31999D0558

Id-Deċiżjoni tal-Kummissjoni

tas-26 ta' Lulju 1999

li temenda d-Deċiżjoni tal-Kunsill 79/542/KEE u d-Deċiżjonijiet tal-Kummissjoni 92/160/KEE u 93/195/KEE fir-rigward ta' żwiemel reġistrati mill-Ekwador

(notifikata permezz tad-dokument numru C(1999) 2438)

(Test b'relevanza ŻEE)

(1999/558/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 90/426/KEE tas-26 ta' Ġunju 1990 dwar il-kondizzjonijiet tas-saħħa ta' l-annimali li jirregolaw il-moviment u l-importazzjoni minn pajjiżi terzi ta' l-annimali tar-razza taż-żwiemel [1], kif l-aħħar emendata bl-Att ta' l-Adeżjoni ta' l-Awstrija, il-Fillandja u l-Isvezja, u b'mod partikolari l-Artikolu 17, it-tieni paragrafu tagħha,

(1) Billi d-Deċiżjoni tal-Kunsill 79/542/KEE [2], kif l-aħħar emendata bid-Deċiżjoni tal-Kummissjoni 1999/301/KE [3], lista ta' pajjiżi terzi ġiet stabbilita li minnhom l-Istati Membri jawtorizzaw l-importazzjoni ta' l-annimali tal-fart, il-majjali, tar-razza taż-żwiemel, in-nagħaġ u l-mogħoż, tal-laħam frisk u tal-prodotti tal-laħam; billi l-Ekwador huwa inkluż fil-Parti 2, il-kolonna speċjali għaż-żwiemel reġistrati, fl-Anness ta' dik id-Deċiżjoni;

(2) Billi, bid-Deċiżjoni 92/160/KEE [4], il-Kummissjoni kienet stabbilit ir-reġjonalizzazzjoni ta' ċerti pajjiżi terzi għall-importazzjoni ta' l-annimali tar-razza taż-żwiemel, kif l-aħħar emendata bid-Deċiżjoni 1999/236/KE [5]; billi b'din id-Deċiżjoni l-Ekwador huwa reġjonalizzat biex jirrestrinġi d-dħul lura wara l-esportazzjoni temporanja ta' żwiemel reġistrati għaż-żona metropolitana ta' Quito biss;

(3) Billi, bid-Deċiżjoni tal-Kummissjoni 93/195/KEE [6], kif l-aħħar emendata bid-Deċiżjoni 1999/228/KE [7], il-kondizzjonijiet tas-saħħa u ċ-ċertifikazzjoni veterinarja kienu ġew stabbiliti għad-dħul lura ta' żwiemel reġistrati wara l-esportazzjoni temporanja lejn l-Ekwador;

(4) Billi, matul iż-żjara ta' l-ispezzjoni tal-Kummissjoni fl-Ekwador, ġew fid-dawl nuqqasijiet serji fil-monitoraġġ tas-saħħa taż-żwiemel, tas-sorveljanza veterinarja, tar-rapportaġġ tal-mard u tal-proċeduri għall-importazzjoni u l-esportazzjonijiet ta' l-annimali tar-razza taż-żwiemel; billi b'dana kollu minn mindu ġiet adottata d-Deċiżjoni 92/160/KEE l-ebda żiemel ma ġie esportat mill-ġdid mill-Ekwador lejn il-Komunità;

(5) Billi, b'mod partikolari u minħabba l-kontrolli u n-notifikazzjoni insuffiċjenti ta' mard, is-sitwazzjoni fir-rigward ta' l-enċifalomelitis tal-Venezwela taż-żwiemel u dourine fl-Ekwador mhix ċara;

(6) Billi d-dħul lura ta' żwiemel reġistrati wara l-esportazzjoni temporanja lejn iż-żona metropolitana ta' Quito fl-Ekwador għandha tkun ipprojbita; billi għalhekk l-Ekwador għandu jitħassar mill-lista ta' pajjiżi terzi fl-Anness li jinsab mad-Deċiżjoni tal-Kunsill 790/542/KEE u konsegwentement id-Deċiżjonijiet 92/160/KEE u 93/195/KEE għandhom jiġu hekk emendati;

(7) Il-miżuri li tipprovdi dwarhom din id-Deċiżjoni huma bi qbil ma' l-opinjoni tal-Kumitat Permanenti Veterinarju,

ADOTTAT DIN ID-DEĊIŻJONI:

Artikolu 1

Fil-Parti 2 ta' l-Anness tad-Deċiżjoni tal-Kunsill 79/542/KEE, il-kolonna speċjali għal żwiemel reġistrati, il-linja li ġejja li tirrigwardja l-Ekwador hija mħassra:

KE | l-Ekwador | x | (1) |

Artikolu 2

Fl-Anness tad-Deċiżjoni tal-Kummissjoni 92/160/KEE, il-kliem li ġejjin li jirrigwardaw l-Ekwador huma mħassra:

"L-Equador [8]

Iż-żona metropolitana ta' Quito."

Artikolu 3

Id-Deċiżjoni tal-Kummissjoni 93/195/EEC hija emendata kif ġej:

1. Fil-Grupp D fl-Anness I il-kliem "L-Equador [9]" huma mħassra;

2. Fil-Grupp D fl-Anness II il-kliem "L-Equador [10]" huma mħassra;

Artikolu 4

Din id-Deċiżjoni hija indirizzata lill-Istati Membri.

Magħmula fi Brussel, is-26 ta' Lulju 1999.

Għall-Kummissjoni

Franz Fischler

Membru tal-Kummissjoni

[1] ĠU L 224, tat-18.8.1990, pġ. 42.

[2] ĠU L 146, ta’ l-14.6.1979, pġ. 15.

[3] ĠU L 117, tal-5.5.1999, pġ. 52.

[4] ĠU L 71, tat-18.3.1992, pġ. 27.

[5] ĠU L 87, tal-31.3.1999, pġ. 13.

[6] ĠU L 86, tas-6.4.1993, pġ. 1.

[7] ĠU L 83, tas-27.3.1999, pġ. 77.

[8] ĠU L 224, tat-18.8.1990, pġ. 42.

[9] ĠU L 224, tat-18.8.1990, pġ. 42.

[10] ĠU L 224, tat-18.8.1990, pġ. 42.

--------------------------------------------------