31992R3911

Ir-Regolament tal-Kunsill (KEE) Nru 3911/92

tad- 9 ta' Diċembru 1992

dwar l-esportazzjoni ta' oġġetti kulturali

IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jistabbilixxi l-Komunità Ekonomika Ewropea, u b'mod partikolari l-Artikolu 113 tiegħu,

Wara li kkunsidra l-proposta mingħand il-Kummissjoni [1],

Wara li kkunsidra l-opinjoni tal-Parlament Ewropew [2],

Wara li kkunsidraw l-opinjoni tal-Kumitat Ekonomiku u Soċjali [3],

Billi, in vista tal-konklużjoni tas-suq intern, regoli dwar kummerċ ma' pajjiżi mhux membri huma meħtieġa għall-protezzjoni ta' oġġetti kulturali;

Billi, fid-dawl tal-konklużjonijiet tal-laqgħa tal-Kunsill tad-19 ta' Novembru 1990, jidher li hu meħtieġ li jittieħdu miżuri b'mod partikolari biex jiġi assigurat li esportazzjonijiet ta' oġġetti kulturali jkunu suġġetti għal kontrolli uniformi fil-fruntieri esterni tal-Komunità;

Billi dik is-sistema għandha teħtieġ il-preżentazzjoni ta' liċenzja mill-Istat Membru kompetenti qabel l-esportazzjoni ta' l-oġġetti kulturali koperti b'dan ir-Regolament; billi dan jeħtieġ tifsira ċara ta' l-għan ta' dawk il-miżuri u l-proċeduri għall-implimentazzjoni tagħhom; billi l-implimentazzjoni tas-sistema għandha tkun sempliċi u effiċjenti kemm jista' jkun possibbli; billi għandu jiġi mwaqqaf kumitat biex jassisti lill-Kummissjoni fit-twettiq tar-responsabbiltajiet tagħha mogħtija lilha b'dan ir-Regolament;

Billi, in vista ta' l-esperjenza kbira ta' l-awtoritajiet ta' l-Istati Membri fit-tħaddim tar-Regolament tal-Kunsill (KEE) Nru 1468/81 tad-19 ta' Mejju 1981 dwar assistenza mutwali bejn l-awtoritajiet amministrattivi ta' l-Istati Membri u koperazzjoni bejn dawn ta' l-aħħar u l-Kummissjoni biex jiġi assigurat it-tħaddim tajjeb tal-liġi dwar materji doganali jew agrarji [4], l-imsemmi Regolament għandu jiġi applikat għal din il-materja;

Billi l-Anness ta' dan ir-Regolament hu mmirat li jiċċara l-kategoriji ta' oġġetti kulturali li għandhom jingħataw protezzjoni partikolari f'kummerċ ma' pajjiżi mhux membri, iżda mhux intiż li jippreġudika t-tifsira, mill-Istati Membri, tat-teżori nazzjonali skond it-tifsira mogħtija bl-Artikolu 36 tat-Trattat,

ADOTTA DAN IR-REGOLAMENT:

Artikolu 1

Mingħajr preġudizzju għall-poteri ta' l-Istati Membri skond l-Artikolu 36 tat-Trattat, il-kliem "oġġetti kulturali" għandhom jirreferu, għall-finijiet ta' dan ir-Regolament, l-affarijiet elenkati fl-Anness.

TITOLU 1

Liċenzja ta' esportazzjoni

Artikolu 2

1. L-esportazzjoni ta' oġġetti kulturali barra mit-territorju doganali tal-Komunità għandu jkun suġġett għat-turija ta' liċenzja ta' esportazzjoni.

2. Il-liċenzja ta' esportazzjoni għandha tinħareġ fuq talba tal-persuna interessata:

- minn awtorità kompetenti ta' l-Istat Membru li fit-territorju tiegħu l-oġġett kulturali in kwistjoni kien jinsab b'mod legali u b'mod definittiv fl-1 ta' Jannar 1993,

- jew, wara dan, minn awtorità kompetenti ta' l-Istat Membru li fit-territorju tiegħu jkun jinsab wara jew li jintbagħat b'mod legali jew b'mod definittiv minn Stat Membru ieħor, jew importazzjoni minn pajjiż mhux membru, jew ri-importazzjoni minn pajjiż mhux membru wara dispaċċ legali minn Stat Membru lil dak il-pajjiż.

Iżda, mingħajr preġudizzju għal paragrafu 4, l-Istat Membru li jkun kompetenti skond iż-żewġ inċiżi fl-ewwel sub-paragrafu huma awtorizzati li ma jeħtiġux liċenzji ta' esportazzjoni għall-oġġetti kulturali speċifikati fl-ewwel u t-tieni inċiż ta' kategorija A1 ta' l-Anness meta dawn ikunu ta' interess arkeoloġiku jew xjentifiku limitat, u sakemm ma jkunux il-prodott dirett ta' skavi, finds u siti arkeoloġiċi ġewwa Stat Membru, u li l-preżenza tagħhom fis-suq tkun legali.

Il-liċenzja ta' esportazzjoni tista' tiġi rifjutata, għall-finijiet ta' dan ir-Regolament, meta l-oġġetti kulturali in kwistjoni jkunu koperti b'leġislazzjoni li tipproteġi teżori nazzjonali ta' valur artistiku, storiku jew arkeoloġiku fl-Istat Membru in kwistjoni.

Meta jkun meħtieġ, l-awtorità msemmija fit-tieni indent ta' l-ewwel sub-paragrafu għandu jagħmel kuntatt ma' l-awtoritajiet kompetenti ta' l-Istat Membru li minnu l-oġġett kulturali in kwistjoni jkun ġie, u b'mod partikolari l-awtoritajiet kompetenti skond it-tifsira tad-Direttiva tal-Kunsill 93/…/KEE ta' dwar ir-ritorn ta' oġġetti kulturali li jkunu tneħħew illegalment mit-territorju ta' Stat Membru [5].

3. Il-liċenzja ta' esportazzjoni tkun valida ġewwa l-Komunità.

4. Mingħajr preġudizzju għad-disposizzjonijiet ta' dan l-Artikolu, esportazzjoni diretta mit-territorju doganali tal-Komunita ta' teżori nazzjonali li jkollhom valur artistiku, storiku jew arkeoloġiku li ma jkunux oġġetti kulturali skond it-tifisra ta' dan ir-Regolament tkun suġġetta għal-liġi nazzjonali ta' l-Istat Membru ta' esportazzjoni.

Artikolu 3

1. Stati Membri għandhom jagħtu lill-Kummissjoni lista ta' l-awtoritajiet li jkollhom poter li joħorġu liċenzji ta' esportazzjoni għal oġġetti kulturali.

2. Il-Kummissjoni għandha tippubblika lista ta' dawn l-awtoritajiet u kull emenda lil dik il-lista fis-serje "C"' tal-Ġurnal Uffiċjali tal-Komunitajiet Ewropej.

Artikolu 4

Il-liċenzja ta' esportazzjoni għandha tiġi murija, b'appoġġ għad-dikjarazzjoni ta' esportazzjoni, meta jsiru l-formalitajiet doganali ta' esportazzjoni, fl-uffiċċju tad-dawna li jkun kompetenti li jaċċetta dik id-dikjarazzjoni.

Artikolu 5

1. Stati Membri jistgħu jirrestrinġu n-numru ta' uffiċċji ta' dwana li jkollhom poter li jagħmlu l-formalitajiet għall-esportazzjoni ta' oġġetti kulturali.

2. Stati Membri li jieħdu l-għażla mogħtija fil-paragrafu 1 għandhom jinfurmaw lill-Kummissjoni bl-uffiċċji tad-dwana li jkunu mogħtija l-poter li jagħmlu dan.

Il-Kummissjoni għandha tippubblika din l-informazzjoni fis-serje "C" tal-Ġurnal Ufficjali tal-Komunitajiet Ewropej.

TITOLU 2

Koperazzjoni amministrattiva

Artikolu 6

Għall-finijiet li jiġi implimentat dan ir-Regolament, id-disposizzjonijiet ta' Regolament (KEE) Nru 1468/81, u b'mod partikolari d-disposizzjonijiet dwar il-kunfidenzjalità ta' informazzjoni, għandhom japplikaw mutatis mutandis.

B'żieda mal-koperazzjoni mogħtija skond l-ewwel sub-paragrafu, Stati Membri għandhom jieħdu l-passi kollha meħtieġa sabiex jistabbilixxu, fil-kuntest tar-relazzjonijiet mutwali tagħhom, koperazzjoni bejn l-awtoritajiet tad-dwana u l-awtoritajiet kompetenti msemmija fl-Artikolu 4 ta' Direttiva 93/../KEE./KEE [6].

TITOLU 3

Disposizzjonijiet ġenerali u finali

Artikolu 7

Id-disposizzjonijiet meħtieġa għall-implimentazzjoji ta' dan ir-Regolament, b'mod partikolari dawk li jirreferu għall-forma li għandha tinuża (per eżempju, il-mudell u proprjetajiet tekniċi) għandhom ikunu adottati skond il-proċedura stabbilita fl-Artikolu 8(2).

Artikolu 8

1. Il-Kummissjoni għandha tkun assistita minn kumitat magħmul minn rappreżentanti ta' l-Istati Membri u presedut mir-rappreżentant tal-Kummissjoni.

Il-kumitat għandu jeżamina kull każ dwar l-implimentazzjoni ta' dan ir-Regolament mqajjem mill-president tiegħu jew fuq inizzjattiva personali jew fuq talba ta' rappreżentant ta' Stat Membru.

2. Ir-rappreżentant tal-Kummissjoni għandu jissottometti lill-kumitat abbozz tal-miżuri li għandhom jittieħdu. Il-kumitat għandu jagħti l-opinjoni tiegħu fuq l-abbozz f'perjodu ta' żmien li l-pesident jista' jistabbilixxi skond l-urġenza tal-każ, jekk ikun hemm il-ħtieġa billi jittieħed vot.

L-opinjoni għandha tiġi reġistrata fil-minuti; aktar minn hekk, kull Stat Membru jkollu l-jedd li jitlob li l-posizzjoni tiegħu tkun reġistrata fil-minuti.

Il-Kummissjoni għandha tieħu konsiderazzjoni xierqa ta' l-opinjoni mogħtija mill-kumitat. Din għandha tinforma lill-kumitat bil-manjiera li biha l-opinjoni tagħha tkun ittieħdet in konsiderazzjoni.

Artikolu 9

Kull Stat Membru għandu jistabbilixxi l-penali li għandhom ikunu applikati għal ksur tad- disposizzjonijiet ta' dan ir-Regolament. Il-penali għandhom ikunu biżżejjed biex jippromwovu konformita ma' dawk id-disposizzjonijiet.

Artikolu 10

Kull Stat Membru għandu jinforma lill-Kummissjoni bil-miżuri li jkunu ttieħdu bis-saħħa ta' dan ir-Regolament.

Il-Kummissjoni għandha tikkomunika din l-informazzjoni lill-Istati Membri l-oħra.

Kull tliet snin il-Kummissjoni għandha tippreżenta rapport lill-Parlament Ewropew, il-Kunsill, il-Kumitat Ekonomiku u Soċjali dwar l-implimentazzjoni ta' dan ir-Regolament.

Il-Kunsill għandu jirrevedi l-effettività tar-Regolament wara perjodu ta' applikazzjoni ta' tliet snin u, wara li jaġixxi fuq proposta mill-Kummissjoni, jagħmel dawk l-aġġustamenti meħtieġa.

F'kull każ, il-Kunsill, li jaġixxi fuq proposta mill-Kummissjoni, għandu jeżamina kull tliet snin u, meta xieraq, jaġġorna l-ammonti indikati fl-Anness, abbażi ta' l-indikaturi ekonomiċi u monetarji fil-Komunita.

Artikolu 11

Dan ir-Regolament għandu jidħol fis-seħħ fit-tielet jum wara dak tal-pubblikazzjoni fl-Ġurnal Ufficjali tal-Komunitajiet Ewropej tad-Direttiva 93/…/KEE [7].

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fid-9 ta' Diċembru 1992.

Għall-Kunsill

Il-President

W. Waldegrave

[1] ĠU C 53, tat-28.2.1992, pġ. 8.

[2] ĠU C 176, tat-13.7.1992, pġ. 31.

[3] ĠU C 223, tal-31.8.1992, pġ. 10.

[4] ĠU L 144, tat-2.6.1981, pġ. 1. Regolament kif emendat bir-Regolament (KEE) Nru 945/87 (ĠU L 90, tat-2.4.1987, pġ. 3.)

[5] Għada mhix adottata fil-ħin ta' din il-pubblikazzjoni; kif meħtieġ fl-Artikolu 11 iktar 'l isfel, ir-Regolament preżenti se jidħol fis-seħħ fit-tielet ġurnata ta' wara l-pubblikazzjoni tad-Direttiva fil-Ġurnal Uffiċjali tal-Komunitajiet Ewropej.

[6] ara n-nota tal-qiegħ għall-Artikolu 2(2).

[7] Għada mhix adottata fil-ħin ta' din il-pubblikazzjoni; kif meħtieġ fl-Artikolu 11 iktar 'l isfel, ir-Regolament preżenti se jidħol fis-seħħ fit-tielet ġurnata ta' wara l-pubblikazzjoni tad-Direttiva fil-Ġurnal Uffiċjali tal-Komunitajiet Ewropej.

--------------------------------------------------

ANNESS

KATEGORIJI TA' OĠĠETTI KULTURALI KOPERTI B'L-ARTIKOLU 1

1. Oġġetti arkeoloġiċi li għandhom aktar minn 100 sena li hum prodotti ta': | |

— skavi u sejbiet fuq l-art u taħt l-ilma | 97050000 |

— siti arkeoloġiċi | 97060000 |

— kollezzjonijiet arkeoloġiċi |

2.Elementi li jiffurmaw parti integrali minn monumenti artistiċi, storiċi jew reliġjużi li jkunu ġew imkissra, ta' età li ma teċċedix 100 sena | 97050000 |

97060000 |

3.Stampi u pitturi li saru kollha kemm huma bl-idejn, fuq kull medium u b'kull materjal | 9701 |

4.Mosaics minbarra dawk f'kategoriji 1 u 2 u tpinġijiet li saru kollha kemm huma bl-idejn, fuq kull medium u b'kull materjal | 6914 |

9701 |

5.Engravings oriġinali, prints, serigraphs u lithographs bil-plates u posters rispettivi oriġinali tagħhom | Il-Kapitolu 49 |

97020000 |

84425099 |

6.Skulturi oriġinali u statwi u kopji prodotti permezz ta' l-istess proċess bħall-oriġinal, minbarra dawk f'kategorija 1 | 97030000 |

7. Ritratti, films u negattivi tagħhom | 3704 |

3705 |

3706 |

49119180 |

8.Incunabula u manuskritti, inklużi mapep u spartiti mużikali, kemm weħidhom kif ukoll f'kollezzjonijiet | 97020000 |

97060000 |

49011000 |

49019900 |

49040000 |

49059100 |

49059900 |

49060000 |

9. Kotba ta' aktar minn100 sena, weħidhom jew f'kollezzjonijiet | 97050000 |

97060000 |

10. Mapep stampati ta' aktar minn 200 sena | 97060000 |

11.Arkivji, li elementi minnhom, ta' kull xejħta jew ta' kull medium għandhom aktar minn 50 sena | 3704 |

3705 |

3706 |

4901 |

4906 |

97050000 |

97060000 |

12. (a)Kollezzjonijiet u kampjuni minn kollezzjonijiet żoloġiċi, botaniċi, mieraloġiċi jew anatomiċi; | 97050000 |

(b)Kollezzjonijiet ta' interess storiku, palaentoloġiku, etnografiku jew numismatiku | 97050000 |

13. Mezzi ta' trasport li għandhom aktar minn 75 sena | 97050000 |

Kapitoli 86-89 |

14. Kull oġġetti antiki oħra mhux inklużi f'kategoriji A.1 sa A.13 | |

(a) li għandhom bejn 50 u 100 sena: | |

— ġugarelli, logħob | Kapitolu 95 |

— glassware | 7013 |

— oġġetti ta' affarijiet li jintużaw minn goldsmiths jew arġentiera | 7114 |

— għamara | Kapitolu 94 |

— apparat ottiku, fotografiku jew ċinematografiku | Kapitolu 90 |

— strumenti mużikali | Kapitolu 92 |

— arloġġi u arloġġi ta' l-idejn u partijiet minnhom | Kapitolu 91 |

— oġġetti ta' l-injam | Kapitolu 44 |

— fuħħar | Kapitolu 69 |

— tapizzeriji | 58050000 |

— twapet | Kapitolu 57 |

— wallpaper | 4814 |

— armamenti | Kapitolu 93 |

(b) li jkollhom aktar minn 100 sena | 97060000 |

A. L-oġġetti kulturali f'kategoriji A.1 sa A.14 huma koperti b'dan ir-Regolament biss jekk il-valur tagħhom jikkorrispondi għal, jew jeċċedi, t-thresholds finanzjarji taħt B.

B. Thresholds finanzjarji applikabbli għal ċerti kategoriji taħt A (f'ecu)

Valur: 0 (Żero)

- 1 (Oġġetti arkeoloġiċi)

- 2 (Monumenti żarmati)

- 8 (Incunabula u manuskritti)

- 11 (Arkivji)

15000

- 4 (Mosaics u tpinġijiet)

- 5 (Engravings)

- 7 (Ritratti)

- 10 (Mapep stampati)

50000

- 6 (Statwi)

- 9 (Kotba)

- 12 (Kollezzjonijiet)

- 13 (Mezzi ta' trasport)

- 14 (Kull oġġett ieħor)

150000

- 3 (Pitturi)

L-istima ta' jekk jew le l-kondizzjonijiet li jirreferu għall-valur finanzjarju jkunux osservati għandha ssir meta ssir applikazzjoni għal liċenzja ta' esportazzjoni. Il-valur finanzjarju hu dak ta' l-oġġetti kulturali fl-Istat Membru msemmi fl-Artikolu 2(2) tar-Regolament.

Id-data tal-konverżjoni ta' valuri espressi f'ecu fl-Anness f'muniti nazzjonali għandu jkun l-1 ta' Jannar 1993.

--------------------------------------------------