32019D0136

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Deċiżjoni - 2019/136 - EN - EUR-Lex

Help

Search tips

Need more search options? Use the Advanced search

Document 32019D0136

Deċiżjoni tal-Kunsill (UE) 2019/136 tat-28 ta' Jannar 2019 dwar il-pożizzjoni li għandha tittieħed f'isem l-Unjoni Ewropea fil-Grupp ta' Ħidma dwar l-Inbid stabbilit mill-Ftehim bejn l-Unjoni Ewropea u l-Ġappun għal Sħubija Ekonomika fir-rigward tal-formoli li jridu jintużaw bħala ċertifikati għall-importazzjoni fl-Unjoni Ewropea ta' prodotti tal-inbid li joriġinaw mill-Ġappun u l-modalitajiet li jikkonċernaw l-awtoċertifikazzjoni

ST/15724/2018/INIT

ĠU L 25, 29.1.2019, p. 25–33 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/dec/2019/136/oj

HTML

PDF

Official Journal

29.1.2019

Il-Ġurnal Uffiċjali tal-Unjoni Ewropea

L 25/25

DEĊIŻJONI TAL-KUNSILL (UE) 2019/136

tat-28 ta' Jannar 2019

dwar il-pożizzjoni li għandha tittieħed f'isem l-Unjoni Ewropea fil-Grupp ta' Ħidma dwar l-Inbid stabbilit mill-Ftehim bejn l-Unjoni Ewropea u l-Ġappun għal Sħubija Ekonomika fir-rigward tal-formoli li jridu jintużaw bħala ċertifikati għall-importazzjoni fl-Unjoni Ewropea ta' prodotti tal-inbid li joriġinaw mill-Ġappun u l-modalitajiet li jikkonċernaw l-awtoċertifikazzjoni

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-ewwel subparagrafu tal-Artikolu 207(4), flimkien mal-Artikolu 218(9) tiegħu,

Wara li kkunsidra l-proposta mill-Kummissjoni Ewropea,

Billi:

(1)	Il-Ftehim bejn l-Unjoni Ewropea u l-Ġappun għal Sħubija Ekonomika (1) (“il-Ftehim”) ġie konkluż mill-Unjoni permezz tad-Deċiżjoni tal-Kunsill (UE) 2018/1907 (2). Din tidħol fis-seħħ fl-1 ta' Frar 2019.

(2)

Skont il-paragrafu 1 tal-Artikolu 2.28 tal-Ftehim, ċertifikat awtentikat f'konformità mal-liġijiet u r-regolamenti tal-Ġappun, inkluż awtoċertifikat stabbilit minn produttur awtorizzat mill-awtorità kompetenti tal-Ġappun, huwa biżżejjed bħala dokumentazzjoni li sservi ta' evidenza li r-rekwiżiti għall-importazzjoni u l-bejgħ fl-Unjoni ta' prodotti tal-inbid li joriġinaw fil-Ġappun imsemmija fl-Artikolu 2.25, 2.26 jew 2.27 tal-Ftehim ġew issodisfati.

(3)	Skont il-paragrafu 2 tal-Artikolu 2.28 tal-Ftehim, il-Grupp ta' Ħidma dwar l-Inbid għandu, permezz ta' deċiżjoni, jadotta l-modalitajiet għall-implimentazzjoni tal-paragrafu 1 ta' dak l-Artikolu, u b'mod partikolari l-formoli li jridu jintużaw, u l-informazzjoni li trid titniżżel fiċ-ċertifikat.

(4)	Is-subparagrafu 2(a) tal-Artikolu 2.35 tal-Ftehim jipprevedi li l-Grupp ta' Ħidma dwar l-Inbid għandu jadotta l-modalitajiet li jikkonċernaw l-awtoċertifikazzjoni.

(5)	Skont il-paragrafu 3 tal-Artikolu 2.35 tal-Ftehim, il-Grupp ta' Ħidma dwar l-Inbid għandu jiltaqa' għall-ewwel darba dakinhar tad-dħul fis-seħħ tal-Ftehim.

(6)

Il-Grupp ta' Ħidma dwar l-Inbid, waqt l-ewwel laqgħa tiegħu fl-1 ta' Frar 2019 għandu jadotta d-deċiżjoni dwar il-formoli li jridu jintużaw bħala ċertifikati għall-importazzjoni fl-Unjoni ta' prodotti tal-inbid li joriġinaw mill-Ġappun u dwar il-modalitajiet dwar l-awtoċertifikazzjoni sabiex isseħħ l-implimentazzjoni b'mod effettiv tal-Ftehim u biex b'hekk l-importazzjoni ta' prodotti tal-inbid li joriġinaw mill-Ġappun tiġi ssimplifikata. Il-formoli previsti, u l-modalitajiet previsti li jikkonċernaw l-awtoċertifikazzjoni, huma konsistenti mal-politiki tal-Unjoni dwar l-iffaċilitar tal-kummerċ u l-kooperazzjoni dwar il-prevenzjoni ta' frodi ma' pajjiżi terzi li kkonkludew ftehimiet mal-Unjoni.

(7)	Huwa xieraq li tiġi stabbilita l-pożizzjoni li għandha tittieħed f'isem l-Unjoni fil-Grupp ta' Ħidma dwar l-Inbid.

(8)	Il-pożizzjoni tal-Unjoni fil-Grupp ta' Ħidma dwar l-Inbid jenħtieġ għalhekk li tkun ibbażata fuq l-abbozz tad-Deċiżjoni mehmuż,

ADOTTA DIN ID-DEĊIŻJONI:

Artikolu 1

Il-pożizzjoni li għandha tittieħed f'isem l-Unjoni fil-Grupp ta' Ħidma dwar l-Inbid fl-ewwel laqgħa tiegħu għandha tkun ibbażata fuq l-abbozz tad-Deċiżjoni mehmuż ma' din id-Deċiżjoni.

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha.

Magħmul fi Brussell, it-28 ta' Jannar 2019.

Għall-Kunsill

Il-President

P. DAEA

(1) Id-Deċiżjoni tal-Kunsill (UE) 2018/1907 tal-20 ta' Diċembru 2018 dwar il-konklużjoni tal-Ftehim bejn l-Unjoni Ewropea u l-Ġappun għal Sħubija Ekonomika (ĠU L 330, 27.12.2018, p. 1).

(2) ĠU L 330, 27.12.2018, p. 3.

ABBOZZ

DEĊIŻJONI Nru 1/2019 TAL-GRUPP TA' ĦIDMA DWAR L-INBID UE-ĠAPPUN

ta'….

dwar l-adozzjoni tal-formoli li għandhom jintużaw bħala ċertifikati għall-importazzjoni fl-Unjoni Ewropea ta' prodotti tal-inbid li joriġinaw mill-Ġappun u l-modalitajiet li jikkonċernaw l-awtoċertifikazzjoni

IL-GRUPP TA' ĦIDMA DWAR L-INBID,

Wara li kkunsidra l-Ftehim bejn l-Unjoni Ewropea u l-Ġappun għal Sħubija Ekonomika, u b'mod partikolari l-Artikoli 2.28 u 2.35 tiegħu,

Billi:

(1)	Il-Ftehim bejn l-Unjoni Ewropea u l-Ġappun għal Sħubija Ekonomika (“il-Ftehim”) jidħol fis-seħħ fl-1 ta' Frar 2019.

(2)	L-Artikolu 22.4 tal-Ftehim jistabbilixxi Grupp ta' Ħidma dwar l-Inbid, li, inter alia, huwa responsabbli mill-implimentazzjoni u t-tħaddim effettivi tat-Taqsima C u tal-Anness 2-E tal-Ftehim.

(3)

Skont il-paragrafu 1 tal-Artikolu 2.28 tal-Ftehim, ċertifikat awtentikat skont il-liġijiet u r-regolamenti tal-Ġappun, inkluż awtoċertifikat stabbilit minn produttur awtorizzat mill-awtorità kompetenti tal-Ġappun, huwa biżżejjed bħala dokumentazzjoni li sservi ta' evidenza li r-rekwiżiti għall-importazzjoni u l-bejgħ fl-Unjoni Ewropea ta' prodotti tal-inbid li joriġinaw mill-Ġappun imsemmija fl-Artikolu 2.25, 2.26 jew 2.27 tal-Ftehim ġew issodisfati.

(4)	Skont is-subparagrafu 2(a) tal-Artikolu 2.28 tal-Ftehim, il-formoli li għandhom jintużaw għaċ-ċertifikati u l-informazzjoni li għandha titniżżel fuq iċ-ċertifikati għandhom jiġu adottati b'deċiżjoni tal-Grupp ta' Ħidma dwar l-Inbid stabbilit skont l-Artikolu 22.4 tal-Ftehim.

(5)	Skont is-subparagrafu 2(a) tal-Artikolu 2.35 tal-Ftehim, il-modalitajiet li jikkonċernaw l-awtoċertifikazzjoni għandhom jiġu adottati mill-Grupp ta' Ħidma dwar l-Inbid,

ADOTTA DIN ID-DEĊIŻJONI:

Artikolu 1

1. Il-formola li għandha tintuża għaċ-ċertifikati awtentikati b'konformità mal-liġijiet u mar-regolamenti tal-Ġappun tinstab fl-Anness I għal din id-Deċiżjoni.

2. Il-formola li għandha tintuża għall-awtoċertifikati stabbiliti mill-produtturi awtorizzati mill-awtorità kompetenti tal-Ġappun tinstab fl-Anness II għal din id-Deċiżjoni.

3. Il-modalitajiet li jikkonċernaw l-awtoċertifikazzjoni mill-produtturi awtorizzati mill-awtorità kompetenti tal-Ġappun jinstabu fl-Anness III għal din id-Deċiżjoni.

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha.

Għall-Grupp ta' Ħidma dwar l-Inbid

[…]

ANNESS I

Test ta 'immaġni

MUDELL TA’ ĊERTIFIKAT MAĦRUĠ MIN-NATIONAL RESEARCH INSTITUTE OF BREWING [NRIB - L-ISTITUT NAZZJONALI TA’ RIĊERKA DWAR IL-PRODUZZJONI TAL-BIRRA] GĦALL-IMPORTAZZJONI FL-UE TA’ PRODOTTI TAL-INBID LI JORIĠINAWMILL-ĠAPPUN (1)

1. L-Esportatur (L-isem sħiħ u l-indirizz)

Il-pajjiż terz tal-ħruġ: IL-ĠAPPUN

VI 1 issemplifikat Numru tas-Serje (2):

DOKUMENT GĦALL-IMPORTAZZJONI TAL-INBID, TAL-MERAQ TAL-GĦENEB JEW TAL-MOST TAL-GĦENEB FL-UNJONI EWROPEA

2. Id-destinatarju (l-isem u l-indirizz)

3. It-timbru tad-dwana (għall-użu uffiċjali tal-UE biss)

4. Il-mezzi tat-trasport u d-dettalji tat-trasport (3)

5. Il-post tal-ħatt (jekk differenti minn 2)

6. Id-deskrizzjoni tal-prodott importat (4)

7. Il-kwantità fi l/hl/kg

2. Id-destinatarju (l-isem u l-indirizz)

8. L-għadd ta’ kontenituri (5)

9. Ċertifikat

L-isem u l-indirizz tal-produttur:

L-isem u l-indirizz sħaħ tal-korp kompetenti: Il-post u d-data:

L-Istitut Nazzjonali ta’ Riċerka dwar il-Produzzjoni tal-Birra

taħt is-sorveljanza tal-Ministeru tal-Finanzi tal-Ġappun

3-7-1, Kagamiyama, Higashihiroshima, Hiroshima, il-Ġappun

It-timbru tal-awtorità kompetenti:

Il-firma, l-isem u t-titlu tal-uffiċjal tal-korp kompetenti:

(1) Skont l-Artikolu 2.28 tal-Ftehim bejn l-Unjoni Ewropea u l-Ġappun għal Sħubija Ekonomika

(2) Dan huwa n-numru tat-traċċabilità tal-lott allokat mill-NRIB.

(3) Indika: it-trasport li ntuża għall-konsenja lejn il-punt tad-dħul fl-UE; speċifika l-mezz tat-trasport (bil-baħar, bl-ajru, eċċ.), indika isem il-bastiment, eċċ.

(4) Indika l-informazzjoni li ġejja:

— Id-deżinjazzjoni tal-bejgħ kif tidher fuq it-tikketta (bħalma huma l-isem tal-produttur, ir-reġjun tal-produzzjoni tal-inbid, il-marka kummerċjali, eċċ.);

— Isem il-pajjiż tal-oriġini: [indika “Il-Ġappun”];

— Isem l-IĠ, jekk rilevanti;

— Il-qawwa alkoħolika proprja skont il-volum

— Il-kulur tal-prodott (indika “aħmar”, “rożè”, “roża” jew “abjad” biss);

— Il-kodiċi tan-Nomenklatura Magħquda (il-kodiċi NM).

(5) Kontenitur ifisser reċipjent għall-inbid li jkun jesa’’ inqas minn 60 litru. L-għadd ta’ kontenituri jista’ jkun l-għadd ta’ fliexken.

Test ta 'immaġni

ANNESS II

Test ta 'immaġni

IL-MUDELL TAL-AWTOĊERTIFIKAT GĦALL-IMPORTAZZJONI FL-UNJONI EWROPEA TA’ PRODOTTI TAL-INBID LI JORIĠINAW MILL-ĠAPPUN (1)

1. L-Esportatur (Isem u indirizz sħaħ)

Il-pajjiż terz tal-ħruġ: IL-ĠAPPUN

VI 1 issemplifikat In-Numru tas-Serje (2):

DOKUMENT GĦALL-IMPORTAZZJONI TAL-INBID, TAL-MERAQ TAL-GĦENEB JEW TAL-MOST TAL-GĦENEB FL-UNJONI EWROPEA

2. Id-destinatarju (l-isem u l-indirizz)

3. It-timbru tad-dwana (għall-użu uffiċjali tal-UE biss)

4. Il-mezzi tat-trasport u d-dettalji tat-trasport (3)

5. Il-post tal-ħatt (jekk differenti minn 2)

6. Id-deskrizzjoni tal-prodott importat (4)

7. Il-kwantità fi l/hl/kg

8. L-għadd ta’ kontenituri (5)

9. Ċertifikat

“Il-prodott deskritt hawn fuq huwa maħsub għall-konsum dirett mill-bniedem u huwa konformi mad-definizzjonijiet u l-prattiki enoloġiċi awtorizzati fit-Taqsima C tal-Kapitolu 2 tal-Ftehim bejn l-Unjoni Ewropea u l-Ġappun għal Sħubija Ekonomika. Ġie prodott minn produttur li ġie awtorizzat individwalment mill-Aġenzija tat-Taxxa Nazzjonali tal-Ġappun għall-produzzjoni ta’ inbid u mill-Istitut Nazzjonali ta’ Riċerka dwar il-produzzjoni tal-Birra (NRIB - the National Research Institute of Brewing) għall-awtoċertifikazzjoni. Il-produttur huwa soġġett għall-ispezzjoni u għas-sorveljanza mill-NRIB.”

L-isem, l-indirizz u n-numru tar-reġistrazzjoni/tal-awtorizzazzjoni tal-produttur awtorizzat:

L-isem u l-indirizz sħaħ tal-korp kompetenti: Il-post u d-data:

L-Istitut Nazzjonali ta’ Riċerka dwar il-Produzzjoni tal-Birra

taħt is-sorveljanza tal-Ministeru tal-Finanzi tal-Ġappun

3-7-1, Kagamiyama, Higashihiroshima, Hiroshima, il-Ġappun

It-timbru tal-produttur awtorizzat: Il-firma tal-produttur awtorizzat:

(1) Skont l-Artikolu 2.28 tal-Ftehim ta’ bejn l-Unjoni Ewropea u l-Ġappun għal Sħubija Ekonomika.

(2) Dan huwa n-numru tat-traċċabilità tal-lott allokat mill-Istitut Nazzjonali tar-Riċerka dwar il-Produzzjoni tal-Birra (NRIB).

(3) Indika: it-trasport li ntuża għall-konsenja lejn il-punt tad-dħul fl-UE; speċifika l-mezz tat-trasport (bil-baħar, bl-ajru, eċċ.), indika isem il-bastiment, eċċ.

(4) Indika l-informazzjoni li ġejja:

— Id-deżinjazzjoni tal-bejgħ kif tidher fuq it-tikketta (bħalma huma l-isem tal-produttur, ir-reġjun tal-produzzjoni tal-inbid, il-marka kummerċjali, eċċ.);

— Isem il-pajjiż tal-oriġini: [indika “Il-Ġappun”];

— Isem l-IĠ, jekk rilevanti;

— Il-qawwa alkoħolika proprja skont il-volum

— Il-kulur tal-prodott (indika “aħmar”, “rożè”, “roża” jew “abjad” biss);

— Il-kodiċi tan-Nomenklatura Magħquda (il-kodiċi NM).

(5) Kontenitur ifisser reċipjent għall-inbid li jkun jesa’’ inqas minn 60 litru. L-għadd ta’ kontenituri jista’ jkun l-għadd ta’ fliexken.

Test ta 'immaġni

ANNESS III

Il-Modalitajiet li jikkonċernaw l-Awtoċertifikazzjoni

L-Istitut Nazzjonali ta' Riċerka dwar il-Produzzjoni tal-Birra, taħt is-sorveljanza tal-Ministeru tal-Finanzi tal-Ġappun,

(a)	jaħtar individwalment lill-produtturi awtorizzati fil-Ġappun biex ifasslu l-awtoċertifikati msemmija fl-Artikolu 2.28 tal-Ftehim bejn l-Unjoni Ewropea u l-Ġappun għal Sħubija Ekonomika;

(b)	jissorvelja u jispezzjona l-produtturi awtorizzati; u

(c)

jinnotifika lill-Unjoni Ewropea:

—	darbtejn fis-sena, fix-xhur ta' Jannar u Lulju, l-ismijiet u l-indirizzi tal-produtturi awtorizzati, flimkien man-numri ta' reġistrazzjoni uffiċjali tagħhom; u

—	mingħajr dewmien, b'kull modifika tal-ismijiet u tal-indirizzi tal-produtturi awtorizzati jew bl-irtirar ta' kwalunkwe wieħed minnhom.

L-Unjoni Ewropea tippubblika u taġġorna mingħajr dewmien l-ismijiet u l-indirizzi tal-produtturi awtorizzati fil-lista intitolata “Il-korpi kompetenti tal-pajjiżi terzi, il-laboratorji maħtura u l-produtturi u l-proċessuri tal-inbid awtorizzati għat-tfassil tad-dokumenti VI-1 għall-importazzjoni tal-inbid fl-UE” li hija disponibbli fis-sit web uffiċjali tal-Kummissjoni Ewropea:

ec.europa.eu/agriculture/sites/agriculture/files/wine/lists/06.pdf

Top

Choose the experimental features you want to try