31992D0369

Id-Deċiżjoni Tal-Kummissjoni

fl-24 ta’ Ġunju 1992

li temenda l-Anness III tad-Direttiva tal-Kunsill 90/539/KEE dwar il-kondizzjonijiet tas-saħħa ta’ l-annimali li jirregolaw il-kummerċ intra-Komunitarju fi, u l-importazzjoni minn pajjiżi terzi ta’, tjur u bajd għat-tfaqqis f’dak li jirrigwardja l-kondizzjonijiet tal-vaċċinazzjoni

(92/369/KEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat id-Direttiva tal-Kunsill 90/539/KEE tal-15 ta’ Ottubru 1990 dwar il-kondizzjonijiet tas-saħħa ta’ l-Annimali li jirregolaw il-kummerċ intra-Komunitarju fi, u l-importazzjoni minn pajjiżi terzi ta’, tjur u bajd għat-tfaqqis [1], kif l-aħħar emendata bid-Direttiva 91/496/KEE [2], u partikolarment l-Artikolu 34 tagħha,

Billi l-Anness III tad-Directive 90/539/KEE preżentament jenħtieġ, partikolarment, li t-tjur għall-kummerċ intra-Komunitarju jkunu vvaċċinati b’vaċċini li huma konformi mal-ħtiġiet tal-Farmakopoeia Ewropea;

Billi l-monografi tal-Farmakopoeia Ewropea ma humiex disponibbli għall-ħafna mill-vaċċini tat-tjur preżentament użati fl-Istati Membri;

Billi huwa mixtieq li jkun emendat l-imsemmi l-Anness biex jippermetti l-użu ta’ vaċċini li mhumiex neċessarjament soġġetti għall-monografi tal-Farmakopoeia Ewropea;

Billi l-miżuri previsti f’din id-Deċiżjoni huma bi qbil ma’ l-opinjoni tal-Kumitat Veterenarju Permanenti,

ADOTTAT DIN ID-DEĊIŻJONI:

Artikolu 1

L-Anness III għad-Direettiva 90/539/KEE huwa mibdul bl-Anness għal din id-Deċiżjoni.

Artikolu 2

Dan id-Deċiżjoni hija indirizzata lill-Istati Membri.

Magħmula fi Brussel, fl-24 ta’ Ġunju 1992.

Għall-Kummissjoni

Ray Mac Sharry

Membru tal-Kummissjoni

[1] ĠU L 303, tal-31.10.1990, p. 6.

[2] ĠU L 268, ta’ l-24.9.1991, p. 56.

--------------------------------------------------

ANNESS

ANNESS III

KONDIZZJONIJIET TAL-VAĊĊINAZZJONI TAT-TJUR

1. Il-vaċċini użati għall-vaċċinazzjoni tat-tjur jew qatgħat li jipproduċu l-bajd għat-tfaqqis iridu jkollhom awtorizzazzjoni għall-kummerċ maħruġha mill-awtorita kompetenti ta’ l-Istat Membru li fih il-vaċċina tkun użata.

2. Il-kriterja għall-użu tal-vaċċini kontra l-marda Newcastle fil-kuntest tal-programmi ta’ vaċċinazzjoni bħala rutina tista tkun iddeterminata mill-Kummissjoni.

--------------------------------------------------