (KE) Nru 1099/2008, bl-esklużjoni tan-nafta, għandu jiġi kkalkulat u aġġustat biex jittieħed kont tal-bidliet fl-istokk u għandu jiġu mmultiplikat b'fattur ta' 1,065. |
Is-somma taċ-ċifri li jirriżultaw mill-passi (1) u (2) tirrappreżenta l-ekwivalenti f'żejt mhux maħdum.
L-imħażen marittimi internazzjonali mhumiex inklużi fil-kalkolu.