This document is an excerpt from the EUR-Lex website
Document 22016A1011(02)
Agreement in the form of an Exchange of Letters between the European Union and the Central African Republic on the status of the European Union CSDP Military Training Mission in the Central African Republic (EUTM RCA)
Ftehim fil-forma ta' Skambju ta' Ittri bejn l-Unjoni Ewropea u r-Repubblika Ċentru-Afrikana dwar l-istatus tal-Missjoni ta' Taħriġ Militari tal-PSDK tal-Unjoni Ewropea fir-Repubblika Ċentru-Afrikana (EUTM RCA)
Ftehim fil-forma ta' Skambju ta' Ittri bejn l-Unjoni Ewropea u r-Repubblika Ċentru-Afrikana dwar l-istatus tal-Missjoni ta' Taħriġ Militari tal-PSDK tal-Unjoni Ewropea fir-Repubblika Ċentru-Afrikana (EUTM RCA)
ĠU L 274, 11.10.2016, p. 33–34
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
Date of entry into force unknown (pending notification) or not yet in force.
|
11.10.2016 |
MT |
Il-Ġurnal Uffiċjali tal-Unjoni Ewropea |
L 274/33 |
FTEHIM
fil-forma ta' Skambju ta' Ittri bejn l-Unjoni Ewropea u r-Repubblika Ċentru-Afrikana dwar l-istatus tal-Missjoni ta' Taħriġ Militari tal-PSDK tal-Unjoni Ewropea fir-Repubblika Ċentru-Afrikana (EUTM RCA)
A. Ittra mill-Unjoni Ewropea
L-Eċċellenza Tiegħu l-Professur Faustin-Archange TOUADERA
President tar-Repubblika Ċentru-Afrikana
Bangui
Repubblika Ċentru-Afrikana
Brussell, it-12 ta' Lulju 2016
Sur President,
Fid-19 ta' April 2016, il-Kunsill adotta d-Deċiżjoni (PESK) 2016/610 li tistabbilixxi Missjoni ta' Taħriġ Militari tal-PSDK tal-Unjoni Ewropea fir-Repubblika Ċentru-Afrikana (EUTM RCA). Issa huwa meħtieġ li jiġi ddeterminat l-istatus tal-EUTM RCA u tal-persunal tagħha permezz ta' ftehim internazzjonali bejn pajjiżek u l-Unjoni Ewropea.
Permezz tal-ittra tiegħek tat-30 ta' Marzu 2016, inti ġentilment għażilt li tagħti unilateralment lill-EUTM RCA, b'mod partikolari, il-privileġġi u l-immunitajiet li kienu ngħataw, fil-kuntest tal-operazzjoni EUFOR Tchad/RCA, lill-forza tal-Unjoni Ewropea u lill-persunal tagħha permezz tal-ftehim internazzjonali konkluż bejn l-Unjoni Ewropea u r-Repubblika Ċentru-Afrikana fis-16 ta' April 2008.
Kif kienet ix-xewqa tiegħek u kif qbilna għall-EUFOR RCA u għall-EUMAM RCA, qed nipproponilek li d-dispożizzjonijiet kollha ta' dak il-Ftehim (l-Artikoli 1 sa 19) isiru applikabbli għall-EUTM RCA, bil-ftehim li:
|
— |
kull referenza għall-EUFOR fl-Artikoli msemmija titqies bħala referenza għall-EUTM RCA; |
|
— |
kull referenza għall-kmandant tal-operazzjoni militari tal-Unjoni Ewropea titqies bħala referenza għall-kmandant tal-missjoni EUTM RCA; |
|
— |
il-mezzi tat-trasport imsemmija fl-Artikoli 1(3)(a), 3(2) u 4(3) jitqiesu li jinkludu mhux biss il-mezzi tat-trasport tal-kontinġenti nazzjonali li jifformaw l-EUMAM RCA, iżda wkoll dawk mikrijin mill-EUMAM RCA; |
|
— |
ir-referenza għar-Riżoluzzjoni 1778(2007) tal-Kunsill tas-Sigurtà tan-Nazzjonijiet Uniti tal-25 ta' Settembru 2007 fl-Artikolu 1(3)(b) titqies bħala referenza għall-iskambju ta' ittri tagħna tad-29 u t-30 ta' Marzu 2016, kif ukoll għad-Deċiżjoni tal-Kunsill tal-Unjoni Ewropea (PESK) 2016/610 tad-19 ta' April 2016 li tistabbilixxi l-EUTM RCA. |
Inkun grat jekk jogħġbok tgħarrafni jekk dawn il-proposti humiex aċċettabbli għalik. Fil-każ ta' tweġiba pożittiva min-naħa tiegħek, din l-ittra, flimkien mat-tweġiba tiegħek, ikunu jikkostitwixxu ftehim internazzjonali legalment vinkolanti bejn ir-Repubblika Ċentru-Afrikana u l-Unjoni Ewropea dwar l-istatus tal-EUTM RCA, li jidħol fis-seħħ fid-data tar-riċezzjoni tal-ittra ta' tweġiba tiegħek.
Ippermettili nesprimi, Sur President, l-ikbar stima u rispett min-naħa tiegħi.
Għall-Unjoni Ewropea
Federica MOGHERINI
B. Ittra tar-Repubblika Ċentru-Afrikana
Is-Sinjura Federica MOGHERINI
Rappreżentant Għoli tal-Unjoni Ewropea għall-Affarijiet Barranin u l-Politika ta' Sigurtà
Bangui, il-21 ta' Lulju 2016
Sinjura Rappreżentant Għoli,
Nirringrazzjak tal-ittra tiegħek tat-12 ta' Lulju 2016 dwar l-EUTM RCA li tgħid dan li ġej:
“Fid-19 ta' April 2016, il-Kunsill adotta d-Deċiżjoni (PESK) 2016/610 li tistabbilixxi Missjoni ta' Taħriġ Militari tal-PSDK tal-Unjoni Ewropea fir-Repubblika Ċentru-Afrikana (EUTM RCA). Issa huwa meħtieġ li jiġi ddeterminat l-istatus tal-EUTM RCA u tal-persunal tagħha permezz ta' ftehim internazzjonali bejn pajjiżek u l-Unjoni Ewropea.
Permezz tal-ittra tiegħek tat-30 ta' Marzu 2016, inti ġentilment għażilt li tagħti unilateralment lill-EUTM RCA, b'mod partikolari, il-privileġġi u l-immunitajiet li kienu ngħataw, fil-kuntest tal-operazzjoni EUFOR Tchad/RCA, lill-forza tal-Unjoni Ewropea u lill-persunal tagħha permezz tal-ftehim internazzjonali konkluż bejn l-Unjoni Ewropea u r-Repubblika Ċentru-Afrikana fis-16 ta' April 2008.
Kif kienet ix-xewqa tiegħek u kif qbilna għall-EUFOR RCA u għall-EUMAM RCA, qed nipproponilek li d-dispożizzjonijiet kollha ta' dak il-Ftehim (l-Artikoli 1 sa 19) isiru applikabbli għall-EUTM RCA, bil-ftehim li:
|
— |
kull referenza għall-EUFOR fl-Artikoli msemmija titqies bħala referenza għall-EUTM RCA; |
|
— |
kull referenza għall-kmandant tal-operazzjoni militari tal-Unjoni Ewropea titqies bħala referenza għall-kmandant tal-missjoni EUTM RCA; |
|
— |
il-mezzi tat-trasport imsemmija fl-Artikoli 1(3)(a), 3(2) u 4(3) jitqiesu li jinkludu mhux biss il-mezzi tat-trasport tal-kontinġenti nazzjonali li jifformaw l-EUMAM RCA, iżda wkoll dawk mikrijin mill-EUMAM RCA; |
|
— |
ir-referenza għar-Riżoluzzjoni 1778(2007) tal-Kunsill tas-Sigurtà tan-Nazzjonijiet Uniti tal-25 ta' Settembru 2007 fl-Artikolu 1(3)(b) titqies bħala referenza għall-iskambju ta' ittri tagħna tad-29 u t-30 ta' Marzu 2016, kif ukoll għad-Deċiżjoni tal-Kunsill tal-Unjoni Ewropea (PESK) 2016/610 tad-19 ta' April 2016 li tistabbilixxi l-EUTM RCA. |
Inkun grat jekk jogħġbok tgħarrafni jekk dawn il-proposti humiex aċċettabbli għalik. Fil-każ ta' tweġiba pożittiva min-naħa tiegħek, din l-ittra, flimkien mat-tweġiba tiegħek, ikunu jikkostitwixxu ftehim internazzjonali legalment vinkolanti bejn ir-Repubblika Ċentru-Afrikana u l-Unjoni Ewropea dwar l-istatus tal-EUTM RCA, li jidħol fis-seħħ fid-data tar-riċezzjoni tal-ittra ta' tweġiba tiegħek.”
Għandi l-unur ngħarrfek li naqbel mat-termini ssuġġeriti fl-ittra tiegħek.
Ippermettili nesprimi l-ikbar stima min-naħa tiegħi.
Għar-Repubblika Ċentru-Afrikana
Pr. Faustin-Archange TOUADERA