This document is an excerpt from the EUR-Lex website
Document 32007D0598
2007/598/EC: Commission Decision of 28 August 2007 concerning measures to prevent the spread of highly pathogenic avian influenza to other captive birds kept in zoos and approved bodies, institutes or centres in the Member States (notified under document number C(2007) 3987) (Text with EEA relevance )
2007/598/KE: Deċiżjoni tal-Kummissjoni tat- 28 ta’ Awwissu 2007 dwar il-miżuri biex jiġi evitat it-tixrid ta’ influwenza tat-tjur ta’ patoġeniċità għolja fost għasafar oħra maqbudin li jinżammu fiż-zoos u f’korpi, istituti jew ċentri approvati fl-Istati Membri (notifikata taħt id-dokument numru C(2007) 3987) (Test b’relevanza għaż-ŻEE)
2007/598/KE: Deċiżjoni tal-Kummissjoni tat- 28 ta’ Awwissu 2007 dwar il-miżuri biex jiġi evitat it-tixrid ta’ influwenza tat-tjur ta’ patoġeniċità għolja fost għasafar oħra maqbudin li jinżammu fiż-zoos u f’korpi, istituti jew ċentri approvati fl-Istati Membri (notifikata taħt id-dokument numru C(2007) 3987) (Test b’relevanza għaż-ŻEE)
ĠU L 230, 1.9.2007, p. 20–26
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 20/04/2021; Imħassar b' 32020R0687
1.9.2007 |
MT |
Il-Ġurnal Uffiċjali ta’ l-Unjoni Ewropea |
L 230/20 |
DEĊIŻJONI TAL-KUMMISSJONI
tat-28 ta’ Awwissu 2007
dwar il-miżuri biex jiġi evitat it-tixrid ta’ influwenza tat-tjur ta’ patoġeniċità għolja fost għasafar oħra maqbudin li jinżammu fiż-zoos u f’korpi, istituti jew ċentri approvati fl-Istati Membri
(notifikata taħt id-dokument numru C(2007) 3987)
(Test b’relevanza għaż-ŻEE)
(2007/598/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 92/65/KEE tat-13 ta’ Lulju 1992 li tistabbilixxi r-rekwiżiti dwar is-saħħa ta’ l-annimali li jirregolaw il-kummerċ u l-importazzjoni fil-Komunità ta’ annimali, semen, ova u embrijuni li mhumiex suġġetti għar-rekwiżiti ta’ saħħa ta’ l-annimali meħtieġa f’regoli speċifiċi tal-Komunità li hemm referenza għalihom fl-Anness A(I) tad-Direttiva 90/425/KEE (1), u b’mod partikolari l-ewwel paragrafu ta’ l-Artikolu 22 tagħha,
Wara li kkunsidrat id-Direttiva tal-Kunsill 2005/94/KE ta’ l-20 ta’ Diċembru 2005 dwar miżuri Komunitarji għall-kontroll ta’ l-influwenza tat-tjur u li tirrevoka d-Direttiva 92/40/KEE (2), u b’mod partikolari l-Artikoli 56(3), 57(2) u 63(3) tagħha,
Billi:
(1) |
Id-Direttiva 2005/94/KE tistipula ċerti miżuri preventivi dwar is-sorveljanza u s-sejba minn kmieni ta’ l-influwenza tat-tjur u l-miżuri ta’ kontroll minimu li għandhom jiġu applikati fil-każ li din il-marda tfaqqa' fost it-tjur jew l-għasafar oħra maqbudin. |
(2) |
Id-Direttiva 2005/94/KE tistipula wkoll regoli għall-introduzzjoni ta’ tilqim preventiv kontra l-influwenza tat-tjur fuq tjur u għasafar oħra maqbudin, bħalma huma għasafar oħra maqbudin li jinżammu fiż-zoos u f’korpi, istituti jew ċentri approvati, u tipprovdi għal regoli dettaljati għalihom li għandhom jiġu stabbiliti mill-Kummissjoni. Din id-Direttiva tipprovdi wkoll għas-sottomissjoni mill-Istati Membri lill-Kummissjoni għall-approvazzjoni tal-pjanijiet tagħhom ta’ tilqim preventiv għat-tjur jew għal għasafar oħra maqbudin. |
(3) |
Id-Deċiżjoni tal-Kummissjoni 2006/474/KE tas-6 ta’ Lulju 2006 dwar il-miżuri biex jiġi evitat it-tixrid ta’ influwenza tat-tjur ta’ patoġeniċità għolja kkawżata mill-vajrus A ta’ l-influwenza tas-sottotip H5N1 ma’ l-għasafar li jinżammu fiż-zoos u f’korpi, istituti u ċentri approvati fl-Istati Membri u li tirrevoka d-Deċiżjoni 2005/744/KE (3), tistipula regoli biex tipprevjeni t-tixrid ta’ influwenza tat-tjur ikkawżata mill-vajrus A ta’ l-influwenza ta’ patoġeniċità għolja tas-sottotip H5N1 minn għasafar li jgħixu fl-ambjent naturali għal għasafar li jinżammu fiż-zoos u f’korpi, istituti jew ċentri approvati. Din tistipula wkoll regoli għat-tilqim ta’ l-għasafar li jinżammu fiż-zoos u f’korpi, istituti jew ċentri approvati u tipprovdi għal regoli dettaljati għas-sottomissjoni mill-Istati Membri lill-Kummissjoni tal-pjanijiet tagħhom ta’ tilqim. |
(4) |
Għall-għanijiet ta’ tilqim preventiv bħal dan, għandhom jintużaw biss vaċċini awtorizzati skond id-Direttiva 2001/82/KE tal-Parlament Ewropew u tal-Kunsill tas-6 ta’ Novembru 2001 dwar il-kodiċi tal-Komunità rigward il-prodotti mediċinali veterinarji (4) jew ir-Regolament (KE) Nru 726/2004 tal-Parlament Ewropew u tal-Kunsill tal-31 ta’ Marzu 2004 li jistabbilixxi proċeduri Komunitarji għall-awtorizzazzjoni u s-sorveljanza ta’ prodotti mediċinali għall-użu mill-bniedem u għall-użu veterinarju u li jistabbilixxi l-Aġenzija Ewropea għall-Mediċini (5). |
(5) |
Id-Direttiva tal-Kunsill 1999/22/KE tad-29 ta’ Marzu 1999 dwar iż-żamma ta’ annimali selvaġġi fiż-zoos (6) tiddefinixxi zoos li huma koperti minn din id-Direttiva. Fl-interess tal-konsistenza tal-leġiżlazzjoni Komunitarja, din id-definizzjoni għandha titqies għall-għanijiet ta’ din id-Deċiżjoni. |
(6) |
Skond id-Deċiżjoni 2006/474/KE, il-Kummissjoni approvat 17-il pjan ta’ tilqim preventiv imressqa mill-Istati Membri kontra l-influwenza tat-tjur għal għasafar li jinżammu fiż-zoos. Il-pjanijiet ta’ tilqim ġew implimentati minn 14-il Stat Membru. B’mod ġenerali ma ġew osservati l-ebda reazzjonijiet avversi fi kważi 45 000 għasfur u ħafna mill-ispeċi ta’ l-għasafar ipproduċew reazzjoni immunitarja sinifikanti wara li ġew imlaqqma darbtejn bil-vaċċini użati. |
(7) |
Barra minn hekk, l-esperjenza miksuba matul l-aħħar kampanja ta’ tilqim u l-opinjonijiet tal-Bord Xjentifiku dwar is-Saħħa ta’ l-Annimali u l-Benessri ta’ l-Annimali ta’ l-Awtorità Ewropea dwar is-Sigurtà fl-Ikel ta’ l-1 ta’ Frar 2007 dwar it-tilqim preventiv ta’ għasafar taż-zoos kontra l-influwenza tat-tjur tas-sottotipi H5 u H7 u tal-11 ta’ Mejju 2007 dwar it-tilqim ta’ tjur ta’ l-irziezet u għasafar maqbudin, juru li huwa xieraq li jitwessa’ l-ambitu tal-pjanijiet ta’ tilqim preventiv għal kull influwenza tat-tjur ta’ patoġeniċità għolja tas-sottotipi H5 u H7, u b’hekk jitqiesu r-riskji kkawżati minn għasafar migratorji selvaġġi li ġejjin minn żoni fejn iseħħu każijiet ta’ influwenza tat-tjur f'għasafar selvaġġi jew tifqigħat fit-tjur u f’każ li sseħħ tifqigħa fit-tjur fl-istess Stat Membru, fi Stat Membru ġar jew f’pajjiż terz li tista’ toħloq periklu għas-saħħa ta’ l-għasafar li jinżammu fiż-zoos u f’korpi, istituti jew ċentri approvati. |
(8) |
Barra minn hekk ir-rekwiżiti amministrattivi għall-approvazzjoni u għall-implimentazzjoni ta’ pjanijiet ta’ tilqim preventiv għandhom jiġu emendati, sakemm ma jkunux ta’ periklu għall-kontroll tal-mard. Għaldaqstant, fid-Deċiżjoni attwali għandhom jitqiesu r-rekwiżiti li jħaffu l-piż amministrattiv. |
(9) |
Huwa xieraq ukoll li jitqiesu ċerti pjanijiet ta’ tilqim preventiv li ġew approvati skond id-Deċiżjoni 2006/474/KE bħala approvati għall-għanijiet tad-Deċiżjoni attwali. Għaldaqstant, dawn il-pjanijiet għandhom jitniżżlu fl-Anness III tad-Deċiżjoni attwali. |
(10) |
Sa mid-data ta’ l-adozzjoni tad-Deċiżjoni 2006/474/KE, ċerti Stati Membri ressqu pjanijiet ta’ tilqim preventiv għall-approvazzjoni skond ir-rekwiżiti ta’ din id-Deċiżjoni. Dawn l-Istati Membri ġew mgħarrfa bir-rekwiżiti stabbiliti fid-Deċiżjoni attwali. Peress li dawn il-pjanijiet jikkonformaw ukoll mar-rekwiżiti tad-Deċiżjoni attwali, għandhom jiġu approvati u mniżżla fl-Anness III tagħha. |
(11) |
Għal raġunijiet ta’ ċarezza huwa xieraq li d-Deċiżjoni 2006/474/KE tiġi rrevokata u sostitwita b’din id-Deċiżjoni. |
(12) |
Il-miżuri previsti f’din id-Deċiżjoni huma fi qbil ma’ l-opinjoni tal-Kumitat Permanenti dwar il-Katina Alimentari u Saħħa ta’ l-Annimali, |
ADOTTAT DIN ID-DEĊIŻJONI:
Artikolu 1
Is-suġġett u l-ambitu
Din id-Deċiżjoni tistipula regoli dettaljati:
(a) |
li għandhom jiġu applikati sabiex jiġi evitat it-tixrid tal-vajrus ta’ l-influwenza tat-tjur ta’ patoġeniċità għolja minn għasafar li jgħixu fl-ambjent naturali jew minn tifqigħat fit-tjur jew għasafar oħra maqbudin, għal għasafar oħra maqbudin li jinżammu fiż-zoos u f’korpi, istituti jew ċentri approvati; |
(b) |
għat-tilqim preventiv ta’ għasafar oħra maqbudin li jinżammu fiż-zoos u f’korpi, istituti jew ċentri approvati. |
Artikolu 2
Definizzjonijiet
Għall-finijiet ta’ din id-Deċiżjoni, id-definizzjonijiet li ġejjin għandhom japplikaw:
(a) |
id-definizzjonijiet fl-Artikolu 2 tad-Direttiva 2005/94/KE; |
(b) |
id-definizzjoni ta’ zoos fl-Artikolu 2 tad-Direttiva 1999/22/KE; |
(c) |
id-definizzjoni ta’ korpi, istituti jew ċentri approvati fl-Artikolu 2(1)(c) tad-Direttiva 92/65/KEE. |
Artikolu 3
Miżuri biex jitnaqqas ir-riskju ta’ trażmissjoni ta’ influwenza tat-tjur ta’ patoġeniċità għolja
1. L-Istati Membri għandhom jieħdu miżuri xierqa u prattikabbli biex inaqqsu r-riskju ta’ trażmissjoni ta’ influwenza tat-tjur ta’ patoġeniċità għolja minn għasafar li jgħixu fl-ambjent naturali għal għasafar oħra maqbudin li jinżammu fiż-zoos u f’korpi, istituti jew ċentri approvati, filwaqt li jqisu l-kriterji u l-fatturi ta’ riskju stabbiliti fl-Anness I.
2. Il-paragrafu 1 għandu japplika wkoll f’każ ta’ tifqigħa fit-tjur fl-istess Stat Membru, fi Stat Membru ġar jew f’pajjiż terz li tista’ toħloq periklu għas-saħħa ta’ għasafar oħra maqbudin li jinżammu fiż-zoos u f’korpi, istituti jew ċentri approvati.
3. Skond is-sitwazzjoni epidemjoloġika speċifika, il-miżuri msemmija fil-paragrafu 1 għandhom, b’mod partikolari, jiġu diretti lejn il-prevenzjoni tal-kuntatt dirett u indirett bejn għasafar li jgħixu fl-ambjent naturali, speċjalment tjur ta’ l-ilma, u għasafar oħra maqbudin li jinżammu fiż-zoos u f’korpi, istituti jew ċentri approvati.
Artikolu 4
Pjanijiet ta’ tilqim preventiv
Il-pjanijiet ta’ tilqim preventiv fir-rigward ta’ għasafar oħra maqbudin li jinżammu fiż-zoos u f’korpi, istituti jew ċentri approvati, imressqa skond l-Artikolu 56(2) tad-Direttiva 2005/94/KE għandhom jikkonformaw mar-rekwiżiti stabbiliti fl-Anness II ta’ din id-Deċiżjoni.
Artikolu 5
Approvazzjoni ta’ pjanijiet ta’ tilqim
1. Il-pjanijiet ta’ tilqim preventiv imressqa skond l-Artikolu 56(2) tad-Direttiva 2005/94/KE u mniżżla fil-Parti I ta’ l-Anness III ta’ din id-Deċiżjoni huma b’dan approvati.
2. Il-Kummissjoni se tippubblika l-pjanijiet ta’ tilqim preventiv approvati, imsemmija fil-paragrafu 1.
Artikolu 6
Disponibbiltà u tagħrif dwar pjanijiet ta’ tilqim preventiv
1. L-Istati Membri għandhom, qabel ma jkun introdott it-tilqim preventiv, jiġbru l-indirizz u l-post preċiżi taż-zoos u tal-korpi, istituti jew ċentri approvati, fejn se jsir it-tilqim billi jallokaw numri ta’ approvazzjoni jew reġistrazzjoni, kif xieraq, u għandhom iżommu dan it-tagħrif aġġornat.
2. L-Istati Membri għandhom jippreżentaw lill-Kummissjoni u lill-Istati Membri l-oħra kull sena, sa mhux aktar tard mit-30 ta’ Marzu, jew fuq talba speċifika mill-Kummissjoni, rapport dwar l-implimentazzjoni tal-pjanijiet ta’ tilqim preventiv approvati għas-sena preċedenti filwaqt li jużaw il-mudell ta’ rappurtar kif stabbilit fl-Anness IV.
Dan ir-rapport għandu jiġi ppreżentat fil-qafas tal-Kumitat Permanenti dwar il-Katina Alimentari u s-Saħħa ta’ l-Annimali.
3. L-Istati Membri għandhom jgħarrfu lill-Kummissjoni b'dan li ġej:
(a) |
l-emendi mħejjija lill-pjanijiet ta’ tilqim preventiv approvati tagħhom; |
(b) |
id-data ta’ tmiem it-tilqim preventiv ta’ għasafar oħra maqbudin li jinżammu fiż-zoos u f’korpi, istituti jew ċentri approvati. |
Artikolu 7
Revoka
Id-Deċiżjoni 2006/474/KE hija rrevokata.
Artikolu 8
Dispożizzjoni tranżitorja
Il-pjanijiet ta’ tilqim preventiv approvati skond id-Deċiżjoni 2006/474/KE u mniżżla fil-Parti II ta’ l-Anness III ta’ din id-Deċiżjoni għandhom jitqiesu li huma approvati għall-għanijiet tad-Deċiżjoni attwali.
Artikolu 9
Konformità ta’ l-Istati Membri
L-Istati Membri għandhom jieħdu l-miżuri meħtieġa biex jikkonformaw ma’ din id-Deċiżjoni. Huma għandhom jgħarrfu immedjatament lill-Kummissjoni dwar dan.
Artikolu 10
Destinatarji
Din id-Deċiżjoni hija indirizzata lill-Istati Membri.
Magħmula fi Brussell, 28 ta’ Awwissu 2007.
Għall-Kummissjoni
Markos KYPRIANOU
Membru tal-Kummissjoni
(1) ĠU L 268, 14.9.1992, p. 54. Id-Direttiva kif emendata l-aħħar bid-Deċiżjoni tal-Kummissjoni 2007/265/KE (ĠU L 114, 1.5.2007, p. 17).
(2) ĠU L 10, 14.1.2006, p. 16.
(3) ĠU L 187, 8.7.2006, p. 37.
(4) ĠU L 311, 28.11.2001, p. 1. Id-Direttiva kif emendata l-aħħar bid-Direttiva 2004/28/KE (ĠU L 136, 30.4.2004, p. 58).
(5) ĠU L 136, 30.4.2004, p. 1. Ir-Regolament kif emendat l-aħħar bir-Regolament (KE) Nru 1901/2006 (ĠU L 378, 27.12.2006, p. 1).
ANNESS I
Kriterji u fatturi ta’ riskju li għandhom jitqiesu fl-applikazzjoni tal-miżuri stabbiliti fl-artikolu 3 fuq zoos u korpi, istituti jew ċentri approvati
1. |
Jekk iż-zoos u l-korpi, istituti jew ċentri approvati jinsabu fuq ir-rotot migratorji ta’ l-għasafar, b’mod partikolari jekk dawn jipproċedu minn pajjiżi fejn kien hemm tifqigħat ta’ influwenza tat-tjur ta’ patoġeniċità għolja, filwaqt li jitqiesu l-isterjotip misjub u l-probabbiltà li ġew affettwati l-għasafar selvaġġi. |
2. |
Id-distanza taż-zoos u korpi, istituti jew ċentri approvati minn artijiet mistagħdra u żoni ta’ ilma bħal għadajjar, paludi, lagi jew xmajjar fejn jistgħu jinġabru t-tjur migratorji ta’ l-ilma. |
3. |
Jekk iż-zoos u korpi, istituti u ċentri approvati jinsabu f’żoni b’densità għolja ta’ għasafar migratorji, b’mod partikolari tjur ta’ l-ilma. |
ANNESS II
Rekwiżiti għall-użu ta’ tilqim preventiv kif imsemmi fl-artikolu 4
1. |
L-iskala li fuqha għandu jseħħ it-tilqim |
It-tilqim kontra l-influwenza tat-tjur għandu jsir biss f’għasafar li jinżammu fiż-zoos u f’korpi, istituti jew ċentri approvati. L-awtorità kompetenti għandha żżomm listi ta’ zoos u korpi, istituti jew ċentri approvati għal perjodu ta’ mill-inqas ħames snin mid-data ta’ din it-tilqima. |
||||||
2. |
Speċi ta’ għasafar li għandhom jitlaqqmu |
L-awtorità kompetenti għandha tiġi nnotifikata b’lista ta’ għasafar li għandhom jitlaqqmu flimkien ma’ l-identifikazzjoni individwali u għandha żżommha għal mill-inqas ħames snin mid-data tat-tilqima. |
||||||
3. |
Dewmien tat-tilqima |
|
||||||
4. |
Rekwiżiti speċifiċi għal ċaqliq ta’ għasafar |
|
||||||
5. |
Identifikazzjoni speċjali u reġistrazzjoni speċjali ta’ l-għasafar imlaqqma |
L-għasafar imlaqqma għandhom ikunu identifikabbli individwalment u r-reġistri ta’ l-identità ta’ dawn l-għasafar għandhom ikunu annotati b’mod ċar kif inhu xieraq. Identifikazzjoni li ma titħassarx ta’ l-għasafar l-oħra maqbudin li tindika li dawn tlaqqmu għandha tiġi applikata fil-ħin tat-tilqima kull meta jkun possibbli. |
||||||
6. |
Eżekuzzjoni tal-kampanja ta’ tilqim |
|
||||||
7. |
Il-vaċċin li għandu jintuża |
Il-vaċċin inattiv li għandu jintuża jrid jiġi fformulat kif xieraq u jkun effettiv kontra l-vajrus ta’ l-influwenza tat-tjur ta’ patoġeniċità għolja tas-sottotip H5 jew H7 jew it-tnejn. Għandu jintuża skond l-istruzzjonijiet tal-manifattur u/jew l-awtoritajiet veterinarji. |
ANNESS III
Listi ta’ pjanijiet ta’ tilqim preventiv approvati għall-għasafar li jinżammu fiż-zoos u f’korpi, istituti jew ċentri approvati
Parti I:
Pjanijiet ta’ tilqim preventiv approvati mid-Deċiżjoni u msemmija fl-Artikolu 5(1)
Kodiċi |
Stat Membru |
Data ta’ sottomissjoni tal-pjan |
BE |
Il-Belġju |
22 ta’ Marzu 2007 |
ES |
Spanja |
27 ta’ Ġunju 2007 |
FR |
Franza |
4 ta’ Jannar 2007 |
SE |
L-Iżvezja |
7 ta’ Marzu 2007 |
UK |
Ir-Renju Unit |
27 ta’ Ġunju 2007 |
Parti II:
Pjanijiet ta’ tilqim preventiv approvati skond id-Deċiżjoni 2006/474/KE u msemmija fl-Artikolu 8 tad-Deċiżjoni attwali
Kodiċi |
Stat Membru |
Data ta’ sottomissjoni |
CZ |
Ir-Repubblika Ċeka |
21 ta’ Marzu 2006 |
DK |
Id-Danimarka |
20 ta’ Frar 2006 |
DE |
Il-Ġermanja |
31 ta’ Marzu 2006 |
EE |
L-Estonja |
6 ta’ Marzu 2006 |
IE |
L-Irlanda |
6 ta’ Marzu 2006 |
IT |
L-Italja |
6 ta’ Marzu 2006 |
LV |
Il-Latvja |
28 ta’ Frar 2006 |
LT |
Il-Litwanja |
6 ta’ Marzu 2006 |
HU |
L-Ungerija |
1 ta’ Marzu 2006 |
NL |
L-Olanda |
16 ta’ Novembru 2005 |
AT |
L-Awstrija |
21 ta’ April 2006 |
PT |
Il-Portugall |
29 ta’ Novembru 2005 |
ANNESS IV
Mudell ta’ rappurtar għall-implimentazzjoni tal-pjanijiet ta’ tilqim preventiv approvati msemmija fl-artikolu 6(2)
Tagħrif ġenerali |
||||||
Pajjiż |
Zoo |
Vaċċin |
Rotta (speċifika jekk differenti fi speċi differenti) |
Sistema użata ta’ Piż – Doża (Piż reali/stmat/medju ta’ l-ispeċi) |
Intervall tal-vaċċin |
Intervall mill-aħħar tilqima sal-ġbir ta’ demm wara t-tilqima |
|
|
|
|
|
|
|
Titre ta’ l-antikorp tas-serum HI |
|||||||
Isem bl-Ingliż/isem lokali |
Isem bil-Latin |
Ordni Tassonomika |
Identifikazzjoni individwali |
Vaċċin Doża (ml) |
Qabel it-tilqima |
Wara l-ewwel tilqima |
Wara t-tieni tilqima |
|
|
|
|
|
|
|
|
Effetti Individwali avversi |
Mortalità |
||
Lokali |
Ġenerali |
Diretta (qbid/kontroll) |
Ittardjata (speċifika l-kawża tal-mewt) |
|
|
|
|
Tagħrif meħtieġ mil-Laboratorju |
||||
Varjant tal-vajrus tal-vaċċin |
Antiġeni (varjanti tal-vajrus) użati fit-test HI |
Punt ta’ waqfien jew end-titre użat biex titkejjel l-effettività tal-vaċċin |
Serum ta’ referenza użat |
(referenza għal) Metodoloġija |
|
|
|
|
|