EUR-Lex Access to European Union law
This document is an excerpt from the EUR-Lex website
Document 31978L0692
Council Directive 78/692/EEC of 25 July 1978 amending Directives 66/400/EEC, 66/401/EEC, 66/402/EEC, 66/403/EEC, 68/193/EEC, 69/208/EEC and 70/458/EEC on the marketing of beet seed, fodder plant seed, cereal seed, seed potatoes, material for the vegetative propagation of the vine, seed of oil and fibre plants and vegetable seed
Id-Direttiva tal-Kunsill tal-25 ta' Lulju 1978 li temenda d-Direttivi 66/400/KEE, 66/401/KEE, 66/402/KEE, 66/403/KEE, 68/193/KEE, 69/208/KEE u 70/458/KEE fuq il-marketing taż-żerriegħa tax-xitla tal-pitravi, taż-żerriegħa tal-pjanti ta' l-għalf, taż-żerriegħa taċ-ċereali, tal-patata taż-żrigħ, tal-materjal għall-propagazzjoni veġetali tad-dielja, taż-żerriegħa taż-żejt, u tal-pjanti tal-fibra u taż-żerriegħa tal-ħxejjex
Id-Direttiva tal-Kunsill tal-25 ta' Lulju 1978 li temenda d-Direttivi 66/400/KEE, 66/401/KEE, 66/402/KEE, 66/403/KEE, 68/193/KEE, 69/208/KEE u 70/458/KEE fuq il-marketing taż-żerriegħa tax-xitla tal-pitravi, taż-żerriegħa tal-pjanti ta' l-għalf, taż-żerriegħa taċ-ċereali, tal-patata taż-żrigħ, tal-materjal għall-propagazzjoni veġetali tad-dielja, taż-żerriegħa taż-żejt, u tal-pjanti tal-fibra u taż-żerriegħa tal-ħxejjex
ĠU L 236, 26.8.1978, p. 13–18
(DA, DE, EN, FR, IT, NL) Dan id-dokument ġie ppubblikat f’edizzjoni(jiet) speċjali
(EL, ES, PT, FI, SV, CS, ET, LV, LT, HU, MT, PL, SK, SL, BG, RO, HR)
In force
Official Journal L 236 , 26/08/1978 P. 0013 - 0018
Greek special edition: Chapter 03 Volume 22 P. 0166
Spanish special edition: Chapter 03 Volume 14 P. 0267
Portuguese special edition Chapter 03 Volume 14 P. 0267
Finnish special edition: Chapter 3 Volume 10 P. 0105
Swedish special edition: Chapter 3 Volume 10 P. 0105
Id-Direttiva tal-Kunsill tal-25 ta' Lulju 1978 li temenda d-Direttivi 66/400/KEE, 66/401/KEE, 66/402/KEE, 66/403/KEE, 68/193/KEE, 69/208/KEE u 70/458/KEE fuq il-marketing taż-żerriegħa tax-xitla tal-pitravi, taż-żerriegħa tal-pjanti ta' l-għalf, taż-żerriegħa taċ-ċereali, tal-patata taż-żrigħ, tal-materjal għall-propagazzjoni veġetali tad-dielja, taż-żerriegħa taż-żejt, u tal-pjanti tal-fibra u taż-żerriegħa tal-ħxejjex (78/692/KEE) IL-KUNSILL TAL-KOMUNITAJIET EWROPEJ, Wara li kkunsidra t-Trattat li jistabbilixxi l-Komunità Ekonomika Ewropea, u partikolarment l-Artikoli 43 u 100 tiegħu, Wara li kkunsidra l-proposta mill-Kummissjoni, Wara li kkunsidra l-opinjoni tal-Parlament Ewropew [1]; Wara li kkunsidra l-opinjoni tal-Kumitat Ekonomiku u Soċjali [2], Billi, għar-raġunijiet mogħtija hawn taħt, ċerti Direttivi dwar il-kummerċ taż-żerriegħa u l-materjali tal-propagazzjoni għandhom ikunu emendati; Billi d-disposizzjonijiet preżenti tad-Direttivi rigward l-ippakkjar u l-marki taż-żerriegħa u l-materjali tal-propagazzjoni ma jikkunsidrawx il-progress tekniku fl-isfera tal-materjali ta' l-ippakkettjar, tas-sistemi tas-siġillar u l-metodi tat-tikkettjar; billi għandhom għalhekk ikunu aġġornati; Billi, wkoll fil-każ tal-patata taż-żrigħ, kampjuni għall-eżami tat-tuberi għaċ-ċertifikazzjoni għandhom jittieħdu uffiċjalment bi qbil mal-metodi xierqa, ADOTTA DIN ID-DIRETTIVA: Artikolu 1 Id-Direttiva tal-Kunsill 66/400/KEE ta' l-14 ta' Ġunju 1966 dwar il-kummerċ taż-żerriegħa tax-xitla tal-pitravi [3], kif l-aħħar emendata bid-Direttiva 78/55/KEE [4], għandha tkun emendata kif ġej: 1. L-Artikolu 10(1) għandu jkun mibdul b'dan li ġej: "1. L-Istati Membri għandhom jeħtieġu li l-pakketti taż-żerriegħa bażika u taż-żerriegħa ċċertifikata, apparti minn meta l-kategorija ta' dik ta' l-aħħar tieħu l-forma ta' pakketti żgħar tal-KEE, ikunu ssiġillati uffiċjalment jew taħt is-superviżjoni uffiċjali b'tali mod li ma jistgħux jinfetħu mingħajr ma jinkiser is-siġill jew iħallu evidenza li kien imbabas, jew fuq it-tikketta uffiċjali li hemm provvediment dwarha fl-Artikolu 11(1), jew fuq il-pakkett. Sabiex jassiguraw is-siġillar, is-sistema tas-siġill għandha tinkludi mill-inqas, jew it-tikketta hawn fuq imsemmija, jew it-tqegħid ta' siġill uffiċjali. Il-miżuri li hemm provvediment dwarhom fit-tieni subparagrafu ma jkunux meħtieġa meta s-sistema tas-siġill li ma tistax terġa' tintuża tkun użata. Bi qbil mal-proċedura stabbilità fl-Artikolu 21, jista' jkun stabbilit jekk sistema partikolari ta' siġillar tkunx twettaq id-disposizzjonijiet ta' dan il-paragrafu." 2. Fl-ewwel sentenza ta' l-Artikolu 10(2), il-kliem "jew taħt is-superviżjoni uffiċjali" għandhom jiddaħħlu wara "uffiċjali". 3. L-Artikolu 10(3) għandu jkun mibdul b'dan li ġej: "3. L-Istati Membri għandhom jeħtieġu li l-pakketti żgħar tal-KEE jkunu ssiġillati b'tali mod li ma jistgħux jinfetħu mingħajr ma tinkiser is-sistema tas-siġillar jew li jħallu evidenza li kien imbabas, fuq it-tikketta jew fuq il-pakkett. Bi qbil mal-proċedura elenkata fl-Artikolu 21, jista' jkun stabbilit jekk sistema partikulari ta' siġillar tkunx taderixxi mad-disposizzjonijiet ta' dan il-paragrafu. Il-pakketti ma jistgħux jerġgħu jkunu ssiġillati f'waħda jew f'aktar okkażjonijiet apparti milli taħt is-superviżjoni uffiċjali." 4. Fl-Artikolu 14(3)(c), il-partikolaritajiet li ġejjin għandhom jiżdiedu wara l-inċiż "numru ta' riferenza tal-lott" : "— ix-xahar u s-sena tas-siġillar, jew — ix-xahar u s-sena ta' l-aħħar teħid uffiċjali tal-kampjuni għall-iskopijiet taċ-ċertifikazzjoni." 5. Fl-Anness III(A)(I), li ġej huwa miżjud: "3. ix-xahar u s-sena tas-siġillar espressi hekk: "issiġillat …" (ix-xahar u s-sena), jew ix-xahar u s-sena ta' l-aħħar teħid uffiċjali tal-kampjuni għall-iskopijiet taċ-ċertifikazzjoni espressi hekk: "il-kampjun ittieħed …" (ix-xahar u s-sena)." Artikolu 2 Id-Direttiva tal-Kunsill 66/401/KEE ta' l-14 ta' Ġunju 1966 dwar il-kummerċ taż-żerriegħa tax-xitla ta' l-għalf [5], kif l-aħħar emendata bid-Direttiva 78/386/KEE [6], għandha tkun emendata kif ġej: 1. L-Artikolu 9(1) għandu jkun mibdul b'dan li ġej: "1. L-Istati Membri għandhom jeħtieġu li l-pakketti taż-żerriegħa bażika, taż-żerriegħa ċċertifikata u taż-żerriegħa kummerċjali, apparti minn meta ż-żerriegħa ta' l-aħħar żewġ kategoriji jieħdu l-forma ta' pakketti żgħar B tal-KEE, ikunu ssiġillati uffiċjalment jew taħt is-superviżjoni uffiċjali b'tali mod li ma jistgħux jinfetħu mingħajr ma ssir ħsara lis-sistema tas-siġillar jew iħallu evidenza li sar tbabis jew fuq it-tikketta uffiċjali li hemm provvediment dwarha fl-Artikolu 10(1) jew fuq il-pakkett. Sabiex jassiguraw is-siġillar, is-sistema tas-siġillar għandha tinkludi mill-anqas jew it-tikketta msemmija hawn fuq jew it-tqegħid ta' siġill uffiċjali. Il-miżuri li hemm provvediment dwarhom fit-tieni subparagrafu ma jkunux meħtieġa meta s-sistema tas-siġillar li ma tistax terġa' tintuża, tkun użata. Bi qbil mal-proċedura elenkata fl-Artikolu 21, jista' jkun stabbilit jekk sistema partikulari ta' siġillar tkunx taderixxi mad-disposizzjonijiet ta' dan il-paragrafu." 2. Fl-ewwel sentenza ta' l-Artikolu 9(2), il-kliem "jew taħt is-superviżjoni uffiċjali" għandhom jiddaħħlu wara "uffiċjali". 3. L-Artikolu 9(3) għandu jkun mibdul b'dan li ġej: "3. L-Istati Membri għandhom jeħtieġu li l-pakketti żgħar B tal-KEE jkunu ssiġillati b'tali mod li ma jistgħux jinfetħu mingħajr ma tinkiser is-sistema tas-siġillar jew iħallu evidenza li kien imbabas fuq it-tikketta jew fuq il-pakkett. Bi qbil mal-proċedura elenkata fl-Artikolu 21, jista' jkun stabbilit jekk sistema partikulari ta' siġillar tkunx taderixxi mad-disposizzjonijiet ta' dan il-paragrafu. Il-pakketti ma jistgħux jerġgħu jkunu ssiġillati f'waħda jew aktar okkażjonijiet apparti milli taħt superviżjoni uffiċjali." 4. Fl-Artikolu 14(3)(c), il-partikolaritajiet li ġejjin għandhom jiżdiedu wara l-inċiż "numru ta' riferenza tal-lott" : "— ix-xahar u s-sena tas-siġillar, jew — ix-xahar u s-sena ta' l-aħħar teħid uffiċjali tal-kampjuni għall-iskopijiet taċ-ċertifikazzjoni." 5. Fl-Anness IV(A)(I), li ġej huwa miżjud taħt (a): "3.a ix-xahar u s-sena tas-siġillar espressi hekk: "issiġillat …" (ix-xahar u s-sena), jew ix-xahar u s-sena ta' l-aħħar teħid uffiċjali tal-kampjuni għall-iskopijiet taċ-ċertifikazzjoni espressi hekk: "il-kampjun ittieħed …" (ix-xahar u s-sena)." 6. Fl-Anness IV(A)(I), li ġej għandu jkun miżjud taħt (b): "4a. ix-xahar u s-sena tas-siġillar espressi hekk: "issiġillat …" (ix-xahar u s-sena), jew ix-xahar u s-sena ta' l-aħħar teħid uffiċjali tal-kampjuni għall-iskopijiet taċ-ċertifikazzjoni espressi hekk: "il-kampjun ittieħed …" (ix-xahar u s-sena)." 7. Fl-Anness IV(A)(I), li ġej għandu jkun miżjud taħt (ċ): "3.a ix-xahar u s-sena tas-siġillar espressi hekk: "issiġillat …" (ix-xahar u s-sena)," Artikolu 3 Id-Direttiva tal-Kunsill 66/402/KEE ta' l-14 ta' Ġunju 1966 dwar il-kummerċ taż-żerriegħa taċ-ċereali [7], kif l-aħħar emendata bid-Direttiva 78/387/KEE [8], għandha tkun emendata kif ġej: 1. L-Artikolu 9(1) għandu jkun mibdul b'dan li ġej: "1. L-Istati Membri għandhom jeħtieġu li l-pakketti taż-żerriegħa bażika u ż-żerriegħa ċċertifikata tal-kategoriji kollha jkunu ssiġillati uffiċjalment jew taħt is-superviżjoni uffiċjali b'tali mod li ma jistgħux jinfetħu mingħajr ma ssir ħsara lis-sistema tas-siġillar jew iħallu evidenza li jkun sar tbabis jew fuq it-tikketta uffiċjali li hemm provvediment dwarha fl-Artikolu 10(1) jew fuq il-pakkett. Sabiex jassiguraw is-siġillar, is-sistema tas-siġillar għandha tinkludi mill-anqas jew it-tikketta msemmija hawn fuq jew it-tqegħid ta' siġill uffiċjali. Il-miżuri li hemm provvediment dwarhom fit-tieni subparagrafu ta' hawn fuq ma jkunux meħtieġa meta s-sistema tas-siġillar li ma tistax terġa' tintuża, tkun użata. Bi qbil mal-proċedura elenkata fl-Artikolu 21, jista' jkun stabbilit jekk sistema partikulari ta' siġillar tkunx taderixxi mad-disposizzjonijiet ta' dan il-paragrafu." 2. Fl-ewwel sentenza ta' l-Artikolu 9(2), il-kliem "jew taħt superviżjoni uffiċjali" għandhom jiddaħħlu wara "uffiċjali". 3. Fl-Artikolu 14(3)(c), li ġejjin għandhom jiżdiedu wara l-inċiż "numru ta' riferenza tal-lott" : "— ix-xahar u s-sena tas-siġillar, jew — ix-xahar u s-sena ta' l-aħħar teħid uffiċjali tal-kampjuni għall-iskopijiet taċ-ċertifikazzjoni." 4. Fl-Anness IV(A), li ġej huwa miżjud taħt (a): "3a. ix-xahar u s-sena tas-siġill espressi hekk: "issiġillat …" (ix-xahar u s-sena), jew ix-xahar u s-sena ta' l-aħħar teħid uffiċjali tal-kampjuni għall-iskopijiet taċ-ċertifikazzjoni espressi hekk: "il-kampjun ittieħed …" (ix-xahar u s-sena)." 5. Fl-Anness IV(A), li ġej huwa miżjud taħt (b): "3a. ix-xahar u s-sena tas-siġillar espressi hekk: "issiġillat …" (is-sena u x-xahar)." Artikolu 4 Id-Direttiva tal-Kunsill 66/403/KEE ta' l-14 ta' Ġunju 1966 dwar il-kummerċ tal-patata taż-żrigħ [9], kif l-aħħar emendata bid-Direttiva 77/648/KEE [10], għandha tkun emendata kif ġej: 1. L-Artikolu li ġej għandu jkun miżjud: "Artikolu 5 L-Istati Membri għandhom jeħtieġu li, għall-eżaminazzjoni taż-żerriegħa tat-tuberi tal-patata għaċ-ċertifikazzjoni, kampjuni jkunu meħuda uffiċjalment bi qbil mal-metodi xierqa." 2. L-Artikolu 9(1) għandu jkun mibdul b'dan li ġej: "1. L-Istati Membri għandhom jeħtieġu li l-pakketti tal-patata bażika taż-żrigħ u l-patata ċċertifikata jkunu ssiġillati uffiċjalment jew taħt is-superviżjoni uffiċjali b'tali mod li ma jistgħux jinfetħu mingħajr ma ssir ħsara lis-sistema ta' għeluq jew iħallu evidenza li jkun sar tbabis jew fuq it-tikketta uffiċjali li hemm provvediment dwarha fl-Artikolu 10(1) jew fuq il-pakkett. Sabiex jassiguraw l-għeluq, is-sistema tas-siġillar għandha tinkludi mill-anqas jew it-tikketta imsemmija hawn fuq jew it-tqegħid ta' siġill uffiċjali. Il-miżuri li hemm provvediment dwarhom fit-tieni subparagrafu ta' hawn fuq ma jkunux meħtieġa meta s-sistema tas-siġillar li ma tistax terġa' tintuża, tkun użata. Bi qbil mal-proċedura elenkata fl-Artikolu 19 jista' jkun stabbilit jekk sistema partikulari ta' siġillar tkunx taderixxi mad-disposizzjonijiet ta' dan il-paragrafu." 3. Fl-ewwel sentenza ta' l-Artikolu 9(2), il-kliem "jew taħt is-superviżjoni uffiċjali" għandhom jiddaħħlu wara "uffiċjali". 4. L-Artikolu 10 għandu jkun mibdul b'dan li ġej: "Artikolu 10 1. L-Istati Membri għandhom jeħtieġu li l-pakketti u l-kontenituri tal-patata bażika taż-żrigħ u tal-patata ċertifikata taż-żrigħ: (a) jkunu ttikkettjati minn naħa ta' barra b'tikketta uffiċjali li ma tkunx intużat qabel, li taderixxi mal-kondizzjonijiet elenkati fl-Anness III u li l-partikularitajiet tagħhom ikunu pprovduti f'waħda mil-lingwi uffiċjali tal-Komunità. Il-kulur tat-tikketta għandu jkun abjad għall-patata bażika taż-żrigħ u ikħal għall-patata taż-żrigħ iċċertifikata. Meta tikketta b'toqba għal qafla hija użata, it-twaħħil tagħha għandu jkun assigurat fil-każi kollha b'siġill uffiċjali. L-użu ta' tikketti uffiċjali li jeħlu għandu jkun awtorizzat. Bi qbil mal-proċedura elenkata fl-Artikolu 19, l-istampar li ma jitħassarx tal-partikularitajiet preskritti fuq il-pakkett bi qbil mal-mudell tat-tikketta jista' jkun awtorizzat taħt is-superviżjoni uffiċjali; (b) ikun fihom dokument uffiċjali, bl-istess kulur tat-tikketta, li jipprovdi mill-inqas il-partikularitajiet meħtieġa tat-tikketta meħtieġa permezz ta' l-Anness III(A)(3), (4) u (6). Dan id-dokument għandu jkun mħejji b'tali mod li ma jkunx imfixkel mat-tikketta uffiċjali li hemm referenza dwarha taħt (a). Dan id-dokument ma jkunx meħtieġ jekk il-partikularitajiet ikunu stampati b'mod li ma jitħassrux fuq il-, pakkett jew jekk, bi qbil mad-disposizzjonijiet taħt (a), tat-tikketta li teħel, jew tat-tikketta magħmula minn materjal li ma jitqattax meta jkun użat. 2. L-Istati Membri jistgħu jipprovdu għal derogi mill-paragrafu 1 fil-każ ta' pakketti żgħar meta jkunu mmarkati: "Għadda għall-kummerċ fi …" (l-Istat Membru kkonċernat) biss." 5. Fl-Artikolu 13(1), il-kliem "immarkat u ssiġillat uffiċjalment jew taħt is-superviżjoni uffiċjali" għandhom jibdlu "uffiċjalment immarkat u ssiġillat". 6. Fl-Artikolu 13(4)(ċ), li ġejjin għandhom jiżdiedu wara l-inċiż "numru ta' riferenza tal-lott" : "— ix-xahar u s-sena tas-siġill." 7. Fl-Anness III(A), li ġej huwa miżjud: "3a. ix-xahar u s-sena tas-siġill." 8. Fl-Anness III(A), il-punt 9 għandu jkun imħassar. Artikolu 5 L-Artikolu 9 tad-Direttiva tal-Kunsill 68/193/KEE tad-9 ta'April 1968 dwar il-kummerċ tal-materjal għall-propagazzjoni veġetali tad-dielja [11], kif l-aħħar emendata bid-Direttiva 78/55/KEE għandu jkun mibdul b'dan li ġej: "Artikolu 9 L-Istati Membri għandhom jeħtieġu li l-pakketti u l-mazz tal-materjal tal-propagazzjoni jkunu ssiġillati b'tali mod li ma jistgħux jinfetħu mingħajr ma ssir ħsara lis-sistema tas-siġillar jew iħallu evidenza li jkun sar tbabis jew fuq it-tikketta uffiċjali li hemm provvediment dwarha fl-Artikolu 10(1) jew - fil-każ tal-pakketti - fuq il-pakkett. Għandhom ikollhom ukoll ċomba jew mezz ekwivalenti ta' siġill imwaħħal mill-persuna responsabbli li twaħħal it-tikketti. Bi qbil mal-proċedura elenkata fl-Artikolu 17 jista' jkun stabbilit jekk sistema partikulari ta' siġillar tkunx taderixxi mad-disposizzjonijiet ta' dan l-Artikolu. Il-pakketti ma jistgħux jerġgħu jkunu ssiġillati f'waħda jew aktar okkażjonijiet ħlief taħt is-superviżjoni uffiċjali." Artikolu 6 Id-Direttiva tal-Kunsill 69/208/KEE tat-30 ta' Ġunju 1969 dwar il-kummerċ taż-żerriegħa taż-żejt u l-pjanti tal-fibra [12], kif l-aħħar emendata bid-Direttiva 78/388/KEE [13], għandha tkun emendata kif ġej: 1. L-Artikolu 9(1) għandu jkun mibdul bi: "1. L-Istati Membri għandhom jeħtieġu li l-pakketti taż-żerriegħa bażika, taż-żerriegħa ċċertifikata tal-kategoriji kollha u taż-żerriegħa kummerċjali, ikunu ssiġillati uffiċjalment jew taħt is-superviżjoni uffiċjali b'tali mod li ma jistgħux jinfetħu mingħajr ma ssir ħsara lis-sistema tas-siġillar jew mingħajr ma jħallu evidenza li jkun sar tbabis jew fuq it-tikketta uffiċjali li hemm provvediment dwarha fl-Artikolu 10(1) jew fuq il-pakkett. Sabiex jassiguraw is-siġillar, is-sistema tas-siġillar għandha tinkludi mill-anqas jew it-tikketta msemmija hawn fuq jew it-tqegħid ta' siġill uffiċjali. Il-miżuri li hemm provvediment dwarhom fit-tieni subparagrafu ta' hawn fuq ma jkunux meħtieġa meta s-sistema tas-siġillar li ma tistax terġa' tintuża, tkun użata. Bi qbil mal-proċedura elenkata fl-Artikolu 20, jista' jkun stabbilit jekk sistema partikulari tas-siġillar tkunx taderixxi mad-disposizzjonijiet ta' dan il-paragrafu." 2. Fl-ewwel sentenza ta' l-Artikolu 9(2), il-kliem "jew taħt is-superviżjoni uffiċjali" għandhom jiddaħħlu wara "uffiċjali". 3. Fl-Artikolu 13(3)(c), li ġejjin għandhom jiżdiedu wara l-inċiż "numru ta' referenza tal-lott" : "— ix-xahar u s-sena tat-teħid tal-kampjuni, jew — ix-xahar u s-sena ta' l-aħħar teħid uffiċjali tal-kampjuni għall-iskopijiet taċ-ċertifikazzjoni." 4. Fl-Anness IV(A) taħt (a), it-test tad-dettal 3 huwa mibdul b'dan li ġej: "— ix-xahar u s-sena tas-siġillar espressi hekk: "issiġillat …" (ix-xahar u s-sena), jew — ix-xahar u s-sena ta' l-aħħar teħid uffiċjali tal-kampjuni għall-iskopijiet taċ-ċertifikazzjoni espressi hekk: "il-kampjun ittieħed …" (ix-xahar u s-sena)." 5. Fl-Anness IV(A) taħt (b), it-test tad-dettal 4 huwa mibdul b'dan li ġej: "— ix-xahar u s-sena tas-siġillar espressi hekk: "issiġillat …" (ix-xahar u s-sena)." Artikolu 7 Id-Direttiva tal-Kunsill 70/458/KEE tad-29 ta' Settembru 1970 dwar il-kummerċ taż-żerriegħa tal-ħxejjex [14], kif l-aħħar emendata bid-Direttiva 78/55/KEE, għandha tkun emendata kif ġej: 1. Li ġej għandu jkun mibdul għall-Artikolu 25(1): "1. L-Istati Membri għandhom jeħtieġu li l-pakketti taż-żerriegħa bażika u ċċertifikata, li mhumiex magħmula f'forma tal-pakketti żgħar tal-KEE, ikunu ssiġillati uffiċjalment jew taħt is-superviżjoni uffiċjali b'tali mod li ma jkunux jistgħu jinfetħu mingħajr ma ssir ħsara lis-sistema tas-siġillar jew iħallu evidenza li jkun sar tbabis jew fuq it-tikketta uffiċjali li hemm provvediment dwarha fl-Artikolu 26(1) jew fuq il-pakkett. Sabiex jassiguraw is-siġillar, is-sistema tas-siġillar għandha tinkludi mill-anqas jew it-tikketta msemmija hawn fuq jew it-tqegħid ta' siġill uffiċjali. Il-miżuri li hemm provvediment dwarhom fit-tieni subparagrafu ma jkunux meħtieġa meta s-sistema tas-siġillar li ma tistax terġa' tintuża, tkun użata. Bi qbil mal-proċedura elenkata fl-Artikolu 40 jista' jkun stabbilit jekk is-sistema partikulari tas-siġillar tkunx taderixxi mad-disposizzjonijiet ta' dan il-paragrafu." 2. Fl-ewwel sentenza ta' l-Artikolu 25(2), il-kliem "jew taħt is-superviżjoni uffiċjali" għandhom jiddaħħlu wara "uffiċjali". 3. L-Artikolu 25(3) għandu jkun mibdul b'dan li ġej: "3. L-Istati Membri għandhom jeħtieġu li l-pakketti taż-żerriegħa komuni u l-pakketti żgħar tal-kategorija taż-żerriegħa ċċertifikata jkunu magħluqa b'tali mod li ma jistgħux jinfetħu mingħajr ma ssir ħsara lis-sistema ta' l-għeluq jew mingħajr ma jħallu evidenza li jkun sar tbabis jew fuq it-tikketta kif hemm provvediment dwarha fl-Artikolu 26(3) jew fuq il-pakkett. Ħlief fil-każ ta' pakketti żgħar, għandhom ikollhom ukoll ċomba jew mezz ekwivalenti ta' siġill imwaħħal mill-persuna responsabbli li twaħħal it-tikketti. Bi qbil mal-proċedura elenkata fl-Artikolu 40 jista' jkun stabbilit jekk sistema partikulari ta' l-għeluq tkunx taderixxi mad-disposizzjonijiet ta' dan il-paragrafu. Fil-każ ta' pakketti żgħar tal-kategorija taż-żerriegħa ċċertifikata, il-pakketti ma jkunux issiġillati f'waħda jew aktar okkażjonijiet għajr taħt is-superviżjoni uffiċjali." 4. Il-paragrafu li ġej għandu jkun miżjud ma' l-Artikolu 25: "4. L-Istati Membri jistgħu jipprovdu għal derogi mill-paragrafi 1 u 2 fil-każ ta' pakketti żgħar taż-żerriegħa bażika." 5. Fl-Artikolu 30(3)(c), il-partikolaritajiet li ġejjin għandhom jiżdiedu wara l-inċiż "numru ta' referenza tal-lott" : "— ix-xahar u s-sena tas-siġillar, jew — ix-xahar u s-sena ta' l-aħħar teħid uffiċjali tal-kampjuni għall-iskopijiet taċ-ċertifikazzjoni." 6. L-Anness IV(A)(a) għandu jkun mibdul b'dan li ġej: "1. Ir-regoli u n-normi tal-KEE. 2. L-awtorità taċ-ċertifikazzjoni u l-Istat Membru jew l-inizjali tagħhom. 3. Ix-xahar u s-sena tas-siġillar espressi hekk: "issiġillat …" (ix-xahar u s-sena), jew ix-xahar u s-sena ta' l-aħħar teħid uffiċjali tal-kampjuni għall-iskopijiet taċ-ċertifikazzjoni espressi hekk: "il-kampjun ittieħed …" (ix-xahar u s-sena). 4. In-numru tar-referenza tal-lott. 5. L-ispeċi. 6. Il-varjetà. 7. Il-kategorija. 8. Il-pajjiż tal-produzzjoni. 9. Il-piż nett jew gross iddikjarat jew in-numru ddikjarat taż-żerriegħa. 10. Meta l-piż huwa indikat u l-pestiċidi f'boċċi, sostanzi f'għamla granulata jew adittivi solidi oħra huma użati, in-natura ta' l-adittiv u wkoll ir-relattività approssimattiva bejn il-piż tal-ġemgħat jew taż-żerriegħa pura u l-piż totali. 11. Meta mill-inqas ġelbin ikun reġa' kien ittestjat, il-kliem "ittestjat mill-ġdid …" (ix-xahar u s-sena) jistgħu jkunu indikati." 7. L-Anness IV(B) (a) għandu jkun mibdul b'dan li ġej: "1. Ir-regoli u n-normi tal-KEE. 2. L-isem u l-indirizz tal-persuna responsabbli li twaħħal it-tikketti jew il-marka ta' l-identifikazzjoni tagħha. 3. Is-sena tal-kummerċ tas-siġillar u ta' l-aħħar eżaminazzjoni tal-ġelbin. It-tmiem tas-sena tal-kummerċ tista' tkun indikata. 4. L-ispeċi. 5. Il-varjetà. 6. Il-kategorija: fil-każ tal-pakketti żgħar, iż-żerriegħa ċċertifikata tista' tkun immarkata bl-ittra "C" jew "Z" u ż-żerriegħa komuni bl-ittri "ST". 7. In-numru tar-referenza mogħti mill-persuna responsabbli li twaħħal it-tikketti — fil-każ taż-żerriegħa komuni. 8. In-numru tar-referenza li jippermetti l-lott iċċertifikat li jkun identifikat — fil-każ taż-żerriegħa ċċertifikata. 9. Il-piż nett jew gross iddikjarat jew in-numru ddikjarat taż-żerriegħa, ħlief għall-pakketti żgħar sa 500 gramma. 10. Meta l-piż huwa indikat u l-pestiċidi f'boċċi, sostanzi f'għamla granulata jew adittivi solidi oħra huma użati, in-natura ta' l-adittiv u wkoll ir-relattività approssimattiva bejn il-piż tal-ġemgħat jew taż-żerriegħa pura u l-piż totali." Artikolu 8 L-Istati Membri għandhom iġibu fis-seħħ il-liġijiet, ir-regolamenti u d-disposizzjonijiet amministrattivi meħtieġa biex ikunu konformi ma': - l-Artikoli 1 sa 4, 6 u 7 fil-jew qabel l-1 ta' Lulju 1977, u - d-disposizzjonijiet l-oħra kollha ta' din id-Direttiva fil-jew qabel l-1 ta' Lulju 1979. Artikolu 9 Din id-Direttiva hija indirizzata lill-Istati Membri. Magħmula fi Brussel, 25 ta' Lulju 1978. Għall-Kunsill Il-President H.J. Rohr [1] ĠU C 183, ta’ l-1.8.1977, pġ. 64. [2] ĠU C 180, tat-28.7.1977, pġ. 29. [3] ĠU 125, tal- 11.7.1966, pġ. 2290/66. [4] ĠU L 16, ta’ l-20.1.1978, pġ. 23. [5] ĠU 125, tal- 11.7.1966, pġ. 2298/66. [6] ĠU L 113, tal-25.5.1978, pġ. 1. [7] ĠU 125, tal- 11.7.1966, pġ. 2309/66. [8] ĠU L 113, tal-25.4.1978, pġ. 13. [9] ĠU 125, tal- 11.7.1966, pġ. 2320/66. [10] ĠU L 261, ta’ l-14.10.1977, pġ. 21. [11] ĠU L 93, tas-17.4.1968, pġ. 15. [12] ĠU L 169, ta’ l-10.7.1969, pġ. 3. [13] ĠU L 113, tal-25.4.1978, pġ. 20. [14] ĠU L 225, tat-12.10.1970, pġ. 7. --------------------------------------------------