Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32022D0635

    Deċiżjoni tal-Kunsill (PESK) 2022/635 tat-13 ta’ April 2022 li temenda d-Deċiżjoni (PESK) 2017/1869dwar il-Missjoni ta’ Konsulenza tal-Unjoni Ewropeab’appoġġ għar-Riforma tas-Settur tas-Sigurtà fl-Iraq(EUAM Iraq)

    ST/6709/2022/INIT

    ĠU L 117, 19.4.2022, p. 32–33 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/dec/2022/635/oj

    19.4.2022   

    MT

    Il-Ġurnal Uffiċjali tal-Unjoni Ewropea

    L 117/32

    DEĊIŻJONI TAL-KUNSILL (PESK) 2022/635

    tat-13 ta’ April 2022

    li temenda d-Deċiżjoni (PESK) 2017/1869dwar il-Missjoni ta’ Konsulenza tal-Unjoni Ewropeab’appoġġ għar-Riforma tas-Settur tas-Sigurtà fl-Iraq(EUAM Iraq)

    IL-KUNSILL TAL-UNJONI EWROPEA,

    Wara li kkunsidra t-Trattat dwar l-Unjoni Ewropea, u b’mod partikolari l-Artikolu 42(4) u l-Artikolu 43(2) tiegħu,

    Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,

    Billi:

    (1)

    Fis-16 ta’ Ottubru 2017, il-Kunsill adotta d-Deċiżjoni (PESK) 2017/1869 (1), li tistabbilixxi Missjoni ta’ Konsulenza tal-Unjoni Ewropea b’appoġġ għar-Riforma tas-Settur tas-Sigurtà fl-Iraq (EUAM Iraq).

    (2)

    Fis-7 ta’ April 2020, il-Kunsill adotta d-Deċiżjoni (PESK) 2020/513 (2), li temenda l-mandat tal-EUAM Iraq u li testendih sat-30 ta’ April 2022.

    (3)

    Wara r-Rieżami Strateġiku tal-EUAM Iraq, il-Kumitat Politiku u ta’ Sigurtà (KPS) irrakkomanda li l-mandat tal-EUAM Iraq jiġi emendat u estiż sat-30 ta’ April 2024.

    (4)

    Għalhekk, jenħtieġ li d-Deċiżjoni (PESK) 2017/1869 tiġi emendata skont dan.

    (5)

    L-EUAM Iraq ser titmexxa fil-kuntest ta’ sitwazzjoni li tista’ tiddeterjora u li tista’ timpedixxi l-kisba tal-objettivi tal-azzjoni esterna tal-Unjoni kif stabbilit fl-Artikolu 21 tat-Trattat dwar l-Unjoni Ewropea,

    ADOTTA DIN ID-DEĊIŻJONI:

    Artikolu 1

    Id-Deċiżjoni (PESK) 2017/1869 hija emendata kif ġej:

    (1)

    l-Artikolu 2 huwa sostitwit b’dan li ġej:

    “Artikolu 2

    Objettivi

    L-objettivi strateġiċi tal-EUAM Iraq għandhom ikunu li:

    (1)

    tipprovdi pariri strateġiċi u għarfien espert lill-awtoritajiet Iraqin dwar l-aspetti ċivili tar-Riformi tas-Settur tas-Sigurtà, inkluż l-Istrateġija ta’ Sigurtà Nazzjonali, l-istrateġiji nazzjonali assoċjati u prijoritajiet oħra ta’ sigurtà nazzjonali;

    (2)

    tanalizza, tivvaluta u tidentifika opportunitajiet għal impenn ulterjuri min-naħa tal-Unjoni fil-livelli nazzjonali, reġjonali u provinċjali b’appoġġ għall-ħtiġijiet tar-Riforma tas-Settur tas-Sigurtà ċivili;

    (3)

    flimkien mad-Delegazzjoni tal-Unjoni, tinforma u tiffaċilita l-appoġġ tal-Unjoni u l-Istati Membri għall-ippjanar u l-implimentazzjoni fil-qasam tar-Riforma tas-Settur tas-Sigurtà ċivili, biex tiġi żgurata koerenza fl-azzjoni tal-Unjoni.”;

    (2)

    fl-Artikolu 14(1),, jiżdied dan li ġej wara t-tielet sentenza:

    “L-ammont ta’ referenza finanzjarja maħsub biex ikopri n-nefqa relatata mal-EUAM Iraq għall-perijodu mill-1 ta’ Mejju 2022 sat-30 ta’ April 2024 għandu jkun ta’ EUR 70 056 766,51 ”;

    (3)

    fl-Artikolu 17, it-tieni sentenza hija sostitwita b’dan li ġej:

    “Għandha tapplika sat-30 ta’ April 2024.”.

    Artikolu 2

    Din id-Deċiżjoni għandha tidħol fis-seħħ fid-data tal-adozzjoni tagħha.

    Magħmul fi Brussell, it-13 ta’ April 2022.

    Għall-Kunsill

    Il-President

    J.-Y. LE DRIAN

    (1)  Id-Deċiżjoni tal-Kunsill (PESK) 2017/1869 tas-16 ta’ Ottubru 2017 dwar il-Missjoni ta’ Konsulenza tal-Unjoni Ewropea b’appoġġ għar-Riforma tas-Settur tas-Sigurtà fl-Iraq (EUAM Iraq) (ĠU L 266, 17.10.2017, p. 12).

    (2)  Id-Deċiżjoni tal-Kunsill (PESK) 2020/513 tas-7 ta’ April 2020 li temenda d-Deċiżjoni (PESK) 2017/1869 dwar il-Missjoni ta’ Konsulenza tal-Unjoni Ewropea b’appoġġ għar-Riforma tas-Settur tas-Sigurtà fl-Iraq (EUAM Iraq) (ĠU L 113, 8.4.2020, p. 38).

    Top