15.11.2008   

MT

Il-Ġurnal Uffiċjali ta’ l-Unjoni Ewropea

6

(1)

Skond l-Artikolu 5(c) tar-Regolament tal-Kummissjoni (2) (KE) Nru 1019/2002, l-indikazzjonijiet tal-proprjetajiet organolettiċi jistgħu jidhru fuq it-tikketta biss jekk ikunu bbażati fuq ir-riżultati ta’ metodu ta’ analiżi stipulat fir-Regolament (KEE) Nru 2568/91 tal-Kummissjoni tal-11 ta’ Lulju 1991 dwar il-karatteristiċi taż-żejt taż-żebbuġa u l-fdal taż-żejt taż-żebbuġa u dwar il-metodi ta' analiżi rilevanti (3).

(2)

Skont it-tieni inċiż tal-Artikolu 2(1) tar-Regolament (KEE) Nru 2568/91, il-karatterisitċi organolettiċi għandhom jiġu evalwati skont il-metodu stipulat fl-Anness XII ta’ dak ir-Regolament L-attributi pożittivi elenkati f’dak l-Anness biss jistgħu jintużaw. Madankollu, jirriżulta li minħabba n-numru żgħir ħafna ta’ karatteristiċi organolettiċi elenkati fl-Anness XII, il-kummerċjanti qed jiltaqgħu ma' diffikultajiet huma u jiddeskrivu l-karatteristiċi organolettiċi taż-żjut tagħhom fuq it-tikketti.

(3)

Minħabba li f’dan il-mument, ma hemm l-ebda metodu objettiv ta’ verifika ta’ ċerti karatteristiċi organolettici li jsaħħu bil-kbir iż-żjut verġni taż-żebbuġa f'dak li gġandu x'jaqsam ma' toghma, riħa jew kulur, dawn kwalitajiet ma jistgħux jissemmew fuq it-tikketta. Barra minn hekk, il-kwalitajiet organolettiċi pożitivi msemmija fl-Anness XII għar-Regolamenti (KEE) Nru 2568/91 ma jippermettux li tiġi koperta l-firxa kollha ta' tipi differenti ta' żebbuġ u togħmiet ta' żjut verġni taż-żebbuġa.

(4)

Minħabba li x-xogħol ta’ riċerka fuq metodi ġodda ta’ evalwazzjoni organolettiċi jippermettu li titwessa' li l-firxa tal-attributi pożittivi taż-żjut verġni taż-żebbuġa li nbeda minn organizzazzjoni internazzjonali għadhom għaddejjin u x’aktarx se jieħdu aktar żmien milli kien previst fl-2003, jeħtieġ li tiġi stabbilita skadenza li tippermetti l-implimentazzjoni ta' dawn il-metodi. Għalhekk jeħtieġ li d-data meta jibda japplika l-Artikolu 5(c) tar-Regolament (KE) Nru 1019/2002 tiġi posposta. Id-data tal-1 ta' Lulju 2006 bħala data li fiha jibda japplika dan l-Artikolu hija konformi mad-data li fiha tibda l-kampanja ta' kummerċjalizzazzjoni 2006/2007.

(5)

Ghalhekk jaqbel li jiġi emendat ir-Regolament (KE) Nru 1019/2002.

(6)

Id-dispożizzjonijiet previsti f’dan ir-Regolament huma conformi mal-opinjoni tal-Kumitat ta' Ġestjoni għaż-Żjut u x-Xaħmijie,