32002R1749

Ir-Regolament tal-Kunsill (KE, EURATOM) Nru 1749/2002

tat-30 ta' Settembru 2002

li jemenda r-Regolament (Euratom, KEFA, KEE) Nru 549/69 li jistabbilixxi l-kategoriji ta' uffiċjali u aġenti oħra tal-Komunitajiet Ewropej li għalihom id-dispożizzjonijiet ta' l-Artikolu 12, it-tieni subparagrafu ta' l-Artikolu 13 u l-Artikolu 14 tal-Protokoll dwar il-Privileġġi u Immunitajiet tal-Komunitajiet japplikaw

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u partikolarment l-Artikolu 291 tiegħu,

Wara li kkunsidra l-Protokoll dwar il-Privileġġi u l-Immunitajiet tal-Komunitajiet Ewropej, u b'mod partikolari l-Artikoli 16 u 22 tiegħu,

Wara li kkunsidra l-proposta mill-Kummissjoni [1],

Wara li kkunsidra l-opinjoni tal-Parlament Ewropew [2];

Wara li kkunsidra l-opinjoni tal-Qorti tal-Ġustizzja [3],

Wara li kkunsidra l-opinjoni tal-Qorti ta' l-Awdituri [4];

Billi:

(1) Ir-Regolament (Euratom, KEFA, KEE) Nru 549/69 [5], kif l-aħħar emendat bir-Regolament (KE, KEFA, Euratom) Nru 2459/98 [6], għandu jiġi emendat sabiex jitqies ir-Regolament tal-Kunsill (KE, Euratom) Nru 1746/2002 tat-30 ta' Settembru 2002 li jdaħħal, fil-kuntest tar-riforma tal-Kummissjoni, miżuri speċjali biex jintemm is-servizz ta' uffiċjali fil-Komunitajiet Ewropej maħtura f'kariga stabbilita fil-Kummissjoni tal-Komunitajiet Ewropej [7].

(2) Ir-Regolament (Euratom, KEFA, KEE) Nru 549/69(5), kif l-aħħar emendat bir-Regolament (KE, KEFA, Euratom) Nru 2459/98, għandu jiġi emendat sabiex jitqies ir-Regolament tal-Kunsill (KE, Euratom) Nru 1747/2002 tat-30 ta' Settembru 2002 li jdaħħal, fil-kuntest tal-modernizzazzjoni ta' l-istituzzjoni, miżuri speċjali biex jintemm is-servizz ta' uffiċjali fil-Komunitajiet Ewropei maħturas f'kariga stabbilita fil-Kunsill tal-Komunitajiet Ewropei [8].

(3) Ir-Regolament (Euratom, KEFA, KEE) Nru 549/69(5), kif l-aħħar emendat bir-Regolament (KE, KEFA, Euratom) Nru 2459/98, għandu jiġi emendat sabiex jitqies ir-Regolament tal-Kunsill (KE, Euratom) Nru 1748/2002 tat-30 ta' Settembru 2002 li jdaħħal, fil-kuntest tal-modernizzazzjoni ta' l-istituzzjoni, miżuri speċjali biex jintemm is-servizz ta' uffiċjali maħtura f'kariga stabbilita fil-Parlament Ewropew u ta' persunal temporanju li jaħdem fil-Gruppi Politiċi tal-Parlament Ewropew [9].

ADOTTA DAN IR-REGOLAMENT:

Artikolu 1

Dawn il-punti li ġejjin (p), (q) u (r) għandhom jiġu miżjuda ma' l-Artikolu 2 tar-Regolament (Euratom, KEFA, KEE) Nru 549/69:

"(p) dawk li huma intitolati għall-allowance prevista fil-każ tat-terminazzjoni ta' servizz taħt l-Artikolu 4 tar-Regolament (KE, Euratom) Nru 1746/2002,

(q) dawk li huma intitolati għall-allowance prevista fil-każ tat-terminazzjoni ta' servizz taħt l-Artikolu 4 tar-Regolament (KE, Euratom) Nru 1747/2002;

(r) dawk li huma intitolati għall-allowance prevista fil-każ tat-terminazzjoni ta' servizz taħt l-Artikolu 4 tar-Regolament (KE, Euratom) Nru 1748/2002,"

Artikolu 2

Dan ir-Regolament għandu jidħol fis-seħħ fil-jum ta' wara dak tal-l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu japplika, fir-rigward ta' kull punt miżjud mid-data tad-dħul fis-seħħ rispettiva ta' kull Regolament imsemmi fl-Artikolu 1.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, it-30 ta' Settembru 2002.

Għall-Kunsill

Il-President

P. S. Møller

[1] ĠU Ċ 81, 21.03.00, p. 1.

[2] Opinjoni mogħtija fl-24 ta' Settembru 2002.

[3] Opinjoni mogħtija fil-15 ta' Marzu 2002.

[4] ĠU Ċ 225, 20.09.02, p. 1.

[5] ĠU L 74, tas-27.3.1969, p. 1.

[6] ĠU L 307, 17.11.98, p. 3.

[7] Ara paġna 1 ta' dan il-Ġurnal Uffiċjali.

[8] Ara paġna 5 ta' dan il-Ġurnal Uffiċjali.

[9] Ara paġna 9 ta' dan il-Ġurnal Uffiċjali.

--------------------------------------------------