Edizzjoni speċjali bil-Kroat: Kapitolu 03 Volum 069 P. 239 - 240
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32013R0175
Commission Implementing Regulation (EU) No 175/2013 of 27 February 2013 amending Implementing Regulation (EU) No 540/2011 as regards the withdrawal of the approval of the active substance didecyldimethylammonium chloride Text with EEA relevance
Regolament ta’ Implimentazzjoni tal-Kummissjoni (UE) Nru 175/2013 tas- 27 ta’ Frar 2013 li jemenda r-Regolament ta’ Implimentazzjoni (UE) Nru 540/2011 fir-rigward tal-irtirar tal-approvazzjoni tas-sustanza attiva klorur tad-dideċildimetilammonju Test b’relevanza għaż-ŻEE
Regolament ta’ Implimentazzjoni tal-Kummissjoni (UE) Nru 175/2013 tas- 27 ta’ Frar 2013 li jemenda r-Regolament ta’ Implimentazzjoni (UE) Nru 540/2011 fir-rigward tal-irtirar tal-approvazzjoni tas-sustanza attiva klorur tad-dideċildimetilammonju Test b’relevanza għaż-ŻEE
ĠU L 56, 28.2.2013, p. 4–5
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
28.2.2013 |
MT |
Il-Ġurnal Uffiċjali tal-Unjoni Ewropea |
L 56/4 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 175/2013
tas-27 ta’ Frar 2013
li jemenda r-Regolament ta’ Implimentazzjoni (UE) Nru 540/2011 fir-rigward tal-irtirar tal-approvazzjoni tas-sustanza attiva klorur tad-dideċildimetilammonju
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u b’mod partikolari l-Artikolu 21(3) u l-Artikolu 78(2) tiegħu,
Billi:
|
(1) |
Id-Direttiva tal-Kummissjoni 2009/70/KE (2) inkludiet il-klorur tad-dideċildimetilammonju (DDAC) bħala sustanza attiva fl-Anness I tad-Direttiva tal-Kunsill 91/414/KEE tal-15 ta’ Lulju 1991 li tikkonċerna t-tqegħid fis-suq ta’ prodotti għall-protezzjoni tal-pjanti (3), bil-kundizzjoni li l-Istati Membri kkonċernati jiżguraw li n-notifikatur li fuq talba tiegħu ġiet inkluża DDAC f’dak l-Anness jipprovdi iktar informazzjoni ta’ konferma dwar l-ispeċifikazzjoni ta’ dik is-sustanza attiva, kif manifatturat, sal-1 ta’ Jannar 2010. |
|
(2) |
Is-sustanzi attivi inklużi fl-Anness I tad-Direttiva 91/414/KEE huma meqjusa li ġew approvati skont ir-Regolament (KE) Nru 1107/2009 u huma elenkati fil-Parti A tal-Anness tar-Regolament ta’ Implimentazzjoni tal-Kummissjoni (UE) Nru 540/2011 tal-25 ta’ Mejju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill f’dak li għandu x’jaqsam mal-lista ta’ sustanzi attivi approvati (4). |
|
(3) |
Fil-25 ta’ Ottubru 2011, in-notifikatur issottometta informazzjoni addizzjonali bil-għan li jkun konformi mal-obbligu li jippreżenta aktar informazzjoni dwar l-ispeċifikazzjoni tas-sustanza attiva kif immanifatturata, lir-relatur tal-Istat Membru, il-Pajjiżi l-Baxxi. |
|
(4) |
Il-Pajjiżi l-Baxxi vvalutaw l-informazzjoni addizzjonali sottomessa min-notifikant. Huma ssottomettew il-valutazzjoni tagħhom, fil-forma ta’ addendum għall-abbozz tar-rapport ta’ valutazzjoni lill-Istati Membri l-oħra, il-Kummissjoni u l-Awtorità Ewropea dwar is-Sigurtà fl-Ikel. |
|
(5) |
Fid-dawl tal-informazzjoni addizzjonali pprovduta min-notifikant, il-Kummissjoni kkunsidrat li l-informazzjoni ulterjuri ta’ konferma ma ġietx ipprovduta. |
|
(6) |
Il-Kummissjoni stiednet lin-notifikant biex iressaq il-kummenti tiegħu fuq il-kunsiderazzjonijiet tal-Kummissjoni. |
|
(7) |
Il-Kummissjoni waslet għall-konklużjoni li l-informazzjoni sottomessa mhijiex kompluta u ma tippermettix li wieħed jikkonkludi dwar il-grad ta’ purità u, b’mod partikolari, dwar l-identità u l-kontenut tal-impuritajiet. |
|
(8) |
Huwa xieraq li tiġi rtirata l-approvazzjoni tas-sustanza attiva DDAC billi titħassar ir-ringiela 291 tal-Parti A tal-Anness tar-Regolament ta’ Implimentazzjoni (UE) Nru 540/2011. |
|
(9) |
Ir-Regolament ta’ Implimentazzjoni (UE) Nru 540/2011 għandu għalhekk jiġi emendat skont dan. |
|
(10) |
L-Istati Membri għandhom jingħataw żmien biex jirtiraw l-awtorizzazzjonijiet tal-prodotti għall-protezzjoni tal-pjanti li fihom id-DDAC. |
|
(11) |
Għall-prodotti għall-protezzjoni tal-pjanti li fihom id-DDAC, meta l-Istati Membri jagħtu xi perjodu ta’ grazzja skont l-Artikolu 46 tar-Regolament (KE) Nru 1107/2009, dan il-perjodu għandu jiskadi sa mhux aktar tard minn sena wara l-irtirar tal-awtorizzazzjonijiet. |
|
(12) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Emenda għar-Regolament ta’ Implimentazzjoni (UE) Nru 540/2011
Fil-Parti A tal-Anness tar-Regolament ta’ Implimentazzjoni (UE) Nru 540/2011, ir-ringiela Nru 291, klorur tad-dideċildimetilammonju, hija mħassra.
Artikolu 2
Miżuri tranżitorji
L-Istati Membri għandhom jiżguraw li l-awtorizzazzjonijiet għall-prodotti għall-protezzjoni tal-pjanti li fihom il-klorur tad-dideċildimetilammonju jiġu rtirati sal-20 ta’ Ġunju 2013.
Artikolu 3
Perjodu ta’ grazzja
Kull perjodu ta’ grazzja mogħti mill-Istati Membri skont l-Artikolu 46 tar-Regolament (KE) Nru 1107/2009 għandu jkun qasir kemm jista’ jkun u għandu jiskadi sa mhux iktar tard minn 12-il xahar wara l-irtirar tal-awtorizzazzjoni rispettiva.
Artikolu 4
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-27 ta’ Frar 2013.
Għall-Kummissjoni
Il-President
José Manuel BARROSO
(1) ĠU L 309, 24.11.2009, p. 1.
(2) ĠU L 164, 26.6.2009, p. 59.
(3) ĠU L 230, 19.8.1991, p. 1.
(4) ĠU L 153, 11.6.2011, p. 1.