Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32018D1143

Deċiżjoni ta' Implimentazzjoni tal-Kummissjoni (UE) 2018/1143 tal-10 ta' Awwissu 2018 li temenda d-Deċiżjonijiet 92/260/KEE u 93/197/KEE fir-rigward tal-ittestjar għall-arterite virali ekwina (notifikata bid-dokument C(2018) 5071) (Test b'rilevanza għaż-ŻEE.)

C/2018/5071

ĠU L 207, 16.8.2018, p. 58–64 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document No longer in force, Date of end of validity: 30/09/2018; Impliċitament imħassar minn 32018R0659

ELI: http://data.europa.eu/eli/dec_impl/2018/1143/oj

16.8.2018   

MT

Il-Ġurnal Uffiċjali tal-Unjoni Ewropea

L 207/58

DEĊIŻJONI TA' IMPLIMENTAZZJONI TAL-KUMMISSJONI (UE) 2018/1143

tal-10 ta' Awwissu 2018

li temenda d-Deċiżjonijiet 92/260/KEE u 93/197/KEE fir-rigward tal-ittestjar għall-arterite virali ekwina

(notifikata bid-dokument C(2018) 5071)

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 2009/156/KE tat-30 ta' Novembru 2009 dwar kundizzjonijiet tas-saħħa tal-annimali li jirregolaw il-moviment u l-importazzjoni minn pajjiżi terzi ta' ekwidi (1), u b'mod partikolari l-punt (a) u l-ewwel subparagrafu tal-punt (b)(ii) tal-Artikolu 15, l-Artikolu 16(2) u l-frażi introduttorja u l-punt (b) tal-Artikolu 19 tagħha,

Billi:

(1)

Id-Direttiva 2009/156/KE tistabbilixxi l-kundizzjonijiet tas-saħħa tal-annimali għall-importazzjoni fl-Unjoni ta' ekwidi ħajjin. Hi tagħti s-setgħa lill-Kummissjoni biex tistabbilixxi, fost affarijiet oħra, il-kundizzjonijiet speċjali għad-dħul temporanju tal-ekwidi rreġistrati u għall-importazzjoni tal-ekwidi fl-Unjoni.

(2)

Id-Deċiżjoni tal-Kummissjoni 92/260/KEE (2) tipprevedi li l-Istati Membri jridu jawtorizzaw id-dħul temporanju fl-Unjoni ta' żwiemel irreġistrati li jikkonformaw mal-kundizzjonijiet tas-saħħa tal-annimali u mar-rekwiżiti taċ-ċertifikazzjoni veterinarja stabbiliti, fost l-oħrajn fl-Anness II (A) sa (E) tagħha.

(3)

Id-Deċiżjoni tal-Kummissjoni 93/197/KEE (3) tipprevedi li l-Istati Membri jridu jawtorizzaw l-importazzjonijiet fl-Unjoni ta' ekwidi rreġistrati u ta' ekwidi għat-tnissil u l-produzzjoni li jikkonformaw mal-kundizzjonijiet tas-saħħa tal-annimali u mar-rekwiżiti taċ-ċertifikazzjoni veterinarja stabbiliti, fost l-oħrajn fl-Anness II (A) sa (E) tagħha.

(4)

Jekk ikunu ġejjin minn pajjiż terz li fih kienet irrappurtata uffiċjalment l-arterite virali ekwina matul l-aħħar sitt xhur qabel ma ntbagħtu lejn l-Unjoni, l-ekwidi maskili mhux kastrati jistgħu jiġu introdotti fl-Unjoni biss wara li jkunu ġew ittestjati b'riżultat negattiv għall-arterite virali ekwina jew wara li jkunu ġew imlaqqma u mlaqqma mill-ġdid b'mod regolari kontra din il-marda.

(5)

Barra mir-rekwiżiti tal-Unjoni għall-ittestjar jew għat-tilqim tal-ekwidi maskili mhux kastrati maħsuba biex jiddaħħlu fl-Unjoni, il-Kapitolu 12.9 tal-Kodiċi tas-Saħħa tal-Annimali Terrestri (“il-Kodiċi”) tal-Organizzazzjoni Dinjija għas-Saħħa tal-Annimali (OIE), l-Edizzjoni 2017 (4), fih rakkomandazzjoni dwar l-ittestjar tal-ekwidi maskili mhux kastrati għall-arterite virali ekwina.

(6)

Fejn ma jkunx jista' jinkiseb kampjun tas-semen biex ekwid maskili mhux kastrat seropożittiv jiġi ttestjat u ma jkunx jista' jiġi ċċertifikat li tlaqqam b'mod kontintwu, it-tgħammir b'test tal-ekwid maskili ma' żewġ debbiet seronegattivi kif deskritt fil-punt 4(a) tal-Artikolu 12.9.2 tal-Kodiċi jkun protokoll alternattiv xieraq biex jiġi żgurat li dawk l-ekwidi maskili mhux kastrati ma jittrażmettux il-virus tal-arterite ekwina fis-semen tagħhom.

(7)

Minħabba li l-iskarsezza fil-provvista tat-tilqim kontra l-arterite virali ekwina, huwa neċessarju li jkun ipprovdut protokoll tal-ittestjar għall-arterite virali ekwina b'konformità mar-rakkomandazzjonijiet tal-OIE u li ċ-ċertifikati tas-saħħa jiġu emendati kif stipulat fl-Anness II (A) sa (E) tad-Deċiżjonijiet 92/260/KEE u 93/197/KEE skont dan.

(8)

Għalhekk jenħtieġ li d-Deċiżjonijiet 92/260/KEE u 93/197/KEE jiġu emendati skont dan.

(9)

Il-miżuri previsti f'din id-Deċiżjoni huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DIN ID-DEĊIŻJONI:

Artikolu 1

L-Anness II (A) sa (E) tad-Deċiżjoni 92/260/KEE huwa emendat skont l-Anness I ta' din id-Deċiżjoni.

Artikolu 2

L-Anness II (A) sa (E) tad-Deċiżjoni 93/197/KEE huwa emendat skont l-Anness II ta' din id-Deċiżjoni.

Artikolu 3

Din id-Deċiżjoni hija indirizzata lill-Istati Membri.

Magħmul fi Brussell, l-10 ta' Awwissu 2018.

Għall-Kummissjoni

Vytenis ANDRIUKAITIS

Membru tal-Kummissjoni

(1)  ĠU L 192, 23.7.2010, p. 1.

(2)  Id-Deċiżjoni tal-Kummissjoni 92/260/KEE tal-10 ta' April 1992 dwar kondizzjonijiet tas-saħħa ta' annimali u ċertifikazzjoni veterinarja għal dħul temporanju ta' żwiemel irreġistrati (ĠU L 130, 15.5.1992, p. 67).

(3)  Id-Deċiżjoni tal-Kummissjoni 93/197/KEE tal-5 ta' Frar 1993 fuq il-kondizzjonijiet tas-saħħa tal-annimali u ċertifikazzjoni tal-veterinarju għall-importazzjoni ta' annimali tar-razza tal-ekwidi rreġistrati għat-tnissil u produzzjoni (ĠU L 86, 6.4.1993, p. 16).

(4)  http://www.oie.int/index.php?id=169&L=0&htmfile=chapitre_eav.htm.

ANNESS I

Id-Deċiżjoni 92/260/KEE hija emendata kif ġej:

(1)

f'kull wieħed miċ-ċertifikati tas-saħħa fl-Anness II (A) sa (E), il-punt (e)(v) tat-Taqsima III huwa sostitwit b'dan li ġej:

“(3) (v)

 fil-każ ta' annimal maskili mhux kastrat li għandu iżjed minn 180 jum,

—

jew l-arterite virali ekwina ġiet uffiċjalment irreġistrata matul l-aħħar sitt xhur (3);

jew

—

l-annimal kien ittestjat b'kampjun tad-demm meħud fi żmien 21 jum qabel l-esportazzjoni fi … (5) b'test ta' newtralizzazzjoni tal-virus għall-arterite virali ekwina b'riżultat negattiv b'dilwizzjoni tas-seru ta' 1 f'4 (3);

jew

alikwota tal-isperma intiera tiegħu meħuda fi żmien 21 jum qabel l-esportazzjoni fi … (5) ġiet ittestjata b'test ta' iżolament tal-virus għall-arterite virali ekwina b'riżultat negattiv (3);

jew

l-annimal ġie soġġett għal test ta' iżolament tal-virus, għal reazzjoni katina bil-polimerażi (PCR) jew għal reazzjoni katina bil-polimerażi f'ħin reali b'riżultat negattiv fuq alikwota tal-isperma intiera tiegħu li nġabret wara li ġie meħud kampjun tad-demm ta' dak l-annimal fi … (5), fi żmien perjodu ta' sitt xhur qabel id-data tal-konsenja, u ġie ttestjat f'test tan-newtralizzazzjoni tal-virus għall-arterite virali ekwina b'riżultat pożittiv b'dilwizzjoni tas-seru ta' mill-inqas 1 f'4 (3);

jew

fi żmien perjodu ta' sitt xhur qabel id-data tal-konsenja, l-annimal ekwin maskili, li qabel kien irriżulta pożittiv għall-antikorpi kontra l-arterite virali ekwina jew li tlaqqam kontra l-arterite virali ekwina, kien:

(a)

mgħammar b'test, f'jumejn konsekuttivi, ma' mill-inqas żewġ debbiet miżmuma f'iżolament matul sebat ijiem qabel u sa mill-anqas 28 jum wara t-tgħammir b'test, li kienu soġġetti għal żewġ testijiet seroloġiċi għall-arterite virali ekwina b'riżultat negattiv b'dilwizzjoni tas-seru ta' 1 f'4, fuq kampjuni tad-demm miġbura meta sar it-tgħammir b'test u mill-inqas 28 jum wara t-tgħammir b'test, u

(b)

soġġett għal test tan-newtralizzazzjoni tal-virus għall-arterite virali ekwina mwettaq fuq kampjun tad-demm li ttieħed fi żmien 21 jum qabel id-data tal-konsenja fi … (5):

—

jew b'riżultat pożittiv b'dilwizzjoni tas-seru ta' mill-inqas 1 f'4 (3), jew

—

b'riżultat negattiv b'dilwizzjoni tas-seru ta' 1 f'4 (3);

jew

—

l-annimal tlaqqam fi … (5) kontra l-arterite virali ekwina taħt superviżjoni veterinarja uffiċjali b'vaċċin approvat mill-awtorità kompetenti, skont il-programmi għat-tilqim inizjali li ġejjin u reġa' tlaqqam f'intervalli regolari: (3)

Programmi għat-tilqim inizjali kontra l-arterite virali ekwina:

Struzzjoni : Aqta' l-programmi ta' tilqim li ma jgħoddux għall-annimal deskritt hawn fuq.

Ivverifika ċ-ċertifikazzjoni ta' sostenn dwar l-ittestjar qabel it-tilqim, meta jsir it-tilqim u t-tilqim mill-ġdid.

(a)

It-tilqim sar fil-jum li ttieħed il-kampjun tad-demm li sussegwentement irriżulta negattiv f'test ta' newtralizzazzjoni tal-virus b'dilwizzjoni tas-seru ta' 1 f'4 (3); jew

(b)

It-tilqim sar matul perjodu ta' iżolament ta' mhux aktar minn 15-il jum taħt superviżjoni veterinarja uffiċjali, li tibda fil-jum li ttieħed il-kampjun tad-demm li ġie ttestjat matul dak iż-żmien b'riżultat negattiv f'test ta' newtralizzazzjoni tal-virus b'dilwizzjoni tas-seru ta' 1 f'4 (3); jew

(c)

It-tilqim sar meta l-annimal kellu bejn 180 u 270 jum, matul perjodu ta' iżolament taħt superviżjoni veterinarja uffiċjali. Matul il-perjodu ta' iżolament, żewġ kampjuni tad-demm li ttieħdu b'intervall ta' mill-inqas għaxart ijiem bejniethom irriżultaw f'titru tal-antikorpi stabbli jew li kien qed jonqos f'test tan-newtralizzazzjoni tal-virus għall-arterite virali ekwina (3); jew

(d)

It-tilqim sar wara li l-annimal ġie soġġett għal test tan-newtralizzazzjoni tal-virus għall-arterite virali ekwina b'riżultat negattiv b'dilwizzjoni tas-seru ta' 1 f'4, li sar f'kampjun tad-demm li ttieħed mhux qabel sebat ijiem wara l-bidu ta' perjodu kontinwu ta' iżolament li jkun dam sa 21 jum wara t-tilqim (3); jew

(e)

It-tilqim sar fl-età ta' bejn 180 u 250 jum, wara li l-annimal ġie soġġett għal test tan-newtralizzazzjoni tal-virus għall-arterite virali ekwina li rritorna riżultat negattiv b'dilwizzjoni tas-seru ta' 1 f'4 jew li sar fl-istess jum mill-istess laboratorju b'titri stabbli jew li kienu qed jonqsu fuq żewġ kampjuni tad-demm li ttieħdu b'intervall ta' mill-inqas 14-il jum bejniethom (3);

jew

—

kwalunkwe rekwiżit għall-ittestjar għall-arterite virali ekwina jew għat-tilqim kontra l-arterite virali ekwina tneħħa mil-leġiżlazzjoni tal-Unjoni … (daħħal ir-referenza għall-att legali tal-Unjoni applikabbli) għar-raġuni li l-annimal qed jiddaħħal temporanjament fl-Unjoni biex jipparteċipa fl-avveniment ekwestri speċifikat f'dak l-att legali u li l-annimal qed jinżamm separat minn ekwidi oħrajn li mhumiex jipparteċipaw f'dan l-avveniment, u li kull attività ta' tnissil, inkluż il-ġbir tas-semen, hija pprojbita waqt ir-residenza temporanja fl-Unjoni (3);”;

(2)

f'kull wieħed miċ-ċertifikati tas-saħħa fl-Anness II (A), (B) u (D), in-nota 6 f'qiegħ il-paġna titħassar;

(3)

f'kull wieħed miċ-ċertifikati tas-saħħa fl-Anness II (C) u (E), in-nota 7 f'qiegħ il-paġna titħassar.

ANNESS II

Id-Deċiżjoni 93/197/KEE hija emendata kif ġej:

(1)

f'kull wieħed miċ-ċertifikati tas-saħħa fl-Anness II (A), (C), (D) u (E), il-punt (e)(v) tat-Taqsima III huwa sostitwit b'dan li ġej:

“(3) (v)

 fil-każ ta' annimal maskili mhux kastrat li għandu iżjed minn 180 jum,

—

jew l-arterite virali ekwina ma ġietx uffiċjalment irreġistrata matul l-aħħar sitt xhur (3);

jew

—

l-annimal kien ittestjat b'kampjun tad-demm meħud fi żmien 21 jum qabel l-esportazzjoni fi … (4) b'test ta' newtralizzazzjoni tal-virus għall-arterite virali ekwina b'riżultat negattiv b'dilwizzjoni tas-seru ta' 1 f'4 (3);

jew

alikwota tal-isperma intiera tiegħu meħuda fi żmien 21 jum qabel l-esportazzjoni fi … (4) ġiet ittestjata b'test ta' iżolament tal-virus għall-arterite virali ekwina b'riżultat negattiv (3);

jew

l-annimal ġie soġġett għal test ta' iżolament tal-virus, għal reazzjoni katina bil-polimerażi (PCR) jew għal reazzjoni katina bil-polimerażi f'ħin reali b'riżultat negattiv fuq alikwota tal-isperma intiera tiegħu li nġabret wara d-data ta' kampjun tad-demm ta' dak l-annimal meħud fi … (4), fi żmien perjodu ta' sitt xhur qabel id-data tal-konsenja, ġie ttestjat f'test tan-newtralizzazzjoni tal-virus għall-arterite virali ekwina b'riżultat pożittiv b'dilwizzjoni tas-seru ta' mill-inqas 1 f'4 (3);

jew

fi żmien perjodu ta' sitt xhur qabel id-data tal-konsenja, l-annimal ekwin maskili, li qabel kien irriżulta pożittiv għall-antikorpi kontra l-arterite virali ekwina jew li tlaqqam kontra l-arterite virali ekwina, kien:

(a)

mgħammar b'test, f'jumejn konsekuttivi, ma' mill-inqas żewġ debbiet miżmuma f'iżolament matul sebat ijiem qabel u sa mill-anqas 28 jum wara t-tgħammir b'test, li kienu soġġetti għal żewġ testijiet seroloġiċi għall-arterite virali ekwina b'riżultat negattiv b'dilwizzjoni tas-seru ta' 1 f'4, fuq kampjuni tad-demm miġbura meta sar it-tgħammir b'test u mill-inqas 28 jum wara t-tgħammir b'test, u

(b)

soġġett għal test tan-newtralizzazzjoni tal-virus għall-arterite virali ekwina mwettaq fuq kampjun tad-demm li ttieħed fi żmien 21 jum qabel id-data tal-konsenja fi … (4):

—

jew b'riżultat pożittiv b'dilwizzjoni tas-seru ta' mill-inqas 1 f'4 (3), jew

—

b'riżultat negattiv b'dilwizzjoni tas-seru ta' 1 f'4 (3);

jew

—

l-annimal tlaqqam fi … (4) kontra l-arterite virali ekwina taħt superviżjoni veterinarja uffiċjali b'vaċċin approvat mill-awtorità kompetenti, skont il-programmi għat-tilqim inizjali li ġejjin u reġa' tlaqqam f'intervalli regolari: (3)

Programmi għat-tilqim inizjali kontra l-arterite virali ekwina:

Struzzjoni : Aqta' l-programmi ta' tilqim li ma jgħoddux għall-annimal deskritt hawn fuq.

Ivverifika ċ-ċertifikazzjoni ta' sostenn dwar l-ittestjar qabel it-tilqim, meta jsir it-tilqim u t-tilqim mill-ġdid.

(a)

It-tilqim sar fil-jum li ttieħed il-kampjun tad-demm li sussegwentement irriżulta negattiv f'test ta' newtralizzazzjoni tal-virus b'dilwizzjoni tas-seru ta' 1 f'4 (3); jew

(b)

It-tilqim sar matul perjodu ta' iżolament ta' mhux aktar minn 15-il jum taħt superviżjoni veterinarja uffiċjali, li tibda fil-jum li ttieħed il-kampjun tad-demm li ġie ttestjat matul dak iż-żmien b'riżultat negattiv f'test ta' newtralizzazzjoni tal-virus b'dilwizzjoni tas-seru ta' 1 f'4 (3); jew

(c)

It-tilqim sar meta l-annimal kellu bejn 180 u 270 jum, matul perjodu ta' iżolament taħt superviżjoni veterinarja uffiċjali. Matul il-perjodu ta' iżolament, żewġ kampjuni tad-demm li ttieħdu b'intervall ta' mill-inqas għaxart ijiem bejniethom irriżultaw f'titru tal-antikorpi stabbli jew li kien qed jonqos f'test tan-newtralizzazzjoni tal-virus għall-arterite virali ekwina (3); jew

(d)

It-tilqim sar wara li l-annimal ġie soġġett għal test tan-newtralizzazzjoni tal-virus għall-arterite virali ekwina b'riżultat negattiv b'dilwizzjoni tas-seru ta' 1 f'4, li sar f'kampjun tad-demm li ttieħed mhux qabel sebat ijiem wara l-bidu ta' perjodu kontinwu ta' iżolament li jkun dam sa 21 jum wara t-tilqim (3); jew

(e)

It-tilqim sar fl-età ta' bejn 180 u 250 jum, wara li l-annimal ġie soġġett għal test tan-newtralizzazzjoni tal-virus għall-arterite virali ekwina b'riżultat negattiv b'dilwizzjoni tas-seru ta' 1 f'4, jew li sar fl-istess jum mill-istess laboratorju b'titri stabbli jew li kienu qed jonqsu fuq żewġ kampjuni tad-demm li ttieħdu b'intervall ta' mill-inqas 14-il jum bejniethom (3);”;

(2)

fiċ-ċertifikat tas-saħħa fl-Anness II (B), il-punt (e)(v) tat-Taqsima III huwa sostitwit b'dan li ġej:

“(2) (v)

 fil-każ ta' annimal maskili mhux kastrat li għandu iżjed minn 180 jum,

—

jew l-arterite virali ekwina ma ġietx uffiċjalment irreġistrata matul l-aħħar sitt xhur (2);

jew

—

l-annimal kien ittestjat b'kampjun tad-demm meħud fi żmien 21 jum qabel l-esportazzjoni fi … (4) b'test ta' newtralizzazzjoni tal-virus għall-arterite virali ekwina b'riżultat negattiv b'dilwizzjoni tas-seru ta' 1 f'4 (2);

jew

alikwota tal-isperma intiera tiegħu meħuda fi żmien 21 jum qabel l-esportazzjoni fi … (4) ġiet ittestjata b'test ta' iżolament tal-virus għall-arterite virali ekwina b'riżultat negattiv (2);

jew

l-annimal ġie soġġett għal test ta' iżolament tal-virus, għal reazzjoni katina bil-polimerażi (PCR) jew għal reazzjoni katina bil-polimerażi f'ħin reali b'riżultat negattiv fuq alikwota tal-isperma intiera tiegħu li nġabret wara d-data ta' kampjun tad-demm ta' dak l-annimal meħud fi … (4), fi żmien perjodu ta' sitt xhur qabel id-data tal-konsenja, ġie ttestjat f'test tan-newtralizzazzjoni tal-virus għall-arterite virali ekwina b'riżultat pożittiv b'dilwizzjoni tas-seru ta' mill-inqas 1 f'4 (2);

jew

fi żmien perjodu ta' sitt xhur qabel id-data tal-konsenja, l-annimal ekwin maskili, li qabel kien irriżulta pożittiv għall-antikorpi kontra l-arterite virali ekwina jew li tlaqqam kontra l-arterite virali ekwina, kien:

(a)

mgħammar b'test, f'jumejn konsekuttivi, ma' mill-inqas żewġ debbiet miżmuma f'iżolament matul sebat ijiem qabel u sa mill-anqas 28 jum wara t-tgħammir b'test, li kienu soġġetti għal żewġ testijiet seroloġiċi għall-arterite virali ekwina b'riżultat negattiv b'dilwizzjoni tas-seru ta' 1 f'4, fuq kampjuni tad-demm miġbura meta sar it-tgħammir b'test u mill-inqas 28 jum wara t-tgħammir b'test, u

(b)

soġġett għal test tan-newtralizzazzjoni tal-virus għall-arterite virali ekwina li sar fuq kampjun tad-demm li ttieħed fi żmien 21 jum qabel id-data tal-konsenja fi … (4):

—

jew b'riżultat pożittiv b'dilwizzjoni tas-seru ta' mill-inqas 1 f'4 (2), jew

—

b'riżultat negattiv b'dilwizzjoni tas-seru ta' 1 f'4 (2);

jew

—

l-annimal tlaqqam fi … (4) kontra l-arterite virali ekwina taħt superviżjoni veterinarja uffiċjali b'vaċċin approvat mill-awtorità kompetenti, skont il-programmi għat-tilqim inizjali li ġejjin u reġa' tlaqqam f'intervalli regolari: (2)

Programmi għat-tiqlim inizjali kontra l-arterite virali ekwina:

Struzzjoni : Aqta' l-programmi ta' tilqim li ma jgħoddux għall-annimal deskritt hawn fuq.

Ivverifika ċ-ċertifikazzjoni ta' sostenn dwar l-ittestjar qabel it-tilqim, meta jsir it-tilqim u t-tilqim mill-ġdid.

(a)

It-tilqim sar fil-jum li ttieħed il-kampjun tad-demm li sussegwentement irriżulta negattiv f'test ta' newtralizzazzjoni tal-virus b'dilwizzjoni tas-seru ta' 1 f'4 (2); jew

(b)

It-tilqim sar matul perjodu ta' iżolament ta' mhux aktar minn 15-il jum taħt superviżjoni veterinarja uffiċjali, li tibda fil-jum li ttieħed il-kampjun tad-demm li ġie ttestjat matul dak iż-żmien b'riżultat negattiv f'test ta' newtralizzazzjoni tal-virus b'dilwizzjoni tas-seru ta' 1 f'4 (2); jew

(c)

It-tilqim sar meta l-annimal kellu bejn 180 u 270 jum, matul perjodu ta' iżolament taħt superviżjoni veterinarja uffiċjali. Matul il-perjodu ta' iżolament, żewġ kampjuni tad-demm li ttieħdu b'intervall ta' mill-inqas għaxart ijiem bejniethom irriżultaw f'titru tal-antikorpi stabbli jew li kien qed jonqos f'test tan-newtralizzazzjoni tal-virus għall-arterite virali ekwina (2); jew

(d)

It-tilqim sar wara li l-annimal ġie soġġett għal test tan-newtralizzazzjoni tal-virus għall-arterite virali ekwina b'riżultat negattiv b'dilwizzjoni tas-seru ta' 1 f'4, li sar f'kampjun tad-demm li ttieħed mhux qabel sebat ijiem wara l-bidu ta' perjodu kontinwu ta' iżolament li jkun dam sa 21 jum wara t-tilqim (2); jew

(e)

It-tilqim sar fl-età ta' bejn 180 u 250 jum, wara li l-annimal ġie soġġett għal test tan-newtralizzazzjoni tal-virus għall-arterite virali ekwina li rritorna riżultat negattiv b'dilwizzjoni tas-seru ta' 1 f'4, jew li sar fl-istess jum mill-istess laboratorju b'titri stabbli jew li kienu qed jonqsu fuq żewġ kampjuni tad-demm li ttieħdu b'intervall ta' mill-inqas 14-il jum bejniethom (2);”.
Top