This document is an excerpt from the EUR-Lex website
Document 32023R1334
Commission Implementing Regulation (EU) 2023/1334 of 29 June 2023 concerning the renewal of the authorisation of copper chelate of hydroxy analogue of methionine as a feed additive for all animal species and repealing Regulation (EU) No 349/2010 (Text with EEA relevance)
Regolament ta’ Implimentazzjoni tal-Kummissjoni (UE) 2023/1334 tad-29 ta’ Ġunju 2023 dwar it-tiġdid tal-awtorizzazzjoni tal-kelat tar-ram tal-analogu idrossilat tal-metijonina bħala addittiv tal-għalf għall-ispeċijiet kollha tal-annimali, u li jħassar ir-Regolament (UE) Nru 349/2010 (Test b’rilevanza għaż-ŻEE)
Regolament ta’ Implimentazzjoni tal-Kummissjoni (UE) 2023/1334 tad-29 ta’ Ġunju 2023 dwar it-tiġdid tal-awtorizzazzjoni tal-kelat tar-ram tal-analogu idrossilat tal-metijonina bħala addittiv tal-għalf għall-ispeċijiet kollha tal-annimali, u li jħassar ir-Regolament (UE) Nru 349/2010 (Test b’rilevanza għaż-ŻEE)
C/2023/4286
ĠU L 166, 30.6.2023, p. 111–115
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
30.6.2023 |
MT |
Il-Ġurnal Uffiċjali tal-Unjoni Ewropea |
L 166/111 |
REGOLAMENT TA’ IMPLIMENTAZZJONI TAL-KUMMISSJONI (UE) 2023/1334
tad-29 ta’ Ġunju 2023
dwar it-tiġdid tal-awtorizzazzjoni tal-kelat tar-ram tal-analogu idrossilat tal-metijonina bħala addittiv tal-għalf għall-ispeċijiet kollha tal-annimali, u li jħassar ir-Regolament (UE) Nru 349/2010
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,
Billi:
(1) |
Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali u r-raġunijiet u l-proċeduri għall-għoti u għat-tiġdid ta’ tali awtorizzazzjoni. |
(2) |
Il-preparat tal-kelat tar-ram tal-analogu idrossilat tal-metijonina ġie awtorizzat għal perjodu ta’ 10 snin bħala addittiv tal-għalf għall-ispeċijiet kollha tal-annimali bir-Regolament tal-Kummissjoni (UE) Nru 349/2010 (2). |
(3) |
Tressqet applikazzjoni, f’konformità mal-Artikolu 14(1) tar-Regolament (KE) Nru 1831/2003, għat-tiġdid tal-awtorizzazzjoni tal-kelat tar-ram tal-analogu idrossilat tal-metijonina bħala addittiv tal-għalf għall-ispeċijiet kollha tal-annimali, bit-talba li l-addittiv jiġi kklassifikat fil-kategorija “addittivi nutrittivi” u fil-grupp funzjonali “komposti ta’ mikroelementi”. L-applikazzjoni inkludiet proposta biex jiġu emendati l-kundizzjonijiet tal-awtorizzazzjoni attwali, li tikkonsisti fit-tneħħija taż-żejt minerali mill-addittiv, li għalhekk għandu jitqies bħala sustanza u mhux preparat. Barra minn hekk, il-kontenut minimu tar-ram fl-addittiv ġie kemxejn modifikat. Ma’ din l-applikazzjoni ntbagħtu d-dettalji u d-dokumenti meħtieġa skont l-Artikolu 14(2) ta’ dak ir-Regolament. |
(4) |
Fl-opinjoni tagħha tal-5 ta’ Mejju 2021 (3), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li l-applikant ipprovda evidenza li l-addittiv, fil-kompożizzjoni l-ġdida tiegħu, għadu sikur għall-ispeċijiet kollha tal-annimali, għall-konsumaturi u għall-ambjent skont il-kundizzjonijiet tal-użu awtorizzati bħalissa. Ikkonkludiet ukoll li l-addittiv huwa meqjus bħala irritant tal-ġilda u tal-għajnejn u sensitizzatur tal-ġilda, filwaqt li r-riskju ta’ sensitizzazzjoni respiratorja huwa meqjus baxx. L-Awtorità ddikjarat li l-modifika proposta tal-kundizzjonijiet tal-awtorizzazzjoni oriġinali ma għandhiex impatt fuq l-effikaċja tal-addittiv. Fl-aħħar nett, ma qisitx li hemm ħtieġa għal rekwiżiti speċifiċi ta’ sorveljanza wara t-tqegħid fis-suq. |
(5) |
F’konformità mal-Artikolu 5(4), il-punt (c), tar-Regolament tal-Kummissjoni (KE) Nru 378/2005 (4), il-Laboratorju ta’ Referenza stabbilit bir-Regolament (KE) Nru 1831/2003 qies li l-konklużjonijiet u r-rakkomandazzjonijiet milħuqa fil-valutazzjoni preċedenti huma validi u applikabbli għall-applikazzjoni attwali. |
(6) |
Il-valutazzjoni tal-kelat tar-ram tal-analogu idrossilat tal-metijonina turi li l-kundizzjonijiet għall-awtorizzazzjoni, kif stipulati fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, jenħtieġ li l-awtorizzazzjoni ta’ dak l-addittiv tiġġedded. Barra minn hekk, il-Kummissjoni hija tal-fehma li jenħtieġ li jittieħdu miżuri protettivi xierqa sabiex jiġu evitati effetti avversi fuq is-saħħa tal-utenti tal-addittiv. |
(7) |
B’konsegwenza tat-tiġdid tal-awtorizzazzjoni tal-kelat tar-ram tal-analogu idrossilat tal-metijonina bħala addittiv tal-għalf, jenħtieġ li jitħassar ir-Regolament (UE) Nru 349/2010. |
(8) |
Billi r-raġunijiet ta’ sikurezza ma jeħtiġux l-applikazzjoni immedjata tal-modifiki fil-kundizzjonijiet tal-awtorizzazzjoni tal-kelat tar-ram tal-analogu idrossilat tal-metijonina, jixraq li jiġi previst perjodu ta’ tranżizzjoni biex il-partijiet interessati jħejju ruħhom biex jissodisfaw ir-rekwiżiti l-ġodda li jirriżultaw mit-tiġdid tal-awtorizzazzjoni, fir-rigward tal-kompożizzjoni tal-addittiv, li issa huwa magħmul minn sustanza, u l-modifika derivata tan-numru ta’ identifikazzjoni tal-addittiv. |
(9) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Tiġdid tal-awtorizzazzjoni
L-awtorizzazzjoni tas-sustanza speċifikata fl-Anness, li taqa’ fil-kategorija tal-addittivi “addittivi nutrittivi” u fil-grupp funzjonali “komposti ta’ mikroelementi”, hija mġedda, soġġett għall-kundizzjonijiet stabbiliti f’dak l-Anness.
Artikolu 2
Tħassir
Ir-Regolament (UE) Nru 349/2010 jitħassar.
Artikolu 3
Miżuri tranżizzjonali
1. L-addittiv speċifikat fl-Anness u t-taħlitiet lesti minn qabel li jkun fihom dak l-addittiv, li jkunu ġew prodotti u ttikkettati qabel l-20 ta’ Jannar 2024 f’konformità mar-regoli applikabbli qabel l-20 ta’ Lulju 2023 jistgħu jibqgħu jiġu introdotti fis-suq u jintużaw sakemm jispiċċaw l-istokkijiet eżistenti.
2. L-għalf kompost u l-materjali tal-għalf li fihom l-addittiv speċifikat fl-Anness, li jiġu prodotti u ttikkettati qabel l-20 ta’ Lulju 2024 f’konformità mar-regoli applikabbli qabel l-20 ta’ Lulju 2023 jistgħu jibqgħu jiġu introdotti fis-suq u jintużaw sakemm jispiċċaw l-istokkijiet eżistenti jekk ikunu maħsuba għall-annimali li jipproduċu l-ikel.
3. L-għalf kompost u l-materjali tal-għalf li fihom l-addittiv speċifikat fl-Anness, li jiġu prodotti u ttikkettati qabel l-20 ta’ Lulju 2025 f’konformità mar-regoli applikabbli qabel l-20 ta’ Lulju 2023 jistgħu jibqgħu jiġu introdotti fis-suq u jintużaw sakemm jispiċċaw l-istokkijiet eżistenti jekk ikunu maħsuba għall-annimali li ma jipproduċux l-ikel.
Artikolu 4
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-29 ta’ Ġunju 2023.
Għall-Kummissjoni
Il-President
Ursula VON DER LEYEN
(1) ĠU L 268, 18.10.2003, p. 29.
(2) Ir-Regolament tal-Kummissjoni (UE) Nru 349/2010 tat-23 ta’ April 2010 dwar l-awtorizzazzjoni tal-kelat tar-ram tal-analogu idrossilat tal-metjonina bħala addittiv għall-ispeċijiet kollha tal-annimali (ĠU L 104, 24.4.2010, p. 31).
(3) EFSA Journal 2021;19(5):6618.
(4) Ir-Regolament tal-Kummissjoni (KE) Nru 378/2005 tal-4 ta’ Marzu 2005 regoli dettaljati għall-implimentazzjoni tar-Regolament (KE) Nru 1831/2003 tal-Parlament Ewropew u tal-Kunsill dwar id-dmirijiet u l-ħidmiet tal-Laboratorju ta’ Referenza Komunitarju fil-kuntest tal-applikazzjoni għall-awtorizzazzjoni għall-użu ta’ addittivi fl-għalf tal-annimali (ĠU L 59, 5.3.2005, p. 8).
ANNESS
Numru ta’ identifikazzjoni tal-addittiv |
Addittiv |
Kompożizzjoni, formula kimika, deskrizzjoni, metodu analitiku |
Speċi jew kategorija tal-annimal |
Età massima |
Kontenut minimu |
Kontenut massimu |
Dispożizzjonijiet oħra |
Tmiem il-perjodu ta’ awtorizzazzjoni |
||||||||||||||||||
Kontenut tal-element (Cu) f’mg/kg ta’ għalf komplet b’kontenut ta’ ndewwa ta’ 12 % |
||||||||||||||||||||||||||
Kategorija ta’ addittivi nutrittivi. Grupp funzjonali: komposti ta’ mikroelementi |
||||||||||||||||||||||||||
3b410i |
Kelat tar-ram tal-analogu idrossilat tal-metijonina |
Kompożizzjoni tal-addittiv Kelat tar-ram tal-analogu idrossilat tal-metijonina li fih minimu ta’ 16 % ram u minimu ta’ 78 % aċidu (2-idrossi-4-metiltijo) butanojku Kontenut massimu ta’ nikil: 20 ppm. Għamla solida |
L-ispeċijiet kollha tal-annimali |
- |
- |
Bovini:
Ovini: (total ta’) 15. Kaprini: (total ta’) 35 Qżieqeż:
Krustaċji: (total ta’) 50. Annimali oħrajn: (total ta’) 25. |
|
l-20 ta’ Lulju 2033 |
||||||||||||||||||
Karatterizzazzjoni tas-sustanzi attivi Formula kimika: bis(-2-idrossi-4-metiltijo)butanoat tar-ram: Cu(CH3S(CH2)2-CH(OH)-COO)2 CAS: 292140-30-8 |
||||||||||||||||||||||||||
Metodi analitiċi (1) Għall-kwantifikazzjoni tal-kontenut ta’ analogu idrossilat tal-metijonina fl-addittiv tal-għalf: trimetrija, titrazzjoni potenzjometrika wara r-reazzjoni tal-ossidoriduzzjoni. Għall-kwantifikazzjoni tat-total tar-ram fl-addittiv tal-għalf:
Għall-kwantifikazzjoni tat-total tar-ram fit-taħlitiet lesti minn qabel:
Għall-kwantifikazzjoni tat-total tar-ram fl-għalf kompost:
|
(1) Id-dettalji tal-metodi analitiċi huma disponibbli fl-indirizz tal-Laboratorju ta’ Referenza li ġej: https://ec.europa.eu/jrc/en/eurl/feed-additives/evaluation-reports