This document is an excerpt from the EUR-Lex website
Document 32003R1809
Commission Regulation (EC) No 1809/2003 of 15 October 2003 amending Regulation (EC) No 999/2001 of the European Parliament and of the Council as regards rules for importation of live bovine animals and products of bovine, ovine and caprine origin from Costa Rica and New Caledonia (Text with EEA relevance)
Ir-Regolament tal-Kummissjoni (KE) Nru 1809/2003 tal-15 ta’ Ottubru 2003 li jemenda r-Regolament (KE) Nru 999/2001 tal-Parlament Ewropew u l-Kunsill dwar ir-regoli ta’ l-importazzjoni ta’ annimali bovini ħajjin u l-prodotti taċ-ċanga, tan-nagħaġ u tal-mogħoż mill-Kosta Rika u n-New CaledoniaTest b’relevanza għaż-ŻEE
Ir-Regolament tal-Kummissjoni (KE) Nru 1809/2003 tal-15 ta’ Ottubru 2003 li jemenda r-Regolament (KE) Nru 999/2001 tal-Parlament Ewropew u l-Kunsill dwar ir-regoli ta’ l-importazzjoni ta’ annimali bovini ħajjin u l-prodotti taċ-ċanga, tan-nagħaġ u tal-mogħoż mill-Kosta Rika u n-New CaledoniaTest b’relevanza għaż-ŻEE
ĠU L 265, 16.10.2003, p. 10–11
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 265 , 16/10/2003 P. 0010 - 0011
Ir-Regolament tal-Kummissjoni (KE) Nru 1809/2003 tal-15 ta’ Ottubru 2003 li jemenda r-Regolament (KE) Nru 999/2001 tal-Parlament Ewropew u l-Kunsill dwar ir-regoli ta’ l-importazzjoni ta’ annimali bovini ħajjin u l-prodotti taċ-ċanga, tan-nagħaġ u tal-mogħoż mill-Kosta Rika u n-New Caledonia (Test b’relevanza għaż-ŻEE) IL-KUMMISSJONI TAL-KOMUNITAJIET EWROPEJ Wara li kkunsidrat it-Trattat li jistabbilixxi l-Komunitajiet Ewropej, Wara li kkunsidrat ir-Regolament (KE) Nru 999/2001 tal-Parlament Ewropew u l-Kunsill tat-22 ta’ Meju 2001 li jwaqqaf ir-regoli għall-ħarsien, il-kontroll u l-qerda ta’ ċerti l-enċifalopati sponġiformi li jittieħdu [1], kif emendat l-aħħar bir-Regolament tal-Kummissjoni (KE) Nru 1139/2003 [2], u l-aktar l-ewwel paragrafu ta’ l-Artikolu 23 tiegħu, Billi: (1) Fl-opinjoni tiegħu tal-11 ta’ Mejju 2001 fuq ir-riskju ġeografiku tal-BSE fil-Kosta Rika, il-Kumitat Xjuentifiku tat-Tmexxija (il-KXT) kien temm li l-każijiet ta’ BSE fiċ-ċanga lokali ta’ dak il-pajjiż mhumiex spissi. Bħala rizultat, il-Kosta Rika kienet tniżżlet fil-lista ta’ pajjiżi li huma eżenti minn ċerti kondizzjonijiet kummerċjali marbuta mat-TSE ta’ annimali bovini ħajjin u prodotti taċ-ċanga, tan-nagħaġ u tal-mogħoż. (2) Fl-opinjoni aġġornata tiegħu ta’ l-10 ta’ April 2003 fuq ir-riskju ġeografiku tal-BSE ta’ ċerti pajjiżi terzi, il-KXT kien bidel l-opinjoni tiegħu tal-11 ta’ Mejju 2001, u temm li l-każijiet ta’ BSE fiċ-ċanga lokali fil-Kosta Rika mhumiex komuni iżda lanqas ma jistgħu jitħallew barra. Għalhekk, il-Kosta Rika m’għandhiex tkun eżentata mill-kondizzjonijiet kummerċjali marbuta mat-TSE għall-annimali bovini ħajjin u l-prodotti taċ-ċanga, tan-nagħaġ u tal-mogħoż. (3) Fl-opinjoni tiegħu tas-6 ta’ Marzu 2003 fuq ir-riskju ġeografiku tal-BSE fi New Caledonia, il-KXT kien ikkonkluda li l-każijiet ta’ BSE fiċ-ċanga lokali ta’ dak il-pajjiż mhumiex komuni. Għalhekk, in-New Caledonia għandha titniżżel fil-lista ta’ pajjiżi li huma eżentati minn ċerti kondizzjonijiet kummerċjali marbuta mat-TSE għall-annimali bovini u l-prodotti taċ-ċanga, tan-nagħaġ u tal-mogħoż. (4) Ir-Regolament (KE) Nru 999/2001 għandu, għalhekk, jiġi emendat. (5) Il-miżuri li hemm f’dan ir-Regolament huma fi qbil ma’ l-opinjoni tal-Kumitat Permanenti fuq il-Katina ta’ l-Ikel u s-Saħħa ta’ l-Annimali, ADOTTAT DAN IR-REGOLAMENT: Artikolu 1 L-Anness XI għar-Regolament (KE) Nru 999/2001 qed ikun emendat fi qbil ma’ l-Anness għal dan ir-Regolament. Artikolu 2 Dan ir-Regolament għandu jidħol fis-seħħ fl-20 jum wara dak tal-pubblikazzjoni tiegħu fil-Ġurnal Uffiċjail ta’ l-Unjoni Ewropea. Dan ir-Regolament għandu jorbot fil-kumplessità tiegħu u japplika direttament fl-Istati Membri kollha. Magħmul fi Brussel, fil-15 ta’ Ottubru 2003. Għall-Kummissjoni David Byrne Membru tal-Kummissjoni [1] ĠU L 147, tal-31.05.01, p. 1. [2] ĠU L 160, tas-27.06.03, p. 22. -------------------------------------------------- L-ANNESS L-Anness XI qed ikun emendat kif ġej: 1. Fil-parti A, il-punt 15(b), il-lista tal-pajjiżi qed tinbidel b’dan li ġej: "— l-Arġentina — l-Awstralja — il-Botswana — il-Brażil — iċ-Ċili — El Salvador — l-Islanda — In-Namibja — Territoire français de la Nouvelle Calédonie — in-New Zealand — in-Nikaragwa — il-Panama — il-Paragwaj — Singapor — Sważiland — l-Urugwaj — Vanuatu." 2. Fil-parti D, il-punt 3 qed jinbidel b’dan li ġej: "3. il-punt 2 m’għandux jgħodd għall-importazzjoni ta’ annimali bovini li jkunu twieldu u tkabbru l-ħin kollu fil-pajjiżi li ġejjin: - l-Arġentina - l-Awstralja - il-Botswana - il-Brażil - iċ-Ċili - El Salvador - l-Islanda - In-Namibja - Territoire français de la Nouvelle Calédonie - in-New Zealand - in-Nikaragwa - il-Panama - il-Paragwaj - Singapor - Sważiland - l-Urugwaj - Vanuatu." --------------------------------------------------