31997D0684

Id-Deċiżjoni tal-Kummissjoni

ta’ l-10 ta’ Ottubru 1997

li temenda d-Deċiżjoni 93/195/KEE dwar il-kondizzjonijiet tas-saħħa ta’ l-annimali u ċ-ċertifikazzjoni veterinarja għad-dħul mill-ġdid taż-żwiemel reġistrati għat-tiġrija, kompetizzjoni u avvenimenti kulturali wara l-esportazzjoni temporanja

(Test b’relevanza ghall-Ftehim ŻEE)

(97/684/KE)

Il-KUMMISSJONI TAL-KOMUNITAJIET EWROPEJ,

Wara li kkonsidrat it-Trattat li jistabilixxi l-Komunità Ewropea,

Wara li kkonsidrat id-Direttiva tal-Kunsill 90/426/KEE tas-26 ta’ Ġunju 1990 dwar kundizzjoni tas-saħħa ta’ l-annimali li jirregolaw it-tmexxija u l-importazzjoni għall-pajjiżi terzi ta’ l-equidae [1], kif l-aħħar emendata mill-Att ta’ l-Adeżjoni ta’ l-Awtrija, l-Finlandja u l-Iżvezja, u b’mod partikolari l-Artikolu 19 (ii) tagħha,

Billi, skond id-Deċiżjoni tal-Kummisjoni 93/195/KEE [2], kif l-aħħar emendata bid-Deċiżjoni 97/160/KE [3], id-dħul mill-ġdid taż-żwiemel reġistrati għat-tiġrija, kompetizzjoni u avvenimenti kulturali wara esportazzjoni temporanja huwa ristrett għal żwiemel miżmuma għall-inqas minn 30 jum f’pajjiż terz;

Billi sabiex ikun aktar ħafif għaż-żwiemel li joriġinaw fil-Komunità biex jieħdu parti fil-Logħob Olimpiku ta’ Sydney fl-Awstralja fl-2000 jew fl-avvenimenti preparatorji tagħhom, il-perjodu għandu jkun imtawwal għal mhux anqas minn 90 jum;

Billi sabiex jkun aktar ħafif għaż-żwiemel li joriġinaw fil-Komunità biex jieħdu parti fit-Tazza tad-Dinja tat-Tlielaq ta’ Dubaj fl-Emirati Għarab Maqgħuda, dak il-perjodu għandu jkun imtawwal għal mhux anqas minn 90 jum;

Billi l-miżuri li għalihom tipprovdi din id-Deċiżjoni huma skond l-opinjoni tal-Kumitat Veterinarju Permanenti,

ADOTTAT DIN ID-DEĊIŻJONI:

Artikolu 1

Id-Deċiżjoni 93/195/KEE hija emendata kif ġej:

1. It-tielet inċiż ta’ l-Artikolu 1 huwa sostitwit bil-kliem li ġejjin:

"— ikunu ħadu sehem fil-Logħob Olimipiku ta’ Sydney fl-2000 jew il-ġrajjiet preparatorji tagħhom u jilħqu l-ħtiġiet preskritti fiċ-ċertifikat tas-saħħa skond il-mudell stipulat f’ l-Anness III li jinsab ma din id-Deċiżjoni."

2. L-Anness III huwa sostitwit b’ l-Anness I li jinsab ma’ din id-Deċiżjoni.

3. Ir-raba indenti bil-kliem li ġejjin huwa miżjud ma’ l-Artikolu 1:

"— ikun ħadu sehem fit-Tazza tad-Dinja tat-Tlielaq ta’ Dubaj u jilħqu l-ħtiġiet preskritti fiċ-ċertifikat tas-saħħa skond il-mudell stipulat f’L-Anness IV li jinsab ma’ din id-Deċiżjoni."

4. L-Anness II li jinsab ma’ din id-Deċiżjoni huwa miżjud bħala l-Anness IV.

Artikolu 2

Din id-Deċiżjoni hija indirizzata lill-Istati Membri.

Magħmul fi Brussel, fl-10 ta’Ottubru 1997.

Għall-Kummissjoni

Franz Fischler

Membru tal-Kummissjoni

[1] ĠU L 224, tat-18.8.1990, pg. 42.

[2] ĠU L 86, tas-6.4.1993, pg. 1.

[3] ĠU L 62, ta’ l-4.3.1997, pg. 39.

--------------------------------------------------

L-ANNESS I

“L-ANNESS III

+++++ TIFF +++++

+++++ TIFF +++++

--------------------------------------------------

L-ANNESS II

“L-ANNESS IV

+++++ TIFF +++++

+++++ TIFF +++++

--------------------------------------------------