EUR-Lex Access to European Union law
This document is an excerpt from the EUR-Lex website
Document 32008L0042
Commission Directive 2008/42/EC of 3 April 2008 amending Council Directive 76/768/EEC, concerning cosmetic products, for the purpose of adapting Annexes II and III thereto to technical progress (Text with EEA relevance)
Direttiva tal-Kummissjoni 2008/42/KE tat- 3 ta’ April 2008 li temenda d-Direttiva tal-Kunsill 76/768/KEE, dwar prodotti kosmetiċi, bl-għan li taddatta l-Annessi II u III tagħha skond il-progress tekniku Test b’relevanza għaż-ŻEE
Direttiva tal-Kummissjoni 2008/42/KE tat- 3 ta’ April 2008 li temenda d-Direttiva tal-Kunsill 76/768/KEE, dwar prodotti kosmetiċi, bl-għan li taddatta l-Annessi II u III tagħha skond il-progress tekniku Test b’relevanza għaż-ŻEE
ĠU L 93, 4.4.2008, p. 13–23
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 11/07/2013: This act has been changed. Current consolidated version: 11/07/2013
4.4.2008 |
MT |
Il-Ġurnal Uffiċjali ta’ l-Unjoni Ewropea |
L 93/13 |
DIRETTIVA TAL-KUMMISSJONI 2008/42/KE
tat-3 ta’ April 2008
li temenda d-Direttiva tal-Kunsill 76/768/KEE, dwar prodotti kosmetiċi, bl-għan li taddatta l-Annessi II u III tagħha skond il-progress tekniku
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat t-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 76/768/KEE tas-27 ta’ Lulju 1976 dwar l-approssimazzjoni tal-liġijiet ta’ l-Istati Membri dwar prodotti kosmetiċi (1), u b’mod partikolari l-Artikolu 8 (2) tagħha,
Billi:
(1) |
Abbażi tal-Kodiċi ta’ Prattika ta’ l-IFRA (l-Assoċjazzjoni Internazzjonali tal-Fwieħa), il-Kumitat Xjentifiku dwar Prodotti għall-Konsumatur (SCCP) (2) identifika sustanzi uzati bħala taħlita ta’ fwejjaħ fi prodotti kosmetiċi li għalihom għandhom isiru xi restrizzjonijiet. |
(2) |
Tkun xi tkun il-funzjoni ta’ dawn is-sustanzi fil-prodotti kosmetiċi, hi l-espożizzjoni għal dawn is-sustanzi li għandha tkun ikkunsidrata. Għalhekk ir-restrizzjonijiet għandhom ikunu limitati għall-użu tas-sustanzi identifikati bħala taħlita ta’ fwejjaħ fi prodotti kosmetiċi. |
(3) |
Madankollu, is-sensitizzazzjoni ma teżistix meta s-sustanza tintuża fi prodotti għall-ħalq. Għalhekk, sabiex tiġi żgurata l-konsistenza, billi xi wħud minn dawn is-sustanzi huma awtorizzati bħala sustanzi aromatiċi mid-Deċiżjoni tal-Kummissjoni 1999/217/KE tat-23 ta’ Frar 1999 li taddotta reġistru ta’ sustanzi tat-taħwir użati ġewwa jew fuq oġġetti tal-ikel imfassla għall-applikazzjoni tar-Regolament (KE) Nru 2232/96 tal-Parlament Ewropew u tal-Kunsill (3), dawn ir-restrizzjonijiet għandhom japplikaw għas-sustanzi elenkati f’dan ir-reġistru. |
(4) |
Fid-dawl ta’ l-opinjonijiet ta’ l-SCCP, hu meħtieġ li jiġu emendati r-restrizzjonijiet relatati mas-sustanzi identifikati li diġà huma elenkati fl-Anness III tad-Direttiva 76/768/KEE fid-daħliet 45, 72, 73, 88 u 89. Barra minn hekk hu xieraq li jiġu inklużi f’dan l-Anness kemm dawk is-sustanzi identifikati li għadhom mhux elenkati bir-restrizzjonijiet rispettivi tagħhom, kif ukoll, għal konsistenza, sustanzi li jappartjenu għall-istess familja identifikati fid-Deċiżjoni 96/33/KE tat-8 ta’ Mejju 1996 li tistabbilixxi inventarju u nomenklatura komuni ta’ ingredjenti wżati fi prodotti kosmetiċi (4) tal-Kummissjoni. |
(5) |
L-Alkoħol tal-benżil qed jiġi elenkat darbtejn fl-Anness III parti 1, fin-numri ta’ referenza 45 u 68, il-kontenut tad-daħla 68 kif ukoll ir-restrizzjonijiet il-ġodda għandhom jiġu nklużi fid-daħla 45. |
(6) |
Wara l-kjarifika ta’ l-SCCP dwar il-balzmu tal-Peru, għandha tiġi emendata d-daħla 1136 ta’ l-Anness II. |
(7) |
Id-Direttiva 76/768/KEE għandha għalhekk tiġi emendata skond dan. |
(8) |
Sabiex ikun żgurat progress bla xkiel mill-formoli eżistenti ta’ prodotti kosmetiċi għal formoli li jikkonformaw mar-rekwiżiti stipulati f’din id-Direttiva, huwa meħtieġ li jkunu previsti perjodi ta’ tranżizzjoni xierqa. |
(9) |
Il-miżuri previsti f’din id-Direttiva huma skond l-opinjoni tal-Kumitat Permanenti dwar il-Prodotti Kożmetiċi, |
ADOTTAT DIN ID-DIRETTIVA:
Artikolu 1
L-Annessi II u III tad-Direttiva 76/768/KEE huma emendati skond l-Anness għal din id-Direttiva.
Artikolu 2
L-Istati Membri għandhom jieħdu l-miżuri kollha meħtieġa sabiex jiżguraw li prodotti li jonqsu milli jikkonformaw ma’ din id-Direttiva la jinbiegħu u lanqas jingħataw lill-konsumatur aħħari wara l-4 ta’ Ottubru 2009.
Artikolu 3
1. L-Istati Membri għandhom jadottaw u jippubblikaw, sa mhux iktar tard mill-4 ta’ Ottubru 2008, il-liġijiet, ir-regolamenti u d-dispożizzjonijiet amministrattivi meħtieġa sabiex ikunu konformi ma’ din id-Direttiva. Għandhom jikkomunikaw minnufih lill-Kummissjoni t-test ta’ dawk id-dispożizzjonijiet u tabella ta’ korrelazzjoni bejn dawk id-dispożizzjonijiet u din id-Direttiva.
Huma għandhom japplikaw dawn id-dispożizzjonijiet mill-4 ta’ April 2009.
Meta l-Istati Membri jadottaw dawk id-dispożizzjonijiet, dawn għandu jkollhom referenza għal din id-Direttiva jew ikunu akkumpanjati b’referenza bħal din fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif għandha ssir referenza bħal din.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li jadottaw fil-qasam kopert minn din id-Direttiva.
Artikolu 4
Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha fil-Ġurnal Uffiċjali ta’ l-Unjoni Ewropea.
Artikolu 5
Din id-Direttiva hija indirizzata lill-Istati Membri.
Magħmula fi Brussell, 3 ta’ April 2008.
Għall-Kummissjoni
Günter VERHEUGEN
Viċi President
(1) ĠU L 262, 27.9.1976, p. 169. Id-Direttiva kif emendata l-aħħar mid-Direttiva tal-Kummissjoni 2008/14/KE (ĠU L 42, 16.2.2008, p. 43).
(2) ĠU L 66, 4.3.2004, p. 45. Id-Deċiżjoni kif emendata bid-Deċiżjoni 2007/263/KE (ĠU L 114, 1.5.2007, p. 14).
(3) ĠU L 84, 27.3.1999, p. 1. Id-Deċiżjoni kif emendata l-aħħar bid-Deċiżjoni 2006/252/KE (ĠU L 91, 29.3.2006, p. 48).
(4) ĠU L 132, 1.6.1996, p. 1. Id-Deċiżjoni kif emendata bid-Deċiżjoni 2006/257/KE (ĠU L 97, 5.4.2006, p. 1).
ANNESS
Id-Direttiva 76/768/KEE hija emendata kif ġej:
(1) |
Fl-Anness II, in-numru ta’ referenza 1136 huwa mibdul b’dan li ġej: “Exudation of Myroxylon pereirae (Royle) Klotzch (Balzmu tal-Peru, mhux maħdum); (CAS Nru 8007-00-9) meta użat bħala ingredjent ta’ fwieħa”. |
(2) |
Il-parti 1 ta’ l-Anness III hija emendata kif ġej:
|
(*) Bħala preservattiv, ara l-Anness VI, Parti 1 Nru 34.
(**) Dan il-limitu japplika għas-sustanza u mhux għall-prodott kosmetiku lest.’
(***) Dan il-limitu japplika għas-sustanza u mhux għall-prodott kosmetiku lest.
(****) It-total ta’ dawn is-sustanzi użati flimkien ma għandux jaqbeż il-limiti mogħtija fil-kolonna d.’